👉የቤት እድሳት ለማድረግ ለግንባታ ፈቃድ እስከ 100 ሺህ ብር ጉቦ እየተጠየቁ እንደሆነ የለሚ ኩራ ነዋሪዎች ተናገሩ

🚧በለሚ ኩራ ክፍለ ከተማ የተለያዩ ወረዳዎች ውስጥ የሚገኙ ነዋሪዎች ቤታቸውን ወይም የንግድ ሱቆቻቸውን ለማደስ ፈልገው የግንባታ ፈቃድ ሲጠይቁ እስከ 100 ሺህ ብር ጉቦ አምጡ እየተባሉ እንደሆነ ለመሠረት ሚድያ ተናግረዋል።

❇️"እኔ ለምሳሌ ሰሚት ፍየል ቤት አካባቢ ነዋሪ ነኝ፣ የንግድ ቤቴን ትንሽ ለማደስ ፈቃድ ጠይቄ 80 ሺህ ብር ስጠን ተብያለሁ" ያሉ አንድ ጥቆማ ሰጪ ይህም ያለምንም ሀፍረት በግልፅ እንደሚደረግ ተናግረዋል።

⏺የክፍለ ከተማው ወረዳ 10 ነዋሪ ደግሞ ከዚህም በተጨማሪ ይህ ብር ቢከፈል እንኳን ደንቦች ከ3 እስከ 4 ሆነው በቡድን በመምጣት ለአንድ ሰው እስከ 10 ሺህ ብር አምጡ እንደሚሉ በምሬት ተናግረዋል።

⏺"መስራትም፣ አለመስራትም አማራጭ እየሆነ እየሆነ አይደለም የህዝብ አገልጋይ ተብለው የተቀመጡ ሰዎች ይህን ያህል ገንዘብ ከጉቦ ተቀብለው ካለ ምንም ሀፍረት በቀጥታ ወደ ባንክ አካውንታቸው ሲያስገቡ ማየት ያሳዝናል" ብለው አስተያየታቸውን የሰጡን ደግሞ የሰሚት ኖክ አካባቢ ነዋሪ የሆኑ ነዋሪ ናቸው።

Via Meseret Media

@etconp

👉የቻይናው First Highway Engineering Company (CFHEC) ለ102 ወጣት ኢትዮጵያውያን የአቅም ግንባታ ስልጠና መስጠት ጀምሯል።

🚧የግዙፉ CCCC ኩባንያ እህት ተቋም የሆነው CFHEC፤ ስልጠናውን ለአንድ ወር የሚሰጥ ሲሆን፤ ሰልጣኞቹ ከCCCC የኢትዮጵያ ፕሮጀክት ሳይቶች የተመረጡ መሆናቸው ተገልጿል።

💫ግንባታ፣ ሰርቬዪንግ፣ የግንባታ ቁሳቁስ ፍተሻ እና የቻይንኛ ቋንቋ በስልጠናው የተካተቱ ጉዳዮች መሆናቸው ተመላክቷል።

🏷Seagull Talent Nurturing Project በሚል የሚሰጠው ስልጠና፤ በቴክኒክና ሙያ ስልጠና ኢንስቲትዩት፣ በሉባን ወርክሾፕ በኢትዮጵያ እና በ CFHEC በጋራ የተዘጋጀ ነው።

Via Xinhua

@etconp

👉በ57 ሚሊየን ዶላር እየታደሰ የሚገኘው የአፍሪካ አዳራሽ ሕንፃ በጥቅምት ለአገልግሎት ክፍት ይሆናል ተባለ

🚧በተባበሩት መንግስታት ድርጅት የአፍሪካ ኢኮኖሚ ኮሚሽን ቅጥር ግቢ ውስጥ የሚገኘው የአፍሪካ አዳራሽ ሕንፃ እድሳት ስራ ተጠናቆ በጥቅምት ወር አጋማሽ ለአገልግሎት ክፍት እንደሚሆን ተገለጸ።

⭐️በኮሚሽኑ የአፍሪካ አዳራሽ አስተዳደር ፕሮጀክት ስራ አስኪያጅ አንቶንዮ ሕንፃውን ለመገናኛ ብዙሃን ባለሙያዎች ባስጎበኙበት ወቅት እንደገለጹት፥ የእድሳት ስራው ሕንጻው ታሪካዊ ይዘቱን በጠበቀ መልኩ ዘመኑን የዋጀ ገጽታ እንዲላበስ አስችሏል።

⭐️የተባበሩት መንግስታት ድርጅት የአፍሪካ ኢኮኖሚ ኮሚሽኑን በአዲስ አበባ የተመሰረተው በፈረንጆቹ 1961 ሲሆን፥ ከዚያን ጊዜ ጀምሮ አገልግሎት ሲሰጥ የነበረው የድርጅቱ ሕንፃ 62 ዓመታትን አስቆጥሯል።

⭐️የአፍሪካ አንድነት ድርጅት የቻርተር ፊርማን ጨምሮ በርካታ አፍሪካዊ ኩነቶች የተካሄዱበት ታሪካዊው ሕንፃ፥ ጥንታዊነቱን በጠበቀ መልኩ እድሳት ተደርጎለት በመጠናቀቅ ላይ ይገኛል።

🚧ተመድ በተለያዩ ምክንያቶች ሕንፃውን ለማደስ እንደተነሳ የተገለፀ ሲሆን፥ በዋናነት ሕንፃው ዘመናዊ ቴክኖሎጂዎች ያሉት ሆኖ በቀጣይ ዓመታት አገልግሎት መስጠት እንዲችል ለማድረግ ያለመ ነው።

💫በሕንፃው ውስጥ የነበሩ አገልግሎት ሰጪ ተቋማትን ወደ ተለዋጭ ቦታ የማዘዋወር ስራ ከተካሄደ በኋላ በሁለት ምዕራፎች የተከናወነው የሕንፃው የእድሳት ስራ በተለያዩ ካምፓኒዎች የተከናወነ ሲሆን፥ ዋናውን የእድሳት ስራ "አልክ" የተሰኘ የዱባይ ካምፓኒ ሰርቶታል።

💫57 ሚሊየን ዶላር የተመደበለት የሕንፃው እድሳት ዘመናዊ ቴክኖሎጂዎች የተሟሉለት ሲሆን፥ ከድርጅቱ ጋር የተያያዙ ታሪካዊ ክዋኔዎችና ቅርሶች የሚጎበኙበት የኤግዚቢሽን ማዕከል እንደተሰራለትም ተገልጿል።

⭐️የሎሬት አፈወርቅ ተክሌ የስዕል ስራን ጨምሮ በርካታ ጥበባዊ ቅርሶች ያሉበት ሕንፃው በጥቅምት ወር አጋማሽ ሙሉ በሙሉ ተጠናቅቆ  ለአገልግሎት ክፍት ይሆናልም ተብሏል ።

Via FBC

@etconp

👉የግንባታ ውል ሰነድ በግልጽ ማስቀመጥ ያለበት ነጥቦች:-

📜የፕሮጀክቱን ዲዛይን እና ዝርዝሮች:

▶️የፕሮጀክት ባለድርሻ አካላትን ድርሻ፣ መብትና ግዴታ፣

▶️የሚጠበቀውን የግንባታ ጥራት የሚገልጹ ትንታኔዎች፣

▶️የፕሮጀክቱን ተጠባቂ የጊዜ ሰሌዳዎች፣

▶️የፕሮጀክቱን ዋጋ እና አከፋፈል ሁኔታዎች፣

▶️የደህንነት እና የጤና አጠባበቅ፣ መመሪያዎች፣

▶️ፕሮጀክቱን የሚመለከቱ የሕግ ማእቀፎች

▶️የፕሮጀክቱ ባለድርሻ አካላትን ፊርማ እና ማኅተም

▶️ፕሮጀክቱ የሚፈልገውን የሰው ኃይል ብቃትና ብዛት

▶️ፕሮጀክቱ የሚፈልገው ማሺነሪ አይነትና ብዛት

▶️የእያንዳንዱን የሥራ አይነት ዝርዝርና የግንባታ ስነዘዴ

▶️የፕሮጀክቱን ባለድርሻ አካላት ዝርዝር መረጃ

❇️አንድ የግንባታ ውል ሰነድ እነዚህ ከላይ የተጠቀሱትን ዋና ዋና ጭብጥ ጉዳዮች በግልጽ እና በዝርዝር ማስቀመጥ ይኖርበታል።

💫የተወሳሰበ፣ ያልተብራራ እና እርስ በእርሱ የሚጋጭ ሀሳብ ቢኖርበት ግን በሚኖረው የፍርድ ቤት ክርክር ባለድርሻ አካላትን በተናጠል አልያም በጋራ ኪሳራ ላይ ሊጥል ይችላል።

🚧ይህ ሁኔታ ደግሞ ፕሮጀክቱን በጤናማ ግንኝነት ለመፈጸም እክል ሊፈጥር ስለሚችል ለጥራት ችግር እና ለጊዜ ብክነት እንዲጋለጥ ያደርገዋል። 

@etconp

👉"ተለዋጭ መጓገድ ለመገንባት ጥረት እያደረግን ነው" - የኢትዮጵያ መንገዶች አስተዳደር

🚧ከአዲስ አበባ - ጅማ - መቱ - ጋምቤላ መስመር በቡኖ በደሌ ዞን ደዴሳ ወረዳ ከጅማ ከተማ 100 ኪሎ ሜትር ርቀት ላይ ያለው መጓገድ በጣለው ከባድ ዝናብ ምክንያት መንገዱ ሙሉ በሙሉ ተዘግቷል።

⏺ችግሩ ለመቅረፍ በኢትዮጵያ መንገዶ አስተዳደር የጅማ መጓገድ ጥገና ዲስትሪክት ጊዜያዊ ተለዋጭ መጓገድ ለመገንባት ጥረት እያደረገ እንደሆነ አመልክቷል።

▶️በመኾኑም ተለዋጭ መንገድ በጥቂት ቀናት ውስጥ ተጠናቅቆ ለትራፊክ ክፍት እስኪደረግ ድረስ አሽከርካሪዎች በትዕግስት እንይጠባበቁ ጠይቋል።

💫ከመሃል ሃገር ለሚነሱ _ አሽከርካሪዎች የአዲስ አበባ - ነቀምት - በደሌ - መቱ - ጋምቤላ መሥመርን በአማራጭነት እንዷጠቀሙ ጥሪ ቀርቧል።

Via ERA

@etconp

👉ከኖህ ሪል እስቴት ቤት ገዝተው የነበሩ ግለሰቦች ከውላችን ውጪ መሠረተ ልማት ያልተሟላለት ቤት ተረክበን ከፍተኛ ችግር ላይ ነን አሉ

⭐️ከኖህ ግሪን ፓርክ ሳይት መኖርያ አፓርታማ ገዝተው ከተረከቡ ከሁለት አመት በላይ እንደሆናቸው የሚናገሩት እነዚህ ግለሰቦች አሁን ድረስ መብራት እና ዉሀ እንኳን ስላልተሟላ ለመኖር አልቻልንም ብለዋል።

🚧በተደጋጋሚ ለድርጅቱ ጥያቄዎች ቢቀርብም አጥጋቢ መልስ አላገኘንም የሚሉት ነዋሪዎቹ ጉዳዩን ወደ ህግ ለመውሰድ እንደተገደዱ ለመሠረት ሚድያ አስረድተዋል።

💫በዚህ ምክንያት ቤታቸው መግባት ሳይችሉ አሁን ድረስ በቤት ኪራይ እንደሚገኙ የሚናገሩት ግለሰቦቹ ኖህ ሪል እስቴት ከዚህ ቀደም መሠረተ ልማቱን በወር ከ15 ቀን ውስጥ እንደሚያጠናቅቅ በሚዲያ በኩል ቃል ገብቶላቸው እንደነበር አስታውሰው ግን ምንም ሳይሰራ ወራቶች እንደጠቆጠሩ ተናግረዋል።

🏷በዚህ ዙርያ ምላሽ ለማግኘት ቢሮው ድረስ ሄደው ቢጠይቁም አጥጋቢ ምላሽ እንዳልተሰጣቸው አስረድተው አሁንም መፍትሄ እንዲሰጣቸው ጠይቀዋል።

📜መሠረት ሚድያ የኖህ ሪል እስቴት ባለቤቶችን በተደጋጋሚ ለማግኘት ያደረገው ሙከራ አልተሳካም።

Via Meseret Media

@etconp