Ozginadan keyin Fikrat ko'rsatuvida ko'rishamiz:

https://www.youtube.com/live/ggBCKQoHmS8?si=vfCBzFeeyxi2IBMg

@karimraximov

Sizning ham fikringiz kitobdan joy olishi mumkin!

Ha toʻgʻri oʻqidingiz. Bilasiz Respublikamizdagi hududlar ichida ilk marta Xorazmda viloyat hokimining qoʻllovi bilan “Hokim olimpiadasi” loyihasi oʻtkazildi. Jami 13 ta tuman va shaharlarda olimpiadalar oʻtkazildi. Olimpiada topshiriqlari, yechimlari, statistik ma’lumotlar tahlillari, qiziqarli voqealar, rasmlardan iborat hisobot kitobini nashr qilish rejalashtirilgan. Joiz kelsa “tarixiy” kitob desak boʻladi. Shu kitobda viloyat hokimi olimpiadasida ishtirok etgan oʻquvchilar, ularning ustozlar yoki ota-onasining eng sara fikrlarini kitobga kiritishga qaror qildik.

Shu post ostidagi izohga oʻz fikringizni, olimpiadadan olgan taasurotlaringizni qoldiring. Ushbu loyiha sizga nima berdi? Bunday loyihalar oʻzi kerakmi? Shu kabi savollarga fikringizni qoldirishingiz uchun imkoniyat.

Toshkent shahrida TIFT universiteti bilan hamkorlikda o‘tkazilgan navbatdagi oflayn olimpiada natijalari aniqlandi!

Urganch shahrida o‘tkazilgan olimpiada natijalari bugun @khiso_khorezm kanalida e'lon qilinadi.

(Saytimizda esa aynan shu savollar berilgan onlayn olimpiada davom etmoqda!)

Toshkent shahridagi olimpiadaga 292 nafar o‘quvchi qatnashdi. (Urganch shahrida esa 600 dan ortiq o‘quvchi qatnashgan)

Gʻoliblar quyidagicha taqdirlandi:

🟨 - 🥇 medal, oʻquv markaz uchun 300.000 so‘mlik vaucher;

⬜️ - 🥈 medal, oʻquv markaz uchun 200.000 so‘mlik vaucher;

🟧 - 🥉 medal, oʻquv markaz uchun 100.000 so‘mlik vaucher;

Boshqa har bir ishtirokchi oʻquv markaz uchun sertifikat, 50.000 so‘m vaucher va kuntesti mobil ilovasi uchun 50 tanga bilan mukofotlanadi.

Tunda kelgan fikrlar!

Farzandining kelajagi uchun jonkuyar ota-onalar uchun!

Faqat gʻoliblar emas, ishtirokchilarning ham qandaydir motivatsiyasi boʻlishi kerak. Chunki, eng oliy maqsadimiz har bir olimpiadadan keyin oʻquvchilarda yanada koʻp bilim olishga ishtiyoq oshib borishi.

Hozircha menga bir nechta fikrlar keldi. Bularni siz bilan boʻlishaman. Qoʻshimcha takliflar boʻlsa albatta amaliyotga tadbiq qilamiz.

1) Oʻquvchilarning umumiy ballari yigʻilib borishi va keyinchalik qandaydir bonuslarga almashtirish. Masalan ballari (bu raqam oʻzgarishi mumkin) 1000 ga yetsa 100.000 soʻmlik kitobga almashtirishi yoki 500 ga yetsa olimpiadada bepul ishtirok etishi;

2) Ballari 500, 1000, 2000 lik dovonlarga yetganda daraja berish. Internetda ommalashgan oʻyinlarda shunday darajalar berilar ekan. Bu bolalarda qiziqish uygʻotishi tabiiy. Masalan 500 ballga yetsa “Mirzo Ulugʻbek” darajasi, 1000 balga yetsa “Al Beruniy” darajasi, 2000 ballga yetsa “Al Xorazmiy” darajasi. Darajalarga qoʻshib 🎖️ koʻkrak nishon va guvohnomasini berish.

3) Umumiy ballarga koʻra choraklik yoki oʻquv yili boʻyicha gʻoliblarni alohida taqdirlash.

Sizga qaysi gʻoyalar yoqdi yoki sizda qanday takliflar bor? Iltimos, faol boʻling. Zero, bularning barchasi aziz farzandlarimiz uchun!