#raddiya

🔴TalabaUz telegram kanalida “Faxrlanib yurishingizni aytib oldingizga kelgan talabani qanotlarini qayirib tashlamang...” sarlavha bilan chop etilgan post yuzasidan rasmiy munosabat!

O‘zbekiston jurnalistika va ommaviy kommunikatsiyalar universiteti 1-kurs magistranti O‘rinova Madinabonu Slovakiya Respublikasi Milliy stipendiya dasturi bo‘yicha grant yutib olgan. Grantga asosan bir semestr davomida jurnalistika sohasi bo‘yicha Slovakiya Respublikasida o‘qib kelish imkoniyati berilgan.
Talaba O‘rinova Madinabonuning xorijda o‘qib kelishi bizni ham quvontirdi. Ammo talaba bir vaqtning o‘zida ham O‘zJOKUda ham Slovakiya Respublikasining “Cyril and Methodivs” universitetida o‘qish xohlashini bildirdi. Masalani ijobiy tomonga hal qilish maqsadida universitetning bir nechta bo‘limlari hujjatlarni o‘rganib chiqish natijasida O‘zbekiston Respublikasi Vazirlar Mahkamasining 2017-yil 20-iyundagi 393-son qarorining 3-ilova 4-bob. Oliy ta’lim muassasalari talabalari o‘qishini qayta tiklash to‘g‘risidagi 30.1 bandida “Xorijiy oliy ta’lim muassasasida O‘zbekiston Respublikasi oliy ta’lim muassasasida tahsil olgan ta’lim yo‘nalishiga mos bo‘lgan yo‘nalish bo‘yicha, bir yoki bir necha semestr o‘qib, belgilangan muddatda qaytgan talabalarning xorijiy oliy ta’lim muassasasida ta’lim olgan muddatlarini (semestr) O‘zbekiston Respublikasi oliy ta’lim muassasasida inobatga olgan holda (muayyan ta’lim yo‘nalishi va ta’lim shaklida, jumladan, davlat granti asosida tahsil olgan talabalar — davlat granti asosida) o‘qishini davom ettirish” belgilangan. Biroq, O‘zbekiston Respublikasi va Slovakiya Respublikasi o‘rtasida oliy ta’lim muassasalariaro kelishuv mavjud emasligi sababli, magistrantimiz O‘rinova Madinabonuga bir vaqtning o‘zida 2 ta oliy ta’lim muassasida o‘qish imkoniyati mavjud emasligi yuzasidan tushuntirish berilgan.

O‘zbekiston jurnalistika ommaviy kommunikatsiyalar universiteti ma’muriyati barcha bakalavr, magistr talabalarini har tamonlama erishgan har bir yutug‘idan quvonib, qo‘llab-quvvatlashga tayyor.

©️O‘zbekiston jurnalistika ommaviy kommunikatsiyalar universiteti axborot xizmati

✅Talaba.uz rasmiy kanali👇
https://t.me/+D8upafGDfsdiNGNi

🔠 ㅤ 📩 🛒ㅤ ↪️
ʲᵒᶦᶰ ᶜᵒᵐᵐᵉⁿᵗ ˢᵃᵛᵉ ˢʰᵃʳᵉ