#Admin專欄 @windseasonbro #WARS大三罷 #認同請分享

將 #WARS Link up with 全港大三罷，要求如果政府唔喺二月前禁止中国人入境就搞大罷工，應該有得諗。

#Admin專欄 #罷工係要實行唔係靠投票 @Windseasonbro

一直以來我搞咁多投票，都係想知道全面嘅數據。當中有D投票係有少少帶風向感覺，不過我好希望大家唔好投完就覺得做咗嘢，自我感覺良好，又或者自欺欺人。

六月至今我哋香港人欠咗前線手足太多太多，有人死有人傷有人被捕有人要移民有人被強姦。

而家我哋只要唔返工，畀個壓力政府。

你做唔做？

成日聽人講，天時、地利、人和。地利我哋有，我哋係香港人，一早就跟鄰国唔同；人和我哋都有，早幾日連藍絲都Connect到；天時我哋更加有，唔單止有陳同佳事件，更加有武漢肺炎大爆發，呢個時候唔罷工，幾時罷工？

香港政府做錯咗咁撚多步，我哋先可以Connect到咁多人行到而家呢一步。

罷工，的而且確係一步唔易行嘅決定，不過我透過Channel 投票，及自己一班老友嘅討論，發覺兩者都會有＞８０嘅收訪者表示２９—０１—２０２０會罷工。

既然如此，點解唔罷？

香港人追求效率，以往８月５號時無人試過，無人確定會有人罷工嘅大三罷，最後都有２０％人參與（根據我身邊人嘅觀察，未必準），而家有Response話如果你都肯言出必行的話，會有８０％人參與罷工，點解唔罷？

罷工係要實行，唔係靠投票！
罷工係要實行，唔係靠投票！
罷工係要實行，唔係靠投票！

如果覺得我呢篇嘢有少少道理，請幫我廣傳呢段及文宣！感謝大家！聽日我要大家都唔好返工！

#Admin專欄 #毋須輕言放棄大家繼續努力 @Windseasonbro

呢篇文章係對各位一直以來支持本人嘅手足講聲對唔住。

要知道運動無大臺，就算係天琦之鋒都唔會話自己係大臺，點解我要成日因為自己做得唔好乜乜柒柒就輕言放棄離隊呢？

感激各位好友，或者係由2017開始Subscribe本Channel嘅氣象Channel友，又或者係抗爭時候Subscribe我嘅抗爭Channel友，你哋嘅一言一句，實在係我繼續搞呢個Channel嘅最大因素。

我必須強調，我個人雖然係自大中二病，係果D如果做歌手開演唱會會享受被人叫Encore再上臺果種人，不過是次話離開唔做呢個頻道，的而且確唔係因為中二病發作，而係真心覺得好難搞。

Btw，我唔可以再彈出彈入，作為男人老狗，我話唔放棄就唔放棄，我哋一齊抗疫，一齊抗爭好嗎？

#離開我個Channel嘅朋友我希望你可以從新歸隊
#將會有改革
#作為男人唔會再彈出彈入
#大家請繼續支持本Channel

#admin專欄 #未到股災市民須提防 @windseasonbro

以下內容，唔係財經專家分析，只係我鳩噏，投資涉及風險，請唔好盡信我呢個鳩噏專家。

呢兩日美國股市大跌千點，原因係被Tesla 股價經拆細後不升反跌有關，而Tesla 股價亦因為被「連登燈神媽咪麵」睇中而跌。

燈神之說，不能盡信，然而連登燈神媽咪麵太撚邪，不得不避－－－每次佢入市，就係我走貨嘅時機。其實呢次跌市嘅主因係Tesla升得太多，美股升得太多，做一個調整不為過。

過熱嘅科技股被沽，換來應該係炒疫苗研發成功，落後嘅傳統股會升，落後嘅恆指都會升，九月份重會升到一個不能相信嘅高位。

不過，如果你問我，我會喺十月一前放晒所有股票，因為十月變數太多－－－十月係傳統股災月，加上總統大選年嘅十月通常發生好多事，如果今年嚟講，我覺得侵有可能借十月一中国國慶經濟制裁中国。

可能大家都會留意到我之前話滙豐會跌穿33，而家係32，咁幾時會20-29？未咁快，滙豐重有個歷史任務，就係托住恆生指數上今年嘅高位。

中印邊境衝突，美國科技股調整貌似爆破都好，記住一樣嘢，我鳩估，香港股市嘅煙花會升上27000-27500。

#admin專欄 #論點解覺得抗爭靜落嚟 #觀星筆重現抗爭士氣 @windseasonbro

上年成個天都係觀星筆嘅軌跡，其實有時都係一種表態。

當然，而家唔會希望各位用觀星筆照個天，同主動畀警察Trace到自己喺邊係無分別，我只係想講，2019年抗爭嘅味道係由以下五感組成：

1. 視覺(連儂牆，人數，觀星筆射出嚟嘅風景，RB)
2. 聽覺(唔好害人d仔女啦！同埋一堆口號)
3. 嗅覺(tg)
4. 觸覺(香港之路，隔離個手足隻手)
5. 味覺(黃店嘅味道)

我呢篇文章應該會畀人屌，我希望各位96唔好出去，唔好鳩射觀星筆，我知道大家可能屌鳩我做「唔好送頭撚」，不過我覺得96大遊行有少少似收網行動，出去嘅手足我會尊重，不過我唔會叫人一定要出去。

遊行如無上述五感，畀唔到人一種「各位師兄返嚟喇」嘅感覺，只會一次比一次少人。

而且我認為2019 2020同2014 2015唔同，各位係無放棄到抗爭，而且國際關係同形勢都唔同，唔係話我哋乜都唔做就好，不過今時今日無五感嘅遊行會令人記得嗎？

早兩日我諗，如果滿天都係觀星筆軌跡，即係代表各位返嚟喇。

農曆八月十五中秋節又就嚟到，我希望天上唔會有觀星筆軌跡，因為作為港豬嘅我只係想食下月餅望下月亮😞我嘅訴求只有返工，唔好逼我諗起抗爭者先係主流大多數😔😔😔😔😔

#admin專欄 #英國新武漢肺炎病毒株疫情陰謀論及香港政府健康碼加強版 @windseasonbro

各位，正如我Fwd，十月寫嘅呢篇Admin專欄所講，武漢肺炎係會不斷地變種，而預期上變種後嘅武肺嘅Infection Rate係更高，而挪威變種病毒株M439K亦唔係最後嘅變種，而家英國流行緊一種新嘅病毒株N501Y，比起傳統武漢肺炎傳播性高出70%。

即係點？即係本身Suppose傳染到100個人嘅群組，變成傳染到170人，而且繼續以咁嘅速度傳染，最後真係全英國都會中武肺。

Herd Immunity有無用？唔清楚；mRNA疫苗對英國國民是否有效？亦唔見得；更大疑問係病毒本身：病毒或疫苗對身體長遠影響如何？會唔會演變成更高死亡率嘅病毒？無人知。所以歐洲各國正考慮或實施緊隔離英國政策：禁飛或禁止火車船舶往來。

另一方面，mRNA疫苗有效性存疑，亦都係英國要面對嘅問題。

英國出現新病毒株嘅陰謀論：
1. 來自中国嘅特務製毒，以反制英國BNO 5+1大量吸收香港人嘅政策。
2. 歐洲其他國家製毒，以反擊英國脫歐－－－而家歐洲各國Ban同英國嘅往來。
3. New World Order：光明會、共濟會。

至於香港方面，可以預視政府將會大條道理反對香港人前往英國，必要時會隨時停止同英國嘅一切航班。

香港政府會因為新嘅疫情(無論國內外)，更深入地實行健康碼政策：
1. 健康碼會配合接種疫苗紀錄，進一步推廣接種疫苗，並收窄其他人自由。

無掃有效接種疫苗紀錄健康碼者，不得出入餐廳、商場、超級市場，甚至交通工具同返工。

2. 會有好多人因為怕麻煩而掃健康碼及打疫苗，對香港政府嚟講，而家就係最好Promotion嘅時間：

林鄭交到功課，而又令到香港人對被剝奪 自由習以為常；英國新武肺疫情令到中立甚至淺黃會偏向藍絲睇法；武肺繼續嚴重落去，亦係極權用嚟減少黃藍嘅生意差距嘅手段之一。

現階段唔建議任何手足去英國：
1⃣ N501Y毒性如何乃係未知之數。
2⃣ mRNA疫苗有巨大潛在風險，而英國似乎會要求國民強制性注射疫苗。
3⃣ 班歐洲佬包括英國，到而家呢一刻都未撚識死，堅持己見唔戴口罩。
4⃣ 反華行動一定會出現，係未知幾時。
5⃣ 武肺只會愈來愈多唔同病毒株。
6⃣ 歐美各國嘅失業率會高。
7⃣ 遲早有一種武肺病毒株影響到青壯年致死。
8⃣ Once you leave, it is really hard to back to Hong Kong。
9⃣ 呢一世都未必會再見香港嘅親朋好友。

有無落戶到英國嘅手足分享你哋喺英國生活嘅點滴？有無手足對呢件事有任何睇法？如果有，請pm @windseasonbro 。

另外，我同Youtuber都一樣，好需要大家嘅支持，大家嘅支持就係我鳩噏嘅動力，請儘量Share我嘅文畀多d朋友或者其他Channel同大Group睇下，感謝各位支持。