#網上資源
#手動share

【醫護是如何被當成condom的】

公立醫院醫護計劃下星期一發起大罷工，抗議政府死都唔肯封關。港共軟硬兼施，一方面道德勒索，另方面又威逼恐嚇，左媒甚至指責醫護欠缺使命感云云。未忘人倒想問一問，完成使命以後，政府又係點對待醫護人員呢？

經歷過沙士嘅朋友應該記得，當年政府不斷推崇醫護為抗疫英雄，但打緊仗就緊係撐啦，疫後又如何呢？未忘人就同大家回顧下，當年政府點對待一班佢哋口中嘅抗疫英雄。

免費治療承諾走數

截至2006年初，醫管局跟進嘅600至700名沙士康復者個案，大約有130個因為曾採用高劑量類固醇治療而患有骨枯。眾所周知，骨枯除咗造成行動不便，重會帶嚟難以忍受嘅劇痛，而且基本上係冇得醫。除咗生理病情之外，心理病亦不容小覤。2009年聯合醫院曾經做過沙士研究，90 名病人(當中包括27 名醫護，佔整體近三成)之中，疫症爆發兩年半後，有近六成病人患有某種精神病，同時有四分一人出現創傷後壓力症等精神情緒問題。

政府當時承諾為沙士康復者提供終身免費沙士後遺症治療，講得好聽，但實際上就係另一回事。2005年約有 300名康復者反映出現心律不正、視力衰退等問題，之前已經有研究指出呢D係類固醇嘅副作用，但醫管局就拒絕承認屬沙士後遺症，因而未有得到免費醫療。

曾經長時間協助沙士康復者嘅香港社區組織協會彭鴻昌喺2013年回顧時更指出，醫院管理層初期對康復員工唔多友善，覆診幾乎要行勻全港醫院，例如有員工要接受精神科、骨科同內科診治，就要分別去瑪麗、威爾斯同瑪嘉烈醫院覆診。幻想下患有骨枯，重要環遊全港咁去覆診就知有幾慘。翻查資料，醫管局足足去到2005年先設立7間家庭醫學專科診所，為佢哋提供一站式跟進。

強制復工

沙士期間，多達334名醫管局員工受感染，疫情兩年後只有約200名員工可以重投工作，去到2006年仍然有18人冇辦法重回崗位。《蘋果》引述政府中人就話，冇復工嘅員工只係冇信心踏出第一步，「佢哋應該嘗試，佢哋都未去試過」，重強調會繼續「鼓勵」佢哋重投職場。但實情係有瑪嘉烈醫院護士，疫後患上創傷後遺症、骨質疏鬆、脊骨退化、肺部纖維化、腎上腺素失調多種頑疾，雖然嘗試復工但身體始終支持唔住，然後甚至因為返工嘅情緒問題影響到個仔都患埋情緒病。康復者已經咁慘，政府重想佢「嘗試」到咩地步呢？彭鴻昌亦直言，部份員工嘅身體狀況根本唔理想，醫管局逼佢哋返工係不近人情。：「佢哋有啲仲吸住氧氣，點叫佢返工啫？」得閒死唔得閒病唔單止係港人生活寫照，原來重係醫管局對沙士康復員工嘅要求。

阻撓索償

所謂講錢傷感情，無論平日醫管局班官講嘢幾得體都好，但一講到賠錢就即刻變臉。當年沙士涉及三百幾個員工，賠償金額當然唔講得少，醫管局見走唔到數，就一於奉行拖字訣。一拖拖足兩年，只有247名倖存醫護(包括公營同私家)獲安排判傷，當中獲勞工處簽發評定補償金額證明嘅更加只得70人。但協助佢哋嘅職工盟李卓人引述政府消息，醫管局其實早有符合工傷資格嘅醫護名單，但就偏偏唔公布。然後，第二日醫管局就話保險公司日前已經將承認屬於「工傷」嘅名單交俾勞工處，局方會喺嗰個星期通知員工。換言之，即係醫管局真係手執名單但刻意拖字訣啦。

不過咁都未算最無恥，醫管局重利用恩恤金誘使員工放棄民事索償。事緣醫管局被指喺疫症期間因為疏忽等原因令員工平白染上沙士，因為就有最少30名醫護興訟，誓要討回公道。但有入稟嘅醫護表示，局方會向經勞工處判傷並承諾唔循民事追討僱主疏忽嘅員工，額外發放一筆同賠償金相若嘅恩恤金。然而，對於由律師協助追討工傷嘅員工，局方就唔會發放恩恤金，令人不禁懷疑此舉係要懲罰民事索償嘅員工。

冷血涼薄

尤記得當年一班高官對於殉職醫護爭先恐後去悼念致哀，但相對於對死者致最後敬意，喺關懷生者方面，班官就似乎冇咁大熱忱喇。明愛醫院一位臨時服務助理因工感染沙士，喺深切治療部留醫23日，期間接受5次肺部手術，即使最後康復但肺功能只剩不足兩成，被診斷為完全喪失工作能力。但佢出院21個月以嚟，醫管局居然從來冇派人前來慰問，令佢都不忍唔住直斥局方涼薄。無他嘅，班官只係親身示範no photo no talk啫，冇記者影相咁點解要做？

不過未忘人必須澄清，班官實際上唔係涼薄，而係冷血。2006年《經濟日報》就引述消息人士，喺沙士聆訊期間，有醫管局高層卸膊話部分醫生及護士自行買口罩後受感染，責任不在局方。須知道當年物資匱乏不下今日，醫護自行添置防具根本無可厚非，如果醫管局能夠提供足夠裝備同資訊，或者根本唔會有咁多人受感染。講得出呢番說話嗰個官，根本就冇人性。

總結

講到使命，到底係前線醫護唔肯抗疫，定係班官冇做好本份，提供適切支援與保障？昔日政府當醫護condom用完即棄，今日陳肇始居然重夠膽講擔心醫護人員情緒，未忘人真係聽到打冷震。遠嘅唔講，剩係舊年流感高峰期，醫管局幫醫護打氣都只係派幾粒魚蛋燒賣，那邊廂黑警飯錢都已經洗咗1億啦。醫護人員如果有情緒問題，完全係班庸官一手一腳做成。

不過更重要嘅係，醫護罷工救嘅唔只係自己而係全香港，如果政府唔封關同埋準備充足防護裝備俾醫護，社區爆發指日可待，到時根本冇人可以獨善其身。前事未忘，後事之師，希望大家都合力，唔好俾沙士嘅悲劇重演。

開掛之達人被警察拉，未睇好快啲睇呢篇文，隨時救手足一命，請廣傳🙏
政府有方法截取到私人通訊，網絡保安知識你要知
https://t.me/hkwarroom

之前有網民說被警察拉了，而警察竟然展示到他們Telegram私人群組的對話，還要有已刪除的對話，他好肯定群組沒有內鬼，不明白怎可能發生，其實一點也不出奇，大家要知多點網絡保安知識

👀 首先你要知當中風險

Telegram(TG)並不安全
Telegram只有secret chat是有加密，其餘一律沒有
就算是private group(私人群組)，因為訊息沒有加密，所以一樣也不安全
另外secret chat雖然有加密，但它是使用自製的MTProto，而不是專家公認安全的加密協定，可能存在一些漏洞
如果有關對話必須保密，不要使用Telegram (就算用Telegram，也必須用secret chat)

Facebook/Messenger/Whatsapp不安全
Facebook是一間樂於出賣你私隱的公司，它及其Messenger極不安全
Whatsapp已被Facebook收購，雖然通訊內容有加密，但Whatsapp會收集大量metadata及用戶資訊，而且軟件非開源，不知會否有後門

網絡供應商(ISP)看到你通訊
你收發的訊息，如果沒有加密，ISP如果想的話是可以看到
ISP還可以知道你很多事：你傳送給誰，連接TG的時間，你當時大概位置(就算沒開GPS定位功能，也可以知道)，瀏覽過什麼網站等等

共產黨秘密監控全港人通訊
前中情局僱員斯諾登當年爆出美國有監控計劃，共產黨一樣有，而且做得更徹底
加拿大軍事雜誌《漢和防務評論》曾報道推論，解放軍大帽山頂設施是監聽器，監察全港市民。ISP背後也會配合政府

🛡 跟著你要知如何保障自己

使用太空卡
即是街上買的一張電話卡，沒有個人身份登記，這是基本保障，如果電話卡上台可追縱到使用者身份，極不安全

開源加密訊息App
Signal app: https://signal.org/
免費開源，所有通訊及metadata都會加密，獲不同保安專家及前中情局僱員斯諾登推介
其他選擇: https://www.thinkprivacy.io/messengers (英文)
（註：Wickr是加密但並非開源，Wire賣了給一間收集用戶資訊的公司）

使用VPN和Tor

VPN
VPN就像你的中間人，你將訊息傳給VPN，VPN加密你的所有通訊及內容再傳出去，ISP只能知道你與VPN有連接，但內容是什麼，ISP完全不知道
你必須選擇一個可靠的VPN，免費的VPN一般而言都不夠安全，亦要小心不要用了背後與大陸公司有關的VPN，查核背景很重要

推介 ProtonVPN: https://protonvpn.com/ (有免費及收費)
其他選擇: https://www.thinkprivacy.io/vpn (英文)
(註：香城教育電視推出免費VPN服務，如付不起錢，上面你又覺得不合適，也可考慮，但管理VPN保安有難度，安全性未必太高)

Tor
類似VPN但沒有固定中間人，Tor是免費開源的匿名瀏覽器，對資訊進行多層加密，隨機傳送至不同「中間人」後才送去目標地址，ISP無法知道內容是什麼
使用教學: https://free.com.tw/tor-browser/

Tor只是對使用它的瀏覽器時加密，VPN可以對電腦傳送出去所有流量加密，配合兩者使用，將進一步加強保安

你 -> VPN -> Tor -> 互聯網

將來有機會再講解其他私隱/安全議題，例如：
** 防止政府透過你手機/電腦竊聽
** 屋內交談小心也被竊聽

更多實用資訊及抗爭錦囊
https://t.me/hkwarroom

#網絡及安全講解