Kitoblar qanday yaratiladi?

Bilasiz, hozirda 5 xil turdagi jami 7 ta kitob nashrdan chiqarganmiz. Har bir kitob ustida jamoa 6 oydan 1 yilgacha ishlaydi. Savollar tuziladi, toʻplanadi, tahrirlanadi. Rasmlari chiziladi, video yechimlar tayyorlanadi va montaj qilinib youtube kanalimizga yuklanadi. Bularning barchasi uyqusiz tunlar va katta moddiy mablagʻni talab qiladi.

Aslida rivojlangan davlatlarda kitob yaratuvchilarni nafaqat davlat, balki xalq ham himoya qiladi. Chunki ijodkorlarning koʻz nuri va peshona teridan paydo boʻlganini yaxshi biladi. Xalqimiz qanchalik ilmsevar boʻlsada, afsus guruch kurmaksiz boʻlmaganidek ba’zi bir maraz (qoʻpollik uchun uzr) shaxslar (inson deyishga tilim bormadi) uchrab turadi. Bugun yaqin aka doʻstim Isroil aka Tillaboyev (@domlajon telegram kanali asoschisi) bitta xabar yubordilar. Unda oʻzidan “tadbirkor” yasab olgan bir kimsa, biz va biz kabi mehnat qilayotgan boshqa bir nechta ijodkorlarning yaratgan kitoblarini bir necha dollarda elektron variantini sotishini va ularning skrinshotidan namunalarni ulashibdi. Darhol Ichki ishlar vazirligiga ariza yozdim. Qonun ustuvor davlatimizda qonunbuzarlar topilishiga aminman. Asosiy masala bu emas.

Talab borki bunday pastkash kimsalarga ish topiladi. Kitobni emas elektron variantini qalloblardan sotib oladigan (3 tasini 20$ debdi, bizda esa kitobni asl holi 250.000, deyarli farq yoʻq) azizlar:

Bir tasavvur qiling, sizning farzandingiz uyqusiz tunlari orqali yaratilgan mehnat mahsulini kimdir shunday gʻirromlik yoʻli bilan sotishini qabul qila olasizmi?

⚡️ Bugun yoshlarimiz chet tillarini o’rganishi uchun yana bir muhim qadam tashlanyapti. “Ibrat farzandlari” loyihasi doirasida til o’rganuvchilar uchun maxsus mobil ilova — "Ibrat Academy" taqdim etilmoqda.

Ilova yordamida o’rganayotgan tilingiz bo’yicha test ishlash, uyga vazifalar bajarish imkoniga ega bo’lasiz. Tez orada ilovaga sun’iy intellekt funksiyasi ham kiritiladi va foydalanuvchilar uchun qo’shimcha qulayliklar yaratiladi. Eng quvonarlisi, “Ibrat Academy” bilan qishloqdagi bolada ham shahardagi bolada ham til o’rganish imkoniyati tenglashadi. Istalgan yosh professional o’qituvchilardan til o’rganishi mumkin.

Ilova taqdimotini hoziroq YouTube platformasida tomosha qiling!

Videoni ko'rish

Ilovani yuklab olish: Android | iOS

@alisher_sadullaev

🔥 Uzoq kutilgan xabar bugun e’lon qilinadi.

Xabaringiz bor, 2022-2023 oʻquv yilida “Ulugʻbek izdoshlari” olimpiadasining dastlabki saralash (jami 6 ta) bosqichlari onlayn tarzda oʻtkazildi. Uning finali xuddi oʻtgan yilgidagi kabi 1 haftalik yozgi maktab tarzida tashkil etiladi. Bu yil ham Tojikistondan mehmonlar kelishi kutilmoqda.

6 bosqichli saralashdan oʻtgan va medalli olimpiadada gʻolib boʻlgan oʻquvchilar finalda - yozgi maktabda ishtirok etishlari mumkin boʻladi.

Yozgi maktabning dasturi va boshqa muhim ma’lumotlar bugun batafsil e’lon qilinadi.

Yozgi maktab orqali nimalarga erishishingiz mumkin?

Avvalo 60 nafar finalchi qanday imkoniyatlarni bepul qoʻlga kiritishini sanab oʻtaylik:

1) Xalqaro olimpiadalarda gʻolib boʻlgan ustozlardan 4 kun dars;
2) Texnotur (sayohat) larda qatnashish;
3) Final olimpiadasida qatnashish;
4) Yangi doʻstlar orttirish;
5) Shaxmat musobaqasida qatnashish (rejada)
6) Yangi nashr etiladigan (va narxi 150.000 soʻm turadigan) maxsus kitob;

Xuddi yuqoridagi barcha imkoniyatlarni finalga chiqa olmagan boʻlsada, oʻz xohishiga koʻra badal toʻlovi orqali qatnashib ham erishish mumkin. Badal toʻlovi qiymati 150.000 soʻm. Oʻzingiz oʻylab koʻring, badal toʻloviga teng narxdagi kitob va bonusiga 1-5 imkoniyatlar. Bunday imkoniyatdan faqat foydalanish kerak. Ishoning, vaqtim va yoshligim boʻlganida aniq qatnashgan boʻlar edim😉

Joylarni band qilish uchun koordinator +998932825657 (Zafarbek)

#no_comment

Batafsil video va fotogaleriya tez orada.

Allohga shukur, yana bir loyihamizni yorugʻ yuz bilan yakunlanadik.