“ДАВЛАТ БОЖИНИ ҚАЙТАРИШ” янги интерактив хизмати ишга туширилибди

Олий суднинг интерактив хизматлар портали — my.sud.uz да “Давлат божини қайтариш” хизмати ишга туширилди.

Суд иши бўйича фойдаланилмаган, ортиқча тўланган ёки қонунчиликда белгиланган бошқа асослар бўйича қайтарилиши лозим бўлган давлат божини қайтариш билан боғлиқ жараёнлар олдинлари муаммо бўларди. Шу масала электрон тарзда соддалаштирилган ҳолда ҳал қилиняпти экан. Бу яхши.

Янги хизмат қандай имкониятлар тақдим этмоқда:
✅ Давлат божини қайтариш тўғрисидаги аризаларни тегишли судларга электрон шаклда юбориш;
✅ Давлат божини қайтаришга оид ҳужжатларни Судлар фаолиятини таъминлаш департаментига электрон шаклда тақдим этиш;
✅ Судлар ва Департамент ўртасида электрон ҳужжат алмашинувини йўлга қўйиш;
✅ Мурожаатларни расмийлаштириш жараёнларини соддалаштириш ва қоғоз ҳужжатлар айланишини камайтириш.

Ҳуқуқий асос
Ўзбекистон Республикаси Президентининг 2026-йил 14-августдаги ПФ-160-сон Фармони билан тасдиқланган “Одил судлов — 2030” стратегияси

🔗 https://my.sud.uz/refund-state-duty

👉@bahodirahmedoff👈

Пойтахтда кўп қаватли аҳоли хонадонлари ва айрим ижтимоий объектларга иситиш мавсумига старт беришда бизда собиқ советдан қолган “олтин қоида” бор.

Яъни ўртача суткалик ҳарорат орқама-кетин беш кун 8 даражадан пасайиб берсагина, пойтахтда иситиш мавсумига старт берилади. Бу ўтган асрнинг 60-70 йилларида ишлаб чиқилган қоида.

У пайтлари об-ҳавони уч-беш кунлик учун прогноз қилиш анча қийин бўлган. Шунинг учун кўп қарорлар Ўзгидрометнинг станцияларида қайд этиб бўлинган метеомаълумотлар асосига қаратилган.

60 йил давомида соҳа ривожланди. Энди келаётган 5 кунликнинг ҳар бир куни учун ўртача суткалик ҳаророт қийматларини юқори аниқликда прогноз қилиш мумкин.

Ҳа сўнгги икки кунда Тошкентда қандай ҳарорат муҳити қайд этилди ўзи?

Ўзгидрометнинг “Тошкент–Обсерватория” станциясида кеча ва олдинги кунларм ҳарорат минимумлари +5...+6 даража салқин ҳаво, кундузлари эса +18...+19 даража илиқ қайд этилди. Бу ўртача суткалик ҳарорат +11...+12 даража дегани. +8 лик даражадан анча юқори муҳит.

👉@bahodirahmedoff👈

Банкротликдан олдин омборни қайнингизга "сотиб" қўйдингизми? Эрта хурсанд бўляпсиз

Акмал аканинг МЧЖси қарзга ботди: банкка ҳам, етказиб берувчиларга ҳам. Иш банкротликка кетаётганини сезган Акмал ака секингина омборни қайнисига арзон нархда сотиб қўйди. Енгил. "Шустрийлик" қилди ўзича. "Энди банк ҳеч нарса ололмайди, кредитни "еб" тўламай кетаман" деб ўйлади.

Бир йилдан кейин компанияга нисбатан банкротлик иши қўзғатилди. Суд бошқарувчиси анча ишига пухта эди. Омбор битимини топиб, уни ҳақиқий эмас деб топишни сўраб судга мурожаат қилди.

Олий суд Пленуми тушунтиришича: "битимлар, агар улар қарздор ёки унинг вакили томонидан тўловга қобилиятсизлик тўғрисида иш қўзғатилгунга қадар уч йил ичида тузилган бўлса ва агар Қонунда бошқача қоида назарда тутилган бўлмаса, ҳақиқий эмас деб топилиши мумкин. Бундай битимлар тўловга қобилиятсизлик тартиб-таомиллари жорий этилгандан кейин ҳам низолашилиши мумкин". Чунки "Тўловга қобилиятсизлик тўғрисида"ги қонун 63-моддасида бу аниқ белгиланган.

Битим бекор қилинса — омбор компанияга, яъни кредиторларга қайтади. Агар уни қайтаришнинг иложи бўлмаса (масалан, қайни уни учинчи шахсга сотиб юборган бўлса), раҳбар ва муассислар шахсан, ўз мол-мулки билан субсидиар жавобгарликка тортилиши мумкин.

Суд бошқарувчисидан бундай пайтда хафсала керак бўлади. Эринмай судларга қатнашиб ишни охирига етиши керак. Яхги суд бошқарувчиси ойликни олиб ётишгамас, корхонани соғломлаштиришга ҳаракат қилади.

#sudishi #bankrotlik

👉@bahodirahmedoff👈

Хоразм вилоят фуқаролик судида бугун ҳамкасб шерикларимизнинг суд процесси бор эдикан. Раислик қилувчи — Маткаримов А.Н. Ҳамкасбларимизнинг билдиришича, бугун 3 соат ВКС орқали суд бўлади деб кутиб туришган. Бироқ 3 соат ўтиб суд ёрдамчиси чиқиб суд қолдирилганлигини айтибди. Сабаб сифатида адвокатларнинг ўзларини келмаганлиги экан. Тарафлар огоҳлантирилмаган. Ваҳоланки айнан шу суд ёрдамчиси билан икки кун олдин гаплашгандик дейишмоқда. Суд ёрдамчисини айблаш нотўғри деб ўйлайман. Назоратни қилмаган судьяда айб, фикримча.

Адвокатлик осонми? Судлар. Душанба

👉@bahodirahmedoff👈

Қарздор банкрот бўляпти — алоҳида судга бериб пулингизни ололмайсиз

Гулшода опа ўз корхонасидан бир дўконга 200 млн сўмлик товар етказиб берди, пули тўланмади. Даъво ариза тайёрлаб, иқтисодий судга олиб борди. Суд эса аризани қабул қилмади: "Бу дўконга нисбатан банкротлик иши аллақачон қўзғатилган".

Олий суд Пленуми тушунтиришича, суд қарздорга нисбатан тўловга қобилиятсизлик тўғрисидаги аризани иш юритишга қабул қилган кундан эътиборан "кредиторлар қарздорга ўз талабларини якка тартибда қаноатлантириш мақсадида мурожаат қилишга ҳақли эмас". Шундай даъво келиб тушса, уни қабул қилиш рад этилади, агар қабул қилиниб бўлган бўлса — кўрмасдан қолдирилади.

Чунки банкротликда барча кредиторлар бир қозонда: ҳамма ўз талабини кредиторлар талаблари реестрига киритади ва қонунда белгиланган навбатда пул олади. Ким биринчи судга етиб келди — ўша олади, деган тартиб бу ерда ишламайди.

Демак: қарздорингиз банкротликка кетаётганини билсангиз — даъво ёзишга вақт сарфламанг, талабингизни суд бошқарувчисига белгиланган муддатда тақдим этиб, реестрга киритишни таъминланг. Кечиккан кредитор кўпинча ҳеч нарса олмай қолади.

Шунинг учун ким биландир ишлашдан олдин уни тўловга қобилиятсиз эмаслигини аниқлаштиринг аввало. my.gov.uz сайтидан буни текшириб олсангиз энг тўғриси.

#sudishi #bankrotlik

👉@bahodirahmedoff👈

ВКСда қатнашиш учун илтимоснома йўқ?

Хоразм вилоят судлари кечаги ёзган постимизга жавобан адвокатнинг видеоконференцалоқа тизими орқали қатнашишга илтимосномаси йўқ деб важ келтирибди. ВКС орқали қатнашиш-қатнашмаслик масаласи аввало қачон ўрганилади? Илтимоснома йўқ бўлса суд тарафлардан ҳеч ким йўқ экан демак деб судни кейинга қолдириб қўя оладими?

ФПК 204-моддасига асосан судья ишни суд муҳокамасига тайёрлаш тартибида бир неча ҳаракатларни амалга оширади. Жумладан, суд мажлисини видеоконференцалоқа режимида ўтказиш тўғрисидаги масалани ҳал қилади ва ишда иштирок этувчи шахсларга бундай суд мажлисида иштирок этиш ҳуқуқини тушунтиради. Яъни бу масала ишни муҳокамага тайёрлаш босқичида амалга оширилади. Илтимоснома киритиш бу тарафнинг ҳуқуқи, лекин илтимоснома бўлмаса ҳам видеоконференцалоқа тизими орқали қатнашиш-қатнашмасликни аниқлаш суднинг процессуал мажбурияти.

Ваҳоланки видеоконференцалоқа орқали қатнашиш учун илтимоснома бўлган.

Кейинги масала. Қаранг, илтимоснома йўқ бўлса ҳам, демак тараф бевосита ўзи ҳозир бўлмоқчи шекилли суд процессига деб тахмин қилинадими? Расмий баёнотда суд мажлисига келмаганлик сабаблари ҳақида судга маълум қилинмаган дея келтирилмоқда. Судга келган-келмаганини аниқлаштириш судьянинг мажбурияти-ку (ФПК 204). Буни аниқлаштиришни йўли бор-ку, айниқса шикоятни берган тарафни ўзи шикоятида (адвокат ордерида ҳам) контактлар ёзилган бўлади-ку.

Суд ёрдамчиси адвокатнинг контактини биларди ҳам, олдин боғланганди ҳам. Чунки суд ёрдамчиси тарафлар ва процесснинг бошқа иштирокчиларини ишни кўриш вақти ва жойи ҳақида хабардор қилишга мажбур (ФПК 206). У ўз вазифасини бажарган. Ўшанда адвокат томонидан ВКС орқали қатнашиш билдирилган.

Кеча ҳам айнан адвокатнинг шу контактига 19:00 атрофида суд ёрдамчиси телефон қилиб суд қолдирилганлигини маълум қилган. Эътибор беринг: маълум қилган! Процесс 16:00га белгиланган эди. Ўша вақтда нега қўнғироқ қилмаган суд ёрдамчиси? Судья 16:00гача бу масалаларни аниқлаштириши керак эди-ку. Судья ёрдамчисига қўнғироқ қил деса, қиларди-ю.

Тахминим шундай: судья кечга бориб мана бу суд ишини кейинга қолдирвор, адвокатга телефон қилиб айтиб қўй деган, тамом. Адвокат қанча кутди, кейинга қолдирилган кунда вақти борми, бу билан ҳисоблашиб ўтирармиди?!

Хоразм судларида тартиб бўйича бироз ишлаш керак экан

👉@bahodirahmedoff👈

Октябрда нега бутун минтақада ҳаво оғирлашди? Рақамлар ва реал ҳолат

Сўнгги кунларда атмосфера ҳавосининг сифати бўйича Экология қўмитаси махсус видео тайёрлаб,вазиятни батафсил тушунтириб берибди. Унда масалага фақат бир шаҳар доирасида эмас, балки яхлит минтақавий муаммо сифатида қаралган ва аниқ илмий фактлар келтирилган.

Қўмита тақдим этган рақамларга қарайдиган бўлсак, 26 октябрь ҳолатига кўра, Марказий Осиёнинг кузатувдаги 8 та йирик шаҳридан 6 тасида ҳаво сифати индекси 100 дан ошган: Бишкек (160),Тошкент (157), Чимкент (149), Душанбе ва Қарағанда (134). Қозоғистонда эса ноқулай метеошароит бўйича огоҳлантириш берилган шаҳарлар сони бир неча кунда 4 тадан 10 тага етган.

Видеода бундай бир вақтда кузатилган ҳолатга бир нечта табиий ва инсон фаолияти билан боғлиқ омиллар таъсир кўрсатгани тушунтирилган:

1. Антициклон ва ҳарорат инверсияси: Октябрь охирида минтақа бўйлаб шамол сусайиб,ёғингарчилик бўлмаган. Оқибатда ер юзасига яқин қатламда ҳаво алмашмай, атмосферада ташламалар тўпланиб қолган. Шу боис шаҳарларда кундузгига қараганда тунги вақтда ифлосланиш кўрсаткичи юқорироқ бўлмоқда.

2. Табиий чанг белбоғи: Минтақамиз Қорақум, Қизилқум ва Оролқум билан ўралган. Ўтказилган лаборатория таҳлиллари ҳаводаги майда зарраларнинг (PM2.5) қарийб 40 фоизини айнан табиий чўл чанглари ташкил этганини кўрсатмоқда. Айрим чангли кунларда бу улуш ҳатто 78 фоизгача етган.

Шу билан бирга, Экология қўмитаси ифлосланишнинг 42,6 фоизи транспорт, саноат ва иситиш тармоқлари ҳиссасига тўғри келишини ҳам очиқ қайд этган. Шунингдек, 2026 йилнинг ўтган даврида Тошкентда зарарли зарралар қарийб 30 фоизга камайгани, октябрдаги ҳолат эса аномал об-ҳаво оқибати экани билдирилган.

Бундан қандай хулоса қилиш мумкин?

Энг асосийси масалага комплекс ва тизимли ёндашув зарур. Бир томондан, чўлланишга қарши қўшни давлатлар билан биргаликда яшил белбоғлар барпо этиш ва метеорологик ҳамкорликни ривожлантириш муҳим бўлса, иккинчи томондан, шаҳарларнинг ўзида жамоат транспортини ривожлантириш, қурилишларда чангни бостириш талабларини бажариш ва саноат корхоналарига фильтрлар ўрнатиш ишларини изчил давом эттириш керак.

Қўмита томонидан илмий асосланган бундай очиқ тушунтиришлар бериб борилиши муаммонинг кўламини тўғри баҳолаш ва унга аниқ ечимлар топишда жуда муҳим.

👉@bahodirahmedoff👈

Kia Sonet — шаҳар ҳаёти учун қулай кроссовер

Автомобильни 50 фоиз бошланғич тўлов билан, 52 ой муддатга ва йиллик 0 фоиз ставка асосида харид қилиш мумкин. Ойлик тўлов 1 922 115 сўмдан бошланади.

Бепул тест-драйвга ёзилиб, тўлов жадвалини олиш учун Kia Yakkasaroy’га мурожаат қилинг.
Телефон: +99855-500-05-13.

Шартлар индивидуал ҳисобланади. Суғурта мажбурий.

👉@bahodirahmedoff👈

Японияда эр-хотин бир фамилияда бўлиши қонун билан мажбурий экан. Фуқаролик кодексининг 750-моддасига кўра, никоҳдан ўтаётганда эр ёки хотиндан бири иккинчисининг фамилиясини олиши шарт, ҳар бири ўзиникини сақлаб қола олмайди. Қонунда ким кимнинг фамилиясига ўтиши белгиланмаган, лекин амалда аёлларнинг деярли 96 фоизи эрининг фамилиясини оларкан.

#qiziq

👉@bahodirahmedoff👈

Қишки ажал уйғонишга улгурибди

Мирзо Улуғбек туманида 6 нафар фуқаронинг ис газидан заҳарланиши билан боғлиқ ҳолат юзасидан жиноят иши қўзғатилибди.

Аудиоподкастимиз давом этади. Шанба куни 11:00да навбатдагиси бўлиб ўтади.

Аудиоподкаст мавзуси: "ЙПХ ходимлари билан ҳайдовчилар ўртасидаги ўзаро муносабат"

Подкаст меҳмонлари: соҳа бўйича амалиётчи адвокат Хайрулло Қосимов (@advokatqosimov), адвокат Азимжон Йўлдошев ва ҳуқуқшунос Сиддиқжон Исмоилов.

Саволлар бўлса @SiddiqjonIsmoilov га ёзинг