#Bayram_tabrigi #Qurbon_hayiti

Nurafshon shahar hokimi Klichxanov Ilhom Mahmudjonovichning shahar aholisiga bayram tabrigi

Hurmatli Nurafshon shahrimiz aholisi, aziz yurtdoshlar!

Avvalo, siz, azizlarni, yurtimizdagi barcha mo‘min-musulmonlarni, butun xalqimizni ezgulik va saxovat ramzi - muborak Qurbon hayiti – Iyd al-Adha bilan chin qalbimdan samimiy tabriklab, barchangizga o‘zimning chuqur ehtirom va ezgu tilaklarimni izhor etaman.

Ta'kidlash joizki, har bir mahalla, xonadonlardagi tinchlik va obodlik, aholimiz o'rtasidagi o'zaro hamjihatlik va bag'rikenglik muhitini mustahkamlashda Qurbon hayiti singari azaliy bayram va qadriyatlarimizning o'rni beqiyos.

Mana shu ulug' kunda shahrimizda joylashgan 3 ta masjidda ham Qurbon hayiti namozlari o'qilib, yurtimizga tinchlik-farovonlik, rizq-nasiba va xotirjamlik so'rab duolar qilindi.

Aziz hamshaharlar, Sizlarni, butun xalqimizni mamlakatimizda keng nishonlanayotgan muborak Qurbon hayiti bilan yana bir bor chin yurakdan qutlab, barchangizga sihat-salomatlik, baxt-u saodat, oilalaringizga xotirjamlik, fayz-u baraka tilayman.

Qurbon Hayitingiz muborak bo'lsin!

Nurafshon shahar hokimi
Klichxanov Ilhom Mahmudjonovich