Ҳаётда уч нарса ҳеч қачон ортга қайтмайди – вақт, сўз, имконият.

Шунинг учун: вақтни беҳудага сарфлама, сўзингни ўйлаб гапир, икониятни бой берма.

Конфуций

@abrorpirmuhammad

Biz to'lin Oyga mahliyo bo'lganimiz kabi Inson Oyda yashaganida u tomosha qiladigan eng go'zal manzara so'zsiz Yer shari bo'lardi.

@abrorpirmuhammad

Талпинган кўнгилга бахш этиб шуур,
Дилларга етказдинг илоҳий ҳузур.
Ойлар сарасидан армуғон этиб,
Ҳайитга етказдинг, Ўзингга шукур!

Қалбингизга зиё, уйингизга нур,
Олиб кирган бўлсин моҳи Рамазон.
Ҳар кунимиз бўлсин Ҳайитла сурур,
Минорлардан мангу таралсин азон.

Аброр Пир Муҳаммад

@abrorpirmuhammad

Ҳатто чўкаётган бўлсанг ҳам ўқи! - деб номланган ҳайкал.
(Финляндия паркларидан бирида)

Бу ҳайкални: "чўкиш"дан асровчи ягона нажот - ўқишдир, - деб номласа ҳам бўларкан.

@abrorpirmuhammad

Ёшлар, айниқса спортчилар бўйларини ўстириш пайида бўлишади.

Бўй масаласида генетика - насл ўз сўзини айтади албатта. Шунингдек, организмда бўй ва мушакларнинг мутаносиб ўсиши учун жавоб берадиган “ўсиш гормони”(ЎГ - соматотроп гормон) бор. Одатда, ушбу гормон болалик, айниқса, балоғат даврида кўп ишланади. Унинг етарли ишлаб чиқарилиши учун қуйидагиларга эътибор қаратиш лозим:

1. Етарли уйқу. ЎГ фақат тунда – чуқур уйқу маҳали қонга ажралади.
2. Сифатли овқатланиш. Рационда оқсилга бой маҳсулотлар (гўшт, товуқ, тухум, балиқ, сут маҳсулотлари) бўлиши;
3. Мева ва сабзавотлар истеьмоли. Асосан сабзи, унинг таркибидаги бета-каротин ЎГ ишлаб чиқаришига яхшигина туртки беради (хом сабзини қиймалаб, сметана ёки зайтун мойи аралаштириб еган маъқул)
4. Қайта ишлов берилмаган, қаттиқ (йирик) донли маҳсулотлар (ёрма, перловка) ейиш керак.
5. Витамин-минераллар, асосан вит Д, Кальций ва Йод.
6. Психоэмоционал омил. Стресс ҳолатда ЎГ ажралиши кескин камаяди.
7. Мунтазам спорт билан шуғулланиш.

@abrorpirmuhammad

Oyning biz - yerliklarga hech qachon ko'rinmaydigan tarafi.

("Orion" fazo kemasi missiyasidan)

@abrorpirmuhammad

Эркин Воҳидов таржима қилган, Рустам Ғойипов маромига етказиб куйлаган “Ҳақиқат” қўшиғи шеърини ўз мақсади учун ҳар қандай адолатсизлик ва ғирромликликдан тап тортмайдиганлар учун бот-бот эшиттирмоқ лозим:

Айтар эди бир замон онам:
— Ўсиб катта бўлурсан, ўғлон.
Оқил бўлу мард бўл чинакам,
Бу икки иш эмасдир осон.

Оқил бўлгин. Сен бу ҳаётнинг
Кенг йўлию сўқмоғин ўрган.
Ҳам томчининг, ҳам коинотнинг,
Чексизликда кезмоғин ўрган.

Ҳақиқат — бир, ҳақиқат — аччиқ,
Шундан доим балога дучор.
Сен мард бўлгин, сен унга очиқ
Ҳимоячи бўлгин устивор.

Керак бўлса ҳақиқат учун
Юрагингни парча-парча қил.
Керак бўлса ҳақиқат учун
Минг бор ўлиб, минг бора тирил.

Майли, сендан дўстларинг кечсин,
Сендан кечсин, майли, қондошлар.
Рози эдим мен берган жонни
Ҳақиқатга бахш этсанг агар.

(Муаллиф қўшимчаси:)
Майли бўлгин мағлуб майдонда,
Майли кечсин мухлисларинг ҳам.
Аммо виждон деган қўрғонда,
Қалбни асра, ҳақгўй бўл ҳар дам!

@abrorpirmuhammad

ЖЧ финал босқичига тайёргарлик кўраётган МТЖнинг ҳар бир аъзоси ЎФА, мураббийлар ва тиббий штабнинг қатъий назорати остидалиги мутахассисларга маълум. Айниқса, МТЖнинг ҳар бир аъзоси соғлиги ЎФА тиббий қўмитаси ва тиббий штаб томонидан синчковлик билан мунтазам кузатиб борилмоқда. Бунда жароҳат, допинг назорати, овқатланиш ва фармакология каби йўналишлар талайгина.

Куни-кеча ўйинда жиддий жароҳат олган Беҳруз Каримов масаласи бўйича ўйинни жонли томоша қилаётган мутахассислар томонидан тезкор ҳаракатлар бошланди. Футболчи зарур текширувлардан ўтказилди ва унда: Ўнг оёқ панжа (плюсневой) суяги синиши ташхиси тасдиқланди. Тиббий қўмита ва Алишер Арипов бошлиқ тиббий штаб чет эл ва маҳаллий спорт шифокорлари билан жонли тарзда маслаҳатлашиб, тезроқ сафга қайтиш ва жароҳатнинг қайталанмаслиги учун футболчида операция муолажаси ўтказилишини лозим топди. Бугун Беҳрузда операция муолажаси ўтказилди. Режага кўра футболчи 1 ойдан сўнг сафга қайтади.

Беҳрузни тезроқ соғайиб кетишини тилаб қоламиз.

@abrorpirmuhammad

Hozirgi Super Liganing uchta bosh murabbiyi jamlangan terma jamoa davridan...

@abrorpirmuhammad

Инсон организми сонларда:

Инсон миясининг сиғими 4 терабайтдан ортиқ;
Нерв импульси миядан соатига 280 км тезликда ҳаракатланади;
Инсон миясида 1 сонияда 100 минг кимёвий реакциялар содир бўлади;
Танадаги қон томирларнинг умумий узунлиги тахминан 100 минг километр;
Инсон организмида 700 фермент ишлаб туради;
Умри давомида инсон териси 1000 маротаба янгиланади;
Ушбу маълумотни ўқиб бўлгунингизча танангиздаги 50 минг ҳужайра янгиланиб улгурди.

Инсон - мукаммал яратилган мўъжиза!

@abrorpirmuhammad

Тиббий мақоллар:

Меъёр – соғликнинг онасидир.

Узоқ чайнаган узоқ яшайди.

Саримсоқ еганнинг тани соғ,
Куч-қуввати бўлар тоғ.

Сиҳат тиласанг, кўп ема,
Иззат тиласанг, кўп дема.

Пул йўқотдинг – ҳеч нима йўқотмадинг, Вақт йўқотдинг – кўп нарса йўқотдинг, Соғлик йўқотдинг – барчасини йўқотдинг.

Соғ олма шохидан тушмас.

Соғ танда — соғлом ақл.

Тани соғга кунда тўй.

Тиши кемтик оғиз — тишалмаган тегирмон.

Касаллик ботмонлаб киради, аммо мисқонлаб чиқади.

Қорнинг оғриса томоғингни тий,
Кўзинг оғриса қўлингни.

Дорини тотмони ҳам, ботмони ҳам бир.

@abrorpirmuhammad

Умрининг сўнгги кунларини яшаётган тиб илмининг отаси Ибн Синодан беморлари сўрашибди:
– Эй табобат султони, бу оламдан ўтсангиз биз дардимизга шифони қаердан оламиз?
– Мен ўрнимга қатиқни қолдиряпман, – деган экан Ибн Сино.

Қатиқнинг фойдали хусусиятларини такрорлашдан эринмайман:
у ичакларни токсинлардан халос этиб бу орқали организмни тозалайди;
қатиқ кальцийга бой бўлиб у болаларда суякларнинг тўғри ривожланишига кўмаклашса, катталарда остеопороз хавфининг олдини олади;
унинг таркибидаги К2 витамини юрак ва қон томирлар фаолияти учун ўта фойдали;
қатиқнинг саратон касаллигига тўсқинлик қилиши исботланган;
турли аллергик ҳолатлардан қутқаради; у жигар ва ичаклар фаолиятини меъёрлаштириб иммун тизимга далда бўлади.

Хуллас, саломатлигингиз ўзингиз учун қадрли бўлса "табиий табиб" – қатиқ ҳақида унутиб қўйманг!

@abrorpirmuhammad

Қурбонлик ҳайити баҳонасида юзага келган дам олиш кунлари об-ҳаво ҳам сайр қилишлик бўлмоқда. Шу ўринда сайр – юришнинг фойдаси ҳақида икки оғиз тиббий асос.

Оёқлар иккинчи юракдир. Чунки, юрак қонни бутун баданга ҳайдаса, уни ортга қайтиб келиши оёқ мушакларига жуда ҳам боғлиқдир. Улар қанча яхши ишласа, аниқроғи етарли юрилса, қон ўз ўрнида юраккача етиб бориши таъминланади ва баданга яна тоза қон шунча сифатли етказиб турилади. Бунинг акси бўлганда, яъни етарли ҳаракат бўлмаса, юрилмаса, мушаклар заифлашади, қоннинг юракка қайтиб бориши қийинлашади, организмга кислородга етарли тўйинмаган қон бора бошлайди, кислород етишмаслиги эса барча муаммонинг бошланишидир...

Хуллас, танангизда турли тиббий муаммолар эрта бошланишини истамасангиз албатта юришни одат қилинг. Ушбу кунлар эса айни ғанимат!

@abrorpirmuhammad

Жаҳон Кубоги аввалида "сеҳрли диёр"да йиғин ўтказаётган жамоаларни иссиқ ҳаво бироз қийнамоқда.

Умуман олганда ЖЧ қитъадаги энг иссиқ мавсумга тўғри келмоқда. Қитъанинг шимолий тарафларида амалласа бўлади-ю, аммо жанубий томонларда ўтадиган ўйинларда тўп суриш - қоқ чиллада "Сурхон"га меҳмон бўлишдек гап.

Хуллас, жамоамиз бу ЖЧда Канададаги совуқни бошқа ҳис этмаслиги аниқ, иссиқ эса бизга бегона эмас.

@abrorpirmuhammad

Ва ниҳоят узоқ кутилган Жаҳон Чемпионати бошланди ва мезбонлар ғалабаси билан.
Буёғига уйқусиз тунлар, ўйинлар борасидаги мунозара ва муҳокамалар...
Хуллас байрам, футбол байрами бошланди! Асосийси эса биз ҳам шу байрам иштирокчиларимиз!

@abrorpirmuhammad.

Бундан роппа-роса 20 йил аввал, 2006-йил 16-июнда 18 ёшлик Месси Жаҳон чемпионатида дебют қилган.

Буни қарангки, 20 йил ўтиб, айнан 16-июнь кунида ЖЧнинг илк ўйинида 38 ёшни қоралаган Месси "хет-трик" қайд этмоқда.

@abrorpirmuhammad