​​Ingliz tili fanidan test topshiriqlari to‘plami sotuvga chiqarildi

Davlat test markazi hamda “Davr press” nashriyot-matbaa uyi qo‘shma loyihasi asosida barcha umumta’lim fanlaridan test topshiriqlari to‘plamlari tayyorlangan bo'lib, test topshiriqlari to‘plamlari bosqichma-bosqich sotuvga chiqarilmoqda.

9-noyabrdan ingliz tili fanidan test topshiriqlari to‘plami sotuvga chiqarila boshlandi.

To‘plamdan 2019-yilgi test sinovlarida foydalanilgan test topshiriqlari o‘rin olgan bo'lib, to‘plam o‘qituvchilar, oliy ta’lim muassasalariga kirish uchun tayyorgarlik ko‘rayotgan abituriyentlar va keng jamoatchilik uchun mo‘ljallangan.

Test topshiriqlari mazmuni bo’yicha takliflar va fikr-mulohazalaringizni test@dtm.uz elektron manziliga yuborishingiz mumkin.

Eslatib o'tamiz, 1-noyabrdan "Ona tili va adabiyot", "Matematika", "Fizika" fanlaridan test topshiriqlari to’plamlari sotuvga chiqarilgan.

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

​​Iqtidorli talabalar Turkiyaga o‘qishga yuborilishi mumkin.

11-noyabr kuni, Oliy va o‘rta maxsus ta’lim vazirligida Turkiyaning Xorijlik turklar va qavm jamiyatlar idorasi raisi Abdulloh Eren boshligidagi delegatsiya qabul qilindi. Bu haqida Oliy va o‘rta maxsus ta’lim vazirligining matbuot xizmati xabar bermoqda.

Uchrashuvda Oliy va o‘rta maxsus ta’lim vaziri Inomjon Madjidov, vazir o‘rinbosari U.Begimkulov, Xorijlik turklar va qavm jamiyatlar idorasi raisi Abdullax Eren, Turkiyaning O‘zbekistondagi elchixonasi vakillari va mutaxassislari ishtirok etdi.

Muzokaralarda iqtidorli yoshlarga Turkiyaning davlat oliy ta’lim muassasalari bakalavriati, magistraturasi va doktoranturasida o‘qish uchun Turkiya hukumati stipendiyalarini taqdim etish imkoniyati, tanlov shartlari, g‘oliblarga yaratiladigan shart-sharoitlar muhokama qilindi.

Inomjon Majidov Turkiya delegasiyasiga minnatdorchilik bildirib, nufuzli xorijiy oliy ta’lim muassasalarida, shu jumladan Turkiya OTMlarida yetuk, raqobatbardosh mutaxassislar tayyorlashga yo‘naltirilgan loyihalarni vazirlik qo‘llab-quvvatlashini ma’lum qildi.

Shu bilan birga, loyihani bosqichma-bosqich iqtisodiyot tarmoqlari ehtiyojidan kelib chiqqan holda muhandislik, texnika, kimyo sanoati, arxitektura va qurilish, qishloq xo‘jaligi, tibbiyot, tadbirkorlik kabi mutaxassisliklar bo‘yicha magistratura va doktoranturada o‘qitishdan boshlashni taklif etdi.

Ma’lumot uchun, bugungi kunda Turkiya oliy ta’lim muassasalarida 1075 nafar o‘zbekistonlik talaba, shundan 150 nafari grantlar asosida, tahsil olmoqda.

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

Mish-mishlarga (bir qancha OTMlarda) qaraganda kontraktlar va grantlarga stipendiya tushishni boshlabdi.

Sizga ham stipendiya tushdimi?


Tarqatamiz😎👇
https://telegram.me/joinchat/AAAAAFKT9qZEVgruNIKRcA

#Oliy_talim_2030

Oliy ta’lim tizimini 2030-yilgacha rivojlantirish konsyepsiyasining maqsadli ko‘rsatkichlari:

✅ Xorijda malaka oshirgan yoki stajirovka o‘tagan professor-o‘qituvchilar ulushi 2 foizdan 20 foizgacha oshiriladi.

✅ Muhandislik-texnik ta’lim yo‘nalishlarida tahsil olayotgan talabalar ulushi 25 foizdan 50 foizgacha ko‘payadi.

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

O'qituvchi qachon-ki barcha talabalardan telefonni olib qo'ysa😅

Do'stlarga ulashing😄👇
https://telegram.me/joinchat/AAAAAFKT9qZEVgruNIKRcA

#Saylov2019 #yangilik

Talabalar qishki ta’til muddati o‘zgarishi mumkin

2019 yilning 22 dekabrida O‘zbekiston Respublikasi Oliy Majlisi, xalq deputatlari viloyat, tuman va shahar Kengashlariga umumxalq saylovlari o‘tkazilishi munosabati bilan talabalar o‘zi doimiy ro‘yxatdan o‘tgan yashash joyida ovoz berishlari uchun 2019-2020 o‘quv yili qishki ta’til davri 2019 yil 20 dekabrdan 2020 yil 6 yanvargacha deb belgilanishi kutilmoqda.

Do'stlarga ulashing😄👇
https://telegram.me/joinchat/AAAAAFKT9qZEVgruNIKRcA

YAXSHILIK QILUVCHILARNING IKKI TOIFASIDAN BO‘LMANG!

➖ Ikki toifa insonlar borki, ular o‘zlari xohlamagan holda o‘zgalarga yaxshilik qiladilar:

➖ Ulardan birinchisi – baxildir. U mol-dunyo to‘playdi, lekin molidan xayr-saxovat qilmaydi. Oxir-oqibat o‘z mulkini o‘zgalarga qoldirib ketadi.

➖ Ikkinchisi esa g‘iybatchidir. U odamlarni g‘iybat qilib, o‘zining savoblarini ularga o‘tkazib beradi.

Assalomu Alaykum!!!

Kuningiz baxillik va g‘iybatdan xoli o‘tishini tilaymiz. 😊

Talabalar kanali 😎👇
https://telegram.me/joinchat/AAAAAFKT9qZEVgruNIKRcA

#Tayinlov

O‘zbekiston Respublikasi Prezidentining 2019-yil 11-noyabrdagi PQ-4516-qarori bilan Shermuhammadov Bahodirjon Shermuhammadovich O‘zbekiston Respublikasi Oliy va o‘rta maxsus ta’lim vazirining yoshlar, ma’naviyat va ma’rifat masalalari bo‘yicha o‘rinbosari lavozimiga tayinlandi.

Shu kunga qadar B.Shermuhammadov O‘zbekiston Respublikasi Prezidenti Administratsiyasi milliy qadriyatlar, ma’naviyat va ma’rifatni o‘rganish hamda rivojlantirish shoʻbasi bosh konsultanti lavozimida faoliyat yuritgan.

Manba: Oliy va o‘rta maxsus ta’lim vazirligi

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

#Talabaga_eslatma

Ўзбекистон Республикаси Президентининг 2018 йил 7 майдаги ПҚ-3698-сон қарори асосида 2018-2019 ўқув йилидан бошлаб барча олий таълим муассасаларида “Инновацион жамғармалар ва илмий-инновацион ишланмаларни тижоратлаштириш” бўлимлари ташкил этилган.

Бўлим илмий ишланмаларни тижоратлаштириш, олий таълим, фан ва ишлаб чиқаришнинг ўзаро мустаҳкам интеграциясини таъминлаш билан шуғулланади.

✅ Талабалар, магистрлар, илмий тадқиқотчилар ва профессор-ўқитувчилар бу бўлимда:

👉 ОТМга корхона ва ташкилотлар, йирик ишлаб чиқарувлардан хўжалик шартномалари асосида бажариш бўйича келиб тушган буюртмалар билан танишиш;

👉 илмий ихтироларни патентлаштиришда услубий ёрдам олиш;

👉 илмий ишланмаларни тижоратлаштиришга бағишланган халқаро илмий ҳамкорлик ҳақида маълумот олиш ва унда бевосита иштирок этишлари мумкин.

Шунингдек бўлим:

- бозорни тизимли равишда таҳлил қилади ва инновацион маҳсулот (иш, хизмат)ларга бўлган талабни ўрганади;
- инновацион лойиҳаларни амалга ошириш учун инвесторлар, шериклар ва бошқа манфаатдор шахсларни жалб қилади;
- инновацион маҳсулотларни ишлаб чиқариш мақсадида саноат корхоналари билан ўзаро ҳамкорлик қилади.

Ўзбекистон Республикаси Президентининг 2019 йил 11 июлдаги ПҚ-4391-сон қарори билан вазирликда Илмий тадқиқотлар ва тижоратлаштириш бўлими ташкил этилиб, у олий таълим муассасаларининг бу йўналишдаги ишларини республика миқёсида умумлаштиради.

Манба: Олий ва ўрта махсус таълим вазирлиги

Каналга уланиш👇👇👇
https://telegram.me/joinchat/AAAAAFKT9qZEVgruNIKRcA

​​9 yoshidayoq bakalavr - niderlandiyalik vunderkind rekordga yaqinlashyapti.

Yaqinda oliy ma’lumot to‘g‘risidagi diplomning eng yosh egasiga niderlandiyalik 9 yoshli Loran Simons aylanadi, u bir necha oydan so‘ng Eyndxoven texnika universitetini bitiradi.

Hozirgacha oliy ma’lumot to‘g‘risidagi diplomning eng yosh egasi 10 yoshida Alabama universitetini bitirgan amerikalik Maykl Karni hisoblanar edi.

Loran Simons elektrotexnika fakultetida tahsil olmoqda. U universitetga atigi bir yil oldin kirgan.

Vunderkind maktabning o‘rta va yuqori sinflari olti yillik dasturini atigi 1,5 yil ichida o‘zlashtirdi va o‘tgan yil yozda, sakkiz yoshida, o‘rta ma’lumot haqida attestat oldi.

Yozgi ta’tildan so‘ng, u universitetda o‘qishni boshladi. Qayd etilishicha, universitet dasturini ham barcha kursdoshlariga qaraganda ancha tezroq o‘zlashtirgan.

Bolaning IQ darajasi 145ga teng, u fotografik xotiraga ega. Loranning so‘zlariga ko‘ra, eng sevimli fani - matematika, sababi statistika, geometriya va algebrani o‘z ichiga oladi.

Kelajakda u kardiojarroh bo‘lishni xohlayapti. Bola maktabda o‘qigan paytidayoq Amsterdam universitetining tibbiy fakultetidagi maxsus kursda tahsil olgan.

Loran Simonsning so‘zlariga ko‘ra, odamlar hayotini uzaytirish uchun vosita topishni orzu qiladi.

Loran Simonsning onasi Belgiyadan, otasi esa hollandiyalik. Bola Belgiyada tug‘ilgan, keyin oila Niderlandiyaga ko‘chib ketgan.

Ota-onasining so‘zlariga ko‘ra, ular oilada vunderkind ulg‘ayib kelayotganini juda erta bilishgan. Lorenning otasi aytishicha, o‘g‘li, tengdoshlaridan farqli o‘laroq, o‘yinchoqlarga unchalik qiziqmasdi.

«Agar u ertaga duradgor bo‘lishga qaror qilsa, bu biz uchun muammo bo‘lmaydi. Muhimi, bu uning o‘zini xursand qilsa bo‘ldi», - degandi Lorenning otasi bir yil oldin, o‘g‘li universitetga kirganida.

Talabalar kanali 😎👇
https://telegram.me/joinchat/AAAAAFKT9qZEVgruNIKRcA

Ulovni ayol kishi boshqarayotgani haqida ogohlantiruv belgisi.(Hazil)

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

#Ahvolimiz
#Obunachilardan
#SAMDU

Samarqand Davlat universiteti Psixologiya va ijtimoiy fanlar fakulteti "yangi" binoga ko'chirilibdi🤦‍♂ Ahvol ko'rib turganingizdek achinarli😐

Ehh shuncha kontrakt puli qayerga ketayapti? Shuncha pulga to'yishmadimikan, ayrim mutasaddilar?

Mutasaddilarga yuboramiz😒👇
https://telegram.me/joinchat/AAAAAFKT9qZEVgruNIKRcA

Hurmatli talabalar!

Sizning oliygohingizda ham shunga o'xshash kamchiliklar va adolatsizliklar yuz berayaptimi? Unday bo'lsa, o'z murojaatingizni bizga yo'llang!

Sizning ismingiz sir bo'lib qolishiga kafolat beramiz.

Unutmang, siz o'zingiz o'qiyotgan oliygohingizga yomonlik qilganingiz yo'q! Tanqidni to'g'ri baholash kerak mutasaddilarimiz. Balkim, siz sabab ancha muommolar to'g'rilanar.

Eslatib o'tamiz, kanalimizni Oliy va o'rta ta'lim vaziriligi mutasaddilari ham kuzatib borishadi)

Murojaat uchun:
@TalabaUz_MurojaatBot
@TalabaUzAdmin

O‘quvchi kollejda otishma uyushtirdi.

Rossiyaning Blagoveshensk shahridagi qurilish kollejida otishma yuz berdi. Natijada 2 kishi halok bo‘ldi, 3 nafari jarohatlandi. Bu haqda RIA Novosti xabar berdi.

Otishmani Amur qurilish va kommunal xo‘jalik kolleji o‘quvchisi uyushtirdi. Qurolli buzg‘unchini “xavf” signali bo‘yicha voqea joyiga birinchi yetib kelgan Yo‘l-patrul xizmati xodimlari bir xonaga siqishtirib qo‘ydi. Politsiya xodimlari hujum qilgan shaxsga qarata o‘q uzgan.

O‘quvchilar evakuatsiya qilinganidan keyin kollej hududidan ikki kishining, jumladan, hujum qilgan o‘quvchining jasadi topildi. Buzg‘unchi o‘z joniga qasd qilgan.

Politsiya ma’lumotiga ko‘ra, o‘quvchining otishma qilishiga tengdoshlari bilan o‘zaro mojarosi sabab bo‘lgan.

✍ Sunnatilla Abdullayev

Manba: Qalampir.uz

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

Turkiya universitetlarida o‘zbekistonlik yoshlarning bepul o‘qishi uchun grantlar miqdori 3 baravargacha oshiriladi.

Turkiya va O‘zbekiston o‘rtasidagi ta’lim sohasidagi hamkorlikni kengaytiradi. Bu haqda Xorijdagi turklar va qardosh xalqlar boshqarmasi (YTB) rahbari Abdullah Eren jurnalistlar bilan uchrashuvda ma’lum qildi, deb xabar beradi “Daryo” muxbiri Sevara Nishonova.

Ayni kunlarda xizmat safari bilan O‘zbekistonda bo‘lib turgan Abdulloh Eren O‘zbekiston Oliy va o‘rta maxsus ta’lim vaziri Inom Majidov bilan uchrashib, o‘zaro hamkorlik masalalarini muhokama qildi.

“Oliy ta’lim vaziri Inom Majidov bilan uchrashdik. Muhandislik yo‘nalishida tahsil olayotgan talabalarni Turkiyada bilim va ko‘nikmalarini oshirishga ko‘proq e’tibor qaratamiz.

Hozirda Turkiyada 1000 dan ortiq o‘zbekistonlik talaba tahsil olmoqda. 10 yil ichida Turkiya davlat stipendiyasi asosida ta’lim olgan talabalarning umumiy soni 150 kishini tashkil etadi. Bu juda kam ko‘rsatkich.

Bu yil Turkiya davlat stipendiyasi uchun 169 mamlakatdan jami 150 000 kishi hujjat topshirdi. O‘zbekistondan topshirganlar soni 500 ga yaqin. Bu juda oz. Masalan, Qozog‘istondan 5000, Afg‘onistondan 15000 kishi hujjat topshirgan. Murojaat etuvchilar soni qanchalik ko‘paysa, grant sohiblari ham shu qadar ko‘p bo‘ladi”, — deydi Abdulloh Eren.

Xorijdagi turklar va qardosh xalqlar boshqarmasi rahbari o‘zbekistonlik yoshlariga Turkiya universitetlarida bepul o‘qish uchun grantlar miqdorini uch baravargacha oshirish rejalashtirilayotganini ham aytib o‘tdi:

“O‘zbekiston siyosiyati, iqtisodiyoti, madaniyati hamda yoshlari bilan Markaziy Osiyo mintaqasidagi eng kuchli mamlakat. Islom madaniyatining ma’naviy beshigi O‘zbekiston Buxoro, Xiva, Samarqand kabi shaharlari va buyuk allomalari bilan jahonga mashhur. Men Milliy universitetda bo‘lib yoshlar bilan uchrashdim. Talabalarning to‘rt— o‘zbek, rus, ingliz va turk tillarida so‘zlashayotganiga guvoh bo‘ldim. Biz bunday yoshlarning Turkiyaga borib tahsil olishini va olgan bilimlarini yurt ravnaqi yo‘lida safarbar etishlarini istaymiz.

Shu yilning o‘zidayoq o‘zbekistonliklarga Turkiya universitetlarida bepul o‘qish uchun grantlar miqdorini uch baravargacha oshirishni rejalashtirganmiz”.

Abdulloh Eren Turkiya davlat stipendiyasi asosida ta’limni tamomlaganlar uchun qanday talablar qo‘yilishi haqida gapirar ekan, o‘qish tugagach, ularning O‘zbekistonga qaytishi majburiy shartlardan biri ekanligini aytdi:

“Turkiya universitetlarida grant asosida o‘qiyotgan talabalardan tilxat yozdirib olamiz. Ular o‘qish tugagach, olti oy ichida O‘zbekistonga qaytishlari kerak. Ularga qaytish uchun aviachipta ham olib beramiz. Ular Turkiyada olgan bilimlarini O‘zbekiston rivojlanishi yo‘lida safarbar etishlarini istaymiz”.

“O‘zbekistonlik iqtidorli yoshlarning Turkiyada tahsil olishiga imkoniyat yaratib bergan holda ikki mamlakat ta’lim sohasidagi hamkorligida yangi sahifa ochmoqchimiz.

O‘tmish o‘tmishda qoldi. Endi oldimizda yangi O‘zbekiston va yangi Turkiya bor. Bu faoliyatimiz natijasida turk va o‘zbek xalqlarini ham o‘zaro yaqinlashtirish maqsadidamiz”, — deydi so‘zlarini davom ettirib Abdulloh Eren.

Ma’lumot uchun, Xorijdagi turklar va qardosh xalqlar boshqarmasi 2010-yilda tashkil etilgan.

Boshqarma, asosan, Turkiya tashqarisidagi turk diasporasi bilan aloqalarni mustahkamlash, qardosh xalqlar bilan munosabatlarni kengaytirish, xalqaro talabalarni Turkiyada davlat granti asosida o‘qitish kabi uchta yo‘nalishda faoliyat yuritadi.

Avvalroq, Abdullah Eren va Inom Majidov iqtidorli yoshlarga Turkiyaning davlat oliy ta’lim muassasalari bakalavriati, magistraturasi va doktoranturasida o‘qish uchun Turkiya hukumati stipendiyalarini taqdim etish imkoniyati, tanlov shartlari, g‘oliblarga yaratiladigan shart-sharoitlar muhokama qilgani haqida xabar berilgan edi.

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

​​Guliston davlat universitetida talaba 3-qavatdan yiqilib tushdi.

2019-yil 13-noyabr kuni taxminan soat 15:30 da Guliston davlat universiteti Filologiya fakultetining “O‘zbek tili va adabiyoti” yo‘nalishi 4-bosqich 49-16-guruh talabasi Y.Qarshiboyev universitet bosh binosining 3-qavati oynasidan telefon orqali suhbatlashayotgan vaqtida ehtiyotsizligi sababli pastga tushib ketgan. Bu haqda Oliy va o‘rta-maxsus ta’lim vazirigi xabar berdi.

Xabar berilishicha, voqea sodir bo‘lgandan keyin tez tibbiy yordamga murojaat qilingan, shifokorlar tomonidan talabaga yordam ko‘rsatilgan. Shundan so‘ng talaba Respublika shoshilinch tez tibbiy yordam markazi Sirdaryo viloyati bo‘limiga olib borilgan va to‘liq tibbiy ko‘rikdan o‘tkazilgan.

Ushbu voqea yuzasidan “O‘zbek tili va adabiyoti” yo‘nalishi, 4-bosqich 49-16-guruh talabalari bilan universitet ma’muriyati tomonidan suhbat o‘tkazilganida, guruh talabalari o‘rtasida hech qanday nizoli holat bo‘lmagani, Y.Qarshiboyevning hech kim bilan tortishmagani ma’lum bo‘lgan.

Ma’lum qilinishicha, 14-noyabr kuni viloyat shifoxonasida Y.Qarshiboyev muvaffaqiyatli operatsiya qilingan, hozirda uning umumiy ahvoli yaxshi. Universitet ma’muriyati va kursdoshlari Y.Qarshiboyev ahvolidan xabar olib turibdi.

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

ASSALOMU ALAYKUM!

Jilmayib tong otdi, o‘zgacha bu kun,
Umid qil, Rahmondan degandek bugun.
Ming kundan afzaldir, ming kundan uzun,
Alloh muborak qilgan JUMAdir bugun!

🌙 JUMA MUBORAK!

Kanalga ulanish👇👇
https://telegram.me/joinchat/AAAAAFKT9qZEVgruNIKRcA

​​​​#DIQQAT #YANGILIK #STIPENDIYA

Joriy yilning 11-Noyabr sanasida deputat Rasulbek Kusherbayev Bosh vazir Abdulla Aripovga xat orqali murojaat qilgan, quyida xatning yozma shakli va nusxasini keltiraman.

Hurmatli Abdulla Nigmatovich!

Joriy yilda oliy ta‘lim muassalarida talabalar uchun to‘lov kontrakt miqdorining rejalashtirilganidan( 10%) ko‘proq ( 8%) oshirilishi stipendiyaning baholar kesimida emas, bir xil 400 ming so‘m miqdorida belgilanishi yoshlar va ularning ota onalari o‘rtasida ko‘plab norozichiliklar keltirib chiqarmoqda.
Normativ- huquqiy hujjatlar loyihalari muhokamasi portaliga qo‘yilgan shu yilning 23 sentyabiridan 6 oktyabrgacha davom etgan “Oliy ta‘lim muassalari talabalariga stipendiya to‘lash tartibi va miqdorlari to‘g‘risidagi" Vazirlar Mahkamasi Qarori loyihasi bo‘yicha foydalanuvchilar tomonidan ko‘plab takliflar bildirilishiga qaramay hanuz qaror qabul qilingani yo‘q.

Talabalar uchun kun kechirishning asosiy manbayi hisoblangan stipendiya miqdorining baholar kesimida emas, hamma uchun bir xil belgilanishi talabalarning oylik xarajatlarini qoplashda qiyinchilik tug‘dirib , o‘z ustida ishlab kelayotgan ko‘plab talabalar o‘rtasida ta‘lim olishga e‘tiborning susayishi, ularning darsdan bo‘sh vaqtlarida o‘quv mashg‘ulotlariga tayyorlanish o‘rniga pul topish uchun qo‘shimcha ish bilan shug‘ullanishiga majbur qilmoqda.

Bu kabi holatlar kelgusida mamlakatimizda ta‘lim sifati va kadrlar salohiyatiga ta‘sir qilishini inobatga olib, shuningdek minglab talabalar, ularning ota -onalari imkoniyatlaridan kelib chiqib, Sizdan davlat oliy o‘quv yurtlari talabalariga hozirda bir xil miqdorda berilayotgan stipendiya amaliyotini avvalgi holiga qaytarib, baholar kesimini adolatli berilishini ta‘minlash tizimini joriy etish taklifini qayta ko‘rib chiqishingizni so‘raymiz.

Hurmat bilan,
Rasul Xidraliyevich KUSHERBAYEV.

Menimcha jarayon endi tezlashadi, chunki bu muammodan endi Bosh vazirimiz ham xabar topdi. Xat esa javobsiz qolmaydi, sababi Rasulbek Kusherbayev bilan Abdulla Aripov bitta partiyadan, ustiga ustak O'zLiDep bosh vazirlikga aynan shu insonni nomzodlarini ilgari surgan edi. Deputatimizga yana bir bor yordamlari uchun rahmat aytamiz 👍

Har-hil mish-mishlarga ishonmang kanalimizdan uzoqlashmang

Do'stlaringizga ulashing

Kanalga ulanish 👇👇👇
https://telegram.me/joinchat/AAAAAFKT9qZEVgruNIKRcA

O‘zbekiston Respublikasi Prezidentining “2020 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi Farmoni e’lon qilindi.

Farmon bilan 2020 yilda fuqarolarning rasmiy sanalarni nishonlash davrida to‘liq dam olishi uchun shart-sharoitlar yaratish maqsadida 23 mart – dushanba qo‘shimcha dam olish kuni etib belgilandi.

1. 2020 yilda 23 mart – dushanba qo‘shimcha dam olish kuni etib belgilansin.

2. 2020 yilda quyidagi dam olish kunlari ko‘chirilsin:

• 4 yanvar – shanba 2 yanvar – payshanbaga;

• 29 avgust – shanba 31 avgust – dushanbaga.

3. Belgilab qo‘yilsinki:

• 2020 yil 2 yanvar payshanba va 2020 yil 31 avgust dushanba kuni barcha xodimlar uchun ish haftasining turidan qat’i nazar, dam olish kuni hisoblanadi;

• byudjet tashkilotlarida ushbu Farmonning 1-bandida belgilangan qo‘shimcha dam olish kuni har yilgi mehnat ta’tilining davomiyligini bir ish kuniga qisqartirish hisobiga qoplanadi;

• har yilgi mehnat ta’tili davrida saqlanadigan o‘rtacha oylik ish haqi miqdorini hisoblashda mehnat ta’tilining amaldagi davomiyligi hisobga olinadi, unga ushbu Farmonda belgilangan qo‘shimcha dam olish kuni qo‘shiladi;

• har yillik mehnat ta’tilining davomiyligi qisqartirish hisobga olingan holda o‘n besh ish kunidan kam bo‘lmasligi kerak;

• byudjet tashkiloti hisoblanmagan tashkilotlarda ushbu Farmonning 1-bandiga muvofiq qo‘shimcha dam olish kuni mehnat ta’tiliga qo‘shimcha boshqa kunlar bilan bir qatorda moliyaviy imkoniyatlardan kelib chiqqan holda, jamoa shartnomalari yoki ish beruvchilar tomonidan kasaba uyushmasi qo‘mitalari bilan kelishib qabul qilinadigan boshqa lokal normativ hujjatlarda belgilanadi.

4. O‘zbekiston Respublikasi Turizmni rivojlantirish davlat qo‘mitasi O‘zbekiston yoshlar ittifoqi, Kasaba uyushmalari federatsiyasi kengashi, “Uzbekistan Airways” AJ va “O‘zbekiston temir yo‘llari” AJ, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda bayram (ishlanmaydigan) kunlarning uzaytirilishini hisobga olgan holda, respublika aholisi uchun ichki turizm va faol dam olish yo‘nalishlarini, transport va mehmonxona xizmatlari uchun chegirmalar berilishini hamda aksiyalar o‘tkazilishini tashkil etsin.

5. Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari:

• aholining uzaytirilgan bayram (ishlanmaydigan) kunlarida maroqli va foydali dam olishini tashkil etish bo‘yicha tizimli choralar ko‘rsin;

• O‘zbekiston Respublikasi Turizmni rivojlantirish davlat qo‘mitasi va O‘zbekiston Milliy teleradiokompaniyasi bilan birgalikda bayram kunlari o‘tkaziladigan tadbirlar to‘g‘risida aholini keng xabardor qilishni ta’minlasin.

6. O‘zbekiston Kasaba uyushmalari federatsiyasi kengashiga:

• mehnat jamoalari o‘rtasida ushbu Farmonning maqsadi, mazmun-mohiyati to‘g‘risida tushuntirish ishlarini tashkil etish;

• uzaytirilgan bayram kunlarida xodimlar va ularning oila a’zolarining maroqli dam olishini ta’minlash yuzasidan kasaba uyushmalari tashkilotlarining ishini faollashtirish tavsiya etilsin.

7. Mazkur Farmonning ijrosini nazorat qilish O‘zbekiston Respublikasining Bosh vaziri A.N.Aripov va O‘zbekiston Respublikasi Prezidenti Administratsiyasi rahbari Z.Sh.Nizomiddinov zimmasiga yuklansin.

O‘zbekiston Respublikasi Prezidenti
Shavkat Mirziyoyev

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA

Moskvada komaga tushgan o‘zbekistonlik talaba vafot etdi.

Rossiya Xalqlar do‘stligi universitetining (RUDN) tibbiyot fakulteti talabasi, galoperidol dori vositasi ukolidan keyin komaga tushgan o‘zbekistonlik O‘lmasxon Baxronov Moskvadagi 67-shifoxonada vafot etdi.

22 yoshli O‘lmasxon 13 noyabrda soat 20:45da vafot etgan.

Avvalroq talaba noto‘g‘ri belgilangan dori vositasi sababli komaga tushgani ma’lum qilingandi. Yigit onasining ta’kidlashicha, shifokor O‘lmasxonni giyohvand modda qabul qilishda gumon qilib, unga galoperidol buyurgan. Vosita kiritilgandan keyin O‘lmasxonning yuragi to‘xtab qolgan.

Yigitning yuragini ishga tushirishga muvaffaq bo‘lingan, biroq bu orada uning miyasiga shikast yetgan va u 67-shifoxonaning jonlantirish bo‘limiga yotqizilgan. Yigitning yaqinlari bu holat yuzasidan tekshiruv o‘tkazish talabi bilan Rossiya va O‘zbekiston sog‘liqni saqlash vazirliklari va bosh prokuraturalariga murojaat qilishgan.

Bu yigitning oila a'zolarga hamdardlik bildiramiz.

Do'stlarga ulashing👇👇
https://telegram.me/joinchat/AAAAAFKT9qZEVgruNIKRcA