#梅貴緣
#深水埗 基隆街
#黃藍地圖list
#餓底手足投稿
#良心行為 #罷市
#支援手足 #發文表態

平時食得太多肉，
間中食返全素平衡返，
對腸胃對健康都有益處。
深水埗多黃店，今次就揀咗呢間素食店，
以自助餐形式，一個價錢食到飽為止。
除咗素食餸菜，亦有前菜小食，
每款餸菜份量適中，
所以清得快，店員跟住就換另一款新餸菜，
計計埋埋選擇都唔少架，
仲可以保持每款餸菜都係溫熱嘅，
即使小食炸物都一樣保持到溫熱。
仲有飯、麥米粥、糖水同全無味精足料靚湯。
所有食物味道適中，唔會過油或過淡過咸，
以出外進食嚟講，佢係有營健康之選。
如果外賣嘅話，就可以揀選兩餸、三餸或以上飯盒，送埋湯或糖水。
新年前店內仲有多款賀年糕點可供選購，
有半磅裝同650克兩種選擇。
想搵黃店買糕點可以考慮去睇睇。
佢店內貼有一啲正苦施政不當嘅報導，
文宣，播住願榮光、有誰未發聲等等嘅歌曲，
而且門口告示話重視學生溫飽，
免費供餐畀有需要嘅學生，
真係有需要嘅學生們，唔好怕羞，
大膽行入去啦！

梅貴緣 (深水埗)
深水埗基隆街188號地下C號舖