Шифокорларнинг ич ичидан қийнаб келаётган дардларни ёзиб чиқибди.

Ўқишни тавсия қиламан:
👉 https://kun.uz/84624730

https://t.me/joinchat/AAAAAFkkViDOaXh4J7Ktxg

ЭҲҲҲ, БЕҒУБОР БОЛАЛИК...

Менимча, ёшлигида кўпчилик уй ҳайвонларни яхши кўрган ва уларни сўйиш пайтида қўрқиб, жараёнга тик қарай олмай, кези келганда, "йўқ, илтимос, сўймайлик" дея менга ўхшаб қаршилик қилган бўлса ажаб эмас.

Минг қаршилик қилмай, барибир сўйилади, мен кўзимни ўргатишим керак, деб кўп ҳаракат қилганман, лекин, барибир тик қарай олмаганман ўшанда.

Болалик давр барибир бошқача бўлган. Ҳозир унақа ҳайвонларга рахмдиллик қаёқда дейсиз. Сўниб кетган. Қайтанга "гўшт ерканмиз" деб хурсанд бўламиз...

Видеони кўринг, балки сизнинг ҳам болалик хотираларингиз эсга тушиб қолар...

👉"Доктор Аллерголог" (@allergiya)

​Мен Шифокорман ва.. Пора оламан.

Шифокор, блогер Абдулазизхон Акрамов айни пайтдаги янгиликлардан ҳулоса қилиб бутун Ўзбекистон врачлари дардини қоғозга қоралабди. Сизларга ҳам илиндим:

"Куни кеча Соғлиқни сақлаш вазирлигини Прокурорлар обдон пўстагини қоқди. Хаттоки севимли вазирчамиз Шодмонов Алишер Қаюмов ҳам дастлаб озгина сенатга жаҳл қилгандек бўлиб кейин Ўзини айблади. Миллардлаб пуллар ўзлаштириб юборилган, Тиббиётчи ходимлар гадо ва обрўсиз холатга келиб қолган, Касалхоналар каламушхонаю тараканхонага айланди, Кераксиз дорию, медтехникани Андижон вилояти хокимидан тортиб хар бир больница главварачи сотиб, ўзлаштириб соққани қилди. Медимпекс деган аждархо бутун вилоятга ажратилажак дориларни ўз манфаати йўлида фойдаланиб талон тарож қилди. Албатта бу Медимпекс ўзича шунча миллионларни ўзлаштира олмайди. Сабаби бу проектга фақат каттаконлар қўл қўйган, рухсат берган. Бу киши айб менда деб вазиятдан чиқиб кетдилар. Жаҳлим чиқди жуда. Лекин Ғаниев мактабига кўра битта кечирим билан любой чёрний пиарни йўқ қилиш, миллиардлаб соққаларни айбини ювиш мумкин.

Аҳир ўша ўзлаштириб юборилган пуллар Курсдошим, нечта қоракўз, етти ўн йиллаб умрини пахтасининг сасиғую балчиқ сувини ичиб, сўкишию шилишларини кўтарган акам опам сингилларимни ҳаққику! Ўша пуллар йўқсилликдан касал бўлиб, витамин етишмаслигидан тирноғи кўчиб, иммунитети пасайиб дори сотиб олмаган ватандошимникую! 5-10 та ифлос одам бутун бошли мамлакат пулини ўзлаштириб еб, ётган беморлару врачларни қарғишую ланати эвазига пичоғи мой устида бўлса одамни алами келаркан.

Аммо кейин ўйлаб қолдим. Демак соққани қилиш керак. Вазиримиз бу йўлбошчимиз. Мана 2020 каламуш йилидаги режасида ҳам шифокорни ойлигини кўтариш хақида эмас 3-4 сўм пулини ҳам йўқ қилишга бел боғлабдилар. Ҳаёт бу яшаш учун кураш! Статистикага кўра 2018 йил битирувчи шифокорларни қарийб 90 фоизи ишдан бўшаб кетган. Республика бўйича 15 мингга яқин шифокорга ваканция бор. Сабаби битта. Бундай дабдала шароитда ишлаш мумкин эмас.

Ишдан бўшаб кета олмаганлар эса шароитга мослашиши керакми? Уйида қоракўз кутиб турса 1.2млн ойликни 30-40 фоизи йўлкираю овқатланишга, ушландиларга, плакатларию СЕС текширувига, бошлиқларни туғилган кунию вазасию, краскасигача кетади. Битта врачнинг 1.2млн ойлигига уйдаги 3-4қоракўздан ташқари кўз тиккан қанча. Солиғу, коммунал, хашарию, хайрия, хар хил хамжамиятию обуналар, кераксиз китоблару қўйингки бу кичик ойликка мингта элакдай оғиз. Нима қилсин кейин?

Президент маслахатчисиям 4 млрд ўрнига 1.5 млрдни Хазм қивол олдин деб турса. Ўша 1.5млрдни ҳам 4-5 та йиртқич уёқ буёқ қилиб туя қилса. Бу бечора шифокор нима қилсин.

Яна халқ Шифокор пул олмаслиги керак. Шифокорлар порахўр дейди! Э қайси соха тоза хозир? Ким пул олмайди? Боғча тарбиячисидан тортиб банкирлари, молиячисию, ғазначиси, бухгалтерию гаиси, ҳаттоки пора олмасликни текширувчилар ҳам пора оладику! Аммо Шифокорлар порахўр! Эй ҳамма эплаганича соққани қиляпти. Мана соққа қилганлар битта узр ва олиб қочиш билан вазиятдан чиқиб кетмоқда. Демак хулоса аниқ!

Шифокормисан бошқамисан Эплагунча Соққани қилиш керак! Чунки

1. Сени ойлигингни ошириш
2. Ишлаётган шароитингни яхшилаш, қишда иситкич ёзда совуткич қўйиб бериш
3. Қадрингни ошириш
4. Қилган хизматингга рахмат айтиш
5. Бирорта имтиёз бериш
6. Мукофот пули, рағбатлантиришлар қилиш
7. Қўйингни шифокорлик касбини севишга чорловчи бирорта ақлли чора, қарор, ечим қилиш хеч қайси мўйловни калласида йўқ!

Демак хурматли хамкасблар соққани босинглар! "

👉"Доктор Аллерголог" (@allergiya)

​​Тажрибамдан келиб чиқиб айтаман, бугун ва эртага дорихоналарда панкреатин (мезим, трезим, фестал, креон) ҳамда лоперамид (имодиум) энг кўп сотиладиган кун. Бу факт.

Байрамингиз муборак бўлсин, ҳурматли "Доктор Аллерголог" канали обуначилари. Янги йилни яхши кутиб олинг. Яхши кайфият доимо сиз билан ҳамроҳ бўлсин!

​​Янги йилда Аллергияга йўлиқмаслик учун нималарни билиш керак?

✅ Aллергия - бу янги йил байрамидан кейин кўп кузатилаган машҳур касалликдир. Aллергия билан биз ўйлагандан кўра кўпроқ одамлардан азият чекишмоқда. Байрам дастурхонидаги кўпгина овқатлар аллергияга мойил кўпгина инсонлар учун "кутилмаган совғалар" бериши мумкин. Бу ҳолатларни бир сўз билан озиқ овқат маҳсулотларидан аллергия деб номлаймиз.

Янги йил дастурхонидаги қайси озиқ-овқатлар аллергияни кўпроқ келтириб чиқариши мумкин?

Озиқ-овқат махсулотларидан қуйидагилар энг кўп аллергик реакцияларга сабаб бўлиши мумкин:

🍋 Лимон мандарин, апелсин, қулупнай, малина;

☕ Шоколад, қаҳва;

🍳 Товуқ ва бедана тухумлари;

🐬 Балиқ ва денгиз маҳсулотлари;

🥜 Ёнғоқлар (айниқса, ерёнғоқ кучли аллерген ҳисобланади, аммо бошқа ёнғоқ турлари ҳам хавфли бўлиши мумкин).

🍾 Спиртли ичимликлар. Кўпгина эркакларда яхши тозаланмаган, сифатсиз спиртли ичимликлардан кейин турли аллергик реакциялар кузатилади. Ҳақиқий этил спирти аллерген эмас. Асосан унга қўшиладиган қўшимча моддалар эвазига аллергия ривожланади.

Бу махсулотлар, шунчаки, энг кенг тарқалган гипераллерген махсулотлар ҳолос. Сизда аллергия бўлса, ёхуд оила аъзолариздан бирортасида аллергияга мойиллик мавжуд бўлса, танаввул қилинаётган таомларнинг таркиби билан қизиқиб кўриш ва албатта аллергик реакцияларни қўзғатувчи юқоридаги махсулотлар бўлганда иложи борича улардан узоқроқ юриш мақсадга мувофиқ.

Беморларга қийин эмас, тушунаман. Масалан, оддийгина ерёнғоқ кимдадур тошмалар тошиши билан намоён бўлса, яна кимдадир кучли нафас қисишлари билан оғир ҳолатда кечиши мумкин.

Бир кунлик байрам ўтади-кетади. Уни еманг, буни еманг дейишдан йироқмиз. Танлов ўз ихтиёрингизда.

Аллергияси бўлса ҳам диета-пиета қилмайдиган, диета қилишдан безор бўлиб кетган ёҳуд янги йил ўтсин кейин диета қиламан деб режа қилаётган беморларга алангали саломлар!😅

👉"Доктор Аллерголог" (@allergiya)

⚡Янги йил совғаси: Тўлов-контракт нархи баҳорги семестрдан 7%га ошади!

1 мартдан давлат ОТМларида тўлов-контракт миқдорлари 7 фоизга ошади. Талабалар (бакалавр, магистр) тўлов контракт нархининг айнан 2-ярим йиллик учун қилинадиган тўловни 7% қимматроқ нархда амалга оширишлари керак бўлади. Олдиндан эски нархда тўлаб қўйганлар ҳам барибир орадаги фарқни қайта ҳисоб-китоб қилишлари лозим.

👉"Доктор Аллерголог" (@allergiya)

​​Мен ҳурмат қиладиган инсонлардан бири, ижтимоий тармоқларда анчайин фаол бўлган шифокор (уролог), блогер, Адолат социал демократик партиясидан номзод Обиджон Латипов анчайин "қийинчиликлар" ва ноҳақликлар бўлишига қарамасдан ва ниҳоят қайта ўтказилган такрорий овоз бериш сайловларида ғолиб бўлди ва Тошкент шаҳар кенгаши депутати етиб сайланди.

Ҳайрли бўлсин. Омад тилайман!

Обиджон Латиповнинг телеграм каналига уланинг:
👉 @obidjonlatipov

Пенициллинга аллергиянгиз борми? Ишончингиз комилми?

Америкалик олимлар пенициллинга аллергиям бор деб ҳисоблайдиган инсонларда тадқиқот олиб боришибди. Бу ҳақда аввалроқ ёзган эдим.

Батафсил ўқинг. Ҳулоса сиздан.

👉https://telegra.ph/Siz-penitsillinga-allergiyam-bor-deb-oylaysizmi-Ehtimol-siz-xato-fikrdadirsiz-Oqishni-tavsiya-qilamiz-01-04

👉"Доктор Аллерголог" (@allergiya)

​​Плазмаферез нима? Аллергологияда қандай фойдаси бор?

Бежизга каналда сўровнома ўтказмаган эдим. Натижаларга кўра кўпчилик бу усул ҳақида эшитмаган ёки тўлалигича маълумотга эга эмас экан. Демак, плазмаферез ҳақида гаплашамиз:

Плазмаферез танани тозалашнинг энг самарали усулларидан биридир. Плазмаферез инсоният учун янгича ихтиро эмас. Унинг прототипи қадимги Mисрда кўплаб касалликларни даволаш учун муваффақиятли ўтказилган қон босими эди. ХХ аср бошларида олимлар қонни "суюқ" ва "қаттиқ" қисмларга бўлиш мумкинлигини ва агар керак бўлса беморга биттасини ёки бошқасини қуйиш мумкинлигини яхши билишган.
Плазмаферез техникасини биринчи марта 1914 йилда профессор Aбел бошчилигидаги америкалик шифокорлар гуруҳи тасвирлаб берган. СССРда биринчи плазмаферез процедуралари 1964 йилда Раиса Mакева томонидан амалга оширилди. Бугунги кунда бундай қон қуйиш янада замонавий кўринишга эга бўлди. Ҳозирда ушбу усулда назарий ва техник жиҳатдан янада ишончни оқланган янги (юқори) технологиялар қўлланилади.

Плазмаферез - бу ички муҳитни ташқи, ички келиб чиқадиган зарарли моддалардан тозалаш ва турли касалликларга чалинган беморларни даволашда ажойиб натижаларга эришиш имконини берадиган усулдир.

Плазмаферезнинг даволовчи моҳияти нима?

Содда тушунтиришга ҳаракат қиламан: Қон икки асосий таркибий қисмдан иборат - плазма ва шаклли элементлар. Плазмаферезда асосий урғу плазма ҳақида кетади. Плазмада сув ва унда эриган моддалар - оқсиллар ва бошқа органик ва минерал бирикмалар мавжуд. 

Плазмаферез усули плазма таркибидаги токсинлар, аллергенлар, яллиғланиш агентлари ва интоксикация белгиларини ўз ичига олган қон плазмасининг таркибий қисмларини ажралиши ва тозаланишига асосланган. 

Плазмаферезнинг моҳияти шундан иборатки, қон таначалари инсон танасида ўзгаришсиз қолади ва унда зарарли моддалар бўлган плазма процедураси давомида тозаланади. Плазмаферез процедуралари курси аллергологияда аллергенлардан, иммун-комплекслардан тана ички муҳитини самарали тозалашга имкон беради.

Плазмаферезга қарши кўрсатмалар мавжуд:

–Жиддий юрак-қон томир касалликлари.
–Жиддий неврологик патология.
–Aнемия (Hb ≤90 г/л).
–Гипопротеинемия (умумий оқсил ≤60 г/л).
–Tромбоцитопения (тромбоцитлар ≤100 × 109/Л).
–Гипокоагуляция
–Бемор венасига тушишнинг қийинлиги
–Ўткир босқичдаги периферик томирларнинг флебитлари.
—Aнтикоагулянтлар ва плазма ўрнини босувчи моддаларга аллергия.

Ҳозирча шулар. Янада кўпроқ маълумотларни рус тилида пастдаги видео орқали кўришингиз мумкин.

 👉"Доктор Аллерголог" (@allergiya)

​​Сублингуал АСИТ (Аллерген Специфик Иммуно Терапия) ёҳуд "Aнтиполлин" препарати ҳақида биз билган ва билмаган маълумотлар

Сўнгги йилларда дунё миқёсида AСИT методологиясини инъэкция амалиёти билан параллел равишда сублингуал, оғиз орқали даволаш йўналиши ҳам ривожланиб бормоқда. Аллергик касалликларни даволашда АСИТ усули ҳақида аввал ҳам бир неча бора ёзганман.

1. АСИТ ҳақида умумий маълумот
2. Аллергияни даволашнинг самарали усули

Агар АСИТ ҳақида умумий маълумотга эга бўлган бўлсангиз, энди сиз билан сублингуал (суббуккал), яъни сўриш учун мўлжалланган таблетка шаклидаги "Антиполлин" ҳақида беъмалол гаплашсак бўлади.

2002 йилдан бери Қозоғистонда "Aнтиполлин" савдо белгиси остида аллерген таблеткалар ишлаб чиқарилмоқда. Дастлаб, аллергенларнинг бир нечта турлари ишлаб чиқарилган бўлса, ҳозирги вақтда антиполлин таблеткалари турли хил аралаш маҳсулотларни ўз ичига олган 20 турга яқин шакллари ишлаб чиқарилмоқда.

Қайси касалликларни даволашда ишлатилади?

Aнтиполлин аллергик ринит, аллергик конъюнктивит, бронхиал астма, аллергенларга юқори сезгирлик туфайли келиб чиққан атопик дерматит учун мўлжалланган маҳаллий аллергенларидан тайёрланган таблетка. Соддароқ айтсак, таркиби жиҳатидан шунчаки, аллергенлардан тайёрланган таблетка дейиш тўғрироқ бўлади.

"Aнтиполлин" стандартлашган тўплам бўлиб, битта тўплам тўлиқ даволаш курси учун мўлжалланган.

"Антиполлин" камида бир марталик тўлиқ даволаш курси тугагач беморда:

✅ Аллергия белгилари сезиларли даражада камаяди;

✅ Аллергенга нисбатан тўқима сезгирлиги пасаяди;

✅ "Айбдор" ўсимликларнинг гуллаш даврида дориларга бўлган эҳтиёж камаяди;

✅ Касаллик янада оғирлашишига йўл қўйилмайди, айниқса, аллергик ринитнинг бронхиал астмага ўтиши олди олинади;

✅ Моносенситизациянинг полисенситизацияга ўтишининг олди олинади.

Қўллаш мумкин бўлмаган ҳолатлари борми?

Қуйидаги ҳолларда "Антиполлин" қўлланилмайди:

- 5 ёшгача бўлган болалар;
- 60 ёшдан ошган беморлар;
- касаллик кучайган давр;
- оғир бронхиал астма (ФЕВ1 <70%)
- иммунитет танқислиги ҳолатлари
- ўткир инфекциялар
- сил касаллиги
- қон касалликлари
- декомпенсация босқичидаги сурункали касалликлар
- юрак-қон томир касалликлари
- руҳий касалликлар
- эндокрин органларнинг касалликлари (қандли диабет)
- ҳомиладорлик ва лактация

Дори воситаларининг ўзаро таъсири

Кортикостероидларни (гормонлар), β-блокаторларни қўллаш тавсия этилмайди. Вакциналар ва антигистамин терапиялардан 2 ҳафта кейин фойдаланиш мумкин.

Даволовчи эффекти қандай?

2013 йил маълумотларига қарайдиган бўлсак, 11 йил ичида "Aнтиполлин" 70 мингга яқин кишини аллергиядан даволаган. Ҳозиргача бу рақам 120 мингга яқинлашган. Даволаш самарадорли кўрсаткичи эса 75-80% ни ташкил қилмоқда. Бу албатта ажойиб кўрсатгич!

"Aнтиполлин" шифокорлар томонидан ҳозирги вақтда муваффақиятли қўлланмоқда. Ушбу аллергенлар энди Ўзбекистонга ҳам расман кириб келди.

Ҳозирча шулар. Биламан, барибир сизда қандайдир савол пайдо бўлиши мумкин.

Эътиборингиз учун раҳмат!

👉"Доктор Аллерголог" (@allergiya)

⚡Сайёрамизга янги ҳавф кириб келмоқда: АЛЛЕРГИЯ

Телевизорларда айтилаётган статистикалар ҳаммаси хато! Аллергик беморлар сони йилдан-йилга жуда тез суръатларда кўпайиб бормоқда. Шу ўсишда давом этса, 2062-йилга бориб ер юзидага барча одамлар аллергик бемор бўлади.

— Нима учун аллергия бунақа шиддатли даражада кўпайиб бормоқда?

— Асосий сабаблари нима?

Ушбу ҳужжатли филм айнан шу ҳақда.
Давомийлиги: 24:21 дақиқа
Ҳажми: 37 МБ (ачинмайсиз)

Каналга уланинг:
👉"Доктор Аллерголог" (@allergiya)

Ўзбекистонда энг ҳор бўлган касб шифокорлик эканлигини статистлар ҳам тан олишибди. (2018-йил таҳлили). Ошпаз ҳам ундан кўп маош олади, хатто...

Эх, ўзбек шифокори! Инсон қадри, соғлиғи устун давлатларда, масалан, Люксембургда тўғилсанг бўлмасмиди?

Майли, кўнгилни чўктирмаймиз. Аллергология ҳақида ёзишда давом этаверамиз!

Каналга уланинг:
👉"Доктор Аллерголог" (@allergiya)

Тест номи: PHI PATCH TEST

Тери билан бирор бир модда, масалан, косметик маҳсулотлар, бўёқлар ёки дориларни қўллашдан олдин ҳар ким бу тест орқали ўша моддага аллергияси бор ёки йўқлигини аниқлаши мумкин. Албатта мутахассис назоратида олиб борилади. Видеода тестдан қандай фойдаланиш кўрсатилган.

Аллерген танлаб жойланади

👉"Доктор Аллерголог" (@allergiya)

Соғлиқни сақлаш вазири Алишер Шадманов Тошкент тиббиёт академиясида тиббиёт олий ўқув юртлари талабалари билан учрашди.

Унда билимли, ёш кадрларни тайёрлашга алоҳида эътибор қаратилаётгани алоҳида эътироф этилди. Ҳозирда олий маълумотли тиббиёт кадрлари еттита олий тиббиёт таълим муассасалари ва уларнинг тўртта филиалларида бакалавриат, магистратура ва клиник ординатура бўйича малакали кадрлар тайёланмоқда.

Бу ҳақда “Ўзбекистон 24” телеканали томонидан тайёрланган репортажда кўришингиз мумкин.

Каналга қўшилиш ⬇️
Cоғлиқни сақлаш вазирлиги расмий канали - @ssvuz

​​Инсонлар қайси ҳолатлар сабаб кўпроқ вафот этишади? Aварияларданми? Ёки террорчи портлашлариданми?

Йўқ! Tиббиёт алоқаси бўлмаган кўпчиликка соғлиғига бўлган эътиборини кучайтириши учун баъзи маълумотларни тақдим этмоқчиман.

Энг кўп ўлим билан якунланувчи 10 та касаллик

ЖССT энг сўнгги (аммо 4 йил олдинги) маълумотларига кўра, дунё бўйлаб 2016 йилнинг ўзидаги 56,9 миллион ўлимнинг ярмидан кўпи (54%) 10 та асосий сабабларга кўра содир бўлган. Булар:

1. Юрак ишемик касаллиги
2. Инсулт
3. Ўпканинг сурункали обструктив касаллиги (ХОБЛ)
4. Пастки нафас йўллари респиратор инфекциялари
5. Aлсгеймер (руҳий касаллик)
6. Ўпка, трахея, бронхлар рак касаллиги
7. Диабет
8. Бахтиз йўл-транспорт ҳодисалари
9. Диарея
10. Tуберкулёз

Кардиолог-шифокорларнинг беморлари ҳар доимгидек 1-2 ўринни банд қилган. Юрак ишемик касаллиги ва инсулт 15 миллиондан ортиқ одамнинг ҳаётига зомин бўлди. 15 йил давомида ушбу касалликлар бутун дунё бўйлаб одамлар ўлимининг энг муҳим сабаблари бўлиб келмоқда.

Сурункали обструктив ўпка касаллиги (ХОБЛ) 3 миллион кишининг ҳаётига зомин бўлди. Ўпка саратони (шунингдек трахея ва бронхлар саратони) 1,7 миллион кишининг ўлимига сабаб бўлди. Рақамлар ўсган. 2016 йилда қандли диабет 1,6 миллион одамни ўлдирган бўлса, 2000 йилда бу, 1 миллионни ташкил этган эди. Aқлий заифлик туфайли ўлимлар сони 2000 йилдан 2016 йилга қараганда икки баравар кўпайди ва бу касаллик ўлимнинг энг кўп тарқалган бешинчи сабаби бўлди.

Энг хавфли юқумли касалликлар ҳозирча пастки нафас йўлларининг инфекциялари бўлиб қолмоқда. 2016 йилда улар 3 миллиондан ортиқ одамнинг ҳаётига зомин бўлди. Диарея касалликларидан ўлим даражаси 2000 йилдан 2016 йилгача деярли 1 миллионга камайди, аммо 2016 йилда 1,4 миллион одамнинг ўлимига олиб келди. Бу катта рақам. Худди шу даврда сил касаллигидан вафот этганлар сони хам камайди, аммо камайиш ҳолати ҳам 1,3 миллион ҳолатда ўлимга олиб келди.

Aйтганча, энди ОИВ/ОИTС ўлимнинг энг кўп учрайдиган 10 сабаби рўйхатида йўқ. Одамлар ОИТС билан аввалги йилларга нисбатан кам касалланмоқда. 2016 йилда бу касалликлардан 1 миллион киши вафот этган бўлса, 2000 йилдагиси 1,5 миллион кишини ташкил қилган эди.

Авариялар ҳар доимгидек бу рўйхатда бор. Йўл-транспорт ҳодисалари туфайли 2016 йилда 1,4 миллион киши вафот этди. Уларнинг ҳар 4 тасидан 3 таси (74%) эркаклар ҳиссасига тўғри келади.

Бу маълумотлар билан нима демоқчиман?

Тан олайлик, биз ўзбеклар ўз соғлиғимизга жудаям беъэътибормиз. Касаллик оғир ҳолатга келсагина чопқиллаб қоламиз. Соғлиғига эътибор берадиганларни ҳурмат қиламан. Дўстим, Соғлиқни бор вақтида қадргига етайлик. Кези келса, Миллиард доллар билан ҳам қайтариб ололмайсиз. Касалликга бефарқ қараманг. Шифокор ҳаётингизга жавобгар эмас! Ҳар кимга қанча умр берилганлиги ёлғиз ҳудога аён, аммо бу бефарқ бўлиш дегани ҳам эмас. Умр бир марта берилади, унумли фойдаланиб қолинг. Ўзингизни эҳтиёт қилинг!

Жасур Давлатов

Каналга уланиш:
👉"Доктор Аллерголог" (@allergiya)

​​Бронхиал Астма (БА) ҳақида сиз билган ва билмаган баъзи фактлар

Бронхиал Aстма – жиддий, юқумли бўлмаган сурункали ўпка касаллиги бўлиб, яллиғланиш ва нафас йўлларининг торайиши билан тавсифланади.

✅ Ҳозирги кунда 235 миллионга яқин одам астма касаллигидан азият чекмоқда. Энг ёмони, Астма болалар орасида энг кўп учрайдиган сурункали касалликлардан биридир.

✅ Aстма билан боғлиқ ўлим ҳолатлари кам ва ўртача даромадли мамлакатларда кўпроқ учрайди. Яъни, қўпол бўлса ҳам айтиш керак, астма билан пули кам беморлар кўпроқ вафот этишади.

✅ ЖССTнинг 2016 йил декабр ойида эълон қилган сўнгги маълумотларига кўра, 2015 йилда астма туфайли 383 мингта ўлим қайд этилган.

✅ Aстма учун хавфли омиллар бўлиб аллергия қўзғатувчи аллергенлар, триггерлар ва бошқа факторлар ҳисобланади.

✅ Дори-дармонлар билан астмани назорат қилиш мумкин. Aстма қўзғатувчиларини олдини олиш астмадан халос бўлишга ҳам ёрдам беради.

✅ Aстма билан касалланган беморларни билимини ошириш, ҳаётини тўғри бошқариш орқали ҳаёт сифати яхши таъминланиш мумкин.

Каналга уланиш:
👉"Доктор Аллерголог" (@allergiya)