#Jinoyat_va_jazo

💥 "СПОРТИКЛАР" (Tesla наказание)
ЖИНОИЙ ГУРУҲИ ҚЎЛГА ОЛИНДИ

‼️ ДХХ Тошкент вилояти Бошқармаси ва вилоят ИИББ хамкорлигида криминоген вазиятни соғломлаштиришга қаратилган комплекс тадбирлар доирасида "Спортиклар" жиноий гуруҳ аъзолари қўлга олинди.

Унга кўра, 2026 йил 30 январь куни, жиноий гуруҳ етакчиси телеграм мессенжерида гиёҳвандлик моддалирининг ноқонуний савдоси билан шуғулланувчи канал орқали ўзига янги “заказ” олган яъни 500 АҚШ доллари эвазига 2006 й.т. фуқарони қўрқитиб, дўппослаб унга тан жароҳати етказган ҳолда, видеога олиб ташлаб бериши лозим бўлган.
У жабрланувчининг расми ва маълумотларини ҳамда у борадиган жойнинг локациясини қабул қилиб олган ҳамда жиноятни амалга ошириш учун ўзининг яқин шериклари муқаддам ЖКнинг 276-моддаси билан судланган 1990 й.т. шахс ва муқаддам ЖКнинг 277 моддаси билан судланган 1997 й.т., фуқароларни ҳам жалб қилган.
Шундан сўнг, жиноий гуруҳ локацияда кўрсатилган жой яъни, Ўртачирчиқ тумани, Бойқўрғон маҳалласи худудидаги дала майдони ёнида бориб кутишган ва соат 21:30 лар атрофида, жабрланувчи мазкур ҳудудга ташриф буюрган вақти, уни уриб дўппослаб, телефон аппаратини олиб қўйган. Ушбу ҳолатни эса уяли алоқа воситаси орқали видеотасвирга олишган.

👮‍♂️ Олиб борилган тезкор тадбирлар давомида, жиноий гуруҳнинг барча аъзолари қўлга олиниб, уларга нисбатан Ўзбекистон Республикаси ЖКнинг тегишли моддалари билан жиноят иши қўзғатилди.