⭐️⭐️⭐️⭐️⭐️⭐️⭐️

✍️ 21-oktabr — O‘zbek tili bayrami kuni!

Til — nafaqat o‘tmishdan meros, balki bugungi tafakkur va kelajak taraqqiyotini ifodalovchi muhim vositadir. U zamonaviy fikrlarni ifodalashi, yangi tushunchalarni nomlashi va davr bilan hamnafas rivojlanishi orqali o‘z imkoniyatlarini kengaytiradi.

O‘zbek tilida badiiy adabiyot bilan bir qatorda sifatli jurnalistika, kino, ilm-fan, ta’lim, texnologiya va raqamli kontentning rivojlanishi uning boyishiga xizmat qiladi. Bu jarayonda yangi tushunchalar, zamonaviy atamalar va ifoda imkoniyatlari shakllanib, tilning bugungi hayotdagi o‘rni va ahamiyati yanada ortadi.

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram

🏐🏐🏐🏐

🖐 “Besh tashabbus olimpiadasi” doirasida voleybol bo‘yicha universitet bosqichi o‘tkazildi

Mamlakatimizda oliy ta’lim tashkilotlari talabalari o‘rtasida sog‘lom turmush tarzini keng targ‘ib qilish, sportga bo‘lgan qiziqishni oshirish hamda yoshlarning iste’dod va salohiyatini namoyon etish maqsadida “Besh tashabbus olimpiadasi”ning 2026-yilgi mavsumi doirasida beshta sport turi bo‘yicha musobaqalarga start berilgan.

Bugun, 20-oktyabr kuni Andijon davlat universitetida ommaviy sportni rivojlantirish va iqtidorli sportchilarni saralashga qaratilgan “Besh tashabbus olimpiadasi” doirasida fakultet talabalari o‘rtasida voleybol bo‘yicha universitet bosqichi bo‘lib o‘tdi.

Musobaqa davomida talaba-yoshlar voleybol maydonida o‘zaro kuch sinashib, g‘oliblik uchun murosasiz kurash olib bordilar. Yakuniy natijalarga ko‘ra, g‘olib jamoa musobaqaning viloyat bosqichiga yo‘llanmani qo‘lga kiritdi.

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram

⭐️⭐️⭐️⭐️⭐️⭐️⭐️⭐️⭐️

ADU tyutorlari Sharda universitetida tajriba almashdi

Andijon davlat universiteti tyutorlari kasbiy ko‘nikmalarini rivojlantirish, talabalar bilan ishlashning ilg‘or tajribalarini o‘rganish hamda tyutorlik faoliyati samaradorligini oshirish maqsadida Sharda universitetida malaka oshirish va tajriba almashish jarayonida ishtirok etdi.

Mazkur tajriba almashish dasturi O‘zbekiston Respublikasi Vazirlar Mahkamasining 2025-yil 17-oktabrdagi 656-son qaroriga 2-ilova bilan tasdiqlangan chora-tadbirlar rejasida belgilangan vazifalar ijrosini ta’minlash maqsadida tashkil etildi.

Jarayon davomida ADU tyutorlari Sharda universitetida tyutorlik faoliyatini tashkil etish tajribasi, talabalarning ta’lim olishi va shaxsiy rivojlanishini qo‘llab-quvvatlashga qaratilgan yondashuvlar bilan tanishmoqda. Xususan, yoshlarning bo‘sh vaqtini mazmunli tashkil etish, ularni ilmiy, ijodiy va sport faoliyatiga jalb qilish hamda individual ishlash mexanizmlariga alohida e’tibor qaratilmoqda.

O‘zaro muloqot va tajriba almashish davomida tyutorlik faoliyatini samarali tashkil etish, talabalar bilan ishlashda zamonaviy yondashuvlarni qo‘llash hamda ilg‘or tajribalarni Andijon davlat universiteti faoliyatiga tatbiq etish imkoniyatlari atroflicha muhokama qilindi.

Ushbu malaka oshirish jarayoni tyutorlarning kasbiy salohiyatini mustahkamlash, talabalarni har tomonlama qo‘llab-quvvatlash hamda Andijon davlat universitetida tyutorlik faoliyati sifatini yangi bosqichga olib chiqishga xizmat qiladi.

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram

⭐️⭐️⭐️⭐️⭐️

🤼‍♂️ Andijon davlat universitetida kurash bo‘yicha Respublika turnirining viloyat bosqichi o‘tkazildi

Ayni kunlarda respublikamizda oliy ta’lim tashkilotlari va texnikumlar talabalari o‘rtasida milliy sportimiz — kurashni ommalashtirish va rivojlantirish, uning xalqaro nufuzini oshirish, shuningdek, yoshlar qalbida mardlik, jasurlik, vatanparvarlik va insonparvarlik kabi ezgu qadriyatlarni mustahkamlash maqsadida Respublika turniri tashkil etilgan.

Bugun, 20-oktyabr kuni Andijon davlat universitetida oliy ta’lim tashkilotlari talabalari o‘rtasida mazkur turnirning viloyat bosqichi bo‘lib o‘tdi.

Musobaqada erkaklar −66 kg, −81 kg va +100 kg, ayollar esa −63 kg va −78 kg vazn toifalarida gilamga chiqib, o‘zaro kuch sinashdilar hamda g‘oliblik uchun kurash olib bordilar.

Mazkur musobaqa yoshlar o‘rtasida milliy sportimizga bo‘lgan qiziqishni oshirish, iqtidorli sportchilarni aniqlash va kurash an’analarini keng targ‘ib etishga xizmat qiladi.

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram

💬 “Siz mamlakatingizni dunyoga ochdingiz” — Marko Rubio Prezident Shavkat Mirziyoyev islohotlariga yuksak baho berdi

Facebook | Instagram | YouTube | Telegram

🗓🗓🗓🗓🗓🗓

📅Bugun 21-oktyabr, chorshanba.

🌏Xalqaro kredit uyushmalari kuni.
🌏Butunjahon yod tanqisligining oldini olish kuni.
🇺🇿Oʻzbekiston - Davlat tili kuni.
🇱🇦Laos - Toʻlin oy festivali.

⏳Tarixiy voqealar:

✈️1966-yil - “Yak-40” samolyotining birinchi parvozi.
📄1989-yil - Oʻzbek tiliga Davlat tili maqomi berilgan kun.
📌1991-yil - Marshall orollari mustaqillikka erishgan.
🎗1994-yil - Xalqaro “Tefi” mukofoti taʻsis etildi.

🎊Tavallud ayyomlar:

🤵🏻‍♂️1908-yil 21-oktyabr - faylasuf, jamoat arbobi, Oʻzbekistonda xizmat ko‘rsatgan fan arbobi Sulaymon Azimov.
🤵🏻1945-yil 21-oktyabr - aktyor va kinorejissyor, Oskar mukofoti sovrindori Nikita Mixalkov.
🧑🏻‍🔬1957-yil 21-oktyabr - nemis fizigi, Nobel mukofoti sohibi Volfgang Ketterli.
🤵🏻‍♀️1986-yil 21-oktyabr - taniqli xonanda, aktrisa, Oʻzbekistonda xizmat ko‘rsatgan san’atkor Munisa Rizayeva.

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐️ Facebook ⭐️ Instagram

🎉🎉🎉🎉🎉

✍️21-oktyabr — O‘zbek tili bayrami kuni muborak bo‘lsin!

Andijon davlat universiteti jamoasi nomidan barchangizni xalqimizning milliy ruhi, ma’naviy qudrati va tarixiy xotirasini o‘zida mujassam etgan O‘zbek tili bayrami kuni bilan chin qalbdan muborakbod etamiz!

Til — millatni millat, xalqni xalq etib birlashtiradigan, avlodlarni bir-biriga bog‘laydigan, o‘tmish saboqlarini kelajak orzulariga tutashtiradigan bebaho ma’naviy boylikdir. Ona tilimiz asrlar davomida xalqimizning tafakkuri, dunyoqarashi, urf-odatlari va ezgu intilishlarini avaylab saqlab, bugungi avlodga yetkazib kelmoqda.

Zero, ona tiliga ehtirom — milliy qadriyatlarga sadoqat, o‘zlikni anglash va kelajak oldidagi mas’uliyat ifodasidir. Tilimizning ravnaqi yo‘lida qilinadigan har bir ezgu sa’y-harakat millatimiz ma’naviy taraqqiyotiga qo‘shilgan munosib hissadir.

O‘zbek tilimiz qalblarimizda g‘urur, tafakkurimizda ma’rifat, kelajagimizda taraqqiyot timsoli bo‘lib yashayversin!

✏️O‘zbek tili bayrami muborak bo‘lsin!

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram

⭐️⭐️⭐️⭐️

O‘zbek madaniyati va matbuoti tarixiga muhrlangan bebaho meros — tilimizdagi ilk manbalar va milliy ma’naviyatimizning “oltin fondi” bilan tanishing!

⭐️ Bizning rasmiy sahifalarimiz
⭐️ Veb−sayt ⭐️ Telegram
⭐ Facebook ⭐️ Instagram