#Urug'lik_paxta
#Zaxira

🗺Toshkent viloyatida 2026-yil hosili uchun 5072 tonna urug‘lik paxta jamg‘arildi

✅2026-yil chigit ekish mavsumiga puxta tayyorgarlik ko‘rish maqsadida Toshkent viloyatida jami 5072 tonna urug‘lik paxta tayyorlangan bo‘lib, uning asosiy qismini mahalliy navlar tashkil etadi. “S-8290”, “Sulton”, “S-6524”, “Namangan-77”, “Ravnaq-1”, “Ravnaq-2” kabi hudud sharoitiga mos navlar bo‘yicha jami 4546  tonna urug‘lik jamg‘arildi. Ushbu navlar istiqbolli hosildorlik, kasalliklarga nisbatan chidamlilik va qayta tiklanuvchanlik ko‘rsatkichlari bilan ajralib turadi.

➡️Alohida ta’kidlash joizki, 2026-yil uchun xorijiy navlar bo‘yicha ham yetarli zahira shakllantirildi. Xususan, yuqori hosildorligi bilan sinovlardan o‘tgan “Xin Lu Zao 78” hamda “Xin Lu Zhong-57” navlari bo‘yicha jami 526 tonna urug‘lik tayyorlandi. Mazkur navlar viloyatning ayrim hududlarida intensiv texnologiyalar bilan ekiladigan maydonlar uchun mo‘ljallangan.

✍️Nurafshon shahar hokimligi Axborot xizmati