Jizzax politexnika instituti Xitoy bilan ta’lim, sun’iy intellekt va muhandislik yo‘nalishlarida hamkorlikni kengaytirmoqda

Institut rektori Alisher Usmonqulov boshchiligidagi delegatsiyaning Xitoyga tashrifi doirasida qo‘shma ta’lim dasturlari, ilmiy almashinuv va xalqaro hamkorlikni rivojlantirish bo‘yicha qator uchrashuvlar o‘tkazildi.

Institutning Sujou texnologiyalar universiteti bilan “2+2” qo‘shma ta’lim dasturining ilk talabalari Xitoyda tahsil olishni boshladi, shuningdek, sun’iy intellekt, elektromobillar va avtonom transport vositalari bo‘yicha qo‘shma loyihalar hamda laboratoriyalar tashkil etish masalalari muhokama qilindi.

Delegatsiya JAC Motors kompaniyasiga tashrif buyurib, zamonaviy ishlab chiqarish tajribasi bilan tanishdi hamda muhandislik ta’limi, amaliy tayyorgarlik, ta’lim va sanoat integratsiyasi hamda istiqboldagi investitsiyaviy loyihalar yuzasidan kelishuvlarga erishdi.

Batafsil: https://jizpi.uz/uz/yangiliklar/728/

👉 На руском
👉 In English

Facebook | Instagram | YouTube | Telegram

#Tanlov

“IT Queens — kelajakni yaratuvchi qizlar” innovatsion tanlovining Xorazm viloyati bosqichi bo‘lib o‘tdi

3-oktabr kuni Abu Rayhon Beruniy nomidagi Urganch davlat universitetida “IT Queens — kelajakni yaratuvchi qizlar” innovatsion tanlovining Xorazm viloyati hududiy bosqichi bo‘lib o‘tdi.

Unda oliygoh bosqichlarida g‘oliblikni qo‘lga kiritgan ishtirokchilar dasturiy ta’minot, veb-ishlanmalar, mobil ilovalar, sun’iy intellekt, kiberxavfsizlik, raqamli ta’lim, mexatronika va robototexnika, aqlli qurilmalar hamda IoT yechimlari yo‘nalishlarida o‘z loyihalarini taqdim etdi.

Taqdirlash marosimida universitet rektori Feruza Madrahimova ishtirok etib, tanlovda faol qatnashgan talaba-qizlarning tashabbuskorligi va intilishini alohida e’tirof etdi.

Tanlov yakuniga ko'ra, birinchi o‘rinni egallagan ishtirokchilar tanlovning respublika bosqichida ishtirok etish huquqini qo‘lga kiritdilar.

Batafsil...

👉На русском
👉 In English

Facebook | Instagram | YouTube | Telegram