#訊息戰 #洗腦
特區教育局本月初公布高中通識科將改名為公民與社會發展科，並在9月開始推行。出版社「名創教育」率先出版教師參考樣本書，當中有為中四生將首先接觸的「一國兩制下的香港」的主題。參考書內容提到全球化下的西方。有記者檢視內容，發現當中有以漫畫描繪迪士尼和麥當勞卡通人物穿軍服「侵略」別國文化。根據該參考書提供的標準答案，該漫畫象徵了跨國企業的侵略行為。書中亦引述學者指全球文化對外擴張的趨勢是「文化帝國主義」云云 (蘋果報道：連結)。

喺前政法委「長安劍」 女劍主領導下嘅港共宣傳機器 (連結)，似乎在資訊戰方面，比起以往單純用五毛troll farm以量取勝，在策略上有明顯進步。

呢一招唔知係唔係取經自俄羅斯普京領導下嘅「以子之矛、攻子之盾」策略。話說在2016年開始，有NFL美式足球員在播放美國國歌時下跪作為抗議種族主義的表態。此舉在美國國內引起分化現象，有評論指此舉是不尊重國歌的表現。

俄羅斯網軍當時就看準時機，利用美國本土一些對這些NFL運動員的不滿和論述，加以炒作，火上加油，用bot在Twitter大量製造輿論攻勢助燃加速。當然，這種分化的策略早在對付烏克蘭反俄力量早已用過 (連結)，但是在這次利用NFL事件嘅資訊戰可以睇到，俄羅斯做到「以子之矛、攻子之盾」嘅效果，用番美國本土某些論述和符號，嚟攻擊番美國嘅現象 —— 包括喺Twitter唔小心大量複製咗好多其實grammatically唔啱嘅hashtag #TakeTheKnee。當然呢個疏忽大意係露了馬腳，不過俄羅斯識得用番人哋美國嘅嘢來攻擊美國，就更加有效達到輿論分化兼洗腦效果 (有關俄羅斯參與NFL事件的相關報道：連結)。

而宜家港共宣傳機器透過教科書，用番一啲西方左翼反全球化嘅論述，嚟攻擊番西方國家。效果未知，但係整一啲呢啲似是而非嘅嘢出嚟，就算洗唔到全部學生嘅腦，都至少製造一啲學生對西方有壞印象嘅效果。

呢啲陰毒⋯ 咁多後生仔親英戀美吖嗱，就用番西方論述去攻擊呢啲西方國家。