香港實在太荒誕。

Train一個警察，只需要幾個月。
而考警察只需5科合格，體能又合格就得，
無太多學歷要求，所以毅進畢業就得。

Train一位護士，起碼要4年時間，
要出placement，又要讀好多理論，
Train一位化驗師/放射治療/物理治療等醫護專業，
都要4年以上，又係要好長實習期，理論亦唔容易。
考入去讀呢啲醫護專業，點止要5科合格呢？
你DSE冇返幾個5，A-level冇返幾個C都入唔到。
毅進仔⋯以前HKCEE已經畀人踢走，點升AL？

Train一位醫生呢？普通科咪5-6年，專科起碼10年。
讀得醫嘅個個都係尖子，精英中的精英。

結果呢？一句「止暴制亂」，警察坐享無限行政資源，
OT無限補水，個個都Full gear上陣，
過多兩個月又有新玩具玩。
醫護即使緊守崗位，任勞任怨，OT冇補足，
公立醫院日日都過full capacity，但竟然要cut資源。
一個口罩，一件PPE，都要珍而重之。
因為唔止醫護同工要著，病人都要著。
醫護就算冇N95，冇ASTM-Level 2口罩都要頂硬上。

半年社運，無一警員殉職，連重傷都唔覺得有。
但一場即將來臨的瘟疫，
可以一夜奪去數十，甚至數百前線醫護性命。

散仔會會長可以喪鬧比自己高級的官員都冇後果，
班醫護隨時因工送命，喊罷工，
即刻畀人道德強姦，要人地緊守崗位。

即使警隊集體辭職，只要大規模招人，
幾個月又有人賣命。
但係若果一名資深醫護殉職，
要幾耐先有同樣人才可以取代？
即使只係一個普通醫護，
都要幾年時間先train返個出黎。

試問生活響一個咁畸型嘅社會，邊個會唔反抗？

#手動轉
#前世做錯咩今世要做香港人