Shoir va mutafakkir Berdaq tavalludining 200 yilligi mamlakatimizda munosib nishonlanadi

Kelasi yili qoraqalpoq xalqining buyuk farzandi, shoir va mutafakkir Berdaq Qarg‘abay o‘g‘li tavalludiga 200 yil to‘ladi.

|Prezidentimiz shoirning “Hamisha sen xizmat etgil xalq uchun, o‘zim dema g‘amxo‘rlik qil xalq uchun” degan hikmatli so‘zlari bugun ham o‘z ahamiyatini yo‘qotmaganini ta’kidladi.

Ulug‘ ziyolilarning ilmiy-ijodiy merosini o‘rganish, raqamlashtirish, asrab-avaylash va xalqimizga, ayniqsa, yoshlarga yetkazish muhimligi qayd etildi.

Kelgusi yili Berdaq Qarg‘abay o‘g‘li tavalludining 200 yilligini mamlakatimizda munosib nishonlash taklifi bildirildi.

Mutasaddilarga bir oyda keng qamrovli dastur ishlab chiqib, uni amalga oshirishni boshlash topshirildi.

Facebook | Instagram | YouTube|Telegram

Bilimli yoshlardan masʼuliyat ham talab etiladi!
 
Bugun xalqaro SAT sertifikatini noqonuniy ravishda qoʻlga kiritish bilan bogʻliq holat haqida xabar tarqaldi.
 
Eʼtiborimmizni tortgan jihat — bu ishda ishtirok etganlarning aksariyati talabalar ekani. Ular xalqaro test savollarini yecha oladigan, zamonaviy bilim va koʻnikmalarga ega yoshlar. Ammo, afsuski, oʻz bilim va qobiliyatini halol mehnat, ilm-fan va oʻz kelajagini qurishga emas, noqonuniy sxema tashkil etish, boshqalar oʻrniga test yechish va bu orqali pul ishlashga yoʻnaltirgan.
 
Bu — juda achinarli holat.
 
Bilimli boʻlish insonga qonunni chetlab oʻtish huquqini bermaydi. Aksincha, bilim ortgan sari insonning masʼuliyati ham ortishi kerak.
 
Taʼlimning maqsadi insonga bilim va salohiyat berish, uni mustaqil fikrlaydigan, masʼuliyatli va oʻz mehnati bilan natijaga erisha oladigan shaxs sifatida shakllantirishdir. Shuning uchun bilim va qobiliyatdan qanday maqsadda foydalanish ham muhim. Bilim insonga imkoniyat beradi, ammo uning qadri halol mehnat, masʼuliyat va toʻgʻri tanlov bilan namoyon boʻladi.
 
Birovning oʻrniga imtihon topshirish, test tizimiga noqonuniy aralashish yoki sertifikatni pul evaziga “olib berish” — nafaqat qonunbuzarlik. Bu oʻz bilimi va mehnati bilan natijaga erishayotgan minglab yoshlarga nisbatan adolatsizlik, taʼlimning asosiy qadriyatlariga zid harakatdir.
 
Yoshlarimiz shuni unutmasin: bilim va iqtidor insonga katta imkoniyatlar eshigini ochadi. Ammo bu imkoniyatlardan qanday foydalanish har bir insonning oʻz tanlovi va masʼuliyatiga bogʻliq. Oʻz bilimi va salohiyatini noqonuniy maqsadlarga yoʻnaltirish esa nafaqat qonun oldida, balki oʻz kelajagi oldida ham masʼuliyatsizlikdir.
 
Bugun oson yoʻl bilan qoʻlga kiritilgan sertifikat ertaga haqiqiy bilim, koʻnikma va tajribaning oʻrnini bosa olmaydi. Halol mehnat bilan erishilgan natija esa insonga oʻz kuchiga boʻlgan ishonchni ham beradi.
 
Yurtimizda har bir yoshning iqtidori, bilimi va salohiyatini qoʻllab-quvvatlanadi. Lekin bilim bilan birga vijdon, masʼuliyat va halollik ham boʻlishi shart!
 
Bilim — katta kuch. Uni qanday maqsadda ishlatish esa insonning tanlovi.
 
Qoʻngʻirotboy Sharipov,
Oliy taʼlim, fan va innovatsiyalar vaziri

Facebook | Instagram | Telegram

#tayinlov

Oliy taʼlim, fan va innovatsiyalar vazirining tegishli buyrugʻiga asosan Dauletmuratov Muxamedali Mirzamuratovich Qoraqalpogʻiston qishloq xoʻjaligi va agrotexnologiyalar instituti rektori lavozimiga tayinlandi.
 
M.M. Dauletmuratov ushbu tayinlovga qadar institutning Yoshlar masalalari va maʼnaviy-maʼrifiy ishlar boʻyicha prorektori lavozimida faoliyat yuritgan.

U 1993-yilda tugʻilgan, 2015-yilda Toshkent davlat agrar universiteti Nukus filialining bakalavriat, 2017-yilda Toshkent davlat agrar universitetining magistratura bosqichini tamomlagan. Mutaxassisligi — agrokimyogar. Qishloq xoʻjaligi fanlari boʻyicha falsafa doktori (PhD), dotsent.

Mehnat faoliyati davomida institutning Agrokimyo va tuproqshunoslik kafedrasi mudiri, Yoshlar masalalari va maʼnaviy-maʼrifiy ishlar boʻyicha birinchi prorektori kabi lavozimlarda ishlagan.

Ilmiy faoliyati davomida Qoraqalpogʻiston sharoitida tuproq unumdorligi, shoʻrlanish, yer degradatsiyasi, qishloq xoʻjaligi ekinlarini avtomatlashtirilgan oʻgʻitlash va GAT texnologiyalari yoʻnalishlarida tadqiqotlar olib borgan.

Uning rahbarligida 2024-yilda institutga tuproqshunoslik va agrokimyo tahlillari uchun moʻljallangan 1,5 milliard soʻmlik zamonaviy laboratoriya uskunalari olib kelingan. Shuningdek, xorijiy oliy taʼlim muassasalari va ilmiy tashkilotlar bilan hamkorlikni rivojlantirish, xalqaro konferensiyalar va qoʻshma ilmiy loyihalarni amalga oshirishga hissa qoʻshgan.

M.M. Dauletmuratov 50 ga yaqin ilmiy ish, jumladan monografiya va oʻquv qoʻllanmalar muallifi. Uning ilmiy maqolalari Scopus va Web of Science bazalarida indeksatsiyalanuvchi xalqaro jurnallarda chop etilgan.

Shuningdek, “Umid uchquni” va “Oʻzbekiston Respublikasi qishloq xoʻjaligi fidoyisi” koʻkrak nishonlari bilan taqdirlangan.

Facebook | Instagram | YouTube|Telegram

#rasmiy_xabar

Kontrakt toʻlovlarini amalga oshirish muddati 15-oktyabrgacha uzaytirildi

2026/2027 oʻquv yili uchun oliy taʼlim tashkilotlarida kontrakt toʻlovlarini amalga oshirish va talabalar safiga qabul qilishni rasmiylashtirish muddati 15-oktyabrga qadar (shu kuni ham) uzaytirildi.

Bu muddat:

• bakalavriat va magistraturaga oʻqishga tavsiya etilgan abituriyentlar;
• oʻqishi koʻchirilgan yoki koʻchirib tiklangan talabalar;
• oʻqishga qayta tiklangan talabalarga taalluqli.

15-oktyabrga qadar bazaviy toʻlov-kontrakt boʻyicha yillik qiymatning kamida 25 foizi, tabaqalashtirilgan toʻlov-kontrakt boʻyicha esa kamida 50 foizi toʻlanishi lozim.

Facebook | Instagram | YouTube|Telegram