香港人，歷史撚今日同大家講一樣野。

今日已經係2020年2月22號，我地抗爭已經超越自己想像，超越世界想像，我地已經抗爭左超過九個月，但係係咪真係足夠我地鬆懈？

當然唔係，我地即使計埋雨傘革命，都只不過係抗爭左5年。呢五年對香港人嚟講或者係覺醒嘅路，但係在我看來遠遠不足以成功。

想問下香港人幾個問題，第一，香港人有冇諗過點贏？第二，香港人有冇諗過會輸？今日我就要同大家講以色列獨立，以色列獨立至今係71年，人口係900萬人。

公元前332年，波斯日漸式微，失去以色列，以色列開始被亞歷山大大帝實行希臘化統治。而我地不妨再望遠少少，古以色列國王所羅門王死後，以色列分裂成南方嘅猶太（南國猶大）同埋以色列（北國以色列），而公元前722年，以色列被亞述人所滅，而公元前586年猶太被巴比倫所滅，其後以色列同猶太都繼續先後被羅馬帝國同阿拉伯帝國等不同國家統治，於是猶太人開始分居世界各地。

呢片土地之後比巴勒斯坦人所佔領幾千年，但係因為世界各地嘅猶太人強烈建國意願下，世界猶太民主主義組織成立，積極建國。而以巴衝突到第一次以阿戰爭，以色列去到1948年5月14號先正式宣佈獨立。

好，咁嘅話我地就要諗下以色列用左幾耐去抗爭？點解？佢地點做？

第一、我地見到以色列最早被滅係公元前722年，而到1948年先成功獨立，佢地係用左2670年。

第二、點解佢地可以隔左咁年都可以再建立同united到大家呢？點解到1948年都堅持建國獨立？原來以色列人佢地有一本佢地自己嘅Bible，其實我地香港人係咪應該都有一個Bible?

無論係香港嘅所有歷史、所有故事都要寫落去呢一本Bible入面，尤其是係香港5年前第一場革命—雨傘革命到今日依然繼續嘅反送中革命，都要寫入去，咁樣嘅話，即使香港人有一日被滅族，被驅逐出香港，我地嘅子孫生生世世都要讀呢一本Bible去了解香港真正嘅歷史，去記得呢一段歷史，咁先可以重建我地嘅香港，同埋保護香港人嘅真正文化。

呢個先係我地香港人真正嘅撤退plan，而唔係講咩移民，或者我地應該講移民只係策略，但係我地嘅文化，我地嘅歷史都係要去用香港人嘅方法、用香港人嘅文字去寫。

但係我唔知道有邊個有咁嘅實力或者有咁嘅方法去做呢一樣野，我都係諗住去提出一個咁樣嘅idea就係原來我哋都係可以咁。

Admin喺呢度重新絕對支持任何抗爭行為都唔覺得我哋而家係輸咗，我哋只不過係未贏。

#香港人嘅Bible