Хьюстон ўйлаганимдан ҳам иссиқ экан. Эртага ўйин маҳаллий вақт билан қоқ тушлик маҳали - 12:00 да бўлади. Бугун айнан шу пайт ўйин бўлиб ўтадиган стадионга ва унинг ёнидаги "ФИФА фан зонаси"га бордим. Юриш тугул, нафас олишга қийналдим. "Фан зона"да махсус салқинланиш жойлари, қуёшга қарши геллар суриш ҳудулари қилинган. Алқисса, гўё ёз чилласида Дубайга келиб қолгандек: иссиқ ва юқори намлик.
Ташкилотчилар стадионда ҳаво ҳарорати мўътадил бўлади дейишмоқда... Хуллас, эртага йигитларга осон бўлмаслиги аниқ. Лекин ишқибозлар-бутун халқимиз қўллови ила матонат ва иштиёқ устун келишига ишонамиз. Муҳим баҳсда жамоамизга омад!

@abrorpirmuhammad

Golni bekor qilish mumkin, ammo
gol zavqini aslo !!! ⚽

@abrorpirmuhammad

АҚШ "бир оёқда" устун келган Парагвайга енгилган немислар, Япониянинг аламли мағлубияти, Марокашнинг эса иродали ғалабаси.

Қайсидир мамлакат ғалабани нишонлаб дам олиш куни эълон қилса, бошқа давлат ишқибозлари муҳокамалар гирдобида.

Хуллас, Жаҳон Чемпионати қизғин паллада!

@abrorpirmuhammad

Yana bir bor amin bo'ldik-ki, futboldagi eng xavfli hisob 2:0 hisobi!!!

O'yin esa "finaldan oldingi final" bo'ldi.

Messi - "kimsaan...!?

@abrorpirmuhammad

Хуллас янаги ҳафта ЖЧ ҳам, шу қаторда ёзнинг иссиғи ҳам роса авжига чиқади. Шу ўринда спортсеварларга қайта эслатмалар:

Куннинг ёруғ маҳали шундоқ ҳам иссиқдан қийналаётган организмингизга қўшимча синов яратиб: кўча-куйда терга ботиб югуриб юрманг; копток кетидан чопиб, синтетик қопламанинг тафтли чангини ютганингиздан наф йўқ.

Ушбу кунларда ҳаракатнинг энг мақбули эрта тонгда ёки кечки маҳал сайр қилиш, бадан тарбия билан машғул бўлиш ёки ёпиқ, салқин бинода шуғулланиш. Етарли миқдорда сув ичиш, бошни қуёш тафтидан асрашни унутмаган ҳолда албатта.

Болалар мураббийлари: Ёзнинг энг иссиқ кунларида майдондаги машғулотларни бекор қилганингиз, юкламани эса сузиш ҳавзасига кўчирганингиз ёки биргалашиб ЖЧ ўйинларини томоша қилиб, ёшлар билан фикр алмашганингиз энг мақбули!

Ҳарқалай ЖЧ олдидан иссиқ сабаб машғулотларни бекор қилган Норвегия футболчиларида "мастерство" йўқолиб қолмаганидай, ёз чилласидаги машғулотларни ўтказиб юборган ёш шогирдларингизда "талант" йўқолиб қолмаслиги аниқ!

@abrorpirmuhammad

Tarix Hasan bobo ob'yektivida.
@hasanpirmuhamedovhp

Ўзида кўп миқдорда калий ва магний сақловчи шафтоли мавсумини шунчаки ўтказиб юборманг!

Анемия, юрак хасталиги ва стрессдан химояловчи, ажин тушишдан асраб тери яшаришига сабаб бўлувчи шафтолидан хозир тўйиб олмасангиз, кун келиб терингиздаги ажинларни кўриб, асабингиз бузилиб, юрагингиз безовта қилганда кеч бўлади.

@abrorpirmuhammad

Diqqat e'lon!

Sport shifokori bo'lish niyatidagi yosh mutaxassislar. Agarda siz ushbu yo'nalishda faoliyat yuritishni, professional yondashuv ila bilim va tajriba orttirishni istasangiz, sizga shunday imkoniyat yaratishga tayyormiz.
Futbolga qiziqish barobarida Oliy tibbiy ma'lumotga ega shifokorlarni ishga taklif qilamiz!

Batafsil ma'lumotlar suhbat davomida aytiladi.
Murojaat uchun tel.: +998942971283

@abrorpirmuhammad

Ақл-заковат ила чўққиларни забт эта олган, аждодларимизнинг буюк тафаккури ва илмий мероси бизнинг қон-қонимизда, генофондимизда ҳануз барҳаёт эканлигини дунёга амалда кўрсатиб бера олган ҳақиқий қаҳрамонлар!

Баракалла ва тасанно!
Биз сиз билан фахрланамиз!

@abrorpirmuhammad

Bilim, malaka va tajriba - ilm o'rganish, takrorlash va yangilab borish bilangina yuksalib boradi.

Navbatdagi o'quv seminari sohadagi yangiliklarni o'zlashtirishga va qadrdon bo'lib ulgurgan do'stlar suhbatiga boy bo'lgani bilan yodda qoladigan bo'ldi.

@abrorpirmuhammad.

Бозорларимизда узумнинг турли навлари мўл. Таъбингизга қараб танлайверасиз; мавсумида тўйиниб олсангиз бўлгани. Чунки узум фойдали элементлари жиҳатидан ихтиёрий мевадан қолишмайди.

Узум – А, С, В гуруҳ витаминларига бой бўлиб, калий, кальций, темир, магний, цинк, йод каби қатор микроэлементларни ўзида сақлайди. Шу боис етарли миқдордаги узум истеъмоли чарчоқликнинг олдини олади, асаб тизимини тинчлантириб стресс ҳолатига барҳам беради, тана қувватини оширади.

Узумни доналари билан истеъмол қилиш янада фойдалидир. Чунки узум доналари ўзида қўшимча Е ва К витаминларини, шунингдек табиий мойларни сақлайди ҳамда бу билан барча аъзолар ҳужайраларини мустаҳкамлаб, натижада организмда қариш жараёнини секинлаштиради.

Хуллас, мавриди бўлдими, узумни эрмак қилиб ўтираверинг!

@abrorpirmuhammad