Vacaciones por horas: la indecente propuesta de un hostelero para no tener que pagar días de ocio
https://www.huffingtonpost.es/virales/vacaciones-horas-indecente-propuesta-hostelero-pagar-dias-ocio.html

O pasado 9 de febreiro, Iván, un rapaz de 30 anos de Arzúa, acudiu voluntariamente a Urxencias no Clínico de Santiago porque tivo por primeira vez na súa vida un brote psicótico, algo que lle pode pasar a calqueira ante, por exemplo, unha situación de moito estrés, acontecementos traumáticos ou incluso o consumo de certas substancias, algunhas tan comunes como o alcohol.

Tras varios días deriváronno á área de psiquiatría do Hospital Provincial de Conxo primeiro cun ingreso voluntario asinado polo rapaz que se converteu nun ingreso involuntario no momento no que a psiquiatra que o leva decidiu que o tratamento mais adecuado eran 9 sesións de electroshoks.

Aínda que moitas persoas pensan que é algo do pasado, o certo é que os electroshoks (ou TEC, “terapia electroconvulsiva”) son un vello tratamento que se aplica habitualmente en Galiza e en moitas partes do mundo dende hai más de 80 anos a pesar de ser denunciados como tortura por colectivos de supervivintes á psiquiatría e de que xa foron prohibidos en varios países.

O Sergas defende o emprego do tratamento dicindo que é seguro aínda que non ten carácter curativo e pode acarrear graves efectos secundarios e secuelas de por vida. A Organización Mundial da Saúde considera que so se debe aplicar esta técnica cando a persoa que a recibe foi debidamente informada e deu o seu consentimento previo”, o cal non é o caso para Ivan xa que nin él nin a sua familia deron o seu consentimento, todo o contrario.

A nai e o pai de Iván solicitaron que lle deran o alta o seu fillo para trasladalo a unha clínica privada de Sevilla chamada Samu Wellness que non aplica electroshoks pero un xuiz de Santiago denegou esa solicitude e autorizou as 9 sesións de electroshoks en días alternos.

A familia está librando unha batalla legal sen descanso dende entón pero ven impotentes como avanza este terrible procedemento que xa vai pola 5ª sesión e que podería estarlle causando graves secuelas a Iván. Este pasado mércores sufriu unha hemorraxia nasal de orixe descoñecido que podería estar relacionada cos electroshoks.

As persoas e colectivos sensibilizados coa loita contra as violencias psiquiátricas e a favor da autonomía e liberdade das persoas para elixir sobre os seus corpos e sobre tratamentos médicos non podemos permanecer impasibles.

Non podemos permitir que se lle aplique ningunha sesión de electroshoks máis a Ivan, nin a ninguén mais que non dera o seu consentimento informado.

Estamos intentando organizar para os próximos días un acto de solidariedade con Ivan e a súa familia e de denuncia desta barbaridade e precisamos saber canta xente podería acudir.

Por favor, se estás interesadx non dubides en poñerte en conntacto con nos!

Polo fin dos electroshoks! Polo fin das violencias psiquiátricas! Liberdade para Iván!

NON AO ELECTROSHOCK. NON A TORTURA PSIQUIÁTRICA. HAI ALTERNATIVAS.

Ante as medidas coercitivas e invasivas padecidas por Iván contra a súa vontade na unidade psiquiátrica de agudos do Hospital de Conxo, e ante a vulneración de dereitos fundamentais que iso representa, a Asociación de Pacientes e Usuarios do CHUS vese na obriga de facer público o seguinte pronunciamento:

PRIMEIRO. De acordo coa información científica aberta e existente na actualidade, a terapia electro-convulsiva (TEC) non conta con soporte científico. O ensaio clínico máis completo realizado a ata o momento mediante grupo de control foi publicado en 1980 baixo o título Norhwick Park ECT Trial (Proba de TEC do Parque de Norhwich), dando como resultado que non existen diferenzas entre o TEC real e o simulado en pacientes depresivos. A esta mesma conclusión chegan os estudos realizados nos anos 1998 e 2002. Non está de máis recordar que un dos máximos defensores desta técnica foi Richard Abrams, psiquiatra presidente da compañía Somatics LLC, fabricante desde 1984 da máquina Thymatron. As súas conclusións foron incluídas en informes publicados pola American Psychiatric Association. Por outra banda, está acreditado que esta terapia pode producir danos na memoria e lesións cerebrais debidas ao síndrome cerebral orgánico que a propia técnica induce. Ao noso entender, estas evidencias son causa suficiente para que o paciente manifestase a súa negativa a ser tratado con esta técnica.

SEGUNDO. Consideramos que se está violando o dereito de Iván á súa autonomía persoal e á capacidade de decidir sobre a súa saúde ao non considerar como válida a súa manifestación verbal e escrita, antes do tratamento, de non recibir a terapia TEC. Esta manifestación do paciente ten o mesmo valor que as instrucións previas e, polo tanto, facer caso omiso deste feito vulnera o dereito fundamental á integridade física e moral prevista no artigo 15 da Constitución Española de 1978.

TERCEIRO. A reacción da psiquiatra, ante a negativa lexítima do paciente a recibir o tratamento de acudir á vía xudicial para aplicar unha terapia invasiva, ignorando os antecedentes vitais e de saúde de Iván e descartando outras alternativas de conciliación, diálogo e atención, é agresiva e desproporcionada. Esta forma de proceder retrotráenos a unha visión paternalista e autoritaria da atención, hoxe contraria ao espírito da Lei de Saúde de Galicia, cuxos principios informadores se inspiran na colaboración, diálogo e participación do paciente nos procesos de saúde.

CUARTO.. Entendemos que a resolución xudicial pola que se lle impón a Iván someterse á terapia de electroshock e é considerado incapaz para tomar decisións no ámbito da súa saúde non está amparando o dereito do paciente ao consentimento informado e prívao da tutela xudicial, ao non considerar válida a súa negativa ao tratamento e indagar sobre outras posibles alternativas de atención que concilien o dereito á saúde e a autodeterminación persoal. Non podemos entender, desde o sentido común, como se pode privar da capacidade de decidir sobre o seu propio corpo ao mesmo tempo que se admite para poder actuar dotado de dereitos en todos os ámbitos da vida social. Hai que recordar que Iván, no mesmo documento no que manifesta a súa negativa ao TEC, outorga poder de representación procesual a avogado e procurador. Ou que a fiscalía emite informe no que se lle recoñece como único titular do dereito a acceder á súa historia clínica.

QUINTO. O caso de Iván, lamentablemente, non é o único. Moitos pacientes en silencio soportaron e soportan o tratamento TEC na unidade psiquiátrica do hospital de Conxo. Hoxe, grazas á valentía de Iván e da súa familia, saen fóra dos muros hospitalarios prácticas que a maioría da poboación descoñece e que seguen sendo de uso habitual a pesar de dispoñer doutras alternativas de tratamento non bioloxista mais respectuosas co carácter do ser humano. Desde aquí, o noso máis profundo agradecemento a familia de Ivan.

Non é tolerable que nun Estado que se autoproclama de dereito, o sistema público de saúde actúe sobre a base da violación sistemática e brutal dos dereitos das persoas e teña no principio de autoridade e de arbitrariedade unha das súas pautas de actuación.

Queremos rematar esixindo que se poña fin a unha práctica do electroshock que calificamos como tortura psiquiátrica impropia dunha sociedade do século XXI tolerante e respetuosa cos dereitos inherentes coa condición humana e que se devolva a Iván a capacidade de decidir sobre a súa saúde mediante a anulación da resolución xudicial ditada.

Invitamos a todos as persoas desta área sanitaria a manifestarse o martes 12 ás 19:30 horas na praza do Toural de Santiago de Compostela en apoio de Ivan e da súa familia e pola eliminación do electroshock das terápias psiquiátricas.

Compostela a 10 de abril do 2023

David M. Peña-Guzmán, el investigador que conoce las pesadillas de tu perro: "Que los animales puedan soñar pone presión ética a los seres humanos" | Público
http://www.publico.es/sociedad/david-m-pena-guzman-investigador-conoce-pesadillas-perro-animales-puedan-sonar-pone-presion-etica-seres-humanos.html

"A poeta analfabeta": La historia de Luz Fandiño, icono "punk" de los jóvenes
https://www.lavanguardia.com/vida/20201112/49415396354/a-poeta-analfabeta-la-historia-de-luz-fandino-icono-punk-de-los-jovenes.html