نبض قلب❤
746 subscribers
3.1K photos
141 videos
10 files
114 links
رأفة بقلوبنا فما نحن الأ نبض قلب فقط.....⁦❤️⁩
Download Telegram
نبض قلب❤
أسال غربة .... أطرح عليا سؤال وسووف أجيبك بكل صراحة.... 👇 @PHTHLIA_bot
#زهرة
ما هي اسوء صفة فيكِ ؟

وهل بتحاولي تعالجي نفسك ؟


#غربةالياسمين.... 🖤

أسوء صفة اللامبالاة ومش بدعي ذالك فعلا أنا لا أبالي ..


ايوة بحااول لانها بجد سببت لي مشاكل كثيرة...



منورة✨
يارب البركة التي تُثمر في أعمارنا وأعمالنا وأيامنا🤍
♡
”شكراً لله على وقت الصّباح، والشعور الجميل الذي يحتوينا فيه
#صباح_الخير💚
"في حين أن الحياة بدت قاسيه، أود الأعتذار لكل بائعي الطرق، لفاقدي الحب ، للوسائد المبللة بِالدموع، لكل خاطر قد بات منكسِراً، أعتذر لكل خيبة وخذلان ".

🖤
‏ليت المشاعر تُرى ليعرف كل ذي حق حقه..
لا تتركوا ٲحدآ في منتصف الطريق، ربما لم يكن طريقه ، و قد سلكه من ٲجلك فقط..

🖤
‏غدًا سَنُبدِلُ الميمَ في "متى" إلى ألف ولكن صَبرًا.

🖤
‏”ونعوذ بك يا رب من حمّالين الأوجه وشحيحين الوضوح ".

🖤
"أعيشُ في قلبي
منذُ عقدين
ولا أفعل شيئا
سوى فتح الباب
وإغلاقه على أصابعي ".
🖤
"ثق بإنني أستطيع أن أجازف بالتخلي عن كل شيء في حين يصبح المكسب نفسي ".

🖤
"لك الحق التخلي وإفلات الأيادي، إن لم يعد أصحابك كما كانوا، لا تستمر بعلاقة معطوبة استنادًا على ماضي جميل ذلك ينهش روحك ببطء ".

🖤
"كره عظيم للندم، للرد المتأخر، للكتمان الذي ورائه غيره ، للعتاب الذي يعاد أكثر من الف مره وتخرج منه دون نتيجة ".

🖤
"الحُب هُو أن تكُون الإجابات مُطمئِنة ، وليستْ مَنطقيّة ".

🖤
"لم أعد أحارب لشيء سوى نفسي، أنا قضيتي الوحيدة ".

🖤
"بدلًا من سؤال لماذا رحلوا اِسأل،
أيُّ جمال سوف أخلقه في المساحة الشاغرة الآن؟ ".

🖤
لاَ جَنازةَ أوجَع مِن مَوتِ الكلامِ بداخِلك،‏ أنتَ المَيِّتُ والمُعَزِّي وكلُّ القُبور....

🖤
"‏نريد أن نحيا قليلًا ‏لا لشيء؛
‏بل لنحترم القيامة بعد هذا
‏الموت ".

🖤
نبض قلب❤
#عصب الروح..
العاب وفقرات 😍:
البارت 14

جلس مكانه والاوراق في يده :....
وهو يفكر في كلامها والمكان يلف به ...
.........
شاف لها وهي قابضه عليه مثل شي ثمين تخاف تتركه
لؤي: طيب انتي نامي وانا معي شغل بالانترنت بعمله
فكت له: طيب
جلست على السرير وهو رجع بيقراء هو موضوع معين شوي وشاف لها وقد نامت وبيكلم نفسه* مسرع بتنام فكري على الاقل شوي *
رد ظهره بتعب* خوفي لو قد بدات تتعلق بي ؟ وشكلها مندمجه مع اختي وزوجات اخوتي قووي ،وكانه حصلت نفسها فيهم ، مدريش ايش بين افعل ، بس البنت ذي مثل الطفله عايشه على الفطره لاعندها لف ولا دوران *
........
كانت هي دخلت معها وخالها باالصاله شافها وبغرابه: اثير !!
وصلت عنده وقبله راسه: كيفك ي خال بخير
ابو بهاء بحزن : والله ماعاد شفنا الخير بعدك
مسكت يده : لا تقل هكذا عادك الخير كله
ابو بهاء: شفتي مافعل زوجش ؟ فلتنا انا وامه لحالنا ، ليت وانا خلفت بنت وزوجتها عاد كان اهون علي
اثير: لا تزعلش نفسك لابد مايعرف غلطه
وقفت: بروح اسوي عشاء
دخلت المطبخ وقلبها مجروح وهي بتنفجر وتكلم نفسها * خلاص تخليت عن الكل يبهاء ولاعاد لك احد غير ذيك *
وهي بالمطبخ خالتها دخلت ترتاح وخالها بالصاله سمعت طرق على الباب
وراحت بتفتح وهو فتح من خارج لوجهها وقف صامت
وهي كمان
ورجع قال: اثير !
تركت الباب وراحت المطبخ وهو دخل ابوه سمع صوته ووقف وهو شاف له: مساء الخير
رد وجهه بقهر: اين الخير من وجههك !
اقترب منه: لا تقل هكذا يبه انتم اجبرتموني
ابو بهاء: محد اجبرك ي بني انت تخليت
امه خرجت وعلى طول اقتربت: بهاء كنت عارفه انك بتجي
احتظنته: ابني وحشتني
كانت تبكي وهي تضمه: كنت عارفه ما بتتخلي عنا
كان ضمها ويشوف ل ابوه :..
ورجع قبل راسها وقبلت هيه يده: بتسافر صدق بتفلتنا
بهاء: لا
ابوه شاف له: قالو ان
قاطعه: كنت بسافر وغيرت رايي
وشاف لهم وبتردد: اثير
قاطعه ابوه وبغبنه: رجعت تجلس معنا بعد ماتركتنا وحيددين
امه وهي تبكي : الحمد لله انك مارحت
مسح هو دموعها: لاعاد تبكي يمه ولاعاد بفلتكم لو سمح لي ابي ارجع
ابوه بقهر : ومن قال لك ان قلب ابوك قاسي هكذا ! قدك قطعه من روحي ابني وعضيدي الوحيد
كانت هي تسمع كلامهم بالمطبخ والدموع تردها غصب شوي وحست بحد دخل التفتت وكان هو : اثير
ماردت وصل جنبها وتنهد : وحشتيني يا بنت عمتي
شافت له بعنف: مليت من كلامك هذا كله كذب
بهاء ترك الورق الذي ادتهن رهف امامها: ليش ماقلتي لي انه كذب
اثير بقهر: ليش انت سالت ؟ او انت تركت لي مجال ادافع عن نفسي طول االاشهر ذيك كنت مثل المشحون علي كانه مش انت الذي اعرفك
بهاء وعيونه في عيونها : انا تالمت حسيتك ماتحبيني
قاطعته: ما احبك !!! هزت راسها بحزن: ما احبك ؟
من الذي ادخل طرف ثلاث بييننا ؟ من الذي ترك الثانيي وتخلاء عنه !؟ ما احبك ي بهاء
شافت له ب اسف : كنت اعتقد انه صعب ان شخص يحل محل شخص ولما دخلت ميسون حياتنا واخذتك مني ادركت ان الامر يعتمد ع الدفاع وانا كان دفاعي ضعيف !
حاولت تمشي وهو مسكها: ي بنت اقل لش وحشتيني انا قد كنت بجنن في غيابك مادريت مافعل
بتحاول تبعد يده : بهاء خليني في حالي
بهاء: حالش هو حالي !
انسي خلينا نبدا من جديد
فكت يده وشافت له: مستحيل اسامحك مسسستحيل بعد ما تخليت عني ! لو وصل حبك لسماء الذي بقلبي كفايتي ماعاد خلسطيت لي قلب اصلا كان هو عصب حب وعصب روحي وانقطع وراح
مشت وهو يشوف بعدها :...
وميسون تتصل له مارد
ارسلت * وينك ؟*
رد لها : قلي لواحد من اخوتك ياخذك بيتكم وبعدين بنتكلم معش
شافت لتلفون بعصبيه: *ايش في*
رد :* قلت لش مش الان لاتخليني افقد اعصابي ، كلمي لؤي او سليمان يجي يروحك بيتكم وقلي اني انشغلت وانتي تشتي ترتاحي عندهم شوي *
غلق وهي تشوف لتلفون ومتوتره :..
.........
اليوم الثاني الصباح كان نام وهو جنب الكمبيوتر
قام وهي بتشوف نفسها امام المرايا وتحاول تصلح رسمه بعيونها
قام بتعجب وهي ضابحه امام المرايا: مالش قومتيني وانتي تضربي ب ارجلش
التفتت له وهو تلقائيا انفجر ضحك : ههههههه ماهو هذا من ضربش في عينش هههه
فرح بضبح: اشتي افعل مثل ارزاق ونهاد وماقدرت مدري كيف يفعلين خط فوق عيونهن
لؤي وهو يضحك: ههههههاي هذا ماعادش خط هذا قد رسمتي شارع كامل فوق عينش
فرح تشوف له بنرفزه: ليش تضحك علي
لؤي: ههههههههههههه لو ما ضحكتش ما اعتبرش انسان طبيعي
وصلت امامه وفوق عيونها اصبح كله اسود ويلصق: طيب بسالك انا حلوه او لا
لؤي : ومادخل الحلاوه بالموضوع ؟
اخذ الشميز بيلبسه وهي تتكلم : جاوب حلوه او لا
سكتت
فرح: يعني انا مش حلوه
لبي ووقف: معي عمل وبيني وبينش خايف اقل حلوه تزعلي وتقلي بتتحرش بي وخايف اقل مش حلوه تزعلي كمان لوما افهم اي شي مفعله معك ذي الايام من نظام برجع ارد
نبض قلب❤
#عصب الروح..
فرح بعصبيه: يعني ترد بس تسايرني
لؤي: ماشي بس اخارج نفسي من النكد
خرج وهي تشوف بعده وجلست ب احباط : شكلي مش عاجبته !
..........
حاول يحتك بها بس معطته فرصه وهو طالع امه سالتها : ماعاد كلمتيه
اثير بقهر: الله يخلي له ميسون
ابوه: بس ي

اثير هو يحبك
اثير: ايش من حب هذا ي خال وقد مد يده علي وفلتني ماهذا الحب الله يحرمنا منه
وقف وهم يشوفو لبعض
دخلت غرفتها وخرجت خاتمه القديم مش قادره تفرط فيه .. كانت تشوف له * الظاهر انه ماكانش حب كان مجرد كلام ! *

..........
دخلت ارزاق تشوفها وبصياح: ي مجنووونه ايش عملتي بوجهههك
فرح وهي ع السرير ومحبطه: ماقدرت اصلحه مثلكم
ارزاق ضحكت واقتربت جمبها: هههههه انا بصلحه لك واعلمك
فرح ب احباط: مابقدرش
ارزاق : الا تقدري .. المهم اختي ميسون هنا وتشتي تجلس معك تعالي
فرح: تمام اغسله واجي
ارزاق: بجلس هنا .. غسليه وتعالي وبصلحه لك تمام
فرح :طيب وكمان اعملي لي حواجبي
ارزاق بنفس الابتسامه : حاضر
شافت لها : طيب ارزاق انا حلوه او لا
ارزاق: طبعا حلوه ي عمري انتي قمر
فرح: طيب ليش لؤي ما يقل لي كذا
ارزاق بغرابه: ليش ايش قال
فرح وقفت: خلاص بروح اغسل وجههي
خرجت وهي تشوف بعدها
..........
كان بعيادته عندما دخل وهو طالع شافه وبنرفزه :ي اخي عتخليني
ابو فرح: اشتي اشوف بنتي
لؤي: ي اخي انا معرفش رده فعل بنتك
ابو فرح: هي مره واحده بس انا معرفهاش والله تخيل نفسك مكاني معك بنت كبرت وتزوجت وانت ما تعرف حتى شكلها !
لؤي تنهد: طيب تمام
........
كان هو متضايق طول الوقت وهو بالشغل وارسل لميسون * ماعاد بنسافرش *
شافت الرساله وانفعلت بتدق له ولا رد
وازاق دخلت مع فرح :هذي فرح ي ميسون
ميسون ابتسمت : حيا بزوجه اخي الصغير
فرح ساكت
ميسون: تعالي تعالي قلي لنا كيف تعرفتم وكيف تزوجتم
فرح ماتعرف ايش ترد:انا
قاطعتها ارزاق : بتقل تعارفنا مشنا داريه فين
ميسون بتفتح عيونها: عن حب يعني
فرح بتشوف لهن بس: حب !
ميسون تشوف ل ارزاق بمعنى مالها
وارزاق تهز اكتافها بمعنى هيه كذا
وصل هو وعرف انها بالبيت دخل وهن مع بعض
قامت لعنده:وحشتني
لؤي : وانتي كمان
وبيشوف لها و لشعرها: الصبغه حلوه والمكياج حلز
ميسون مبتسمه وتمسك شعرها : صدق
لؤي :ايوه
سحبها شوي: خير في شي حصل شي بينك وبين بهاء
ميسون بغرابه: ليش هو قال لك شي ؟
لؤي': لا بالعكس قال بيحترمك بس قلت لو حصل شي
ميسون تهز راسها بالنفي
وهو رفع راسه لفرح: تعالي
وقفت وتشوف له' :فين
لؤي : تعالي تحت اسرعي
وصلت جنبه ونزل معها فتح المجلس ودخلت وانصدمت هي تعرف ملامحه :..
لؤي بهدؤء: هذي بنتك !
اقترب منها وهي رجعت ورا لؤي وقبضت يده : لا تخليه ياخذني
عثمان : انا ماجاي اخذك بس اسلم عليك
فرح : بعد ١٩ سنه جاي تسلم ؟وين كنت لما عشت وحيده ؟ لما كنت انضرب من زوج امي؟ لما ماكان معي احد !؟ لما كنت ابكي لحالي ؟
لما كنت اجلس كل يوم اشوف لباب بيتنا وانا منتظره متى تدق سنين بلا فائده؟ قلي وين كنت لما كانو يستدعو ولي امري لحفلات المدرسه وكل واحده يجي ابوها او امها وانا الوحيده اللي ماعندي احد ! وين كنت لما كنت امرض المساء وبموت بالبيت وعمي يرفض يخرجني المشفى وامي ماتقدر تاخذني للحالها باليل واجلس مريضه طول الليل وانا ادعي متى يطلع الصباح ؟ لما كنت اتمنى انادي حد بابا ؟ لما كنت اتمنى الجئ لظهر حد ومايخيبني !؟ وليش جاي الان ليش !!! بعد ما تعودت على غيابك وقنعت واكتفيت
..........

البارت 15

كانت تبكي وهيه ماسكه لؤي وكانه محتميه به وهو يشوف لها
فرح : عشت يتيمه وانت عايش ،عشت وحيده محد كان معي غير امي اللي كان سامي فلم الرعب بنسبه لها انا احترمت من كل شي والان جاي تقل انا ابوك ؟
ابو فرح بقهر: انا تزوجت امك بالسر وقلت لها مشتيش عيال وهي وافقت وشكلها كانت تشتي تحنبني بطفل بس بعد زواجنا بفتره بدانا بالصياح هي تشتي اعترف بالزواج امام زوجتي وانا ماقبلت وطلقتها واختفيت من حياتها وماكان عندي اي علم انها حامل ولا انك موجوده بنتي انا**
قطعته بعنف: لا تقل بنتي لاتقل ! كنت فكرت بهذا لما قررت تتزوجها لهذي الطريقه !
لؤي بلع ريقه بصعوبه وهو يشوف لها وششاف ل ابوها: وصلك الجواب خلاص
عثمان شاف لها: خلاص انا طالع وتذكري اني موجود في اي وقت تحتاجيني
رده وجهها لذراع لؤي وهو خرج
التفت لها: حرام عليك هو ماكان عارف بوجودك
كانت تبكي ع يده : لوكان انسان ماكان تزوج مثل الحيونات ! زواج وقت
سكتت وهي شافت له : انا مشتيش لا عائله ابي ولا عائله امي ، انتو عائلتي انا احب امك وابوك واختك وبيتك واشتي اكون معكم ماعاد اشتيش حد ثاني
شاف لها بصمت ورجع قال:طيب امسحي دموعك واطلعي اجلسي مع البنات وانا بطلع وارجع
نبض قلب❤
#عصب الروح..
هزت راسها : تمام
طلعت وهو يشوف بعدها وتنهد *كنت فكرت قبل ما تتزوج بهذي الطريقه *
..........
ماكان بيرد ع اتصالتها عندما رجع البيت بوقت مبكر عشان يشوفها دخل وهي بالمطبخ تعمل العشاء
شافها وقال:اثير؟
التفتت له بعصبيه: خيييير
بهاء: اثير اسمعي*
قاطعته: اسمع ايش واسمع ايش ، انا رجعت هنا عشان خالي وخالتي بس لا تفكر شي ثاني
اما انت خلاص انا مسحتك من حياتي !
بهاء بتعب: اثير مفكره الامر مر علي مرور الكرام انا من وانا صغير متعلق بك وبوجودك بحياتي انا كنت متعب بعدك*
قاطعته مره ثانيه: الله يخليك بس تعبت منك تعبت
بهاء: طيب اسمعي*
اثير: ولا اسمعك ولا تسمعني ، الوقت الذي المفروض نسمع به بعض قد انتهى !
بيتكلم وامه دخلت: بهاء بتتعشي معنا
التفتت ل امه : ايوه يمه
ورجع شاف ل اثير اللي التفتت لخالتها: العشاء جاهز يا خاله
ومشت من عندهم وهو يشوف بعدها
امه لاحظت حزنه واقتربت: سهل هي عادها مجروحه
بهاء : مافيش مشكله يمه
دخلت هي غرفتها وغلقت وجلست تبكي وحست بغثيان شديد بيرافقها من ايام
كانت تحاول ترد نفسها
وحست بشي يطلع من معدتها ودخلت الحمام تبع غرفتها واستفرغت للمغسله وكانت قطع دم صغيره
مسكت نفسها ورجعت غرفتها وارتمت ع السرير من التعب وهي تحس بالارهاق والتعب الشديد اللي تقاومه من شهر :...
........
دخل يغير ملابسه ويطلع فتح غرفته وهي تشوف له
رد بغرابه : مالك
اقتربت وتشوف له
لؤي بضبح: مالك
فرح: بس شفت اليوم فلم وكانو يشوفو لبعض انت ليش تقاطعني
لؤي اخذ جاكت وبيطلع :الله يزكيك عقلك
خرج وهي تشوف بعده :..............
ورجعت خرجت و تشوف لنهاد : نهاد اشتي تكلمي ابنك يروح يشتري لي
نهاد بغرابه : ايش
فرح : من المكتبه
نهاد : طيب
نادت له :روح اشتري لعمتك
فرح شافت له تعال طلعت فوق ومكنته فلوس: اشتي تشتري لي من هذا اللي يعمل الوان فوق العين
الولد بغرابه: تقصدي ظظل
فرح : والله ما اعرف ايش اسمه بس شفته مع امك وارزاق وابتهال
الولد: اكيد ظل
فرح: المهم تعرفه
الولد: تمام
خرج وهي منتظره له
.......
ميسون تراسل بهاء ولا يرد وقد عتنفجر ورجعت رسلته له: بروح بكره اسوي جهاز ع الطفل
رد وهو بغرفتهم بالبيت : طيب سيري مع امك او اي حد من اهلك وانا برجع اجي وادفع تكاليف كل شي
ميسون : تمام
غلقت ومن داخلها: ماله ايش حصل؟؟؟!
..........
رجع الساعه 10 المساء طلع غرفتها فتح وهي امام المرايا مجرد ما التفتت جلس دقاىطئق يشوف لها وكان ساكت وملامح وجهه تغيرت وبدون سيطره انفجر ضحك : ههههههههههههههههههههههههههه
فرح بتشوف له بقهر: مالك ؟
لؤي: ايش في وجهكك قوس قزح
فرح بضبح: لا هذا مكياج
لؤي كان يضحك: ههههههه هذا مكياج او لوحه الوان
ارزاق سمعت ضحكته ودخلت : ايش في
شافت لفرح ورجعت تضحك: هههههه يوووه مافعلتي بنفسك
لؤي يضحك: ههههههههه كله بسببك ي ارزق بتحفظيها حفظ مش فهم
ارزاق ضحكت واقتربت منها: فرح
ميسون دخلت ع صوتهم وشافتها وضحكت: ماهو هذا
فرح بنرفزه : اطلعو من عندي
جلست ع السرير ارزاق وصلت جنبها :فرح
فرح بقهر : اطلعووو
لؤي يضحك : ههههه سيري غسلي وجهش
ميسون في نفسها البنت هذي خبلا او ماهو
فرح بضبح: قلت اطلعو
لؤي شاف لميسون وخرجو
ارزاق: فرح ي قلبي مش كذا ، انا بعلمش
رده بحزن والدموع ملو عيونها: خلاص ماعاد اشتيش اصلا انا مش فالحه بشي
ارزاق ضحكت: اسمعي غسلي وجههك وانا بعمل لك احلى ميكب وماعليش منهم ، وتعالي نشوف فلم لساعه 12 وخلي لؤي يسمر لحاله مع الجدار
رده بضبح: ع اساس بيسمر معي
ارزاق ضحكت:طيب افعلي مثل ما اقل لش
وقفت بزعل : خلاص تمام وخليه طز فيه اصلا مش مهم يقل ان شكلي حلو
ازارق ابتسمت لها:...
.......
نزل هو تحت وابوه هناك
جلس وهو مبتسم
ابوه: مالك ع ايش بتضحك
لؤي: هههههههههههه ولاشي لا تهتم

اابو لؤي: ذلحين مش ناوي تدي لك عيال او كيف
لؤي : اوووف يبه تعرف اني ماحبش الاطفال ولا وجع الراس
ابو لؤي: لو انت ما تحبش يمكن البنت تحب
التفتت له وصمت لثواني وقال: بس انا قلت لك يبه انه تزوجتها شغل
ابو لؤي: المهم تزوجتها
رده وجهه: ماينفعش ولا بين افكر بالاطفال ولابها
ابوه : وليش ماتفكر بالاطفال
لؤي: هرم ودحس ووتعب ومسؤوليه
ابو لؤي : بس بتحبهم بعدين شوف انت مطلع روحي وماقدرش استغني عنك
لؤي ابتسم وقام لجنبه ومسك يده وقبلها : وانا ماقدرش استغني عنك
ابو لؤي: لؤي انت ابني الصغير وقد كبرت واصبحت رجال وانا مش عارف كم باقي لي بالحياه امنيتي اشوف عيالك**
قاطعه: بعد عمر طويل ي ابي ، وبتشوفهم يبه اوعدك بس مش بالوقت الحالي ولا من البنت هذه
سكتت وهو يشوف له
لؤي طلع وهو يشوف بعده وسليمان جلس : قد بيروح كل يوم ماعاد كنا نشوفه
ابو لؤي ابتسم
سليمان : شكله عقل
شاف له : عاده بنص عقل ، مثلك عادك عقلت الا من نص شهر من حين ولدت زوجتك
سليمان ضحك: ههههههه بس الصدق ماكنتش مثل لؤي عادنا اروح البيت