🌼🍃🌸🍃🌺🍃🌸🍃🌺🔆
🌼🍃🌸🍃🌺🍃🌸🍃
🍃🌺🍃🌸🍃🌺
🌺🍃🌸
🌸
🔆
🔴# #ترانه_محلی_بختیاری
#دنگ_و_فنگ
#مسعود_بختیاری

🌿🍂🌿🍂🌿🍂🌿🍂🌿🍂🌿🍂

بنه ای روزگاره، چطو دنگ ای دراره
بنه چه دنگِ فنگی، دراورده دوواره

شو و رو بارمونه، که دی مه کارمونه
چنو بی کار امونه، که کس سر نی دراره

گرفتارم به نیرنگ زمونه
ندیدم دنگی چی دنگ زمونه

ای بینم هم زنو بی ساز ایوازه
نیوفتا کس منه چنگ زمونه

زمونه کرده چینو بی قرارم
زهشت از کار خم هم دی ندارم

دیه جون به سر آبیمه ز کارس
بنه چندی گره ونده به کارم

بنه چندی دووارته، گره ونده به کارم
خووی دیه روا نی، کسی دی آشنا نی

برم از کی بپرسم، په سیچه دی بفا نی
بسی که دل گرونم، چه وابیده ندونم

بلا کردمه رهنه، کسی نیده نشونم
تو یارم بازی دنیانه بنگر

تیار بازی و ای حرفانه بنگر
کسی گوشس بدهکار کسی نی

به ای دور تو ای خارانه بنگر
کلو وابیدنم دی خو نهنگه

بسی که ای زمونه نافرنگه
ز دستس مو چه تهلی ها کشیمه

اما زیر سر او دنگ دنگه
اما زیر سر او بنه چه دنگ دنگه



https://t.me/joinchat/AAAAAE5DraCayIXjcpNvyw



🔆
🌸
🌺🍃🌸
🍃🌺🍃🌸🍃🌺
🌼🍃🌸🍃🌺🍃🌸🍃
🌼🍃🌸🍃🌺🍃🌸🍃🌺🔆