好多channel已經share咗將軍澳警方戰術分析既連登post，氣象巴打想補充四點：

1️⃣現場溝通既問題

唔同防暴小隊既中層指揮官會直接溝通，所以佢地計時間可以好準確。

我方資訊傳遞就比較慢，報哨 —> 哨台出 —> 現場睇到，係需要時間，更何況唔係人人都睇實電話。

即使依靠現場傳遞資訊，哨位傳返俾中間（紅星+黃圈）既人，一樣需要時間。

唔完美既改善方法包括：
👉🏻中間一定要有人負責睇哨台；
👉🏻哨兵可以同中間一小批人保持直接聯繫；
👉🏻哨兵要有少少預測能力，睇既範圍亦要大啲。

2️⃣唔好俾229沖昏頭腦，亦唔好抱住狼來了心態

旺角好難完全包抄，四通八達，亦可以透過演技勉強過關。將軍澳完全冇呢啲條件。

警方亦可能玩心理戰，不斷喺外圍兜圈觀察，等人數開始減少或啲人鬆懈先一網打盡。請相信哨兵判斷，並時刻保持警覺。

3️⃣唐明苑一帶可能係警方嘗試既新突破位。另外，一如既往提防便衣用私家車做綁架式拘捕。

4️⃣諗清楚自己行動既目的，唔好為做而做。

《梓樂悼念會》- 預計3月8號黑警喺將軍澳嘅部署
https://lih.kg/1913243
- 分享自 LIHKG 討論區

#安全威脅觀察 #現場注意事項