صاحب الأمر والطيور الجوادية

چن إمام العصر حاضر ينظر طيور التحوم
تظلل لجدة الجواد الچبدة گطعتَّة السموم

گام ينشدها ودموعة جارية لجده الغريب
يا طيور شلون حالة بوحدتة ظل هالحبيب
جاوبت يا مهدي هذا جسمة مسموم وتريب
واحنا من شفناه إجينا نظلل لبحر العلوم

ازدادت دموعة وتحسر من سمع حچي الطيور
حگة لو فارگت روحة من الحزن هذا الغيور
المهدي بارينة يعينة شيحتمل گلبة الصبور
يشوفةجده بسطحه مرمي وجسمة يرشح بالدموم

گلها يطيور الولاية شنهو كانت صيحته
حين طاح على الوطية شبل صاحب هل أتى
جاوبت جدك تحسر گام يندب جدته
فاطمة ويبچي لضلعها يطيح من حزنة ويگوم

وبعد منه اسمعنة صيحة تفتت الصم الصخر
آه يصرخ عالغريب المنگطع منه النحر
ونوب يصرخ لاجل عمته السارت بدرب الخطر
ومن ذكر سبي العقيلة ازدادت عليه الهموم

المهدي أنّاتة تِعالت من سمع هذا الكلام
وگعد يم جدة يگلة عليك من الله السلام
عمرك ختمتة بونين لضلع بـت خير الأنام
ودمعة لجل العمة زينب الطبت لمجلس مشوم
چن ابو جعفر يجاوب مني اسمع هالخبر
يوم طحت من السرير وصرت ازحف يا فخر
ذكرت جدنا بيوم صاحت زينب ادركنا بخطر
ما گدر ينهض يطيح على الوجه كل ما يگوم

#عظّم_الله_اجورنا_واجوركم_باستشهاد_جواد_العصمة_عليه_السلام

#ختمة_قرأنية

ليتَني ..
كُنت على قبرِك ظِلاً .. ليتني
أنحني .. و الدمعُ في مِحراب عَيني .. ينحني
أو حماماً صادقياً .. و البقيعُ موطني
ليتَني .. ليتَني ..

نعزيكم ونعزي صاحب الزمان عج بمصاب الامام الصادق عليه السلام

ختمتنا ستكون من ضمن ختمات شهر شوال ونخص بها هذه الذكرى الاليمه ونسأل الله قبول صالح اعمالكم

من يحب المشاركه بختمه كاملة او عدد من الأجزاء على البوت
@Khatamat_bot
.
#عظم_الله_اجورنا_واجوركم

#واصادقاه_واماماة