“Бурун соҳасида гипофез деган касаллик бўларкан. Шуни операция қиламиз, дейишди. Тошкентдан малакали врач келган, дейишди. Афсуски, соппа-соғлом қизимнинг ўлигини беришди. Бу ердаги шифохонада беморларга муносабатдан ҳайратдаман. Ҳеч кимнинг ҳеч ким билан иши йўқ. Не орзу-умидлар билан тарбиялаётгандим. Экспертизага рухсат бермадим, шикоят ёзишдан мақсадим бошқалар бу қассобларнинг қўлига тушмасин” деди Учқун ака.

Маълум бўлишича, тошкентлик малакали мутахассисларнинг қўлида жарроҳлик амалиётидан чиққан яна бир беморнинг аҳволи оғир экан, худо шифо берсин. Шифокорнинг исмини очиқлаш, уни ўзим билмаган ҳолда ноҳақ айблаб қўйиш фикридан йироқдаман. Аммо бизда оддийгина ЛОР хасталикларидан кишиларнинг шу замонда кўп ўлаётгани ачинарли.

Марҳума қизгина блогер ёки таниқли шахс бўлганида эҳтимол унинг оддийгина хасталикдан ўлиб кетгани жамоатчилик муҳокамасига чиқарди. Соғлиқни сақлаш вазирлиги ҳам тилга кирарди. Афсус, узоқ бир қишлоқнинг оддийгина қизи тиббиётимиз ноқислигидан ўлиб кетди. Ҳуқуқни муҳофаза қилиш органларининг ҳам айбдорларга нисбатан бирор чора кўришига ишонмайман.

ОАВ хабарига кўра, Amazon компаниясида дастурчи бўлиб ишлаган 31 ёшли аёл сунъий интеллект маслаҳатларига ишониб, эпилепсияга қарши дориларни қабул қилишни тўхтатган. Айтилишича, нейротармоқ унга дориларни бекор қилиш жадвалини тузиб берган ва бу ҳақда шифокорлардан яширишга ундаган.

Аёлнинг аҳволи ёмонлашганида ҳам, у бир неча бор хавотир билдирганига қарамай, сунъий интеллект уни тинчлантиришда давом этгани иддао қилинмоқда.