{Me Too x 新屋嶺} 聲援新屋嶺集會，有受害者出來表示自己受到性侵，或是經第三方表達。我見到連登有留言譴責個主持or譴責個男性受害者，指佢用字不清。「雞姦就雞姦啦，叫乜性侵呀!?」 「你肯講雞姦就已經係核彈啦」

我就想講，老老77，男人被人姦一向慘過女人被人姦。因為冇人當一回事，什至笑9你gay佬，菊花殘。如果兇手唔係差佬，全世界只會笑佢。而且人地用性侵個字眼避details, 你理得佢係雞姦定摸陽具定點。傷害就是傷害，難道嚴重到輪姦sm你先care? 摸就唔重要?

而女人俾人搞都唔好得去邊。你老母, 2017年連登係爆出強姦案之時搞個「如果女朋友俾人姦仲會唔會同佢一齊？」投票，話「事主男朋友都係人，要佢接受一個被污辱過嘅女仔，你地又有冇人性？」

然後d人留言:
「比人姦？不了」
「二手閪」
「條女可能會有PTSD, 以後都唔敢再搞野, 到時你叫雞又唔係」
「污槽」
「前題係 你要信佢真係俾人姦」
「搵籍口飛左佢」

全網笑me too女仔點解只係發聲，不報警。
呂麗瑤2017年講自己被教練性侵，個個笑佢想上位，想出名，想私了，想老屈。點解唔報警。到佢報警，展開司法程序，結果告唔入，網民更加大條道理鬧佢講大話。

幾年後, 同一班人叫人唔好報警，要私了，要勇敢公開發聲，要搵傳媒，法庭信唔過。

你過主la。
你真心care個受害人乜？你想用人地個case做低差佬，用人地的痛做文宣武器，少說得自己那麼高尚。

爆眼少女都俾狗玩鳩佢, 又要醫療報告又剩。
你俾人性侵高調出來，一係被狗清算，一係藍絲笑你老屈，你個大頭出現係點新聞丶港人港地d下流改圖，自己人仲要叫你分享多d details。

香港從來唔係對受害者友善的社會。
邊一個陣營都唔係。

End of Story。

#MeToo #新屋嶺 #性侵 #強姦 #Till_it_happens_to_you

2008年11月24日，旺角警署發生強姦案。
11月22日，駐守旺角警署嘅警察色魔梁禮仲喺警署嘅電腦系統搵到一個年約19歲、曾經報失銀包嘅女報案人嘅資料，並約佢喺24號夜晚來警署落口供。24號晚，女事主同男朋友一齊去到警署，警察色魔梁禮仲叫佢男朋友走先，跟住帶女事主去到有隔音功能嘅認人室強姦。
女事主喺25號凌晨同男朋友去天水圍警署報警，揭發呢宗轟動全香港、令警隊聲譽嚴重受損嘅警署強姦案。梁禮仲知道女事主報警之後，瘋狂發短訊同打電話俾佢，提出畀10萬蚊以換取佢撤回控告。
梁禮仲喺自首之後，被揭發喺11月中仲以協助調查嘅籍口約左3個女報案人/疑犯去旺角警署，之後大肆非禮。
呢單案呈上高等法院嘅時候，法官鬧爆佢色膽包天，竟然利用市民對警隊嘅信任犯案，除左佢肯認罪之外，根本搵唔到減刑理由。最後佢因為非禮、強姦、妨礙司法公正、不誠實取用電腦罪，被判入獄13年(扣除假期後，實際上只須服刑8年零8個月，即係依家已經放返出黎)。
圖片來源：蘋果日報作歷史評論用途。
#有種罪犯叫休班警察 #強姦案 #非禮案 #metoo #旺角警署 #梁禮仲