#Kun_tartibi

Toshkent yo‘li ko‘chasi va "Nurafshon Business City"dagi qurilish ishlari tanqidiy muhokama qilindi

Nurafshon shahrida olib borilayotgan qurilish ishlari yuzasidan navbatdagi tanqidiy yig‘ilish bo‘lib o‘tdi. Viloyat hokimi Zoyir Mirzayev raisligida o‘tgan uchrashuvda, xususan, Toshkent yo‘li ko‘chasi va "Nurafshon Business City" hududidagi ko‘p qavatli uy-joylar qurilishi holati atroflicha muhokama qilindi.

Yig‘ilishda qurilish ishlarining sust kechayotgani, texnik nazoratning yetarli emasligi, ishchi kuchlari va moddiy resurslardan samarali foydalanilmayotgani kabi dolzarb muammolar ko‘tarildi. Har bir kamchilik yuzasidan aniq tahlil o‘tkazilib, mutasaddilarga aniq vazifalar yuklatildi.

Zoyir Mirzayev, ayniqsa, qurilayotgan uylar oldida bolalar uchun maydonchalar barpo etilishi va yashil hududlarni kengaytirish muhim ekanligini ta’kidladi. Yig‘ilishda 27 ta qurilish tashkiloti tomonidan taqdim etilgan infratuzilmani yaxshilashga qaratilgan loyihalari ko‘rib chiqildi. Quruvchilarning muammo va takliflari eshitildi.

Uchrashuv yakunida, barcha loyihalarni o‘z vaqtida va sifatli yakunlash uchun mas’ul tashkilotlar o‘rtasida hamkorlikni mustahkamlash, nazoratni kuchaytirish va ishlarni jadallashtirish bo‘yicha aniq ko‘rsatmalar berildi.

✅Telegram 🌐Website 📹YouTube 🌐 Instagram✅Facebook 🕊Twitter

#kun_tartibi

"Har bir xonadon Ramazon oyining fayzini, shukuhini his qilishi kerak" – viloyat hokimi mas'ullar oldiga aniq vazifalar qo‘ydi  

Viloyat hokimi Zoyir Mirzayev Ramazon oyini milliy an’ana va qadriyatlarga mos, fayzli va tartibli ruhda o‘tkazish masalalariga bag‘ishlangan yig‘ilish o‘tkazdi.

Unda viloyat hokimligi mutasaddilari, tuman va shahar hokimlari, boshqarma va tashkilotlar rahbarlari ishtirok etdi.

Ta’kidlanganidek, Prezident Shavkat Mirziyoyevning 2026-yil 16-fevralda qabul qilingan “Muborak Ramazon oyini munosib tarzda o‘tkazish to‘g‘risida”gi qarori ijrosini ta’minlash har bir rahbar va mutasaddining ustuvor vazifasi hisoblanadi.

Shundan kelib chiqib, yig‘ilishda ijtimoiy himoya reyestriga kiritilgan fuqarolar holidan muntazam xabar olish, chin yetim va haqiqiy muhtoj oilalarga bir martalik moddiy yordam ajratish, sog‘lig‘ida jiddiy muammolari bo‘lgan bemorlarga yuqori texnologik jarrohlik amaliyotlarini tashkil etishda amaliy ko‘mak ko‘rsatish, bozor va savdo majmualarida arzonlashtirilgan yarmarkalar faoliyati ustidan qat’iy nazorat o‘rnatish masalalari muhokama qilindi.

Shuningdek, muruvvat, saxovat va mehribonlik uylariga moddiy yordamlar ko‘rsatish, hududlarda taroveh namozlari o‘qiladigan masjidlarda xavfsizlik choralarini kuchaytirish, qabristonlarni obodonlashtirish va tartibga keltirish ishlarini jadallashtirish masalalariga alohida e’tibor qaratildi.

Yig‘ilishda “Ramazon — mehr-muruvvat, ahillik va shukronalik oyi” degan ezgu g‘oya asosida hududlarda chinakam ehtiyojmand oilalar xonadonida kamtaringina iftorlik dasturxonlarini tashkil etish, keksalar, qarovsiz nuroniylar holidan xabar olish zarurligi ham  qayd etildi.

Viloyat hokimi mutasaddilarga har bir mahalla, har bir xonadonda Ramazon oyining fayzi va barakasi sezilishi, ehtiyojmand oilalar e’tibordan chetda qolmasligi, tartib-intizom va xavfsizlik ta’minlanishi yuzasidan aniq topshiriqlar berdi.

Yig‘ilish yakunida belgilangan vazifalar ijrosini qat’iy nazoratga olish hamda har bir hudud kesimida manzilli ishlash zarurligi ta’kidlandi.

✅Telegram 🌐Website 📹YouTube✅Facebook 🕊Twitter

#kun_tartibi

Hokimlar hayratda — tashabbuskor yoshlar ijodiy va innovasion loyihalarini namoyish qilishdi

Haftaning payshanba sanasi — Yoshlar kuni munosabati bilan Toshkent viloyati hokimligida Zoyir Mirzayev boshchiligida yoshlarning startap va innovatsion g‘oyalariga bag‘ishlangan uchrashuv bo‘lib o‘tdi.

Kun tartibidagi asosiy mavzu yoshlar tomonidan ilgari surilayotgan istiqbolli loyihalarni tinglash, ularni qo‘llab-quvvatlash, amaliyotga tatbiq etish hamda tashabbuskor yoshlarni rag‘batlantirishga qaratildi.

Mazkur tadbirda barcha tuman va shahar hokimlari, bank tizimi vakillari, oliy ta’lim muassasalari rahbarlari hamda tegishli soha mutasaddilari ishtirok etdilar.

🌐Batafsil

✅Telegram 🌐Website 📹YouTube✅Facebook 🕊Twitter 🌐Instagram