#國際戰線 #日本 #twitter

上星期講起「革命大小事，唔一定要宣之於口先係做緊野」。為咗加拿大戰友名聲，我唯有出多次聲。

過去8個月最令我沉重、焦急嘅事，莫過於收到狗強暴人，要緊急救人嘅消息。

係，我有喺依方面出過力。因為每遲一日救到人，第二日就可能多幾具「無可疑」浮屍。

而加拿大嘅「新香港文化協會」就係喺依方面默默付出，曾經同我並肩作戰嘅手足之一。

下面係手足嘅簡單Q&A投稿：

//
1）「新香港文化協會」喺邊？做緊乜？
我哋以加拿大為據點。過去六個月一邊幫咗30個手足展開新生活，一邊遊說加拿大政要制裁港共，為時代革命而努力。

2）背後信念係？
我哋資源遠比台灣方面少，但係亦令我哋更堅信支援手足「學識釣魚」先係真正為手足好。無論資源幾緊拙，都唔會放棄。

3）我哋點用錢？
大部分錢用喺資助手足旅費、住宿、資助每個手足法援外嘅律師費等等；小部分資金用喺推動加拿大國會制裁港共。

有抹黑指我哋為收錢而接人，我地絕對唔係。

為咗維持基本運作，現時資金有40% 靠自己揞荷包、10%網上募捐、50%香港非牟利機構資助。

關於機構資助部分，一：數目極有限，二：我哋認為依筆錢係屬於香港民族嘅救亡資金，而唔係戰績獎金，所以無採取到類似台灣嘅發放零用錢制度，希望手足見諒。

最後，我哋期待同煲底除罩相見一刻，香港民族要撐落去。光復香港，時代革命！
//

#國際戰線 #加拿大
Photo Credit: MaxTang Photography