#潮食閣 #轉載

https://www.facebook.com/2134206826596542/posts/4727890547228144/

比人偷左成個月4月份既營業額，係成個月！

我地被鋪頭既店長及員工偷左成個4月營業額（包括：私飯錢，大約7萬元）。

話說我地每天埋數（扣除供應商貨錢）既營業額會放入落去每日嘅信封入面，等我哋一個星期左右返嚟拎，而一直維持半年左右都冇咩特別事。

我哋四月份返左好多次舖頭，每次返到舖頭都問店長有冇信要拎，但佢每一次都話放咗喺酒店，話過兩日拎俾我哋（因為佢話怕放喺舖頭唔安全，所以一直聲稱將啲錢放喺佢袋，收工一齊拎埋走）。直至4月30日，因為我哋要交租同埋出糧，所以問佢拎返四月份嘅營業額，店長影咗啲信封爛晒嘅相俾我哋佢就話俾人偷咗，但係我哋事後睇返CCTV，發現佢多次喺我哋公司數既信封入邊拎錢出嚟放落自己個袋。而佢就聲稱另一位同事偷咗公司信封既錢，因為佢哋兩個搬咗出嚟一齊住酒店的，說在酒店被同事偷了。（但係發生咗咁耐該店長同事都沒有報過驚)

本身佢哋話會負責返公司成條數，比七日時間佢哋處理返，本身我哋都諗住算啦，淨係希望攞返啲錢盡快交租。但係到咗期限後，仲係一蚊都冇俾個我哋。我哋租又未交，糧又未出。我哋希望你哋盡快攞返公司全部嘅錢出嚟，如果唔係我哋會追究全部法律責任！

我哋自問對你哋都算好好，我唔明點解你要攞晒我哋成個月嘅營業額一蚊都冇比返我哋，本身我哋已經蝕緊錢，你仲要喺乞兒兜上搶錢！成個月連租同人工都唔夠比，你地都要偷！

我想問黃店係咪好恰d啊？

#盜竊 #暫時點算到七萬蚊損失
#已經蝕緊錢 #生意難做 #一次又一次
#上次就俾人偷供應商嘅貨
#今次就成個月營業額俾人偷