#QulayMuhit

Nurafshon shahri markazida qurilish-ta’mirlash ishlari davom etmoqda

Nurafshon shahri markaziy shifoxonasi atrofida yo‘l va infratuzilma obyektlarini ta’mirlash hamda obodonlashtirish ishlari jadal sur’atlarda olib borilmoqda.

Shahar hokimi I.Klichxanov bunyodkorlik ishlari olib borilayotgan hududda bo‘lib, jarayon bilan yaqindan tanishdi. U mutasaddilar bilan ishlarning borishini ko‘zdan kechirib, yo‘l sifati va aholiga qulaylik yaratish bo‘yicha tegishli topshiriqlar berdi.

“Aholi uchun qulay va xavfsiz yo‘l sharoitlarini yaratish — bizning ustuvor vazifamizdir. Har bir ishga mas’uliyat bilan yondashish zarur,” — deya ta’kidladi shahar
hokimi.

Qurilish va obodonlashtirish ishlari natijasida markaziy shifoxona atrofi tobora yangilanib, zamonaviy qiyofa kasb etmoqda. Ushbu o‘zgarishlar aholiga yanada qulay, xavfsiz va shinam muhit yaratishga xizmat qiladi.

https://t.me/Nurafshonpressa