ဒီဇာတ်လမ်းလေးကတော့ ရဲမှူးတစ်ယောက်ဖြစ်တဲ့ ကျောက်ရန် က ခေါင်းမဲ့အမျိုးသမီးအလောင်းတစ်လောင်းကို ရှာဖွေတွေ့ရှိရာကနေ စတင်ခဲ့ပါတယ်။ ဒီခေါင်းမဲ့အလောင်းက ဘယ်သူဆိုတာကို ရှာပြီး ဘာကြောင့် ဒီလို သေဆုံးခဲ့ရတာကို ကျောက်ရန် တစ်ယောက် ရှာဖွေဖော်ထုတ်ဖို့ ကြိုးစားရင်း သဘာဝလွန် ဖြစ်ရပ်တွေနဲ့ ကြုံလာရတော့ပါတယ်။ သရဲ တစ္ဆေ ဆိုတာကို လုံးဝမှ မယုံကြည်တတ်တဲ့ ကျောက်ရန် တစ်ယောက် လက်တွေ့ ကိုယ်တိုင်ကိုယ်ကျ ဆန်းကြယ်မှုတွေကို ကြုံလာရတဲ့အခါ ဒီနောက်ကွယ်က အဖြစ်မှန်က ဘာဖြစ်နေမလဲ

လွန်လေပြီးသောအချိန်တွေတုန်းက လူချမ်းသာတွေမှာ သူတို့ရဲ့ဥစ္စာပစ္စည်းတွေကိုထားဖို့ ခုခေတ်လို
ဘဏ်တွေ လော့ခ်ကာတွေ မရှိခဲ့ဘူးပေါ့ သူခိုး ဓားပြရန်ကိုကြောက်ရတော့ မြေအိုးလေးတွေနဲ့ မြေကြီးထဲ မြှုပ်ထားကြရတယ်

ဒါပေမဲ့လည်း သူပုန်တွေရန်က မလွတ်ခဲ့ကြပါဘူး ရွှေတွေလု လူတွေကို ဒုက္ခပေးရုံသာမက အသက်အန္တရာယ်တွေပါထိခိုက်လာကြတော့
ရတနာတွေဖွက်ဖို့ နည်းလမ်းရှာကြရင်း မန္တန်တွေနဲ့စည်းတားဖို့ စဉ်းစားမိခဲ့ကြတယ် ပြောရရင် ကျိန်စာလိုပေါ့ဗျာ

ဒီလို စည်းတားနည်းတွေထဲမှာ နတ်ဆိုးနဲ့တားနည်းကတော့ အပြင်းထန်ဆုံးပေါ့ နတ်ဆိုးလိုချင်တဲ့ ယဇ်ပူဇော်ပွဲလုပ်ပေးမှ
ရတနာတွေ ပြန်ရတော့ လောလောဆယ် သူခိုးလက်ကလွတ်ရင် ရပြီဆိုပြီး လွန်လွန်ကြူးကြူးနည်းတွေ သုံးမိကြရင်း နတ်ဆိုးတစ်ပါးပိတ်မိသွားခဲ့တယ် ။

မျက်မှောက်ခေတ်... လင်မယား၂ယောက်က အိမ်ကြီးတစ်လုံးမှာ ၂ယောက်တည်းနေကြတယ် မိန်းမဖြစ်သူက ညတိုင်း
အိပ်မက်တစ်ခုတည်းကို မက်လာခဲ့တယ် ရွှေပုံပေါ်မှာ ထိုင်နေတဲ့မိန်းမတစ်ယောက်က ရွှေတွေနဲ့ ဆော့ကစားနေပြီး

သူ့ကိုကြောက်မက်ဖွယ်မျက်နှာနဲ့ လှည့်လှည့်ကြည့်တာမျိုးပေါ့ ညတိုင်းအိပ်ရေးပျက်လာတော့ ဘုန်းကြီးပင့်လည်း ဘုန်းကြီးပါပြေးရတဲ့အထိဖြစ်လာခဲ့တယ်။

ရှီဗာကတော့ သရဲဆိုတာတွေ အယုံအကြည်မရှိသူ ဒါပေမဲ့ မရှိကြောင်း သက်သေပြဖို့လည်း
ကြမ်းပေ့ဆိုတဲ့နေရာတွေသွားသွားပြီး သရဲရှာတတ်သူ သူနဲ့ ဒီလင်မယား၂ယောက် ဆုံတွေ့ဖို့အကြောင်းဖန်လာတော့

ဘာတွေဆက်ဖြစ်သွားမလဲ သရဲမရှိဘူးဆိုတဲ့ ရှီဗာတစ်ယောက် ဘယ်လိုတွေ အလူးအလဲခံရမလဲဆိုတာ ဆက်လက်ကြည့်ရှုလိုက်ပါဦး

ဒီရုပ်ရှင်ဟာ ၂၀၀၂ ခုနှစ်က ဂူဂျာရတ်ပြည်နယ် ဂန္ဒီနာဂါမြို့မှာရှိတဲ့ အက်ခ်ရှာဒမ် ဘုရားကျောင်းကို အကြမ်းဖက်သမားတွေက တိုက်ခိုက်ခဲ့တဲ့ ဖြစ်ရပ်မှန်ကို အခြေခံပြီး ရိုက်ကူးထားတာပါတယ်။

ဇာတ်လမ်းအကျဉ်းကတော့..
ဗိုလ်မှူးဟာနွတ်ဆင်းဂ်ဟာ တော်တတ်ထက်မြက်သလောက် စစ်ဆင်ရေးမှာ အမိန့်ကိုမနာခံဘဲ စိတ်ခံစားချက်အတိုင်းလုပ်တတ်သူတစ်ဦးဖြစ်ပါတယ်။ တစ်ရက်မှာတော့ သူ့ရဲဆုံးဖြတ်ချက်အမှားကြောင့် ညီတစ်ဦးသဖွယ်ချစ်ခင်ရသူ လုပ်ဖော်ကိုင်ဖက်ကို စစ်ဆင်ရေးမှာ ဆုံးရှုံးလိုက်ရပါတယ်။ ဒီနောက်ပိုင်းမှာတော့ အပြစ်သားတစ်ဦးသဖွယ် အထင်သေးရှုံ့ချတာမျိုးတွေ ကြုံရသလို သူကိုယ်တိုင်ဟာလည်း စိတ်ဓာတ်ကျလို့နေပါတယ်။

တစ်ရက်မှာတော့ ကမ္ဘာကျော် ခရစ်ရှ်နာဒမ်ဘုရားကျောင်းကို လက်နက်ကိုင် အကြမ်းဖက်သမားတွေ ဝင်ရောက်စီးနင်းပြီး ဓားစာခံတွေဖမ်းဆီးခြိမ်းခြောက်ပါတော့တယ်။

ဇာတ်ကြောင်းကတော့ ခက်တို့ သူငယ်ချင်း၇ယောက် အားလပ်ရက်အပန်းဖြေခရီးထွက်ရင်း လူသူမဲ့ကျွန်းကြီးတစ်ခုအနီးမှာရေသွားကူးဖြစ်ကြပါတယ်။နယ်ခံလှေဆရာကြီးပြောပြတာတော့ အဲ့ဒီကျွန်းဟာ တားမြစ်ထားတဲ့ကျွန်း၊ လူသူမနေတဲ့အပြင် ကျွန်းရဲ့ သမိုင်းကလည်းမကောင်းလှဘူး။လွန်ခဲ့တဲ့ နှစ်နှစ်ရာလောက် အဲ့ကျွန်းပေါ်ကနေထိုင်သူတိုင်းဟာ ကျိန်စာမိသွားပြီး သေဆုံးသွားကြတာ အလောင်းတောင်ရှာမရဘူးတဲ့....။ဖြစ်ချင်တော့ ဒီပုံပြင်ကိုမယုံတဲ့ အခြားလူငယ်အုပ်စုတစ်ခုနဲ့ စကားအချေအတင်ဖြစ်ရင်းအလောင်းအစားတစ်ခုလုပ်မိတယ်...။ လောင်းကြေးကတော့ ရှုံးတဲ့အဖွဲ့ အဲ့ကျွန်းမှာ တစ်ညသွားအိပ်ကြေး....။ ကံဆိုးချင်တော့ ခက်တို့အဖွဲ့ရှုံးသွားပြီး အဲဒီ ကျိန်စာသင့်လူသူမဲ့ကျွန်းမှာ တစ်ညသွားအိပ်ရပါတော့တယ်...။ ခက်တို့ အုပ်စုရော အဲ့ကျွန်းပေါ်ကနေ အသက်ရှင်လျက်ပြန်ထွက်လာနိုင်ပါ့မလားဆိုတော့....။

အမေရိကရဲ့ ထိပ်တန်းကုမ္ပဏီကြီးရဲ့ စီအီးအိုဖြစ်တဲ့ အိန္ဒိယနိုင်ငံသား
မစ္စတာအာကယ်လာဟာ အိန္ဒိယပြည်ကို အလည်ပြန်လာတဲ့အချိန်မှာ
နိုင်ငံတွင်းက ဝန်ကြီးတွေဟာ သူတို့တာဝန်ယူရတဲ့ နယ်မြေမှာ
ကုမ္ပဏီအလုပ်အကိုင်အခွင့်အလမ်းတွေ များလာအောင်လို့
မစ္စတာအာကယ်လာကို ဖိတ်ခေါ်နိုင်ဖို့အတွက် အလုအယက်တောင်းဆိုကြပါတော့တယ်။

အဲဒီမှာပဲ ဝန်ကြီးကီရှေ့ဗ်ဟာ အစိုးရကို ဆန့်ကျင်ပြီးတော့
သူ့ပြည်နယ်ကို မစ္စတာအာကယ်လာ့ကို ခေါ်ယူပြီး ဧည့်ခံပါတော့တယ်။

ဒီလိုဧည့်ခံနေတုန်းမှာပဲ မစ္စတာအာကယ်လာတစ်ယောက် ပြန်ပေးဆွဲခံလိုက်ရပါတော့တယ်။

ကိစ္စအကြီးကြီးဖြစ်ပွားသွားပြီးတဲ့နောက်မှာ ဒီသတင်းကို မပေါက်ကြားစေဘဲ
မစ္စတာအာကယ်လာကို ကယ်တင်နိုင်ဖို့ ဝန်ကြီးတစ်ယောက် ခေါင်းစားရပါတော့တယ်။

ဒီလိုနဲ့ မစ္စတာအာကယ်လာကို ကယ်တင်ပေးဖို့အတွက် အတော်ဆုံးသူကိုရှာတဲ့အခါ
ရာဂျူလို့ခေါ်တဲ့ အရာရှိကို ရွေးချယ်လိုက်ပါတယ်။

ဒါပေမဲ့လည်း သူဟာ
မှန်မှန်ကန်ကန်ပဲ လုပ်တတ်တဲ့အတွက်နဲ့ အထက်ကလူတွေဟာ
သူတို့စကားနားမထောင်တဲ့အကြောင်းပြချက်နဲ့ ရာထူးကနေ ဆိုင်းငံ့ထားလိုက်တာကြောင့်
သူ့တည်နေရာကို မသိရှိဘူးဖြစ်နေကြပါတယ်။

သို့ပေမဲ့လည်း မစ္စတာအာကယ်လာရဲ့ လုံခြုံရေးကို တာဝန်ယူရတဲ့
အရာရှိမီနာရှာဟာ ရာဂျူနဲ့ ရည်းစားဟောင်းတွေဖြစ်နေခဲ့ပြီး သူသာ
ခေါ်လိုက်ရင်သေချာပေါက်လာမယ်ဆိုပြီး ပြောတဲ့အတွက် စိတ်အေးသွားရပါတော့တယ်။

ဒီလိုနဲ့ပဲ အရာရှိမီနာရှာတစ်ယောက် ရာဂျူကို ဘယ်လိုရှာဖွေသွားမလဲ ….

တွေ့ပြီးတဲ့နောက်မှာရော မစ္စတာအာကယ်လာ့ကို ကယ်တင်ဖို့အတွက်
ဘယ်လိုတွေ လုပ်ဆောင်သွားမလဲ၊ ဘာတွေဆက်ဖြစ်မလဲ ဆိုတာကိုတော့
အခွီလေးတွေနဲ့အတူ အက်ရှင်ခပ်မိုက်မိုက်တွေကိုပါ ကြည့်ရှုရမဲ့
ဟာသအက်ရှင်ဇာတ်ကားကောင်းလေးဖြစ်ပါတယ်။

ဒီဇာတ်ကားကတော့ တွေ့နေ့ကျအိန္ဒိယကားတွေလို မျက်နှာတွေပဲလိုက်ပြထားတာမဟုတ်ဘဲ တကယ့်အစစ်အမှန်တွေနော်။
လုံးဝဆွဲဆောင်ထားတာကတော့ 3D effectရော CGI တွေရောက ရှယ်ကိုရိုက်ပြထားတာပါပဲ။

ဇာတ်ကားရဲ့ဇာတ်လမ်းကရိုးရိုးလေးပါ။  မျိုးဆက်၃ဆက်အကြောင်းပြန်ပြောင်းပြောပြပြီး စွန့်စားမှုတွေ စိန်ခေါ်မှုတွေ အနှေးပြကွက်တွေအမြန်ပြကွက်တွေက တခြားဇာတ်ကားတွေနဲ့ယှဥ်ကြည့်လိုက်ရင် လုံးဝအပြတ်အသတ်ကြီးပါပဲ။👍

ဇာတ်လမ်းကတော့👇

မိုးကောင်းကင်ကနေရုတ်တရက်ကြွေကျလာတဲ့ ကြယ်ကျောက်တုံးကြီးနဲ့ပြုလုပ်ထားတဲ့ ရွှေစင်မီးအိမ်ရုပ်တုလေးကဇာတ်လမ်းရဲ့အသက်ပါ။ ဘုရင့်ဆီက ဆုလာဘ်အဖြစ်ရခဲ့ပြီး ကာရီပူရမ်နယ်မြေထဲကိုချင်းနင်းဝင်ရောက်လာခဲ့တယ်။

ရွာသူရွာသားတွေအတွက် အိပ်ယာဝင်ပုံပြင်လိုဖြစ်ခဲ့တဲ့ ဂုဏ်ယူရတဲ့အတိတ်အကြောင်းတွေပေါ့။

ဖြစ်ချင်တော့ အဲ့ဒီမီးအိမ်က မန်နီယန်ဆိုတဲ့ မင်းသားတို့အဘိုးက ခိုးသွားတဲ့အခါ..
သူခိုးရဲ့မြေးဆိုပြီး မျိုးဆက်၃ဆက်တိုင်အောင်အပြောအဆိုခံခဲ့ရတယ်။

သူဘာကြောင့်ခိုးခဲ့တာလဲ...။ သူတို့ကိုးကွယ်နေတဲ့ အဲ့ဒီမီးအိမ်ရုပ်တုလေးက မင်းကြီးပေးလိုက်ကတည်းက အတုကြီးဆိုတာ သိသွားမယ်ဆိုရင်ရော

အသစ်စက်စက်အိန္ဒီယဇာတ်ကားကောင်း

အသစ်ထွက်ထားတဲ့ ကန်နာဒါစကားပြော ဇာတ်လမ်းဆန်းဆန်းရုပ်ရှင်တစ်ပုဒ်ကို ပရိသတ်တွေအတွက် တင်ဆက်ပေးချင်ပါတယ်။

ခရစ္စတီဟာ ငယ်စဉ်ကတည်းက စွန့်စားရတာကိုကြိုက်တဲ့ လးငယ်တစ်ယောက်ဖြစ်ပါတယ်။

ဒါပေမဲ့ သူစွန့်စားတာက စိတ်နဲ့စွန့်စားပြီး ဦးနှောက်နဲ့တွက်ချက်ကာ လောင်းကစားလုပ်တာမျိုးပါ။

သူ့အဖေကတော့ သိပ်ကိုရိုးသားတဲ့ ရဲတစ်ယောက်ဖြစ်ပြီး ခရစ္စတီ့ကိုလည်းပြင်းပြင်းထန်ထန်ဆုံးမတာကြောင့်ခရစ်စတီဟာ လောင်းကစားကိုစွန့်လွှတ်ပြီး သူ့အဖေစိတ်တိုင်းကျ ဘဝကိုရှင်သန်လာခဲ့ပါတယ်။

အဲဒီလို မကောင်းတာမလုပ်ဘဲ ရိုးရိုးသားသား နေလာရင်း အသက် ၂၇ ထိ အတည်တကျအလုပ်မရှိ၊ ရည်းစားကပစ်၊ လိုချင်စားချင်တာတွေ မဝယ်နိုင်မစားနိုင်ဖြစ်ပြီး သည်းမခံနိုင်တဲ့နေ့မှာတော့ သူ့ရဲ့ လောင်းကစားပါရမီကိုပြန်အသုံးချပြီး ငွေရှာဖို့ကြိုးစားပါတော့တယ်။

ဒါပေမဲ့ သူ့ရဲ့လောဘနဲ့ သူ့အဖေရဲ့ ကျင့်ဝတ်စည်းမျဉ်းတွေ သူ့စိတ်ထဲမှာ အပြိုင်အဆိုင်ဖြစ်လာတဲ့အခါမှာတော့...။
လူမသိသူမသိဉာဏ်ကြီးရှင်တစ်ယောက်ရဲ့ လောဘနဲ့ ကျင့်ဝတ်ကြားက အားပြိုင်မှုတွေကို ဒီရုပ်ရှင်ထဲမှာမြင်တွေ့ကြရမှာပါ...။

စွန့်စားခန်းတွေကို နှစ်သက်သဘောကျပြီး
အရာရာတိုင်းကိုအကောင်းမြင်တတ်တဲ့
သူငယ်ချင်းတွေနဲ့ အပြန်အလှန် ချစ်ခင်မှုကိုရထား တဲ့ ဒေ့ဗ်..
မူကြိုအရွယ်ထဲက မွေးနေ့တူလို့ ပေါင်းမိသွားကြတဲ့
ဒွ့ဗ် ဗစ်ကီ နဲ့ နီရှာတို့ သုံးယောက်ဟာ တက္ကသိုလ် အထိအတူတူ
တစ်တွဲတွဲရှိနေရာက ဗစ်ကီနဲ့နီရှာတို့ရဲ့ တိုက်တွန်းမှ ကြောင့်
ကံတရားရဲ့အလိုအတိုင်းဆိုပြီး ပထမ ဆယ်ယောက် ထဲမှာ
နောက်ဆုံး နံပါတ် ၁ ကျတဲ့ People You May Know
ကောင်မလေးအဖြစ်လိုက်မယ်လို့ အလောင်းအစား လုပ်ကြရာမှ

၂၀၂၅ ရဲ့ ဝင်ငွေအကောင်းဆုံး တမီးလ်ရုပ်ရှင်တွေထဲက တစ်ကားဖြစ်သလို
Jai Bhim ရုပ်ရှင်ထဲကမင်းသား ဆူရီယာနဲ့ ဒီနှစ်ပေါက်ကားဖြစ်တဲ့
Deva ထဲက မင်းသမီး ပူဂျာတို့က ခေါင်းဆောင်ပါဝင်တဲ့
အက်ရှင်/ရိုမန့် ဇာတ်လမ်းလေးကို တင်ဆက်လိုက်ပါတယ်

ပါရီဆိုတဲ့ မိဘမဲ့ကောင်လေးဟာ ဂန်းစတားတစ်ယောက်ရဲ့ မိန်းမက
သနားလို့မွေးစားခြင်းခံခဲ့ရပြီး မိခင်မေတ္တာကို အပြည့်အဝရခဲ့ပေမဲ့
မွေးစားအဖေ လူမိုက်ကြီးကတော့ ပါရီကို
လက်မရွံ့လက်ပါးစေအဖြစ်သာ သဘောထားခဲ့ပါတယ်ဒီလိုနဲ့ မိခင်သေဆုံးခဲ့ပြီးနောက်မှာ အဖေဖြစ်သူအလိုကျ ရုတ်ရင်းကြမ်းတမ်းတဲ့
လူမိုက်တစ်ယောက်ဖြစ်လာခဲ့တဲ့ ပါရီဟာ တိကုဆရာဝန်မလေး
ရုခ်မီနီနဲ့အတွေ့မှာတော့ ဒုစရိုက်လောကကို အပြီးပိုင်ကျောခိုင်းဖို့ ဆုံးဖြတ်ခဲ့တယ်ဒီဆုံးဖြတ်ချက်ကြောင့် သူ့မွေးစားအဖေနဲ့ ပါရီတို့နှစ်ယောက်
ရန်ဘက်တွေဖြစ်လာကြပြီးနောက် ဘာတွေဆက်ဖြစ်မလဲ
ပရိသတ်တို့ကပဲ ဆက်လက်ခံစားကြည့်ရှုလိုက်ပါဦး

သမီးလေးရယ် ၊ လင်မယားနှစ်ယောက်ရယ် ပျော်စရာကောင်းတဲ့ မိသားစုလေးပေါ့..

တစ်နေ့... သူ့ဇနီးက ရုတ်တရက် တိုက်ပေါ်က ခုန်ချပြီး သတ်သေသွားတယ်...

နောက်ထပ် ၂ နှစ်လောက်ကြာတော့...
သတ်သေမှုတစ်ခုပေါ်လာပြန်တယ်.

နှစ်ခုလုံးက မတ်လ ၂၃ ရက်နေ့မှာဖြစ်သွားတာ နောက်ပြီး သူ့မိန်းမ သေဆုံးသွားတဲ့အချိန် လက်ပေါ်မှာ ထင်နေတဲ့အမှတ်အသားနဲ့ ဒုတိယသေဆုံးသူရဲ့ လက်ပေါ်မှာထင်နေတဲ့ အမှတ်အသားနှစ်ခု သွားတူနေတဲ့အခါ..

သူ့မိန်းမဟာ တကယ်တမ်း သတ်သေခဲ့တာလား ဒါမှမဟုတ် တစ်စုံတစ်ယောက်က တမင်သတ်သေစေအောင် ကြံစည်ခဲ့သလားဆိုတာ သူမဝေခွဲနိုင်ဖြစ်လာတယ်..

ဒီတော့ သူ့သံသယတွေကိုရှင်းလင်းစေဖို့....ဒီအမှုနှစ်ခုနောက်ကို လိုက်ရင်း..
အခြားအမှုတွေပါ တစ်သီတစ်တန်းကြီးပေါ်လာတဲ့အခါမှာတော့....

အသစ်ထွက်ထားတဲ့ တေလေဂူးစကားပြော နိုင်ငံရေး၊ အက်ရှင်ဒရာမာ ရုပ်ရှင်တစ်ခုကို ပရိသတ်တွေအတွက် တင်ဆက်ပေးချင်ပါတယ်။
အာဂျွန်နဲ့ သူငယ်ချင်းတစ်စုဟာ မတူတဲ့အကျင့်တွေရှိကြတဲ့ နှစ်ချို့အင်ဂျင်နီယာကျောင်းသားတွေဖြစ်ပါတယ်။အကျင့်တစ်ခုစီ မတူကြပေမဲ့ အရက်သောက်တဲ့နေရာမှာ လူညီကြတာကြောင့် သူတို့အဖွဲ့ဟာ အမြဲတမ်းတတွဲတွဲပါပဲ။သူတို့ထဲမှာ ခေါင်းဆောင်လို့ပြောလို့ရတဲ့ ဇာတ်လိုက်အာဂျွန်ဟာ ကိုယ်နဲ့မဆိုင်လာသရွေ့ ဘာကိုမှဂရုမစိုက်တတ်ပေမဲ့ ဆိုင်လာခဲ့ရင်တော့ အဆုံးထိ ဝင်ပါတတ်တဲ့စရိုက်ရှိသူပါ။အဲဒီလို အရက်သောက်တာကလွဲပြီး ကောလိပ်မှာအလေပဲလိုက်နေတဲ့ သူတို့အဖွဲ့ဟာ သူတို့ကောလိပ်ကို
ကာကွယ်ဖို့အတွက် အင်အားကြီး နိုင်ငံရေးပါတီတစ်ခုနဲ့ ရင်ဆိုင်ဖို့ဖြစ်လာတဲ့အခါမှာတော့…
(ဒီရုပ်ရှင်အတွက် အညွှန်းနဲ့ဘာသာပြန်ကတော့ B-Team ပါ။)

ယူနီဖောင်းနဲ့ခန့်နေတဲ့ Jalebi မင်းသား Varun Mitraနဲ့ အပြုံးချိုချိုမင်းသမီးလေး Kanika Mannတို့ အဓိကပါဝင်ထားပါတယ်

ဇာတ်လမ်းအစမှာ သမီးဖြစ်သူကိုဘူတာလိုက်ပို့ရင်း ဖုန်းအားပြည့်ရဲ့လား မုန့်နဲ့ရေကပါရဲ့လားနဲ့ သဲသဲလှုပ်ဂရုစိုက်အချစ်ပိုနေကြတဲ့ မိသားစုလေးကိုကြည်နူးဖွယ်မြင်တွေ့ရမှာပါ

အဲဒီချိန်မှာပဲ မထင်မှတ်တဲ့ပေါက်ကွဲမှုတစ်ခု .....

ဆိုနူးကတော့ခါးပတ်ညိုရထားတဲ့ ဗိုလ်ကြီးတစ်ဦးပါ ခွင့်ရက်ပြန်လာချိန် အပြုံးချိုချိုမာလာလေးနဲ့ စေ့စပ်ပေးဖို့ အိမ်ကစီစဉ်ထားတာနဲ့တန်းတိုးတာပေါ့

အပြုံးချိုလေးဘယ်လောက်စွမ်းလဲဆို တစ်သက်လုံးမကြိုက်တဲ့ ခရမ်းသီးချက်တောင်စားမယ် ဖြစ်သွားသည်ထိပါပဲ

ခွင့်ရက်မစေ့ခင်မှာပဲ တာဝန်ကျလို့ပြန်သွားရချိန်မှာတော့....

ဒီတစ်ခါတော့ CM ပရိသတ်ကြီးတို့အတွက် 2024 ခုနှစ်မှာထွက်ခဲ့တဲ့ 𝕄𝕦𝕟𝕛𝕪𝕒 ဆိုတဲ့ ဟာသအနည်းငယ်ရောနှောရိုက်ကူးထားတဲ့ သရဲကားတစ်ကားနဲ့မိတ်ဆက်ပေးချင်ပါတယ်။

IMDb 7.1/10 ရရှိထားပြီး အိန္ဒိယရိုးရာယုံကြည်မှုထဲကမိစ္ဆာတစ်မျိုးကို အခြေတည်ရိုက်ကူးထားတာပဲဖြစ်ပါတယ်။

ဇာတ်လမ်းအညွှန်းကတော့ _
၁၉၅၂ခုနှစ်လောက်မှာ ဂေါယာလို့အမည်ရတဲ့ကောင်လေးတစ်ယောက်ဟာ သူ့ထက် ၇ နှစ်ကြီးတဲ့ အမျိုးသမီးလေးတစ်ယောက်ကို စွဲလန်းနေတာကြောင့် သူ့ရဲ့သတို့သားကို ကြွက်သတ်ဆေးနဲ့လုပ်ကြံခဲ့ပါတယ်။

ဒါပေမဲ့ သူ့အမေက သိသွားပြီး ဟိန္ဒူဘာသာအရ အရွယ်ရောက်အခမ်းအနားကို လုပ်စေခဲ့ပါတယ်။

ဒီအခမ်းအနားဟာ ၁၀ ရက်ကြာမြင့်ပြီး အဲဒီအချိန်အတွင်းမှာ ဂေါယာရဲ့အမျိုးသမီးလေးဟာ လက်ထပ်တော့မှာဖြစ်ပါတယ်။

အချစ်ကြီးလို့ အမျက်ကြီးသလို အငြိုးလည်းကြီး ဇက်ရဲလက်ရဲလည်းနိုင်တဲ့
ဂေါယာတစ်ယောက်ဟာ ကောင်မလေးကိုပြန်ရဖို့အတွက်
အောက်လမ်းပညာစီရင်ဖို့ကြိုးစားပါတော့တယ်။

ဒါပေမဲ့ အောက်လမ်းစီရင်နေတုန်း မထင်မှတ်ဘဲ ဂေါယာသေဆုံးသွားခဲ့ပြီး
သူ့ရဲ့ အရွယ်ရောက်အခမ်းအနားလည်းမပြီးဆုံးသေးတာကြောင့်
အစီအရင်သစ်ပင်ကြီးမှာ တွယ်ကပ်နေတဲ့ ဘရဟ္မရာရှာသဆိုတဲ့
မိစ္ဆာဘ၀ကို ရောက်သွားရာကစတင် ဇာတ်အိမ်တည်ထားပါတယ်။

နှစ်ပေါင်းများစွာကြာတဲ့အချိန်မှာ သရဲကပ်နေတဲ့သစ်ပင်ကြီးနဲ့
သူ့ဆီလာဖို့ခေါ်နေတဲ့အသံကို အမြဲတစေကြားယောင်နေတဲ့
ဘီတူလို့အမည်ရတဲ့ကောင်လေးတစ်ယောက်ပေါ်လာပါတယ်။

သူနဲ့ အဲဒီသစ်ပင်၊ အဲဒီမိစ္ဆာတို့ကရော ဘာတွေဘယ်လိုဆက်စပ်နေကြသလဲ၊
သူကပဲ နှိမ်နင်းမှာလား၊ သူ့ကိုပဲ နေရာဆက်ခံဖို့၀ါးမျိုလိုက်မလား၊
ဘယ်လိုဆက်ဖြစ်ဦးမလဲဆိုတာကိုတော့ ဇာတ်လမ်းနဲ့အတူ လိုက်ပါကြည့်ရှုခံစားပေးပါဦးဗျာ

အရာရာနားလည်လက်ခံကြပြီး သိပ်ကိုချစ်ကြပါတယ်ဆိုတဲ့ချစ်သူတွေလည်း
လက်ထပ်ခါနီးမှ သောကဝေ ဒုက္ခတွေများကြရပါတယ် အကြောင်းအရင်းကတော့
နှစ်ဖက်အသိုင်းအဝိုင်းမိဘတွေရဲ့ လွှမ်းမိုးမှုပါပဲ နှစ်ယောက်တည်းတုန်းက
ညှိလွယ်ပြေလွယ်ခဲ့ကြတဲ့အရာတွေက အသိုင်းအဝိုင်းကြီးနှစ်ခုထိပ်တိုက်တွေ့တဲ့အခါ
ထင်သလောက်မလွယ်တော့ပါဘူး အချစ်နဲ့ ရအောင်ကျော်ဖြတ်နိုင်ကြသူတွေ
ရှိသလို ဒီနေရာမှာ အချစ်ဇာတ်လမ်းတစ်ခန်းရပ်သွားသူတွေ ဒုနဲ့ဒေးပါ

အာရှူနဲ့ အန်ဗီတို့က ရှေးရိုးစွဲမိသားစုတွေကြားထဲကနေမှ ဆွေမျိုးမိဘတွေ မသိအောင်
အတူပေါင်းသင်းနေထိုင်နေကြတဲ့ လူငယ်စုံတွဲလေး။
ဒီကြားထဲမှာ ဆွေမျိုးမိဘတွေကြောင့်ပဲ ပြဿနာတွေတက်၊ နှစ်ယောက်ကြားမှာ
အဆင်မပြေမှုတွေဖြစ်လာရာကနေ သူတို့နှစ်ယောက်အချစ်ခရီးဟာ
ရှေ့တိုးရမလို နောက်ဆုတ်ရမလိုတွေ ဖြစ်လာပါတော့တယ်

နှစ်ဖက်အသိုင်းအဝိုင်းအရှိန်အဝါတွေကြောင့် အချစ်ဇာတ်သိမ်းသွားမလား
အချစ်နဲ့ပဲရအောင်ကျော်ဖြတ်မလားဆိုတာ ပေါ့ပေါ့ပါးပါးအချစ်ကားလေးကို အကဲဖြတ်ရှုစားကြည့်ပါဦး

၁၉၆၂ ခုနှစ်၊ အိန္ဒိယ-တရုတ် နယ်စပ်အရေးအခင်းကာလ။ "အိန္ဒိယနဲ့ တရုတ် ညီအစ်ကိုတွေပါ" လို့ ကြွေးကြော်ခဲ့ကြရာကနေ တရုတ်ဖက်ကမမျှော်လင့်ဘဲ နောက်ကျောကိုဓားနဲ့ထိုးကာ ကျူးကျော်စစ်ဆင်နွှဲလာခဲ့ပါတယ်။ လဒက်ဒေသတစ်ခုလုံးအတွက် အသက်တမျှအရေးကြီးတဲ့ လေယာဉ်ကွင်းကို သိမ်းပိုက်ဖို့ တရုတ်တပ်မကြီးက အလုံးအရင်းနဲ့ ချီတက်လာတဲ့အခါ...

သူတို့ကို တားဆီးဖို့အတွက် အဓိကကျတဲ့ "ရေဇန်းလာ" တောင်ကြားလမ်းမှာ တပ်စွဲထားတာကတော့ ဗိုလ်မှူးရှိုင်တန်ဆင်းဘာတဦးဆောင်တဲ့တပ်ခွဲက စစ်သည်အင်အား ၁၂၀ သာ ရှိပါတယ်။

တစ်ဖက်မှာ ခေတ်မီလက်နက်တွေ တပ်ဆင်ထားတဲ့ ထောင်သောင်းချီတဲ့ တရုတ်စစ်သည်တွေ၊ တစ်ဖက်မှာတော့ အင်အား ၁၂၀ သာရှိပြီး အေးခဲနေတဲ့ ရာသီဥတုဒဏ်ကိုပါ အလူးအလဲခံနေရတဲ့ အိန္ဒိယစစ်သည်တွေ။ ဒါပေမဲ့ သူတို့သွေးထဲမှာ စီးဆင်းနေတာက "အာဟီယာ" စစ်သည်တော်မျိုးနွယ်တွေရဲ့ သတ္တိသွေး။

တကယ့်သမိုင်းတွင်ခဲ့တဲ့ "ရေဇန်းလား တိုက်ပွဲ" အကြောင်းကို အခြေခံရိုက်ကူးထားပြီး၊ တစ်ရွာတည်း ဇာတိတူ၊ ငယ်သူငယ်ချင်း စစ်သည်တွေရဲ့ သံယောဇဉ်၊ ခေါင်းဆောင်ကောင်းတစ်ယောက်ရဲ့ ဦးဆောင်မှုနဲ့ တိုင်းပြည်အတွက် အသက်ပေးကာကွယ်သွားကြတဲ့ သူရဲကောင်း ၁၂၀ ရဲ့ မှတ်တမ်းကို ဒီဇာတ်ကားမှာ စိတ်လှုပ်ရှားဖွယ် ကြည့်ရှုရမှာဖြစ်ပါတယ်။

စစ်ကားကောင်းကြိုက်သူတွေ၊ ဖြစ်ရပ်မှန်ကြိုက်သူတွေ လက်မလွှတ်သင့်တဲ့ ဇာတ်ကားကောင်းတစ်ကားပါ။