Қабристон ерларини ҳам"UzAuto"га бериш ёки аукцион орқали сотиш керак.
Зўр навбат ва зўр даромад бўлади.

🇺🇿@Otabek

Ҳарбий қудрат индексида 118- ўринда бўлган Афғонистон қудратли армиялар рейтинггида 9-ўринда турган Покистон билан урушмоқчи (юқоридаги инфографикада икковини ҳарбий салоҳиятини солиштирганман)

Бу қўпол қилиб айтганда худди Терминатор билан Сатурн урушмоқчи бўлгандек гап.

Мусулмонлар қонини яҳудийлар тўкиши шарт эмас, мусулмонлар бир-бирини жон деб қириб ташлашга тайёр, тарихда ҳам буни кўп исботлашган.

Хитой қуроллари билан аввалроқ Ҳиндистонликларни Кришна худосини олдига равона қилишига сал қолган Покистон учун Афғонистонни енгиш бир пиёла илиқ чой ичишдек жўн иш аслида.
Аммо дунёга тинчлик керак, бири тугашга улгурмасидан бошқаси бошланаётгани ачинарли.

Икки мусулмон биродарлар бир-бири билан ёқалашар экан, яҳудий братлар поп-корн чайнаб тиржайиб турган бўлса не ажаб...

🇺🇿@Otabek

Ӯзбекистоннинг биринчи мудофаа вазири Рустам Ахмедов 82 ёшида вафот этибди.

У 1992-йилда, яъни мустақилликдан кейинги илк йилларда, Ислом Каримов фармони билан Ўзбекистон Республикаси Мудофаа вазири этиб тайинланган.
Аҳмедов Ўзбекистон Қуролли Кучларини нолдан ташкил этиш, яъни Совет Иттифоқидан қолган бўлинмаларни республика тасарруфига ўтказиш билан шуғулланган.

Унинг даврида Ўзбекистон Мудофаа вазирлиги тизими, ҳарбий қисмлар, ўқув марказлар ва генерал штаб тузилмалари шакллантирилди.
1994-йилда лавозимидан озод этилган.
Рустам Аҳмедов Ўзбекистон тарихида миллий армияни яратган авлоднинг биринчи вакили сифатида эсланади.
Унинг даврида Республика ҳудудида жойлашган совет ҳарбий қисмлари Ўзбекистон ихтиёрига ўтказилди.
Миллий кадрлар тайёрлаш сиёсати бошланди.
Ҳарбий Академия ва ҳарбий лицейлар учун асос яратилди.

1992-йил 14-январда Ўзбекистон Совет армиясидан қолган ҳарбий қисмлар устидан тўлиқ назоратни қўлга олган кун — ҳозирда “Ватан ҳимоячилари куни” сифатида нишонланади.
Бу айнан Рустам Аҳмедов раҳбарлик қилган даврда содир бўлган.

Хуллас ҳурматга лойиқ инсон бўлган🫡

🇺🇿@Otabek

Алвидо аллергия

Россиянинг ФМБА (Федерал тиббий-биологик агентлиги) ҳузуридаги Иммунология институти аллергияларга қарши вакцина ишлаб чиқаётганини расман эълон қилган.

Бу вакцина ҳозирча клиник синовларнинг 3-босқичида – яъни, у ҳали одамларда кенг миқёсда синовдан ўтказилмоқда.

Илгари ҳайвонларда ўтказилган синовларда ижобий натижалар кўрсатган — аллергик реакцияни камайтирган, иммун тизимни тўғри йўналтирган.

Ҳозирча бу вакцина қачон тўлиқ синов жараёнлари тугаб, оммавий сотувга чиқиш санаси аниқ эмас. Лекин бу аллергия олдида асрлар давомида ожиз қолган инсонлар учун жуда катта қадам.
Аллергиясиз яшаш завқини аллергияси бор одамлар билади...

🇺🇿@Otabek

Менимча янги моделдаги "COBALT" ва "DAMAS"ларни тутун чиқарадиган глушители мошинани олд томонида бўлса керак, чунки бошқа норм ўзгариш қилишмаган, қилишмайди ҳам...

🇺🇿@Otabek

Тармоқларда Алҳамдилуллаҳ, мошоллоҳ деб туриб қиморни реклама қилаётган рижолларни ҳижобини ечмай дуч келганга қоқтириб юрадиган баъзи кенайишкаларга ўхшатаман...

🇺🇿@Otabek

Тирик афсонага айланган курашчимиз Абдулла Тангриевнинг Белорусиядан ўзбекистонга таклиф қилинган полвони Иван Дубин айни вақтда Абдулла ака билан Сурхондарё курашларида қатнашиб юрибди.

Қизиқарли жиҳати ўзбек аудиторияси назарига тушиши билан бу полвоннинг видеоларини кўришлар сони кескин ошиб кетган.

У курашиб биринчи зот (қўй)ни ютиб олибди, ўзбек кураши анъаналарини бошқа миллат вакиллари ҳам ҳис қилаётгани ёқимли ҳис беради.
Курашимизга қўшаётган ҳиссаси учун Абдулла Тангриевга шахсан миннатдорчилик билдираман...

🇺🇿@Otabek

Тошкент шаҳрида учаскавой ўз хизмат уйида нарколаборатория ташкил этибди.
Бу ҳам СПИДни даволайдиган врач, ўзи СПИД тарқатиб юргандек гапда насинэмсин...

🇺🇿@Otabek

"Tomohawk" ракеталари учинчи жаҳон урушини бошлаб беради

Украина Россияга зарба бериш учун АҚШдан "Tomohawk" ракеталарини олмоқчи.
Бу ракеталар уруш тақдирини ҳал қилмаслигини ғарб ҳам Украина ҳам билади, чунки бу турдаги ракеталар АҚШ заҳирасида ҳам саноқли. Украинага 20-30 та шундай ракета берилса ҳам катта гап, афсуски бунча сонли ракета урушда жиддий устунлик бермайди, аммо у учинчи жаҳон уруши хавфини оширади.

Сабаби бу турдаги ракеталарни қуруқликдан учириш имконсиз шу сабаб бу ракеталарни Украина ҳудудидан учириш ҳам имконсиз. Қолаверса уни учирадиган инструктор ва керакли техникалар украинада йўқ, шундай экан бу ракеталар ғарбнинг денгиз кучлари томонидан учирилади, яъни ғарб бу билан бевосита Украина-Россия урушига қатнашган ҳисобланади.

Бу Россия учун урушга НАТО аралашуви деб баҳоланади ва НАТОга қарши уруш очишга етарли сабаб бўлади.
Оддий қилиб айтганда "Tomohawk"лар уруш тақдирини ўзгартира олмаслигини била туриб уни Россияга қарши қўллаш, очиқ-ойдин Ғарб ва НАТО учинчи жаҳон урушига қадам қўйишаётганини билдиради.

Томогавклардан кейин ядро уруши хавфи кескин ошади. Ана ундан кейин ракеталар ўрнига яна камон ва найзалар билан жанг қилишга тўғри келиши мумкин. Шундай экан ғарб украинага бу турдаги ракеталарни бериш (уни украина манфаати учун россияга учириши) бу бутун инсоният учун хавф.

Чунки уруш тақдирини ўзгартира олмайдиган қуролни учинчи жаҳон уруши хавфини ҳисобга олмай туриб фойдаланиш бу ғарб ядро урушига хайриҳоҳлигини билдиради.

Ишонаманки "Tomohawk"лар украинага берилмайди ва инсоният найза ва камонлар билан урушишга мажбур бўлмайди...

🇺🇿@Otabek

Фан олимпиада саволлари чиқиб кетгани айтилмоқда

Бизни одамлар ҳар қандай имтиёздан ўз манфаати йўлида фойдаланади, агар шаффофликни таъминлай олмасанглар бу каби олимпиадаларни тўхтатинглар, пули бор одам жавобларни сотиб олиб ўтиб кетаверса билимли ёшларни мотивацияси ўлади.

Ҳар бир фан олимпиадасида жавоблар тарқаб кетгани учун тизим масъулларини узоқ йилга қамаш керак, таълимга хиёнат келажакка ва юртга қилинган хиёнат деб баҳоланиши керак, агар буларни узоқ муддатга қамаб бошлашса ана кейин саволлар тарқамайди.

🇺🇿@Otabek

Силама табиб Трамп тоғога дам соляпти...

🇺🇿@Otabek

Мадагаскар армияси ҳокимиятни қўлга олибди.
Ковальский олға...

🇺🇿@Otabek

Фан олимпиадаси қайта ўтказиладими?

Ҳар йил шу бўлар такрор.
Олимпиада жавоблари тарқаб кетгани бўйича расмий муносабат беришибди.

РАСМИЙ МУНОСАБАТ

Ижтимоий тармоқларда математика фанидан Асосий олимпиаданинг туман (шаҳар) босқичи саволлари Республика бўйлаб ноқонуний тарзда тарқатилди.

Айни пайтда мазкур ҳолат юзасидан тегишли ўрганиш ишлари олиб борилмоқда.

Маълумот учун, ушбу олимпиада саволлари Фан олимпиадалари маркази томонидан тузилди, ҳар бир ҳудудда (ҳудудий бошқармаларда) марказлашган ҳолатда чоп этилмоқда.

Шу муносабат билан, ҳудудлардаги Мактабгача ва мактаб таълими бошқармаларида ташкил этилган штабларда саволлар чоп этиш жараёнида айрим ходимларнинг зиммасидаги вазифага масъулияцизлик билан ёндашгани, жараёнда адолатни таъминламагани оқибатида материаллар тарқалди.

Ҳозирда бу ҳолатга сабабчи шахслар аниқланмоқда ва улар амалдаги қонунчилик доирасида жавобгарликка тортилади.

Математика фанидан Асосий олимпиаданинг туман (шаҳар) босқичи ҳар бир синф кесимида (9-10-11-синф) қайта ўтказилишини маълум қиламиз.

Фан олимпиадалари маркази барча босқичларда жараёнларнинг шаффоф, адолатли ва холис ташкил этилишидан манфаатдордир.

Шу муносабат билан, агар Сизга:
➖ олимпиада саволлари ёки жавоблари пул эвазига таклиф этилса,
➖ жараёнларга таниш-билишчилик ёки ноқонуний таъсир кўрсатиш ҳолатлари бўлса, дарҳол Фан олимпиадалари марказнинг махсус боти ёки ушбу  (+998 71 207 05 24) телефон орқали хабар беришингизни сўраймиз.


Лекин қуруқ муносабат кайфиятни йиртади, аниқ чора қўлланилиши керак.
Олимпиадада бутун умр яхши ўқиган ўқувчидан 200 минг пулга жавобларни сотиб олган тупой кўпроқ балл тўплаб кетмаслиги керак.

Айбдорларга бериладиган жазо чоралари ҳақида хабар кутамиз...

🇺🇿@Otabek

Шаҳрисабздаги тунгги клуб экан.
Амир Темур тирилиб келса биринчи бизни қиличдан ўтказарди менимча...

🇺🇿@Otabek

Ҳечқиси йўқ Шаҳрисaбздаги иётсизлик учун буюк боболаримиз қилич кўтариб келсалар, бу видеони кўрсатиб "Мана бовожон сизларни даврингларда ҳам дискотекалар бўлғон унда ҳарам қизлари ялтирайтурғон трубаларға жилоланиб рақс тушғон экан, шундан андоза олдик" деймиз...

🇺🇿@Otabek

Тормози ишламайдиган ва бир норасидани умрига зомин бўлган автомашина самарқанддан Қаршигача қандай етиб келди?

Бир онахон мурожаат юбордилар, ўқиб юрагим эзилди рости;
Мурожаатни таҳрирсиз бераман:

"Якшанба 12-октябр куни соат 13.00 -14.00 оралиғида қизим 1 ёшли фарзанди билан яндекс таксида уйига қайтишаётган вақтида Дўстликни чорраҳасида автоаварияга учраган.

Кизчаси эндига 1ёшу 2ойлик булганди қизи вафот этди. Яндекс светафорни яшилида тўғри йўлдан ўтаётган бўлган. Ёнбошда қизилга тўхтамай бориб қизим ўтирган томонда яндексни урган машина Самарқанддан товуқ гўшти олиб келаётган экан юки ҳаддан ташқари кўп бўлган. Тормоз ишламаганмиш. Самарқанддан тормозсиз машинада келиб буладими? Бир гулдай болачани ўлимига сабабчи бўлганлар бизлани уйимизни куйдирганлар пулим куйиб кетмасин гўштни беринглар деб кеча стоянкада қамаб қўйилган машинадан сасиган гўштни олиб кетишган. Шаҳар бедарвозами?

Қизим билан якшанба кундан бери тез тиббий ёрдамни нейрохирургия бўлимидамиз. Қизимни ҳам соғлиги ҳам гулдай болагинасини йўқотиши унга жудалар азоб бераяпти. Душманимга ҳам раво кўрмайман бундай кунни. Қизимни уриб кетганларни Аллоҳимни ўзига топширганман. Қонун олдида ҳам жавоб бериши керак. Буни учун кимга қаерга мурожаат қилай?"

Масъуллар нима дейди?
Бу қотил ҳайдовчига қандай чора кўрилди?
Стоянкада ётиб сасиган товуқ гўшти қаерга овқат қилиш учун олиб кетилди?

🇺🇿@Otabek

Дискотекаларда очиқча фаҳш тарғибот қилинаётган жойлардаги мактабларда эркак директорлар аёл ўқитувчиларга жинсий алоқа таклиф қилишига нега ҳайрон бўласизлар?

Бу фақат мактабда эмас ҳамма соҳада бор, ё пулини бериб ишингни битирасан ёки 250 грам хом гўшт бериб...

🇺🇿@Otabek

Тошкент шаҳридаги "Туркистон" саройи биносининг томига темир конструкциядан ясалган Ўзбекистон Республикасининг Давлат байроғи ўрнатилган. Бугунги кунда ушбу темир конструкция занглаб байроқнинг ранглари ўчиб кетган. Юқоридагиларни инобатга олиб, Ўзбекистон Республакасининг Давлат рамзи бўлган мамлакатимизнинг байроғини (темир конструкцияни) бўёқлаб қўйилишида амалий ёрдам беришингизни сўрайман.

Бир ойдан кейин Ўзбекистон Республикасининг "Давлат байроғи тўғрисида"ги Қонуни қабул қилинганига 34-йил бўлади.

🇺🇿@Otabek

Қумқўрғон туман ҳокими одамларга нуқул газ деявермасдан тезак, чалма ёқишни маслаҳат берибди.

Ҳоким бово сиз ҳам қуруқ каптивада юравермасдан туман ҳудудини эшак миниб айланинг, ёқлиғини тежанг.

Дейдиган одам йўқ...

🇺🇿@Otabek