🌹پەیامی پیرۆزبایی بە بۆنەی جێژنی مانگی ڕەمەزانی پیرۆز

باوەڕداران و ڕۆژوووانانی موسوڵمان و هاونیشتیمانیانی بەڕێز

ئەوا ساڵێکیتر لە تاقیکاریی مانگێکی پڕ لە بەرەکەت و بەخشش و لێبووردەیی گووزەراین و بەخۆڕاگری و ئەرکداری مانگی ڕەمەزانمان تێپەڕ کرد.

ڕەمەزان لای موسوڵمانان نرخ و بایەخێکی بەرزی هەیە و وەک ڕوکنێکی ئەساسی لە ئایینی پیرۆزی ئیسلام دەبینرێت، ڕەمەزان ناوەندی خۆپێگەیاندن و سەربەرزی و خۆشەویستی و دڵسۆزییە، فەلسەفەی ڕۆژووگرتن ڕێگایەکە بەرەو بەدەستهێنانی ڕزامەندیی خوای دلۆڤان و دووربوونەوەیە لە خراپەکاری و خەمخۆری هەژارانە، ڕەمەزان پڕە لە لێبووردەیی و ئاشتەوایی و یەکبوون و یەکگرتنەوە.

بەو هیوایەی ئێمە و گەلی ئێمەش لەو ساتە وەختە ناسکەدا کە جێهان بەرەو ئاقارێکی نادیار دەڕوات. ئێمەش بەرەو ئاشتەوایی و یەکڕیزی هەنگاو بنێینەوە و جێژنی مانگی پیرۆزی ڕەمەزان هەوێنی ئامانج وەدی هاتنی ئاواتەکانمان بێ

#هەر_ڕۆژێکتان_جێژن_و_جێژنتان_پیرۆز_بێت.

دەستەی بەڕێوەبەرایەتی پێگەی هەواڵنێری پیرانشار ڕووداو

✅پیرانشهر رووداو
🆔: @piranshahrrudaw

🌸 پەیامی پیرۆزبایی نەورۆز 🌸

بە ناوی خودای گەورە

لە کاتێکدا کە وڵاتمان لە دۆخێکی دژوار و پڕ لە نیگەرانی و ئاڵۆزییەکان تێپەڕدەبێت، نەورۆز هاتووە وەک هیوایەک بۆ نوێبوونەوە و ڕووناکی لە دڵی تاریکییەکاندا.

نەورۆز تەنها جەژنێک نییە، بەڵکوو نیشانەیەکی بەهێزی ژیانە، نیشانەی ئەوەی کە دوای هەر زستانێک، بەهار دەگەڕێتەوە… هیوایەک بۆ دڵە خەمبارەکان و دڵنەواییە بۆ ئەوانەی کە لەم ڕۆژانەدا لە ژێر کاریگەرییەکانی جەنگدا دەژین.

ئێمە کۆمەڵی ڕۆژنامەنووسانی #پیرانشار_ڕووداو، بە دڵێکی پڕ لە هەست و هاوسۆزی، نەورۆزیان لێ پیرۆز دەکەین و هیوادارین ئەم ساڵە نوێیە بە سەردەمی ئارامی، ئاسایش و یەکگرتن بگۆڕێت.

با نەورۆز ببێتە هۆی نوێکردنەوەی هیوامان، بەهێزکردنی یەکدڵی و پاراستنی مرۆڤایەتی لە نێوانماندا.

نەورۆزتان پیرۆز
ساڵێکی پڕ لە ئارامی و سەلامەتی بۆ هەمووان 🌿

کۆمەڵی ڕۆژنامەنووسانی پیرانشار ڕووداو


✅پیرانشار ڕووداو
🆔: @piranshahrrudaw
🆔: @piranshahrrudaw
🆔: @piranshahrrudaw