Batasil: 👉 https://www.instagram.com/p/CKwgg69nGGo/?igshid=1ktrwge4eb6ha

Xayrli kun azizlar, sayyid ul ayyom juma muborak!

Kecha Sevimli telekanalining Zamon.uz koʻrsatuvida kamina haqida lavha efirga uzatilibdi. Oʻzim ham vaqtida koʻra olmadim:)

Sizlarga ham videosini ulashyapman!

#yoshlarkelajagimiz

Халқ таълими вазирлигининг Фан олимпиадалари бўйича иқтидорли ўқувчилар билан ишлаш департаменти бош мутахассиси Сардор Бозорбоев Ўзбекистон Республикаси Президентининг Давлат стипендияси соҳиби бўлди.

Айни дамда Сардор Ўзбекистон Миллий университети Математика факультети Математика мутахассислиги 2-курс магистранти. Халқ таълими вазирлиги Фан олимпиадалари бўйича иқтидорли ўқувчилар билан ишлаш департаментидаги фаолияти давомида 2019-2020 йилларда турли давлат ва нодавлат ташкилотлари билан ҳамкорликда 10 га яқин фан олимпиадалари ўтказилишида ташаббус кўрсатган.

Сардор Бозорбоев нафақат Ўзбекистонда, балки хориж давлатларида бўлиб ўтган олимпиада ва беллашувларда кумуш, олтин медалларга муносиб деб топилган (ютуқлари ҳақида батафсил).

Президентимиз томонидан Халқаро олимпиадалардаги ютуқлари инобатга олиниб Сардор Соbalt русумли енгил автомобиль билан тақдирланган.

Халқ таълими вазирлиги Сардор Бозорбоевга келгуси ишларида муваффақият ва зафарлар тилаб қолади.

Ijtimoiy tarmoqlarda ayol oʻqituvchi bir oʻquvchini urgani haqida video tarqaldi.

Bu videoda voqea qandayligini bilmayman, lekin har safar shunaqa videoni koʻrsam ichimdagilarni yozgim kelardi. Biz oʻquvchi vaqtimizda ustozlar urishar, kaltaklagan vaqti ham boʻlardi. Shundan toʻgʻri xulosa qilardik, kamida keyingi yutugʻimizgacha ustozimizni yuziga qaray olmasdik. Uyga ustoz urdi deb kelsak, ota-onamiz yana urishardi. Rahmatli dadam har safar kundaligimizga shaxsan imzo qoʻyardilar (dadamni imzolaridan faxrlanardim, ularnikiga oʻxshatishga harakat qilardim). Ta’limimizga qiziqardilar, ustozlar ham e’tiroz va maqtovlarini kundaligimizga yozardilar. Ishkal qilsak, ustozlarimiz uyga telefon qilmasin deb, telefonni kabelini uzib qoʻyardik.

Afsus, hozirgi oʻquvchilar ham, ota-onalar ham quyushgʻondan chiqib ketishyapti. 4-kurs talaba vaqtimizda ayolim (oʻshanda unashtirilgan edik) praktikaga Uchtepa tumanidagi maktablardan biriga bordi. Rashkchiligim sababli men ham boraman dedim, 8-sinf oʻquvchilarini ahvolini koʻrib... Exx, agar zamon koʻtarganida erkaklik, yigitlik qanaqa boʻlishini koʻrsatardim.

Oʻqituvchilar haqida Paygʻambarimiz rasululloh sollallohu alayhi vasalam: “Ilmni oʻrganinglar. Ilm uchun sokinlik va viqorni oʻrganinglar. Oʻzingiz ta’lim olayotgan zotga tavozeli boʻlinglar”, yoki yaqinda yubiley 580-yilligi nishonlanadigan Hazrat Navoiy bobomiz: “Haq yoʻlinda kim senga bir harf o‘qitmish ranj ila, Aylamak bo‘lmas ado, oning haqin yuz ganch ila” deganlar.

Dadam har yangi ustozim oldiga olib borganlarida “eti sizniki, suyagi bizniki” derdilar. Tajribali va dono xalqimizni ushbu maqoli qayerda qoldi?

Aziz ota-onalar, mard yigitlar, aqlli singillarim maktab imoratlar ichida eng azizi, ustozlar esa eng hurmatli insonlardir. Iltimos, ularni hurmat qiling. Gʻarbning har xil qiliqlarini emas, ustozni hurmat qilishni chellenjga olib chiqing. Tik-Toker va vinerlar ham ustozlar haqida ibratli vinelar qilsa, nur ustiga a’lo nur boʻlardi.

Ustozlar faqat 1-oktyabrda eslanmasligi kerak!

P.S: Ushbu postni erkaklik gʻururi yoʻq tirranchalar oʻqimasin.

Assalomu alaykum aziz yurtdoshlar!

Juma ayyomingiz muborak boʻlsin!

Olloh kalomi - qur’oni karimda dunyodagi barcha ilmlar bundan 14 asr oldin zikr etilganligi yana bir isbot keltirmoqchiman. Aniqrogʻi, ustozim Karim Rahimov oʻzlarining telegram kanalida keltirgan postni sizga ham ulashmoqchiman:

Vaqtning nisbiyligi!

Eynshteynni deyarli barcha tanisa kerak, uni koʻpchilik daho deb biladi. Haqiqatda u koʻpgina ajoyib ilmiy ishlar qilgan. Shulardan biri nisbiylik nazariyasi. Xususan vaqtning nisbiyligi, ya’ni har xil makonda vaqt har xil oʻtadi. Umuman olganda massa kattalashgan sari vaqt sekinlashib boraveradi. Bu nazariya edi, va u toʻgʻriligi yaqin oʻtgan yillarda isbotlandi.


20-asrda rivojlangan bu nazariya 14 asr oldin muqaddas kitobimiz Qur’onda ochiq oydin yozilganligini koʻrishimiz mumkin. Xususan, Sajda surasi 5-oyatda
''U zot osmondan yergacha barcha ishning tadbirini qilur. Soʻngra oʻsha (ish) miqdori siz sanayotgan hisobda ming yilga teng boʻlgan kunda Unga chiqar'' .

Haj surasi 47-oyatda

''Ular sendan azobning tezroq kelishini soʻrarlar. Holbuki, Alloh vadasiga xilof qilmas. Darhaqiqat, Robbing huzuridagi bir kun siz sanaydigan ming yildekdir.''

Bu oyatlarda vaqtning nisbiyligi haqida ochiq oydin aytib oʻtilgan. Subhanallah!

AKFA Universiteti olimpiadasi oxirgi bosqichi. 1-soat vaqt uchun ancha qiyin "musobaqa" bo'ldi

7-8 sinf oʻquvchilari oʻrtasida Respublika miqiyosida oʻtkazilayotgan Al-Xorazmiy nomidagi matematika olimpiadasining Xorazm viloyati (hududiy bosqichi) boʻyicha natijalar!

👉 @bazarbaevs

28-fevral kuni boʻlib oʻtgan Xalqaro matematika olimpiadasiga (IMO) terma jamoa a'zolarini saralashning 1-bosqichi topshiriqlari va ularning yechimlari!

👉 @bazarbaevs

Nufuzli xalqaro olimpiadalarga saralashning 1-bosqichidan oʻtgan oʻquvchilar soni viloyat kesimida.

🌐 👉 olympiad.uzedu.uz

Халқаро Кавказ математика олимпиадасида 8 нафар ўқувчи Ўзбекистон шарафини ҳимоя қилмоқда

12-17 март кунлари Ўзбекистон терма жамоаси VI Халқаро Кавказ математика олимпиадасида ўз иштирокини масофавий шаклда бошлади.

Россиянинг “SIRIUS” иқтидорли болалар маркази, Адигея Республикаси фан ва таълим вазирлиги, Кавказ математика маркази ҳамда Адигея давлат унивеситети томонидан ҳар йили ўтказилиб келинадиган мазкур олимпиада эпидемиологик вазиятдан келиб чиққан ҳолда гибрид (масофавий ва офлайн) тарзда ўтказилмоқда.

Халқаро олимпиадада Арманистон, Болгария, Беларусь Республикаси, Эрон, Озарбайжон, Перу, Қозоғистон, Сербия, Тожикистон, Туркия, Швеция, Швецария ва Россия Федерациясидан жами 100 дан ортиқ жамоалар иштирок этмоқда.

Ўзбекистонда олимпиада Тошкент шаҳридаги Президент мактабида ўтказилмоқда.

Олимпиадада иштирок этаётган Ўзбекистон жамоаси таркиби:

Олимжон Олимов — Бухоро вилояти, Қоракўл халқаро математика мактабининг 11 синф ўқувчиси;

Дониёр Исмоилов — Бухоро вилояти, Қоракўл халқаро математика мактабининг 11 синф ўқувчиси;

Муҳаммадризо Маджидов — Тошкент шаҳридаги Президент мактабининг 10 синф ўқувчиси;

Жалолиддин Холматов — Халқ таълими вазирлиги тасарруфидаги АФИДУМ 9-синф ўқувчиси;

Диёрбек Ражабов — Бухоро вилояти, Ғиждувон тумани 5 сон ихтисослаштирилган давлат умумтаълим мактабининг 10-синф ўқувчиси;

Диёрбек Толибов — Бухоро вилояти, Ғиждувон тумани 5 сон ихтисослаштирилган давлат умумтаълим мактабининг 11-синф ўқувчиси;

Нодира Саъдуллаева — Муҳаммад ал-Хоразмий номидаги АКТга ихтисослаштирилган мактабнинг 11-синф ўқувчиси;

Ҳумоюн Абдурасулов — Бухоро вилояти, Олот тумани 10 сонли умумий ўрта таълим мактабининг 10-синф ўқувчиси;

Жамоа сардори сифатида Халқ таълими вазирлиги Фан олимпиадалари бўйича иқтидорли ўқувчилар билан ишлаш департаменти бош мутахассиси Сардор Бозорбоев иштирок этмоқда.

Халқ таълими вазирлиги ўқувчиларимизга омад ва зафарлар тилаб қолади.

​​Келажак учун сармоя

Ўзсаноатқурилишбанк ёш математикларни халқаро мусобақаларда қўллашни давом эттираётганини билдирмоқда.

12-17 март кунлари Ўзбекистон терма жамоаси VI Халқаро Кавказ математика олимпиадасида ўз иштирокини масофавий шаклда бошлабди.

Халқаро олимпиадада Ўзбекистон, Арманистон, Болгария, Беларусь Республикаси, Эрон, Озарбайжон, Перу, Қозоғистон, Сербия, Тожикистон, Туркия, Швеция, Швейцария ва Россия Федерациясидан жами 100 дан ортиқ жамоалар иштирок этмоқда.

Ўзбекистонда олимпиада онлайн шаклда Тошкент шаҳридаги Президент мактабида ўтказилмоқда экан.

Биз ушбу ёш математикларимизга омад тилаб қоламиз ва уларни яқиндан қўллаб-қувватлаб келаётган Ўзсаноатқурилишбанкка эса ўз миннатдорчилигимизни билдирамиз.

https://t.me/joinchat/AAAAAEdjReBvtzWJDF8jPg

#ХУШХАБАР

6 нафар ўзбекистонлик ўқувчи Халқаро Кавказ математика олимпиадасида ғолиб бўлди

12-17 март кунлари ўтказилган VI Халқаро Кавказ математика олимпиадасида ўзбекистонлик ўқувчилар 4 та кумуш ва битта бронза медални қўлга киритди.

Жорий йилда Олимпиада эпидемиологик вазиятни инобатга олиб ҳам масофавий ҳам офлайн тарзда ўтказилди.

Халқаро олимпиадада турли давлатлардан жами 100 дан ортиқ жамоалар иштирок этди.

Ғолиб бўлган ўқувчилар билан танишинг:

Олимжон Олимов — кумуш медаль (Бухоро вилояти, Қоракўл халқаро математика мактабининг 11 синф ўқувчиси);

Муҳаммадризо Маджидов — кумуш медаль (Тошкент шаҳридаги Президент мактабининг 10 синф ўқувчиси);

Жалолиддин Холматов — кумуш медаль (Халқ таълими вазирлиги тасарруфидаги АФИДУМ 9-синф ўқувчиси);

Диёрбек Толибов — кумуш медаль (Бухоро вилояти, Ғиждувон тумани 5 сон ихтисослаштирилган давлат умумтаълим мактабининг 11-синф ўқувчиси);

Дониёр Исмоилов — бронза медаль (Бухоро вилояти, Қоракўл халқаро математика мактабининг 11 синф ўқувчиси);

Нодира Саъдуллаева — фаҳрий ёрлиқ (Муҳаммад ал-Хоразмий номидаги АКТга ихтисослаштирилган мактабнинг 11-синф ўқувчиси);

Терма жамоа раҳбари Халқ таълими вазирлиги Фан олимпиадалари бўйича иқтидорли ўқувчилар билан ишлаш департаменти бош мутахассиси — Сардор Бозорбоев.