Edu.uz
✔
144K subscribers
40.4K photos
7.75K videos
311 files
18.5K links
Ta’lim va ilm-fan vazirligining rasmiy Telegram kanali

gov.uz/edu
instagram.com/eduuzofficial
facebook.com/eduuzofficial
youtube.com/eduuz
devonxona@edu.uz

Manzil: Tosh. sh., Olmazor t Universitet k., 7-uy
Ishonch raqami: 1006
Download Telegram
#BICHO2026 #BIMO2026

Buxoro davlat universiteti xalqaro olimpiadalarni oʻtkazishga tayyor


Ertaga, 2026-yil 26 yanvar kuni Buxoro davlat universitetida “Bukhara International Chemistry Olympiad – 2026 (BICHO-2026)” hamda “Bukhara International Mathematics Olympiad – 2026 (BIMO-2026)” xalqaro kimyo va matematika olimpiadalari oʻz ishini boshlaydi.

Oʻzbekistonda ilk bor oʻtkazilayotgan mazkur nufuzli olimpiadalar 10 dan ortiq xorijiy davlat vakillari bir maydonga jamlamoqda. Xususan, Ozarbayjon, Hindiston, Iordaniya, Pokiston, Rossiya, Tojikiston, Turkmaniston, Xitoy va Oʻzbekistondan kelgan talabalardan iborat 100 dan ortiq jamoa, jami 500 nafardan ziyod ishtirokchi olimpiada jarayonlarida qatnashmoqda. Shuningdek, tadbirda 10 dan ortiq xorijiy oliy taʼlim muassasalari hamda mamlakatimizdagi 50 dan ziyod OTM vakillari ishtirok etadi.

Ayni paytda xorijiy davlatlar hamda respublikamizning boshqa viloyatlaridan tashrif buyurayotgan ishtirokchi va rasmiy mehmonlar Buxoro shahriga yetib kelmoqda. Ularni Buxoro davlat universiteti tomonidan belgilangan tartibda aeroport, temir yoʻl vokzali va chegara postlarida kutib olish, mehmonxonalarga joylashtirish ishlari tashkil etilgan.

Olimpiada dasturiga muvofiq, ishtirokchilarni kutib olish, joylashtirish, roʻyxatdan oʻtkazish, ochilish marosimi, individual va jamoaviy turlarni oʻtkazish uchun Buxoro davlat universitetida barcha tashkiliy-texnik shart-sharoitlar yaratilgan. Auditoriyalar, laboratoriyalar, axborot-kommunikatsiya vositalari, volontyorlar va masʼul shaxslar toʻliq tayyor holatga keltirilgan.

Ochilish marosimi ertaga universitetning bosh binosida joylashgan katta majlislar zalida boʻlib oʻtadi. Tadbirda respublika va xorijiy mehmonlar, nufuzli professor-olimlar, rasmiy tashkilotlar va OAV vakillarining ishtirok etishi rejalashtirilgan.


Qadimiy ilm-fan va maʼrifat markazi boʻlgan Buxoro zamini yana bir bor xalqaro ilmiy muloqot va intellektual bellashuv maydoniga aylanmoqda.

Bizni kuzating

Facebook | Instagram | YouTube | Telegram
❤36👍11
#tavsiya

Oliy ta’lim tashkilotlarining Telegramdagi rasmiy sahifalarini kuzatib boring!

➖ Oliygohlar faoliyati, jumladan yangilik, e’lon va talabalarga oid muhim ma’lumotlarni birinchilardan bo‘lib bilasiz;
➖ talabalar uchun muhim stipendiya va grantlardan xabardor bo‘lasiz;
➖ tadbirlar va loyihalarda ishtirok etish imkoniyatini qo‘ldan boy bermaysiz.

Shuningdek, ushbu sahifalar orqali siz o‘zingizni qiziqtirgan savollarga javob topishingiz, oliy ta’lim tizimidagi so‘nggi o‘zgarishlardan xabardor bo‘lishingiz mumkin.

Quyida OTTlarining rasmiy kanallari bilan tanishing.
❤17👍3
“ToshTech” texnika universiteti (Tashkent University of Technology) yangi avlod muhandislik ekotizimi sifatida ish boshladi

2026-yilning 26-yanvar kuni Toshkent shahrida xalqaro standartlar asosida tashkil etilgan texnika oliy taʼlim muassasasi — “ToshTech”ning tantanali ochilish marosimi boʻlib oʻtdi

Ochilish marosimida Oʻzbekiston Respublikasi Oliy taʼlim, fan va innovatsiyalar vaziri Qoʻngʻirotboy Sharipov hamda Oʻzbekiston Respublikasi Energetika vaziri Joʻrabek Mirzamahmudov, shuningdek, xalqaro hamkorlar — Constructor University Bremen (Germaniya) va Boston Consulting Group (AQSH) vakillari, sanoat va energetika tarmoqlarining yetakchi kompaniyalari rahbarlari ishtirok etdi.

“ToshTech” Oʻzbekiston oliy taʼlim tizimidagi yirik milliy loyiha boʻlib, universitet STEM yoʻnalishlari, texnologik tadbirkorlik va bilim hamda texnologiyalar transferi uchun institutsional platforma sifatida faoliyat yuritadi.

Batafsil: https://gov.uz/oz/edu/news/view/124592

Bizni kuzating

Facebook | Instagram | YouTube | Telegram
❤24👍16😁8😱2🔥1
#JamoatchilikKengashi

Oliy taʼlim, fan va innovatsiyalar vazirligi huzuridagi Jamoatchilik kengashining yigʻilishi boʻlib oʻtdi


26-yanvar kuni Oliy taʼlim, fan va innovatsiyalar vazirligi huzuridagi Jamoatchilik kengashining yigʻilishi oʻtkazildi. Yigʻilishda Jamoatchilik kengashi aʼzolari, vazirlikning tegishli tarkibiy boʻlinmalari vakillari ishtirok etdilar.

Kun tartibiga muvofiq, Jamoatchilik kengashi faoliyatini samarali tashkil etish, vazirlik faoliyatida ochiqlik va shaffoflikni taʼminlash, shuningdek, jamoatchilik bilan muloqotni yanada kuchaytirish masalalari koʻrib chiqildi. Muhokamalar davomida oliy taʼlim, fan va innovatsiyalar sohasida amalga oshirilayotgan islohotlar yuzasidan jamoatchilik fikrini tizimli ravishda oʻrganish, fuqarolik jamiyati institutlarini qarorlar qabul qilish jarayonlariga keng jalb etish muhimligi qayd etildi.

Batafsil: https://gov.uz/oz/edu/news/view/124609

Bizni kuzating

Facebook | Instagram | YouTube | Telegram
❤12👍3😁3🤔2😱2