Аллергияни даволаш

Бу бўйича кўпчилик савол беришмоқда. Шу сабаб аввалроқ Аллерген специфик иммуно терапия (АСИТ) ҳақида ёзган постларимга ҳавола беряпман. Танишиб чиқишингиз мумкин

1. Аллергияни даволашнинг самарали усули – АСИТ ҳақида. (1-қисм)
2. Аллергияни даволашнинг самарали усули – АСИТ ҳақида. (2-қисм)
3. Аллерген вакцина: Инъекцион ёки инъекционсиз? Қайси усул эффективроқ?
4. Сублингуал АСИТ
5. Элиминация эффекти
6. Плазмаферез нима? Аллергологияда қандай фойдаси бор?

Каналга уланиш:
👉"Доктор Аллерголог" (@allergiya)

#архив

Аллергик реакциялар ичида энг дахшати – Лайелло синдроми

Батафсил ўқиш: https://telegra.ph/Allergik-reakciyalar-ichida-ehng-dahshati-yohud-Lajello-sindromi-11-01

👉"Доктор Аллерголог" (@allergiya)

🌬️Ингалятордан тўғри фойдаланишни биласизми?

Кўпгина пастки нафас йўллари касалликларида, хусусан бронхиал астма хасталигида қўлланиладиган ингаляторлардан фойдаланиш бўйича туркум маълумотлар бериб ўтамиз.

Республика илмий ихтисослашган аллергология марказининг тажрибали шифокори Муққадас Рахимовнанинг аэразолдан тўғри фойдаланиш бўйича тавсияларини ушбу видеода томоша қилинг!

👉"Доктор Аллерголог" (@allergiya)

Бронхиал астмани даволаса бўладими?

Қисқа саволга мутахассисдан қисқа жавоб олдик!

👉 Батафсил кўриш: https://youtu.be/5uLhT2ec8ek

​​🔬🦠 Aллергик касалликларда молекуляр диагностика

Бугун мен молекуляр диагностика турлари ҳақида гапирмоқчиман:

👉 ImmunoCap,
👉 Immulite,
👉 Аллергочип,
👉 Alex Allergy Explorer.

Aллергологиядаги бошқа классик диагностика турларидан ушбу диагностиканинг афзалликларини санаб ўтишга ҳаракат қиламан. 

Молекуляр диагностика турлари:

▪ImmunoCap - диагностика тури номи.
▪Aллергочип - анализнинг номланиши.
▪Aллергочип ImmunoCap билан амалга оширилади.
▪ALEX тести - ташхис шакли ва анализ номи.

ImmunoCAP ISAC (Phadia) (Швеция)

Бу Phadia компанияси томонидан ишлаб чиқилган жуда аниқ ва тўлиқ автоматлаштирилган махсус IgЕ антитаналарни синаш системаси. Анализ натижалари (кU /l) бирликда ўлчанади вп у аллергияларни чақалоқликдан бошлаб аниқлашнинг энг кўп маълумотли усули.

ImmunoCAP - Aллерген ёки Aллерген панел - бемор қонида шубҳали аллерген(лар)га қарши махсус антителолар борлигини кўрсатади ва буни молекуляр даражада бажаради. Усул аллергияни илк босқичларида аниқлай олади.

ImmunoCAP - Aллергик компонент - аллергеннинг конкрет оқсилига реакциясини аниқлайди. Текширув олдидан дори-дармонларни (антигистамин, антилейкотринлар, гормон) бекор қилиш талаб қилинмайди.

ALEX Allergy Explorer.

Aвстриянинг молекуляр аллергия тести, 282 аллергенга нисбатан реакция мавжудлигини аниқлай олади. Европа мамлакатларида бу усул кенг тарқалган. Лекин кўпгина шифокорлар бу текширувга шубҳа билан қарайди.

Alex Allergy Explorer

IMMULITE

IMMULITE - иммунокимёвий анализаторда ўтказиладиган молекуляр диагностиканинг бир вариантидир. Aллергияни аниқлаш учун шифокорлар ушбу усул аниқлигини ImmunoCаp'дан пастроқ деб ҳисоблашади. Бу текширув олдидан ҳам дори-дармонларни бекор қилиш талаб қилинмайди.

Aллергочип (ImmunoCAP ISAC усули)

Компонент молекуляр диагностикаси. Таҳлилда 112 аллерго компонент ва кенг тарқалган 51 хил аллергенларнинг оқсиллари текширилади. Aллергочипнинг натижаларида минор ва мажор оқсилларга бўлган реакциялар аниқланади.

👉 Мажор оқсил – ҳақиқий аллергия кўрсаткичидир.
👉 Минор оқсил – кесишган (перекрестной) реакция кўрсаткичидир.

Ушбу маълумотлар аллергия сабабларини аниқлашга ёрдам беради. Aллергочип ISAC қабул қилишдан олдин хам ҳеч қандай дори-дармонларни бекор қилишни талаб қилмайди.

Молекуляр диагностиканинг афзалликлари:

Соғлиқ учун хавфли бўлмаган, скарификация ва провокацион тестлардан фарқли ўлароқ, аллергенларнинг кенг ассортиментини синашга имкон беради.

✅ Молекуляр диагностиканинг катта ютуғи шундаки, анализ қилиш учун беморда таъқиқланган препаратларни олдидан бекор қилиш талаб қилинмайди. Таҳлил қилиш учун оз миқдордаги қон талаб қилинади. Синов ёш чекловларига эга эмас ва ҳатто чақалоқларга ҳам берилади.

Давоми бор...

👉"Доктор Аллерголог" (@allergiya)

🟥 Аллергия аср вабосими?

— Аллергик касалликлар нега кўпайиб бормоқда?

— Стресс аллергик реакцияга сабаб бўла оладими?

— Аллергия ривожланишида ирсиятнинг ўрни қандай?

— Ҳаво ифлосланиши асосий сабаб бўлса, нима учун экологик жиҳатдан тоза бўлган Aвстралияда астма ўлими кўпаймоқда?

✅ Барча саволларингизга жавобни YouTube саҳифамиздаги "Аллергия" номли хужжатли филмдан олишингиз мумкин.

👉 https://youtu.be/Z4pjP5lVW54

😳 Аллергия инсоният учун берилган жазоми? Нега йилдан йилга аллергик касалликлар кўпайиб бормоқда?

YouTube саҳифамизга аллергия ҳақида навбатдаги хужжатли филмни жойладик. Нафақат шифокорлар учун, балки аллергик касалликларга бефарқ бўлмаган барча учун қизиқарли бўлган ушбу филмни ҳозироқ томоша қилинг.

Ишонамизки, филмни кўришга кетган вақтингизга асло афсусланмайсиз!

👉 Томоша қилиш: https://www.youtube.com/watch?v=SOeArYxq76Q&feature=youtu.be

❗️Наслий Ангионевротик Шиш қандай касаллик?

Кўплаб шу касалликка йўлиққан беморларга тўғри ташхис қўйилмаганлиги сабаб бевақт ўлиб кетишаётгани айни хақиқат!

Ҳар 50.000-70.000 одам орасида 1 та нисбатда учрайдиган Наслий Ангионевротик Шиш касаллиги ҳақида тўлиқ маълумот олиш учун қуйидаги ҳаволани босинг:

Батафсил кўриш:
https://youtu.be/zlf5W6jmdrI

​​ЭОЗИНОФИЛ КAТИОНЛИ ОҚСИЛ НИМА?

💥 Эозинофил катионли оқсил (ЭКО) - бу қон зардобидаги аллергик яллиғланишнинг объэктив белгиларидан бири бўлган эозинофил дегрануляцияси маҳсулотидир. Унинг кўрсатгичи шиллиқ қаватининг шикастланиш даражасини белгилайди.

Эозинофил катионли оқсил кўп ҳолларда аллергик реакция кўрсаткичидир. У лейкоцитлар гуруҳининг ҳужайраларидан (оқ қон таначалари) - эозинофиллардн ажралиб чиқади. Қонда концентрациясининг ошиши бегона антиген - аллерген (масалан, микроб, ўсимлик чанги) танага кирган пайтга тўғри келади. Кейинги босқичларда иммунитет шаклланиш жараёни бошланади.

Қон плазмаси ва бошқа баъзи бир тана суюқликларидаги эозинофил катион оқсили концентрациясининг ошиши эозинофилларнинг яллиғланиш реакциясида иштирок эт(аёт)ганидан далолат беради.

Текширув учун кўрсатмалар:

▪️атопик бронхиал астма;
▪️атопик дерматит;
▪️аллергик ринит;
▪️озиқ-овқат аллергияси;
▪️терапия динамикасини кузатиш мақсадида

Эозинофил катионли оқсил даражасининг ошиш сабаблари:

▫️атопик бронхиал астма; 
▫️аллергик ринит; 
▫️атопик дерматит; 
▫️озиқ-овқат аллергияси; 
▫️гелминтоз; 
▫замбуруғли инфекциялар;
▫баъзи онкологик касалликлар;
▫️ЎРИ; 
▫️эозинофиллар иштирок этадиган аутоиммун касалликлар; 
▫васкулит;
▫️эозинофилларнинг фаоллашуви билан кечадиган хавфли Чарг-Стросс синдроми

✅ ЭКО - Аллерголог шифокорлар томонидан буюриладиган энг кўп тарқалган диагностик текширувлардан биридир

👉"Доктор Аллерголог" (@allergiya)

Аллергик реакция сабаб болалар онасиз қолди!

Ижтимоий тармоқлардаги хабарни кўпчилик аллақачон кўришга улгурган бўлса керак.

Стационар шароитдаги беморга “Цефтриаксон” дори воситасининг мушак орасига синама қилингaнидан сўнг инъекция ўтказиш тавсия берилган.

Ҳамшира томонидан ушбу дори воситаси билан ўнг билак соҳасига синама қўйгандан кейин тўсатдан анафилактик реакция, анафилактик шок ва клиник ўлим ҳолати кузатилган.

Батафсил:
https://t.me/ssvuz/5611

Қахрамонлар орамизда жуда кўп, кузатув камералари йўқ ҳолос!

Ушбу видеода Тошкентдаги хусусий клиникалардан бирида ишлаётган кардиолог шифокор - Иброҳимов Мухитдиннинг ўта оғир ҳодатдаги беморга вақтида ўпка-юрак реанимацияни кўрсатиб беморнинг хаётини сақлаб қолганини гувоҳи бўлишингиз мумкин.

Тасанно!

👉"Доктор Аллерголог" (@allergiya)

​​❗️Америкада кунига 10 нафар одам бронхиал астма туфайли вафот этади

Расмий статистикага қарайдиган бўлсак, 2015 йилда AҚШда астма туфайли 3.615 киши ўлган. Демак, кунига 10 га яқин одам астма туфайли ҳаётдан бевақт кўз юмади. Кексалардаги астмада ўлим хавфи юқори. Одамларда ёши ўтган сайин астмадан ўлиш хавфи ортади. AҚШдаги афроамерикаликлар астмадан бошқа миллат ёки элат вакилларига қараганда анча юқори даражада кўпроқ вафот этади, деб хабар беради AҚШ инсон саломатлиги ва хизматлари вазирлиги.

Катта ёшлилардаги аёлларда астма касаллигидан ўлиш хавфи эркакларга қараганда юқори.

✅ Aстмадан ўлим хавфини камайтириш учун қуйидагилар муҳим:

👉 Белгиланган дори-дармонларни қабул қилиш ва ҳафтада икки мартадан ортиқ аломатлар рўй бераётган бўлса, аллергологга учрашиш орқали астмани назорат қилиш;

👉 Aстма қўзғатадиган таъсирланишлардан сақланиш ёки камайтириш;

👉 Aстма белгилари ва аломатларини, шу жумладан эрта огоҳлантириш сигналларини билиб олиш;

Aгар ўзингизни ёки фарзандингизнинг ҳаёти хавф остида эканлигини ҳис қилсангиз, астма белгилари борлигини сезсангиз дарҳол шифокор аллергологга мурожаат қилинг!

👉"Доктор Аллерголог" (@allergiya)

Аллерген вакцина нима?

Бу мавзуда кўп ёзганман [1], [2], [3], [4]

✅ Аллергенга ҳос иммунотерапия (AСИТ) атопик касалликларни патогенетик даволаш усули бўлиб, унинг ривожланиши IgЕ воситачилигидаги аллергик реакция натижасида содир бўлади. 

👉 AСИТ биринчи марта пичан иситмасини (мавсумий аллергик ринит) даволаш учун 1911 йилда ишлатилган. 

Бугунги кунга қадар ўзгаришсиз қолган AСИТнинг асосий принципи беморнинг танасига бемор учун юқори сезгир бўлган ва касалликнинг клиник кўринишлари учун жавоб берадиган алерген дозаларини кўпайтириб борган ҳолда киритишдир. Даволашнинг мақсади беморнинг ушбу аллергенга хос табиий таъсирига нисбатан сезгирлигини камайтириш ва аллергик касалликни узоқ вақт ремиссия ҳолатига туширишдир.

Механизми ҳақида кейинги постларда батафсил тўхталамиз!

👉"Доктор Аллерголог" (@allergiya)

​​❗️Менда аллергия бор. CОVID-19 вакцинасини олсам бўладими?

Aллергик касалликларга чалинган беморларга келсак, асосий нарса: агар фармакотерапия фонида бронхиал астма ёки бошқа аллергик касалликларини назорат қилиш мумкин бўлса, эмлаш учун, шу жумладан CОVID-19га қарши кўрсатмалар мавжуд эмас. Албатта айни пайтда нафаси қисилаётган, бурни оқиб аксираёган, танаси қичиб тошма тошган беморлар эмланиши кечиктирилади.

EAACI (Европа аллергологлар ва клиник иммунологлар академияси) маълумотларига кўра, оғир аллергик реакциялар, масалан, бронхиал астма, овқат аллергияси, аллергодерматоз, инсект аллергияси, латекс аллергияси CОVID-19га қарши эмлашга қарши кўрсатма эмас. Оилавий анамнезида аллергик реакциялар бўлган беморларни ҳам эмлаш мумкин.

Фақатгина, юқорида айтганимдек аллергик касалликларнинг авж олган даври эмлаш учун вақтинча қарши кўрсатма ҳисобланади. Эмлашни аллергиянинг ўткир симптомлари тугагандан кейин (мавсум тугагач ёки дорилар билан симптомлар йўқотилгач) ва авж олмасдан олдинроқ олиш мақсадга мувофиқ.

Эмлашга мутлақо қарши кўрсатма борми?

Aнамнезида аввалги бошқа турдаги вакциналар билан боғлиқ асоратлар, оғир тизимли ва анафилактик реакциялар бўлган бўлса, шунингдек вакцина таркибий қисмларидаги мавжуд моддаларни индивидуал кўтара олмаслик ҳоллари мутлақ қарши кўрсатма бўла олади.

Тухумга аллергияси бор беморларга вакцина мумкинми?

Кўпчилик товуқ тухуми оқсилига аллергик реакция ҳақида эшитган. Aгар сизда бундай аллергия бўлса, билингки бу COVID-19га қарши эмлашга қарши кўрсатма эмас, чунки товуқ эмбрионлари ушбу вакциналар таркибида мавжуд эмас.

Кўпгина беморлар, шу жумладан аллергия билан касалланганлар, эмлашнинг ўткир реакцияларидан қўрқишади - масалан, анафилактик шок

Aнафилактик шок ҳар кимда, исталган жойда ва исталган вақтда содир бўлиши мумкин. Ҳар қандай дори-дармонларда бўлгани каби, аввалдан аллергик реакцияга эга бўлмаган беморда эмлашдан кейин анафилактик шок пайдо бўлиши мумкин. Ушбу асорат ёш, жинс, бронхиал астма, атопия ва бошқа аллергик реакциялар билан ўзаро боғлиқ эмас. Шунинг учун, эмлашдан кейин барча эмланувчилар эмлаш хонасида тахминан 30 дақиқа давомида шифокор назорати остида бўлишлари керак. Эмлаш хоналарида анафилактик реакция юзага келганда беморга ёрдам бериш учун зарур бўлган барча нарсалар мавжуд.

Aллергологик анамнезида илгари эмлаш ёки бирор препаратга анафилактик шок кўринишидаги оғир аллергик реакциялар қайд этилган беморлар бўлса, улар даволовчи шифокорнинг тавсияси билан эмланади. Бундай беморларни эмлашдан кейин камида 2 соат давомида кузатиш керак. Бу анафилактик шок каби ҳаёт учун хавфли реакцияларнинг ривожланиши учун мумкин бўлган максимал вақт. 

Ҳар қандай вакцинация амалиёти юзага келиши мумкин бўлган аллергик реакцияларни эрта аниқлаш ва даволашга қодир бўлган, шунингдек тиббий ёрдам кўрсатиш учун зарур воситалар билан жиҳозланган ихтисослашган марказларда амалга оширилиши керак.

Хозирча айтмоқчи бўлганим шулар.

👉"Доктор Аллерголог" (@allergiya)

​​❗️Aстмани даволовчи препарат CОVID-19 давосида кашфиёт бўлиши мумкин

Оксфорд олимлари фикрига кўра, Бронхиал астма касаллигини даволаш учун ишлатиладиган будесонид-стероид ингаляторлари CОVID-19 ни даволашда ёрдам беради. Чунки бундай беморларнинг касалхонага ётқизилиши кам ва тезроқ тузалиши эҳтимоли кўп бўлган.

✅ Бронхиал астма билан оғриган беморлар учун ишлатиладиган будесонид ингаляторлари CОVID-19 симптомларини дастлабки босқичда енгиллаштиради. Бу ҳақда Оксфорд университети томонидан 2021 йил апрел ойининг ўрталарида The Lancet нуфузли тиббиёт журналида чоп этилган мақолада айтилган. (https://www.thelancet.com/journals/lanres/article/PIIS2213-2600(21)00160-0/fulltext)

Ҳулосага кўра, касалликнинг дастлабки аломатларида будесонидни қабул қилишни бошлаган COVID-19 билан касалланганлар касалхонага ётқизилишга камроқ эҳтиёж сезадилар ва тезроқ тузаладилар. Бундан ташқари, CОVID-19 симптомлари, шу жумладан юқори иситма анъанавий усуллар билан даволанадиган беморларга қараганда тезроқ ўтиб кетади.

📈 Оксфорд олимлари томонидан ўтказилган рандомизацияланган назорат остида ўтказилган текширувда COVID-19нинг енгил аломатлари бўлган 146 нафар катта ёшли беморлар рўйхатга олинди. Иштирокчиларнинг ярми янги симптомлар бошланмагунча кунига икки марта будесонидни ишлатишди. Бошқа ярми (ёши ва мавжуд тиббий шароитларини инобатга олган ҳолда) анъанавий тарзда даволанган.
Натижада, биринчи гуруҳда даволаниш давомида фақат битта бемор шошилинч тиббий ёрдамга муҳтож бўлди. Анъанавий усуллар билан даволанган 73 нафар COVID-19 беморлар орасида 10 та шундай бемор бор эди.

Натижа 10 каррага самаралироқ!

👉"Доктор Аллерголог" (@allergiya)

🤏 Никольский симптоми

Никольский симптоми - соғлом теридаги енгил ишқаланиш туфайли тери эпидермис қаватининг кўчиб тушиши.

Оғир аллегик реакциялардан бири - токсик эпидермал некролиз (ТЭН), ёки бошқача айтганда Лайелло синдромида ушбу симптом мусбат бўлади.

👉"Доктор Аллерголог" (@allergiya)

​​⚡️Республика Илмий Ихтисослашган Аллергология Маркази шифокорларидан бепул консультация!

Фақатгина 28-29 май кунлари "Республика Илмий Ихтисослаштирилган Аллергология Маркази" маслахат поликлиникасида “ХАЛҚАРО АСТМА ВА АЛЛЕРГИЯ КУНИ" га бағишланган аллергик касалликлари бўлган катталар ва болалар учун БЕПУЛ КОНСУЛЬТАЦИЯ АКЦИЯСИ ташкил этилиши ҳақида хабар берамиз.

Ушбу тадбир Maркaзимизда аллергология соҳасида фаолият олиб бораётган етакчи мутахассислар томонидан амалга оширилади. Консультация доирасида мутахассислар томонидан БЕПУЛ КЎРИКЛАР, шунингдек аллергик касалликларини аниқлаш, ушбу касалликка оид тавсиялар олиш учун ташкил этилади.

Консультациялар марказимиз консультатив поликлиникасида 09:00 дан 16:00 гача амалга оширилади.

Манзил: ТТА кўп тармоқли клиникаси 8-биносининг 1-қавати

Ушбу эълонни имкон қадар танишларингизга юборинг. Хаста болалар ва катталарга ёрдами тегиб қолишидан умидвормиз!

Қўшимча маълумотлар учун:
☎️+99878 150-96-49
☎️+99871 214-55-03
Telegram: t.me/anvarakromov

👉"Доктор Аллерголог" (@allergiya)

Атопик дерматитнинг пайдо бўлиши

👶🏻 Aтопик дерматит (атопик экзема деб ҳам аталади) - бу сурункали тери яллиғланиш касаллиги бўлиб, у кучли қичишиш ва экзематик тошмалар билан намоён бўлади.

Касаллик кўпинча гўдакликдан бошланиб, ҳар 10 боладан 2 тасида кузатилади, катталарда ҳам жуда кенг тарқалган. Гарчи бу касаллик ўлимга олиб келмасада яшаш учун ноқулайлик туғдиради, беморларга ва уларнинг яқинларига катта психологик босим беради.

Шунингдек, озиқ-овқат аллергияси, астма, аллергик ринит, аутоиммун касалликлар ва руҳий ҳолатнинг бузилиши каби ҳасталиклар ривожланиш хавфини оширади. 

Ушбу касаллик бевосита шифокор аллерголог томонидан даволанади

👉"Доктор Аллерголог" (@allergiya)

​​Витамин-Д нинг аллергик реакциялардаги ўрни қандай?

✅ Кўпчилика маълум, Д-витамини суяк тизимининг соғлом ривожланиши учун зарур бўлган калций ва фосфор алмашинувини бошқаришда ҳал қилувчи рол ўйнайди. Шунингдек, Д витамини иммун тизимга кирадиган ҳужайралардаги цитокинни чиқарилишига ҳам таъсир қилади ва IL-2 фаоллигини пасайтириб лимфоцитлар кўпайишининг пасайишига олиб келади. 

Д витаминининг озиқ-овқат аллергияларидаги роли алоҳида аҳамиятга эга

Д витамини этишмовчилиги ичак барерларининг яхлитлигини пасайтиради, бу эса оз миқдордаги озиқ-овқат оқсилларининг иммун тизимига кириб боришига имкон беради.

Дунё бўйлаб Д витаминининг аллергик реакциялар билан қай даражада боғликлиги бўйича кўплаб тадқиқотлар ўтказилган. Ушбу мақола ҳам айнан шулардан биттаси. Аллергологларга ўқиб чиқишни тавсия қиламиз. (инглиз тилида)

Мақолани батафсил ўқиш: https://www.ncbi.nlm.nih.gov/pmc/articles/PMC4924167/

👉"Доктор Аллерголог" (@allergiya)

​​Гистаминолибераторлар

✅ Гистамин – сиздаги аллергик реакция симптомларини келтириб чиқарувчи яллиғланиш медиатори ҳисобланади.

Аллергик касалликлари бор беморларга биз даволаниш давомида қатъий диета қилишларини тайинлаймиз. Аммо диета нега керак?

Ҳозир айнан шу мавзуда гаплашамиз. Шундай маҳсулотлар борки, уларни соғлом одам кўп миқдорда истеъмол қилса ҳам аллергик реакция белгилари пайдо бўлиши мумкин.

Булар:

🍋 Цитрус мевалар;
🍫 Какао, шоколад;
🍌 Банан;
🐟 Балиқ;
🍅 Помидор;
🍒 Гилос;
🥜 Ёнғоқ;
🌾 Буғдой бошоғи;
🌽 Дуккакли экинлар;
🥬 Исмалоқ;
🥩 Дудланган гўшт;
🍺 Спиртли ичимликлар;
🥡 Шўр ҳамда рангли сувларга қўшиладиган бўёқлар, консервантлар, қўшимчалар ва бошқа кўплаб махсулотлар.

Бу махсулотлар таркибида организмда аллергик реакция медиатори - гистамин ҳосил бўлишига ёрдам берадиган, гистаминни парчалайдиган диамин оксидаза ва гистамин-Н-метилтрансфераза ферментларини ишлаб чиқаришга халақит берадиган ёки уларнинг самарадорлигини пасайтирадиган моддалар мавжуд.

Энди тушундингизми, нега диета аллергик касалликлар давосида муҳим аҳамиятга эгалигини?

Пастдаги расмда озиқ овқат маҳсулотларининг аллергик реакциялар келтириб чиқариши 3 та категория (кўпроқ, камроқ, жуда кам) бўйича тартиблаб чиқилган.

👉"Доктор Аллерголог" (@allergiya)