📹 Nom qoʻya olmadim…

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Bilasizmi?

Ishlab chiqarish yoki pedagogik faoliyatni ilmiy ish bilan birga muvaffaqiyatli olib boruvchi shaxslar uchun asosiy ish joylaridagi oʻrtacha oylik ish haqlari va lavozimlari saqlangan holda:

- nomzodlik dissertatsiyasini va darsliklar hamda oʻquv-uslubiy qoʻllanmalarni tugallashlari uchun mualliflarga 3 oygacha;

- doktorlik dissertatsiyasini tugallash uchun 6 oygacha boʻlgan muddatga ijodiy taʼtillar beriladi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Xushxabar!

Mirzo Ulug‘bek nomidagi O‘zbekiston Milliy universiteti Kengashi qaroriga muvofiq Jurnalistika fakulteti bazasidagi ta’lim yo‘nalishi negizida O‘zbek filologiyasi fakulteti tashkil etildi.

Yangi tashkil etilgan O‘zbek filologiyasi fakultetida “O‘zbek adabiyotshunosligi”, “O‘zbek tilshunosligi”, “Kompyuter lingvistikasi va amaliy tilshunoslik” kafedralari faoliyat olib boradi.

Fakultet jamoasini shu munosabat bilan tabriklab, kelgusi faoliyatiga muvaffaqiyatlar tilaymiz.

O‘zMU Axborot xizmati


🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

​❗️​Pulli va pullik: qay biri to‘g‘ri?

-li va -lik qo‘shimchalarini xato qo‘llash ko‘p uchraydi. Ayniqsa, og‘zaki nutqda -li o‘rnida -lik ishlatilishiga tez-tez guvoh bo‘lish mumkin. Bu holat yozma nutqqa ham o‘z ta’sirini ko‘rsatadi.

Hatto nufuzli nashrlarda ham -lik qo‘shimchasi bilan bog‘liq yanglishliklar ko‘zga tashlanadi. Masalan, pulli so‘zi o‘rniga pullik so‘zini ishlatish. Internetga qidiruv bersangiz, so‘z to‘g‘ri yozilgan holatlarga ham, xato yozilgan holatlarga ham duch kelasiz.

Nega pullik yo‘l deyish xato?

-lik mavhum ot yasovchi qo‘shimchadir: bolalik, kelinlik, tilshunoslik, temirchilik, tinchlik, tashkilotchilik, darslik.

-li esa sifat yasovchi qo‘shimchadir: bolali, mevali, aqlli, suvli, unumli, bilimli, yetarli, tushunarli, sezilarli, yeyishli.

Pulli yo‘l birikmasida pulli so‘zi yo‘lning qandayligini sifatlab kelyapti. Pullik so‘zi esa ot. Shu sababli uni qo‘llash xato.

Pulli so‘zining pul to‘lanadigan, pul evaziga olinadigan, beriladigan yoki qilinadigan degan ma’nosi bor: pulli konsert, pulli ma’ruza, pulli xizmat. Pulli yo‘l birikmasida pulli so‘zining shu ma’nosi ifodalangan: pul to‘lanadigan yo‘l, pul evaziga yuriladigan yo‘l.

Pullik degan so‘z ham bormi? Bor. Lekin u izohli lug‘atga kirmabdi. Imlo lug‘atidan esa joy olgan. Bu so‘zning ma’nosi nima? U pul xususiyati, belgisini bildiruvchi otdir. Masalan:

Gʻijimlab tashlabsan-ku, pulligi qolmabdi buni!

Qog‘oz pul g‘ijimlab tashlanganidan pullik xususiyatini yo‘qotgan.

📌 Demak:

Pulli yo‘l, pulli xizmat ✅
Pullik yo‘l, pullik xizmat ❌

©Mushtum

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Oʻzbekistonda ishga joylanmagan bitiruvchilari koʻp boʻlgan OTM faoliyati tugatilishi mumkin

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Toshkent oliy o‘quv yurtlari tirbandliklarni kamaytirish uchun shahar chetiga ko‘chishi mumkin

Tadqiqot natijalariga ko‘ra, poytaxtdagi tirbandliklar oliy o‘quv yurtlari dars vaqtida 33 foizga oshadi.

Yirik oliy o‘quv yurtlarini shahar tashqarisiga ko‘chirish, tirbandlikni kamaytirish jahon tajribasi ekanligi ham ta’kidlangan.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️14-fevral — buyuk shoir, qomusiy olim, davlat arbobi va mohir sarkarda Zahiriddin Muhammad Bobur tavallud topgan kun (1483-1530)

Ushbu sana har yili mamlakatimiz bo‘ylab adabiyot va ilm-ma’rifat bayrami sifatida nishonlanadi.

Ma'lumot o‘rnida, 2023/2024-o‘quv yilidan boshlab oliy ta’lim muassasalari talabalari uchun tarix va geografiya yo‘nalishlarida Zahiriddin Muhammad Bobur nomidagi davlat stipendiyasi ta’sis etiladi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Global Best M-Gov Award tanlovi g'oliblari aniqlandi

Toshkent shahridagi Inha universiteti talabalari Global Best M-Gov Award tanlovida dunyoning mingdan ortiq jamoalari orasidan 2-oʻrinni egalladi va Dubaydagi Jahon hukumatlari sammiti doirasida taqdirlandi. Sovgʻani Misr Prezidenti topshirdi.

Loyiha Donʻt Waste deb nomlanib, turli xil taom tayyorlovchi korxonalardagi ortiqcha qolib ketayotgan ovqatlarni isrof qilmasdan, yesa boʻladiganlarini boshqa insonlarga, isteʼmolga yaroqsizlarini esa fermalarga yoki qayta ishlashga yuborish jarayonlarini osonlashtirishga qaratilgan.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️ Diqqat!

Metropolitenning “Yerusti halqa yoʼli” yo‘nalishida poyezdlar harakati 2023-yil 18-fevral (shanba) kuni bir kun davomida to’xtatiladi.

Bunga metro temir yo‘llarida bajarilayotgan qurilish ishlari sababligi aytildi.

Yo’nalish 19-fevraldan doimiy jadval asosida o’z harakatini davom ettiradi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️OTMda taʼlim olayotgan talabalar soni bir milliondan oshgan.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Diqqat!

Oʻzbekiston Respublikasi “Taʼlim toʻgʻrisida”gi Qonunining 38-moddasiga koʻra nodavlat taʼlim tashkilotlariga oʻqishga qabul qilish tartibi ushbu taʼlim tashkilotlari tomonidan belgilanadi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Matematika va biologiya fanlaridan milliy sertifikat imtihoni uchun ruxsatnoma

2023-yil 19-fevral (yakshanba) kuni bo‘lib o‘tadigan matematika va biologiya fanlaridan milliy sertifikat imtihoni uchun ruxsatnomalarni berish boshlandi.

Test sinovida ishtirok etadigan talabgorlar ruxsatnomani my.dtm.uz saytining “Milliy sertifikat” bo‘limidan olishlari mumkin.

Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

Talabgorlar test sinovi o‘tkaziladigan binolarga shaxsini tasdiqlovchi hujjat (pasport) asosida:

1-smenada 07:30 dan boshlab (test sinovi 09:00 da);
2-smenada 12:30 dan boshlab (test sinovi 14:00 da) kiritiladi.

Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Toʻlov-kontrakt mablagʻlarini toʻlash muddati 15-martga qadar uzaytirildi

Davlat komissiyasining tegishli qaroriga muvofiq 2022/2023-o‘quv yilida oliy ta’lim muassasalari bakalavriati va magistraturasiga to‘lov-kontrakt, jumladan, tabaqalashtirilgan to‘lov-kontrakt asosida talabalikka, professional ta’lim muassasalariga (kollej, texnikum) o‘quvchilikka tavsiya etilgan abituriyentlar, oʻqishi koʻchirilgan (koʻchirib tiklangan) va qayta tiklangan talabalar oʻqishi uchun toʻlov haqini oʻtkazish hamda talabalar safiga qabul qilishni rasmiylashtirishning soʻnggi muddati 2023-yilning 15-marti etib belgilandi.

Shuningdek, qaror bilan 2023-yil 20-yanvardan keyin kontraktini toʻlaganlarning toʻlovi ham inobatga olinadigan boʻldi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️YANA TAʼLIM HAQIDA

Professor Zarifbay Ibadullayevning Oliy taʼlim vazirligining talabga javob bermagan oʻquv maskanlarini yopilishi bilan bogʻliq qarori toʻgʻrisidagi chiqishini eshitib qoldim. Oliy taʼlim vazirligi va professorning nuqtai nazarini qoʻllagan holda, qoʻshimcha qilamanki, Oliy oʻquv maskanlaridagi kechki va sirtqi yoʻnalishlarni ham jiddiy oʻylab koʻrish kerak.

Chunki u yoʻnalishlardagi taʼlim sifati, odatda, oʻta past. Bu narsa ham talabalar, ham oʻqituvchi-professorlar faoliyati bilan bogʻliq. Chunki, avvalo, davomat juda yomon. Qoleversa, u yerlarda oʻzbekcha mentalitet xatosiz ishlaydi: “axir, bu kechki yoki sirtqi taʼlim, yengillik beraylik”, deyiladi. Natijada talabalarning koʻpchiligi “alif”ni “kaltak” deb oʻqishni bitirishadi.

Bir millatni xonavayron qilish uchun uning yerini bosib olishning hojati yoʻq, bor-yoʻgʻi taʼlimini botqoqqa botir, shuning oʻzi yetadi, degan gap bor. Xuddi shunday, men mamlakatdagi taʼlim va uning sifatini kuzatib yurgan bir oʻqituvchi-professor sifatida komil ishonch bilan ayta olamanki, bizni oldinda sifatsiz kadrlar bilan bogʻliq juda katta muammolar kutib turibdi.

Tushunaman, mamlakatda oliy maʼlumotli insonlarning koʻp boʻlishi juda yaxshi. Lekin faqat qogʻozda (statistika uchun!) oliy maʼlumotli boʻlishning nima foydasi bor?.. Bu yanada xavfli emasmi?.. Chunki qoʻlida diplomi boru kallasida bilimi yoʻq kadrlar ertaga bir joyni egallash uchun jon olib, jon beradi. Eng kamida, ikkita ana shunday joydan birini egallaydi ham. Bu nima degani?.. Yurtdagi sohalarning teng yarmi oʻz-oʻzidan botqoqqa botdi, degani.

Bas, shunday ekan, mabodo, taʼlimda nimadir oʻzgarish qilmoqchi ekanmiz, kunduzgi taʼlim sifatini oshirgan holda, sirtqi va kechki oʻquv yoʻnalishlari taqdirini jiddiy oʻylab koʻrishimiz lozim. Ular kerakmi oʻzi?.. (Bilaman, sirtqi va kechki taʼlimdan ham tashkilot gʻaznasiga pul tushadi. Lekin siz taʼlim sifati masalasini yana maydonga tashlar ekansiz, uning yechimi goho moʻmay daromaddan voz kechish bilan boʻladi!)

Axir, masalan, sirtqi taʼlimda talabalar yilda ikki marta taxminan 1 oydan oʻqishadi. Tasavvur qiling, bir oydan yilda ikki marta darsga chala qatnashib, toʻliq oliy maʼlumotli boʻlish mumkinmi? Men bunday natijaga ishonmayman. Har holda, bizning mentalitet bilan yaxshi natijalarni kutib boʻlmaydi. Chunki oʻquv jarayonining ichida yurib, amalda kuzatib yurgan odam sifatida aks natijalarga guvohman.

Nima demoqchiman?.. Yo taʼlim sifatini chindan ham oshiraylik yoki bu haqda mutlaqo ogʻiz ochmaylik.

Ulugʻbek HAMDAM.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️SSV: Yurtimizda 22 ta xorijiy universitet bilan xalqaro qoʻshma dasturlar asosida tibbiyot kadrlari tayyorlash yoʻlga qoʻyildi

Sogʻliqni saqlash vazirligining navbatdagi Hayʼat yigʻilishi davom etmoqda. Kun tartibidan tibbiy taʼlim, soha xodimlari malakasini oshirish va qayta tayyorlash tizimini takomillashtirish masalalari oʻrin olgan.

Qayd etilganidek, Prezidentimiz topshiriqlari asosida keyingi 6 yilda yurtimizda:

Tibbiyot oliy oʻquv yurtlari soni 11 taga yetdi. Toshkent, Sirdaryo, Jizzax, Navoiy, Qashqadaryo va Namangan viloyatlaridagi universitet va institutlarda 6 ta tibbiyot fakulteti tashkil etildi.

Buxoro davlat tibbiyot institutida Turkiyaning sogʻliq bilimlari universiteti bilan hamkorlikda Turkiya tibbiyot fakulteti, Toshkent shahrida N.I. Pirogov nomidagi Rossiya tibbiyot universitetining hamda Jizzax shahrida Qozon federal universitetining filiallari ochildi.

Rossiya, Koreya, Germaniya, Belarus, Turkiya, Ukraina, Hindiston, Italiya, Xitoy, Polsha davlatlarining 22 ta universiteti bilan 12 ta bakalavriat taʼlim yoʻnalishi, 10 ta magistratura va 8 ta klinik ordinatura mutaxassisliklari boʻyicha xalqaro qoʻshma taʼlim dasturlari asosida kadrlar tayyorlash tizimi yoʻlga qoʻyildi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️Tibbiy taʼlim: Bakalavriatda 4 ta, magistraturada 14 ta va klinik ordinaturada 6 ta yangi mutaxassislik ochildi

Sogʻliqni saqlash vazirligining navbatdagi Hayʼat yigʻilishida keyingi 6 yilda tibbiy taʼlim yoʻnalishi boʻyicha erishilgan quyidagi natijalar ham tilga olindi:

Bakalavriatda 4 ta yangi taʼlim yoʻnalishi ochilib, qabul kvotalari 2,4 barobar, magistraturada 14 ta yangi mutaxassiclik hisobiga kvotalar 3 barobar, klinik ordinaturada esa 6 ta yangi mutaxassislik tashkil etilishi natijasida kvotalar 2 barobarga oshirildi.

Internatura joriy etilib, 19 ta yoʻnalish boʻyicha yiliga 500 nafar tor mutaxassis tayyorlanmoqda.

Shu bilan birga, oʻquv rejalaridagi nomutaxassis fanlar ulushi 2 barobar qisqartirildi.

Xorijdan 350 nafar professor-oʻqituvchi oʻquv jarayoniga jalb qilinib, ilmiy salohiyat 32 foizdan 46 foizga oshdi.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg

❗️ Vazir Xalqaro qishloq xo‘jaligi universitetida bo‘lib, talabalarga ma’ruza o‘qidi

Oliy ta‘lim, fan va innovatsiyalar vaziri Ibrohim Abdurahmonov universitet faoliyati bilan tanishuv davomida auditoriyalar va laboratoriyalar uchun ajratilgan joylarni ko‘rib, professor-o‘qituvchilar bilan ta’lim jarayonlari haqida suhbatlashdi.

Shundan so‘ng vazir talabalar va ishtirokchilarga genomika bo‘yicha ingliz tilida ma‘ruza o‘qidi, shuningdek, o‘zining ilmiy faoliyatidagi tajribasi bilan o‘rtoqlashdi.

Ma’lumot o‘rnida, universitet 2022-yilda Prezident qarori bilan tashkil etilgan bo‘lib, 2022/2023-o‘quv yilidan boshlab 7 ta bakalavriat ta’lim yo‘nalishi bo‘yicha kadrlar tayyorlanmoqda.

🎓 Talaba.uz rasmiy kanali👇
https://telegram.me/joinchat/AAAAAFKT9qZa_lmXyNXkWg