Ҳақ йўлинда ким санга бир ҳарф ўқутмиш ранж ила,
Айламак бўлмас адо онинг ҳақин
юз ганж ила.

Алишер Навоий

Барча соҳадаги устозларга, жумладан футболимиздаги устоз-мураббийларга байрам муборак бўлсин!

Устозларим сизларнинг,
Мартабангиздир улуғ!
Табригимиз бизларнинг
Сизларга бўлсин қутлуғ!

Зиё тараб чарчаманг,
Илм бериб толмангиз.
Шогирдлардан ариманг,
Эътирофдан қолмангиз!

Аброр Пир Муҳаммад.

@abrorpirmuhammad

Финалмисан финал!!!

Ажойиб ўйин, фантастик атмосфера, зўр ташкилотчилик ва қайноқ мухлислар!!!

Табриклааар! ⚽🥳🎉

@abrorpirmuhammad

Мия гўёки мушак сингаридир. Қанча кўп машқ қилдирсангиз, унинг имкониятлари янада кенгайиб бораверади. Аксинча, ақл пешланмас экан...

Ёмон томони, инсоннинг жисмонан заифлигини дарҳол илғаш мумкин, аммо ақл кемтиклигини пайқаш учун вақт сарфлашга – албатта ҳамсуҳбат бўлишга тўғри келади-да..!

@abrorpirmuhammad

Ўрик шарбати - юрак қуввати!

Турфа микроэлемент ва витаминларга ўта бой ўрик шарбати истеъмоли организмдаги электролитлар даражасини тиклайди, юракни қувватлайди, гемоглобинни оширади ва анемиянининг олдини олади; қалқонсимон без фаолиятини меъёрлаштиради; суякларни мустаҳкамлайди, кариеc ва остеопорознинг олдини олади; тери қаришини сезиларли сусайтиради, турфа яллиғланиш ҳолатларини бартараф этади, кўриш қобилиятини яхшилайди ва ҳ.

@abrorpirmuhammad

Kitob - uzoqni ko'ra bilishga yordam beruvchi do'stdir...

@abrorpirmuhammad

Данагидан мағзи ширин.

Пишиқчилик мавсумида мева-сабзавотдан кўп тановул қилиб, аксар ҳолларда уруғини ташлаб юборамиз. Аммо ўша уруғ – фойда жиҳатдан мева-сабзавотнинг ўзидан қолишмайди.

Масалан, тарвуз уруғи – цинкка бой, қовоқ уруғи – магний кўп ушлайди, олма уруғи – йодга бой, ўрик данагида магний ва калий бисёр, узум доначалари ўзида организм учун фойдали мойларни сақлайди ва ҳ.

Хуллас, мева, сабзавот тановулида уларнинг уруғи ҳақидаги маслаҳатларимни ҳам унутманг!

@abrorpirmuhammad

Гоҳида айтилмоқчи бўлган сўз, билдирилмоқчи бўлган муносабат, етказмоқчи бўлган фикрлар шунчалар йиғилиб қолади-ки, пироваридида шунчаки сукут барчасидан афзалдек туюлади...

@abrorpirmuhammad

"Aнтиқа Суперкубок"

Бугун Про лиганинг амалдаги чемпиони ҳамда Супер лиганинг бўлажак чемпиони ўртасида ҳаёт-мамот "жанги" кутилмоқда.

Бу баҳс аслида ким қайси лига чемпионлигига муносиб эканини кўрсатиб беруви мезон ўйини бўлиб кўринмоқда...

@abrorpirmuhammad

Кимда кутиб олиш..,
кимда эса кузатиш маросими...

Айтсам тилим, айтмасам дилим..,
Ёзсам қоғоз, ёзмасам қалам...
Бу кетишда ошно бўлгайдир чилим,
Тезроқ нари бўлгин бизлардан алам!

@abrorpirmuhammad

Муҳим ўйинларда етакчи футболчиларнинг жароҳат олиши доимо оғриқли. Аммо бу ҳам футболнинг бир қисми.

“Сон ички мушагининг қисман узилиши” ташхиси ила Элдор Шомуродов ҳамда “тизза бўғими ички ён бойламининг чўзилиши” ташхиси қўйилган Отабек Шукуровнинг кейинги ўйинга олиб борилмаслиги борасида тўғри қарор қилинди.

Остон Ўруновнинг реабилитация жараёнини ўз назоратига олган ассоциация ва тиббий штаб мазкур футболчиларни ҳам тезроқ соғайтириш, шунингдек, шамоллашдан кейинги Машарипов ва сон мушакларида толиқиш сезган Турғунбоевни кейинги ўйингача сафга қайтариш учун зарур чора-тадбирларни белгилаб олган.

Жароҳатдагиларга тезроқ соғайиш, қолганларга куч-қувват тилаб, мухлислик қилишда давом этамиз. Барчаси олдинда!

@abrorpirmuhammad

Эрталаб Лаосдан ҳамкасбим сим қоқди. Жамоадаги тиббий масалалар юзасидан фикр алмашарканмиз, телефон экранида Лаосдаги легионер футболчимиз – Шохрух Махмудхожиев кўриниш берди...


Лаос чемпиони “Янг элефантс” – “Ёш филлар” футбол клуби аъзоси ҳисобланмиш Шохрух тизза бўғимидаги жароҳат сабаб 1 ойдан буён машғулотлардан чекланган экан. Ҳамюртларини кўриш ила тиббий маслаҳат илинжида термамиз йўлига кўз тиккан Шохруҳга зарур маслаҳат ва ёрдамни бериш борасида тиббий штаб билан келишиб суҳбатни якунларканман, хаёлимдан :”Биз ўзбекларнинг ҳам бормаган юртимиз йўғ-а!?, - деган ўй ўтди.

Турли ўлкаларга борганда легионерларимизга қўлдан келганча ёрдам бериш – термамиз ходимлари учун ажойиб анъана!

@abrorpirmuhammad

"Турлича қараш"...

@abrorpirmuhammad

Қонингиз тозаланишини истайсизми? Юрак-қон томир тизимингиз қувватланиб, қалқонсимон без фаолияти яхшиланишини-чи?

Қондаги муҳим элемент – гемоглабин миқдорини ошириш, жигар фаолиятига ижобий таъсир қилиш, иммунитетни ошириш каби қатор фойдали хусусиятларга эга мева бу – ҳозирда бозорларимизда мўл бўлган анордир.

Анор доналари ичаклардан шлак ва токсинларни ювиб ташлайди, таркибидаги эфир мойлари эса организмни витаминларга бойитади.

Шунингдек анор - саратонга ва турфа инфекцияларга қарши туришда организмингиз учун қалқон бўла олади.

Хуллас, мавсумида анордан тўйинг ва қонингизни тозалаб, юрак-қон тизимингизни қувватлаб олинг!

@abrorpirmuhammad