#超限戰 #太空安全
北約「集體防禦」為何有必要涵蓋太空領域 (一)

第一部份介紹咗《北大西洋公約》第5條) 現涵蓋網絡戰爭，同埋中、俄在網戰的往績 (連結)。以下集中討論太空領域嘅攻防。

坊間喺報道美中角力嗰陣，好多時喺度秤兩國國防開支佔國民生產總值比重、分別有幾多艘航空戰艦、有幾多艘潛艇、乜嘢導彈、邊隻可以取首級於無形嘅無人機、幾多個核彈頭⋯ 又花費大篇幅，評估中國攻台機率、幾時打、用乜嘢路線⋯

其實一旦武力攻台，真係諗住行到武裝部隊登陸台灣中心呢一步，就已經代表咗中、俄兩國係決定咗全面開拖。所謂「全面開拖」，務求一下子反cup做世界霸主嗰個程度。先唔討論行呢一步嘅機率 (呢啲嘢冇人會知)，但係如果真係去到呢一步嘅話，其實必定有頭盤 —— 就正正係針對英、美方世界嘅網絡同埋太空。

喺呢一刻中、俄發動網絡與及太空領域攻擊，已經有足夠嘅殺傷力造成毁滅性嘅影響。喺網絡戰方面，從近來排山倒海嘅黑客攻勢已睇到，兩國有實力足以隨時癱瘓同盟國好多嘢，包括網絡之外仲有電力、供水呢啲公共服務。打太空戰亦都唔係電影情節。其實喺呢一刻真係發動war in space的話，可以造成嘅損害更加係毁滅性級數。

《影子戰爭 從資訊戰到尖端衛星武器競賽》(“The Shadow War”) 第6章分析了中、俄在太空發動攻擊 (cyberattack)的實力。例如，從以上節錄就睇到 (連結)，佢哋隨時可以用已經部署多時嘅低軌道衛星，對美國有戰略價值嘅衛星進行攻擊。造成嘅損害更加係毁滅性級數：癱瘓網絡、癱瘓電視廣播、癱瘓全球提款機及信用卡 (用北斗衛星者除外)、交通燈、手提電話網絡 (支国本土華為網絡除外)、水電供應網呢啲民用、商用設施。更關鍵嘅係GPS。成功打擊負責全球GPS嗰幾粒衛星，所有同盟軍嘅通訊、電子導航呢啲一系列倚賴GPS嘅嘢會一下子全部收皮。

去到呢度，就即時回到蠻荒世界、打爛仔交嗰隻。嗰個環境之下，你嘅航母、核彈等有幾大數字上嘅優勢都係冇用。

最後一部份：連結

#超限戰 #太空安全
北約「集體防禦」為何有必要涵蓋太空領域 (二)

承接第二部份 (連結)，以下補充關於太空戰爭嘅幾點。

你可能問：但咁多年完全一啲太空戰嘅跡象都冇喎？如果真係咁大破壞力，應該有玩吓「擦邊球」、測試實力嘅演練⋯

原因係war in space其實跟核彈對峙嘅情況類似：一旦一方出手，就意味着all-in-attack，去到對方係冇得唔還手、睇定啲等死嗰隻嚟嘅。到現時為止美國喺太空嘅部署全部都係以防禦性為主。美國冇似中、俄兩國咁，已具備發動太空進攻之能力。所以話中、俄呢一件最後武器暫時只係備而不用。一出手，就諗住封對方喉，係核彈級數嘅嘢。

因此睇到喺习帝日日講「百年未有之大變局」又日日戰狼上身，NATO決定喺呢一刻將防禦策略涵蓋埋太空係絕對必要，而並非電影情節、天空小說。

延伸閱讀：連結

P.S. 太空戰和網絡戰如果喺頭兩部棋的話，第三步其實未燒到台灣。第三步會係咩？有機會再分享。