#Bayonot

Ijtimoiy tarmoqlarda “Nurafshon-Food city” yoʻnalishida tirbandlik izohi bilan tarqalayotgan xabarlar boʻyicha munosabat

Bugungi kunda Toshkent viloyati hududidagi davlat ahamiyatidagi 4R2 “Toshkent shahri - Nurafshon shahri - A373” avtomobil yoʻlining 12-13 va 15-16 kilometrlarida (boʻlaklab) taʼmirlash ishlari olib borilmoqda. Shu sababli ushbu yoʻnalishda qisqa muddatli tirbandlik yuzaga kelgan.

Hozirda YPX inspektorlari tomonidan tirbandlik bartaraf etilib, harakat xavfsizligi nazoratga olingan.

🌐Telegram 🌐Website 🌐YouTube
🌐Instagram 🌐Facebook 🌐Twitter

#Bayonot

So‘nggi kunlarda ijtimoiy tarmoqlarda Toshkent viloyati hokimi Zoyir Toirovich Mirzayevning go‘yoki Telegram messenjeridagi shaxsiy kanali orqali ba’zi blogerlarning postlari tarqatilgani haqida turli soxta va asossiz ma’lumotlar tarqalmoqda.

Ma’lumot o‘rnida aytish lozimki, Zoyir Mirzayev o‘z xizmat faoliyati davomida Telegram messenjerida hech qanday shaxsiy kanalga ega bo‘lmagan va bunday kanal hozirda ham mavjud emas. Ayni paytda hokimning faqat Facebook platformasida o‘zi shaxsan nazorat qiladigan va fuqarolar bilan bevosita muloqot olib boradigan sahifasi mavjud, xolos.

Shu o‘rinda ta’kidlab o‘tamizki, ayni paytda Facebook platformasida Zoyir Mirzayev nomi bilan ochilgan o‘ndan ortiq, Instagramda esa beshtaga yaqin soxta (feyk) akkauntlar aniqlangan. Toshkent viloyati hokimligi bu akkaunt va sahifalar ma’murlariga ogohlantirish yubordi.

Shuningdek, telegramda Zoyir Mirzayev nomi ostida kanal yuritib kelayotgan Otabek Mirzayev va uni sheriklarining xatti-harakatlari ustidan sud-huquq idoralariga murojaat qilamiz.

Hurmatli ijtimoiy tarmoq foydalanuvchilari! Soxta manbalardagi ma’lumotlarga ishonmaslik va ularni tarqatmaslik sizning axborot xavfsizligingizni ta’minlashda muhim ahamiyat kasb etadi.

Toshkent viloyati hokimligi Axborot xizmati

✅Telegram 🌐Website 📹YouTube 🌐 Instagram✅Facebook 🕊Twitter