🌼🌼 እንኳን አደረሳችሁ🌼🌼

➡️ውድ ቤተሰቦቻችን አዲሱ አመት የሰላም፤ የፍቅር፤ የአንድነት፤ የብልፅግናና የደስታ ይሆንላቹ ዘንድ ልባዊ ምኞታችን ነው!

🌼🌼መልካም አዲስ ዓመት 🌼🌼

@ETCONpWORK

👉ኢትዮጵያ አየር መንገድ በ50 ሚሊዮን ዶላር የሚያስተዳድራቸውን ሪዞርቶች ሊያዘመን ነው

🚧የኢትዮጵያ አየር መንገድ ግሩፕ አካል በሆነው ስካይላይት ሆቴል አስተዳደር ክፍል እንዲከናወን የተላለፉትን አራት ሪዞርቶች ግንባታ ሙሉ ለሙሉ ለማጠናቀቅ የ50 ሚሊዮን ዶላር ኢንቨስትመንት እንደሚጠይቅ ታወቀ።

የስካይላይት ሆቴል አስተዳደር በሁለት ክፍሎች ተከፍሎ፣ የአየር መንገዱን ባለአምስት ኮከብ ሆቴል የሚያስተዳድረው ክፍል፣ እንዲሁም የተረከባቸውን ሪዞርቶች ለማስተዳደር የተመደበውን ክፍል በሌላ በኩል የሚመሩ የየራሳቸው ምክትል ዋና ሥራ አስኪያጆች ተሹመውላቸዋል።

እነዚህ ሁለት የሥራ ክፍሎች ሪፖርት የሚያቀርቡላቸው የኢትዮጵያ አየር መንገድ የንግድ ዘርፍ ዋና ሥራ አስፈጻሚ አቶ ለማ ያደቻ ለሪፖርተር እንደገለጹት፣ የወንጪ፣ የጎርጎራ፣ የሀላላ ኬላ እንዲሁም የጨበራ ጩርጩራ ሪዞርቶችን አጠናቆ ወደ ሥራ ለማስገባት በአጠቃላይ 50 ሚሊዮን ዶላር ያስፈልጋል።

የኢትዮጵያ አየር መንገድ ቀን ገደብ ባልተቀመጠለት የማስተዳደርና የዕለት ተዕለት ሥራዎችንም የማስፈጸም ኃላፊነቱ፣ ሪዞርቶቹ የሚያስፈልጓቸውን ያላለቁ ግንባታዎች ለማጠናቀቅ የሚያስፈልገውን ወጪ በአየር መንገዱ እንደሚሸፈን ኃላፊው ገልጸዋል።

ጠቅላይ ሚኒስትር ዓብይ አህመድ (ዶ/ር) በበላይነት በሚመሩት በ‹ገበታ ለአገር› እና በ‹ገበታ ለትውልድ› ፕሮጀክቶች ተሠርተው፣ የአስተዳደር ሥራቸው ለኢትዮጵያ አየር መንገድ ከተላለፉት መካከል የወንጪ ሪዞርት የማስታዋወቅ የመክፈቻ ሥነ ሥርዓቱ (Soft Opening) መከናወኑን፣ ሀላላ ኬላም በተመሳሳይ ባለፈው በነሐሴ ወር ሥራ መጀመሩን አሳውቀው፣ በጨበራ ጩርጩራ ግን የቀሩ የሚሠሩ ሥራዎች መኖራቸውንና ጎርጎራም በተመሳሳይ ሒደት ውስጥ እንደሚገኝ አሳውቀዋል።

አቶ ለማ ‹‹ሆቴሎች ሥራ ሲጀምሩ ምንጊዜም እስከ ሦስት ወር ያለው የመጀመርያ ጊዜ ያለው የሥራ ጫና የሚታይበት፣ የሥራ ሒደት ፍሰቱ ልከኝነት የሚገመገምበትና በሙሉ አቅሙ እስኪሠራ ድረስ በዚህ ሁኔታ እየሠራን ነው፤›› ብለዋል።

በአራቱም ሪዞርቶች ያልተጠናቀቁ ሥራዎች ለመጨረስና ሙሉ ለሙሉ በይፋ ወደ ሥራ ለማስገባት የሚፈጀው የገንዘብ መጠን ምን ያህል እንደሆነ ከሪፖርተር ለቀረበላቸው ጥያቄ፣ አቶ ለማ ‹‹ይህንን በምንገመግምበት ጊዜ ሪዞርቶቹ የሦስት ኮከብ ደረጃ ነው ያላቸው፡፡

የኢትዮጵያ አየር መንገድ ስካይላይት ሆቴል ደግሞ ባለ አምስት ኮከብ ደረጃ ነው ያለው፡፡

ስለዚህ እኛ እነዚህን እንድናስተዳድር ከመንግሥት የሚጠበቅብን በባለአምስት ኮከብ ደረጃ ነው ይህም እያንዳንዱ ሆቴል የተለያዮ የኢንቨስትመንት ደረጃዎችን እንዲፈልጉ ያደርጋቸዋል በዚህ ደረጃ ወደ 50 ሚሊዮን ዶላር የሚፈጁ ይሆናል፤›› የሚል ምላሽ ሰጥተዋል።

ገንዘቡ በአንድ ጊዜ ወጪ የሚደረግ እንደማይሆን የገለጹት የንግድ ዘርፍ ዋና ሥራ አስፈጻሚው፣ ወጪው ምንም ያህል ቢሆን አየር መንገዱ ሪዞርቶቹን ወደ አምስት ኮከብ ደረጃ ለማምጣት የሚያስፈልገውን ኢንቨስትመንት እንደሚያደርግ አሳውቀዋል።

የስካይላይት ሆቴል አስተዳደር አሁን ከመንግሥት ከተረከባቸው በተጨማሪም፣ መንግሥት አፈጻጸማቸውን ገምግሞ፣ አሁን በግንባታ ላይ ያሉትን በገረዓልታ፣ ሐይቅና ጅግጅጋ ላይ የሚሠሩትን ሪዞርቶችም እንዲያስተዳድሩ ዕጩ እንዲያደርጋቸው ፍላጎት እንዳላቸውም ጠቅሰዋል።

አሁን የተረከባቸውን በሚያስተዳድራቸው ሪዞርቶች ሰዎች በመኪና ከመሄድ ይልቅ በአየር ትራንስፖርት ሐሳብ ካላቸው በሚል፣ አንዳንዶቹ ሪዞርቶች በውኃ የተከበቡ መሆናቸውንም ታሳቢ በማድረግ የኢትዮጵያ አየር መንገድ የስካይላይት ሆቴልስ የተለዩ በውኃና በየብስ ላይ ማረፍ የሚችሉ ትንንሽ አውሮፕላኖች (Amphibious Aircraft) አስገብቶ ለማሰማራት የዋጋ ጥናቶችን አከናውኖ የግዥ ሒደቱ ላይ ውሳኔ ለመስጠት የመጨረሻ ክፍል ግምገማ እየተደረገ መሆኑ ተገልጿል።

አቶ ለማ ሦስት ዓይነት የአውሮፕላን ዓይነቶች ተለይተው ለግምገማ መቅረባቸውንና ግዥውም እንደሚፈጸም ገልጸዋል።

ምን ያህል ገንዘብ ይፈጃል? የሚለው ጥያቄ ምላሽ የሚወሰነው በሚመረጠው የአውሮፕላን ዓይነት መሆኑን ገልጸው፣ ‹‹ትንሽ ገንዘብ አይደለም የሚሆነው፣ ግን ለኢትዮጵያ የቱሪዝም ዕድገት የምናበረክተው አስተዋጽኦ ስለሆነ፣ እኛ አሁን ስለገንዘቡ ብዙም ችግር የለብንም፤›› ብለዋል።

አየር መንገዱ እ.ኤ.አ. በ2035 በዓመት 100 ሚሊዮን ደንበኞች ማስተናገድ የሚያስችለውን በኦሮሚያ ክልል ቢሾፍቱ ከተማ አቅራቢያ የሚያስገነባው የኤርፖርት ከተማ ከሚፈጥራቸው ዕድሎች አንዱም፣ አየር መንገዱ 15 ሚሊዮን መንገደኞችን ያስቀመጠውን ዕቅድ እንዲያሳካ ማስቻሉ ነው ብለዋል።

በአሁን ወቅት የኢትዮጵያ አየር መንገድ የትራንስፖርት አገልግሎት ተጠቃሚ ከሆኑ መንገደኞች ከ65 እስከ 70 በመቶ የሚሆኑት ተላላፊ (Transit) መንገደኞች መሆናቸውንና ወደ አገሪቱ ገብተው ኢንቨስት እንደማያደርጉ ሪፖርተር ከአቪዬሽን ኢንዱስትሪው ባለሙያዎች ያገኘው መረጃ ያመላክታል።

@etconp

👉የጨረታ ማስጠበቂያ (Bid Security Bond)

🚧የጨረታ ማስጠበቂያ ለተቋራጮች የወጣ ጨረታ (በተለይ ክፍት ጨረታ /open tender/) የጨረታ ማስጠበቂያ መያዣ በማረጋገጫ ሰነድ ላይ በቴክኒካል ሰነድ (Technical Documents) እንዲካተት ይጠበቃል።

ይህ የጨረታ ማስጠበቂያ (Bid Security Bond) በ’ PPA (section 1)  “instruction to bidder (ITB) አንቀጽ አሥራ ስድስት (article 16) ላይ እንደተመለከተው አንድ ተጫራች የወጣውን ጨረታ ሞልቶ ካስገባ በኋላ ጨረታውን ቢያሸንፍ እና አሸናፊነቱን የሚገልጽ የቅቡልነት ደብዳቤ (Acceptance Letter) ከተጻፈለት በኋላ ሀሳብ ቀይሮ “የተወዳደርኩበትን ጨረታ ትቼዋለሁ፣ የግንባታ ውል መፈራረምም ይሁን ግንባታውን ማከናወን አልፈልግም” ቢል ጨረታውን ለማከናወን የወጣውን ወጪ ለመሸፈን እና በደረጃ ቅደም ተከተል መሰረት ለሌሎቹ አሸናፊዎች ጥሪ ለማድረግ አልያም እንደገና ውድድሩን ለማከናወን የሚያስችል ገንዘብ ተደርጎ ይታሰብና ጨረታውን ላወጣው አካል የሚሰጥ የባንክ ማረጋገጫ ደረሰኝ (Certified Payment Order - CPO) ነው።

የጨረታ ማስከበሪያ(Bid Security Bond) በ'PPA ITB 16.2 መሰረት በካሽ ወይም በተፈረመበት ቼክ ወይም በክፍያ ማዘዣ ወይም በተቀናሽ ሂሳብ ደብዳቤ ወይም በየትኛውም የባንክ ዋስትና ማረጋገጫ ሊገለጽ የሚችል ሆኖ በጨረታ ሰነዱ ላይ የተጠቀሰውን መጠን ያህን የሆነ ገንዘብ ወይም ግምቱ ከዚያ የማያንስ ንብረት/ዋስትና ሊሆን ይችላል።

በውጪ ባንኮች የተሰጠ ዋስትና ከሆነ በሀገር ውስጥ ባንኮች በኩል ዋስትናውን የማረጋገጫ ሰነድ መቅረብ አለበት እንጂ የውጪ ባንኮች ዋስትና በቀጥታ ተግባራዊ ሊደረግ አይችልም።

ማንኛውም አስተማማኝ የጨረታ ማስከበሪያ የሌለው የጨረታ መልስ ሰነድ (Bid response) ያለምንም ቅድመ ሁኔታ ውድቅ መደረግ ይኖርበታል።

ከአንድ በላይ የሆኑ ማኅበራት ላቀረቡት የጨረታ ሙሌት ሰነድ የጨረታ ማስከበሪያ በጋራ ሲያስገቡ የሁሉም ድርጅቶች ስም በጨረታ ማስከበሪያው ላይ መዘርዘር ይኖርበታል።

የገንዘቡ መጠን በጨረታ ሰነዱ Bid Data Sheet ITB Article16ን ተመርኩዞ በወጣው የጨረታ ሰነድ Bid Data Sheet section ሥር ባለው Preparation of Bids በሚለው ሰንጠረዥ ውስጥ የተጠቀሰው መጠን የተገለጸው መሆን አለበት።

መጠኑ እንደፕሮጀክቱ ስፋት፣ እንደፕሮጀክቱ ወሳኝነት እና እንደተገመተው የጨረታ ማፍረስ ስጋት ታይቶ በጨረታ አውጪው አካል ሊወሰን ይችላል ነገር ግን አሸናፊው ተጫራች የአሸናፊነቱን ደብዳቤ ተቀብሎ ሥራውን መጀመር የሚችል ከሆነ በጨረታ ሰነዱ Bid Data Sheet & ITB 16.5 መሰረት ሙሉ ለሙሉ ተመላሽ ይሆናል።

የጨረታ ማስጠበቂያ (ማስከበሪያ) ገንዘብ ለተጫራቹ የሚመለስበት ጊዜ በ’ITB, article 16 (16.2) መሰረት ለ28 ቀናት በባንክ ከቆየ በኋላ መሆን አለበት።

በህግ ረገድ ስለዋስተና አይነቶች የሚያብራራው የመንግስት ግዢና ንብረት አስተዳደር አዋጅ ቁጥር 646/2001 ዝርዝር አንስቷል።

የጨረታ ማስከበሪያ ለተጫራቹ የማይመለስባቸው ምክንያቶች፦

[1ኛ] ተጫራቱ ጨረታውን ቢያሸንፍም ሥራውን ተዋውሎ ለመሥራት ፍቃደኛ ካልሆነ ወይም ሀሳብ ከቀየረ፣

[2ኛ] ተጫራቹ የዋጋ ማስተካከያ በPPA ITB clause 27 (በታወቁ ስህተቶች መሰረት የተሞላ አግባብነት የሌለውን ዋጋ ስለማውጣት የተደነገገ አንቀጽ) መሰረት የተደረገ የዋጋ ማስተካከያ ርምጃዎችን አልቀበልም ካለ::

[3ኛ] አሸናፊው ተጫራች ሥውል ፈጽሞ ራውን ለመሥራት ፈቃደኛ ቢሆንም በተቀመጠው የጊዜ ገደብ ውስጥ ውል መፈረም ካልቻለ ወይም ሌሎች የውል ማስከበሪያዎችን ማቅረብ ካልቻለ ነው።

🔰የቴሌግራም ቻናላችንን ስለሚከታተሉ እጅግ እናመሰግናለን።

🌟መሐንዲሶችን እና አርክቴክቶችን ይጋብዙልን! ቤተሰብ እንሁን።

Link: t.me/ETCONp

ማንኛውንም ሀሳብዎን ሊጽፉልን ካሰቡ t.me/ETCONpBOT ላይ ይጻፉልን።

@ETCONpWORK

👉ተቋራጩ የሚጠበቅበት ሥለሥራ ሪፖርት ማድረግ ግዴታ

በፍትሐብሔር ሕግ ቁጥር 3025 (1) እና (2) መሰረት ተቋራጩ የተከናወኑ ሥራዎች የደረሱበትን ሁኔታና እንዲሁም የሥራውን ዋጋ፣ ለሥራ የተጠቀማቸውን ነገሮች (ግብአቶችን የሰው ኃይል እና ማሽኖች/እቃዎች) ታሳቢ ያደረገውን ወጪ ላሠሪው አካል የማሳወቅ ግዴታ አለበት።

በውሉ ላይ የተገለጸ ተቃራኒ ቃል የሌለ እንደሆነ ተቋራጩ በየወሩ መጨረሻ ለአሠሪው ማስታወቅ (ሪፖርት ማቅረብ) እንዲኖርበት ይገደዳል።

[ስንቶቻችሁ ሥራ ቦታ ላይ ተግባራዊ እየተደረገ ነው?]


የቴሌግራም ቻናላችንን ስለሚከታተሉ እጅግ እናመሰግናለን። መሐንዲሶችን እና አርክቴክቶችን ይጋብዙልን! ቤተሰብ እንሁን።

ክብር ለአርክቴክቶች እና መሐንዲሶች!

🎲ሌላኛው የ ስራ ቅጥር እና ጨረታች ሚወጡበት ቻናል ከታች ባለው ሊንክ ይቀላቀሉ

📩ሊጽፉልን ካሰቡ @ETCONpBOT

💫ቲክቶክ:👇

www.tiktok.com/@etconp7

@etconp

👉ሞሮኮ የዓለማችን ግዙፍ ስታዲየም ግንባታ ዲዛይን ይፋ አደረገች

ሰሜን አፍሪካዊቷ ሀገር ሞሮኮ የ2030ን ፊፋ ዓለም ዋንጫ ከስፔን እና ፖርቹጋል ጋር በቅንጅት የማዘጋጀት እቅድ አላት።

48 ብሔራዊ ቡድኖች እንደሚሳተፉበት የሚጠበቀው ይህ የዓለም ዋንጫ በ20 ስታዲየሞች እንደሚካሄድ ተገልጿል።

ስፔን ለዚህ ውድድር 11 ስታዲየሞችን እንደምታዘጋጅ ስትገልጽ ቾርቹጋል ሶስት እንዲሁም ሞሮኮ ደግሞ ስድስት ስታዲየሞችን እንደሚያዘጋጁ አስታውቀዋል።

ሞሮኮ ለዚህ ውድድር ከምታዘጋጃቸው ስድስት ስታዲየሞች መካከል አንዱ "ሀሰን ሁለተኛ" የተሰኘ ስታዲየም የግንባታ ዲዛይን ይፋ አድርጋለች።

ይህ ስታዲየም ሲጠናቀቅ 115 ሺህ ተመልካቾችን የመያዝ አቅም ይኖረዋል የተባለ ሲሆን በግዝፈቱ ከዓለም ትልቁ እንደሚሆን ተገልጿል።

የሞሮኮ ብዙሀን መገናኛዎች እንደዘገቡት ከሆነ አዲሱ ስታዲየም ከሀገሪቱ ዋና ከተማ ካዛብላንካ 38 ኪሎ ሜትር ላይ ይገነባል።

በቀጣዮቹ ጥቂት ወራት ውስጥ ግንባታው ይጀምራል የተባለው ይህ ስታዲየም በ2028 ይጠናቀቃል ተብሏል።

ዓለም አቀፉ የስፖርት ፌዴሬሽን ወይም ፊፋ የ2030 ዓለም ዋንጫ አስተናጋጅ ሀገራትን እስካሁን በይፋ አላሳወቀም።

ውድድሩን ለማዘጋጀት እየተፎካከሩ ካሉ ሀገራት መካከል ሞሮኮ፣ ስፔን እና ፖርቹጋል እንደሚያሸንፉ ይጠበቃል።
ይሁንና ሶስቱ ሀገራት የፍጻሜውን ውድድር ማን ያስተናግድ የሚለውን እስካሁን አልተስማሙም።

@etconp

👉የህዳሴ ግድብ ግንባታ ሂደት የላቀ ብቃት ያካበቱ ባለሙያዎችን ለማፍራት ማስቻሉ ተገለጸ

በታላቁ የኢትዮጵያ ህዳሴ ግድብ ግንባታ ሂደት በሲቪልም ሆነ በሃይድሮ ሜካኒካል ሥራዎች የላቀ ብቃት ያካበቱ ባለሙያዎችን ማፍራት መቻሉ ተገለጸ።

የግድቡ ግንባታ ፕሮጀክት ምክትል ሥራ አስኪያጅ ኤፍሬም ወልደኪዳን (ኢ/ር)፤ ለፕሮጀክቱ ስኬት ከዲዛይን ጀምሮ እስከ ግንባታው የኢትዮጵያውያን ሚና የላቀ መሆኑን አስታውሰዋል።

የፕሮጀክቱ ግንባታ ሲጀመር በአንድ ጊዜ እስከ 15 ሺህ ዜጎች በግንባታው ሂደት ላይ በተለያዩ ሙያዎች ይሳተፉ የነበሩ ባለሙያዎች ሌት ከቀን በመትጋት ለግድቡ እውን መሆን ዘላለማዊ አሻራቸውን በማሳረፍ የሚያኮራ ተግባር ፈፅመዋል ብለዋል።

በግንባታው የረጅም ዓመት ልምድ በቀን ሰራተኝነት የጀመሩ በርካታ ወጣቶች አሁን ላይ ከፎርማን እስከ ሱፐርቫይዘርነት መድረሳቸውን አብራርተዋል።

በዚህም በሲቪልም ሆነ በሃይድሮ ሜካኒካል ሥራዎች የላቀ ብቃት ያካበቱ በርካታ ባለሙያዎችን ማፍራት ስለመቻሉ መግለጻቸውን የዘገበው ኢዜአ ነው።

ግድቡ 13 ተርባይኖች እንዳሉት ገልጸው፤ የጀነሬተር አካል እስከ 12 ሜትር ዲያሜትርና ከ460 ቶን በላይ ክብደት ስላለው በትራንስፖርት አጓጉዞ ለማድረስ ፈታኝ ያደርገዋል ብለዋል፡፡

ነገር ግን በፕሮጀክቱ ግንባታ ላይ የተሳተፉ ኢትዮጵያውያን በየጊዜው አቅማቸውን በማጎልበት ዛሬ ላይ ግብዓቶችን በስፍራው እንዲገጣጠሙ ማድረግ የሚችሉበት አቅም ተፈጥሯል ብለዋል፡፡
በመሆኑም በቀጣይ ኢትዮጵያ

ለምትገነባቸው የሀይድሮ ፓወር ፕሮጀክቶች የሙያ ብቃትና ዝግጁነት እንዲኖር አስችሏል ሲሉ ተናግረዋል።

የግድቡ ግንባታ ሲጀመር ተቀጥረው ይሰሩ እንደነበር ያስታወሱት የኬ.ቲ ኢንዱስትሪያል ሶሉሽን ሥራ አስኪያጅ ሞላ አስማረ፤ በሂደት የራሳቸውን ድርጅት ከፍተው ለተርባይን ማቀዝቀዣ ክፍል አካል የሆነውን ራዲያተር በራሳቸው መስራት መጀመራቸውን ተናግረዋል፡፡

አብዛኛውን የፕሮጀክቱን ግብዓት በራሳቸው መሥራት እንደሚችሉ ገልጸው፤ ከአቅም ግንባታ ባለፈ የውጭ ምንዛሬ ማዳን ያስችላልም ብለዋል፡፡

በግድቡ ላይ በተለያዩ ሙያዎች ላይ የተሳተፉ በርካታ ወጣቶች በየዘርፉ የተሻለ የሙያ ደረጃ ላይ የደረሱ እንዳሉም ተናግረዋል።

Via FBC

@etconp

👉የከተማ መሬት መረጃ አያያዝ ስርአት / ካዳስተር/ ምንነትና የሚያስገኘው ጠቀሜታ

🚧ካዳስተር ማለት የመሬት ይዞታን መሰረት ያደረገ የመሬት መረጃ ሥርዓት ሲሆን የሚደራጁት መረጃዎችም በዋናነት ሁለት ዓይነት ናቸው፡፡

ይኸውም የካርታ መረጃ (spatial data) አንዱ ሲሆን የይዞታውን መገኛ ቦታ፣ ወሰኑን፣ ስፋቱንና ቅርፁን፣ አጎራባች ይዞታዎችን እንዲሁም አዋሳኝ መንገዶችን የሚያሳይ ይሆናል፡፡

ሁለተኛው ገላጭ መረጃ (non-spatial data) በመባል ይታወቃል ይህም የባለይዞታውን ማንነት (ስም፣ አድራሻ፣ ጾታ፣ የጋብቻ ሁኔታ፣ ወዘተ.)፣ በይዞታው ላይ ያለው መብት፣ ክልከላና ኃላፊነት፣ የቦታው አገልግሎትና ደረጃ፣ ወዘተ. እንደ ካዳስተር ዓይነቱ ተዘርዝረው የሚያዙ መረጃዎችን የሚያካትት ሲሆን እነዚህ ሁለት የመረጃ ዓይነቶችም በልዩ የይዞታ መለያ ኮድ እንዲገናኙ ይደረጋል፡፡

ካዳስተር ህጋዊ ካዳስተር ፤ፊስካል ካዳስተር እና ሁለገብ ወይም ሁሉን አቀፍ ካዳስተር ተብሎ በሦስት ይከፈላል፡፡  

ህጋዊ ካዳስተር ተብሎ የሚጠራው ለእያንዳንዱ ህጋዊ ወሰን ለተለየለት ይዞታ፣ የይዞታ መብት፣ ክልከላና ኃላፊነት የሚያመለክት መረጃ ከይዞታው ካርታ ጋር አጣምሮ የያዘ ወቅታዊ የመሬት ይዞታ መረጃ ሥርዓት ሲሆን አስፈላጊነቱም የትኛው ይዞታ በማንና በምን አግባብ ተይዟል የሚለውን በማጣራት የባለይዞታው የይዞታ ዋስትና የሚረጋገጥበት ይሆናል፡፡

ሁለተኛው ፊስካል ካዳስተር ሲሆን በይዞታው ላይ ስላረፈው ቋሚ ንብረት ዝርዝር መረጃ እና የመሬቱን ወቅታዊ ግምት ከይዞታው ካርታ ጋር የሚይዝ ሆኖ ለቦታና ለንብረት ግብር ክፍያ የሚያገለግል ሥርዓት ነው፡፡

ሦስተኛው የካዳስተር ዓይነት ሁለገብ ወይም ሁሉን አቀፍ ካዳስተር የሚባለው ሲሆን በሁለቱ የካዳስተር ዓይነቶች የተገለፁትን መረጃዎች የሚይዝ ሆኖ በተጨማሪም የመሰረተ-ልማት፣ የአካባቢ ጥበቃ እና ሌሎች መረጃዎችን እና ካርታን አካቶ የሚይዝ የመረጃ ሥርዓት ነው፡፡

የካዳስተር ሥርዓት በመገንባት ሂደት በርካታ ልምድ ያላቸውና ብዙ ርቀት የሄዱ አገሮች እንዳሉ ይታወቃል በዚህ የግንባታ ሂደት እያንዳንዱ አገር ከራሱ ተጨባጭ ሁኔታ አንጻር አጀማመሩና አካሄዱ የተለያየ ነው፡፡

በእኛ አገር ደረጃም ከዚህ ቀደም በከተማ ደረጃ ሥርዓቱን ለመዘርጋት በርካታ ጥረቶች ተደርገዋል፤ የተሞከረውም ሁለ-ገብ ካዳስተርን በመዘርጋት ነበር፤ ሆኖም ግን የሚፈለገውን ውጤት ሊያመጣና የሥርዓቱን ዘለቄታዊነት የሚያረጋግጥ ሊሆን አልቻለም፡፡

በመሆኑም በቅድሚያ ባለይዞታውን ተጠቃሚ የሚያደርገው ከተማ አስተዳደሮችም መሬታቸውን ቆጥረው ሊያውቁ የሚችሉበትን የህጋዊ ካዳስተር በመዘርጋት በመቀጠልም የፊስካል ካዳስተር ብሎም ወደ ሁለ-ገብ ካዳስተር የሚያድግ ሥርዓት መዘርጋቱ ሥርዓቱን ቀጣይ ለማድረግ የሚያስችል መሆኑን በመገንዘብ በአገራችን በሚገኙ ከተሞች ተግባራዊ ማድረግ እጅግ በጣም አስፈላጊ ሁኖ ተገኝቷል፡፡

መሬት በቁጠባ ሊተዳደር የሚገባው አላቂ ሃብት በመሆኑ በአጠቃቀም እንዳይባክን ብክነት የሚወገድበትን አሰራር መፍጠር ያስፈልጋል፡፡

የመሬት መረጃ አያያዝ እንደ ወቅቱ የቴክኖሎጂ ደረጃ መንግስታት መሬትን ለማስተዳደር እንደሚከተሉት የመሬት አስተዳደር እንዲሁም መረጃን ዘመናዊ ለማድረግ ካላቸው ቁርጠኝነት ጋር ተያይዞ የሚወሰን ሲሆን ይህም በፖሊሲዎች እና በህግ ማዕቀፎች ላይ የሚንጸባረቅ ይሆናል፡፡

በዋናነት ካዳስተር መረጃ ላይ በመመርኮዝ በከተሞች የኢኮኖሚ እድገት ውስጥ የቋሚ ንብረት ሃብት ወደ ገበያ እንዲገባ ከማስቻል ባለፈ ዜጎች የኢኮኖሚው እድገት እንቅስቃሴ አካልና ተጠቃሚ መሆናቸውን ማረጋገጥ ያስፈልጋል፤ ይህ ደግሞ መልካም አስተዳደርን እውን ከማድረግና ልማታዊነትን ከማረጋገጥ አንፃር ትርጉም የሚሰጠው ሆኖ እንዲተገበር ተከታታይነት ያለው ሥራ በእቅድ ይዞ መስራት ያስፈልጋል፡፡

ዘመናዊ እና የተደራጀ የከተማ የመሬት ይዞታ ምዝገባ ስርዓት ዝርጋታ እውን መሆን፤ ውስን የሆነውን የከተማ መሬት በተገቢው መንገድ ለተገቢው አገልግሎት ለማዋል ብሎም በእውቀት ላይ የተመሰረተ ውሳኔ መስጠት እንዲቻል ከማድረጉም በላይ የህብረተሰቡን የመሬት ይዞታ ባለቤትነት ዋስትናን በማረጋገጥ የከተሞች የመልካም አስተዳደር ችግሮችን መፍታት ያስችላል፡፡

የከተማ መሬት መረጃ ሥርዓትን በከተሞች ተግባራዊ ማድረግ በዘርፉ የሚስተዋሉትን የኪራይ ሰብሳቢነት ምንጮች ለማድረቅ፤ ለልማት የተመቻቸ ፖለቲካል ኢኮኖሚ ለመፍጠር፤ ህገ-ወጥነትን ለመቆጣጠርና ለመከላከል፤ የከተሞችን የገቢ አቅም ለማሳደግ፤ በይዞታ የመጠቀም መብትንና የንብረት ባለቤትነት ዋስትናን ለማረጋገጥ፤ ቀልጣፋ፤ ግልፅና ተጠያቂነት ያለበት የመሬት አስተዳደርን ለማረጋገጥ እንዲሁም የከተማ መሰረተ-ልማትን ለማስፋፋትና በአግባቡ ለማስተዳደር ትልቅ አቅም ይሆናል፡፡

በአጠቃላይ በአገራችን የህጋዊ ካዳስተር ዝርጋታ በአተገባበር ሂደት እየጋጠሙ የሚገኙ ዋና ዋና ችግሮችን ለመቅረፍና አፈጻጸሙን ከፍ ለማድረግ  የመሬት ይዞታ መዝጋቢ ተቋማት፣ የመሬት ልማት ማኔጅመንትና የከተማ ፕላን ወጥና ተናባቢ የመሬት ዕቅድ በማውጣት ለዕቅዱ መሳካት በጋራ ሊረባረቡ ይገባል፡፡

እነዚህን ሥራዎች ለማከናወን የሚያስችል የፋይናንስ አቅም መፍጠር፣ ይሄን ስራ ለማቀላጠፍና ዘመናዊ ለማድረግ የሚያስችል ቴክኖሎጂ ተግባራዊ ማድረግና ፈፃሚውና አስፈፃሚው፣ ባለድርሻ አካላት እንዲሁም ነዋሪው በአሰራሩ ላይ ያለውን ግንዛቤ ማሳደግ እና በስራው ላይ ሙሉ ተሳታፊ እንዲሆን ማድረግ ያስፈልጋል፡፡

@etconp

👉Evolution tower

⭐️ኢቮሊውሽን ታወር መገኛው ሩሲያ ሞስኮ ሲሆን ባለ 53 ወለል ህንፃ ነዉ ለዚህ ህንፃ ንድፍ እንደ መነሻ የሆነው DNA ቅርፅ ነው።

❇️ለዚህ ህንፃ ግንባታ $1 billion ፈሶበታል።

📜ስለ ህንፃው መረጃ

➡️የህንፃ ሁኔታ:- የተጠናቀቀ

➡️ ጥቅም ላይ የዋለው:- ለቢሮ

➡️ ግንባታው የተጀመረው ፡- 2011 GC

➡️ ግንባታው የተጠናቀቀው ፡- 2014 GC

➡️ የህንፃው ዘይቤ ፡ - Neo- futuristic

➡️ ርዝመቱ ፡ - 246 ሜትር

➡️ የላይኛው ፎቅ:- 220 ሜትር

🎲ቴክኒካዊ ዝርዝሮች

➡️ የወለል ቁጥር ፡ - 53

➡️ህንፃው ያረፈበት ቦታ፡-82,000 ሜትር ስኩዌር

➡️የአሳንሰር ብዛት:- 17

💫ንድፍ እና ተቋራጭ

⏺አርክቴክት ፡ - RMJM and Philipp Nikandrov (GORPROJECT)

⏺ተቋራጭ :- Rönesans Holding

Moscow RUSSIA 🇷🇺

@etconp

👉የ ህንፃ ንቅለ ተከላ ከ ሀገረ ቻይና

💫ቻይናውያን አንድ ባለ አምስት ፎቅ
የትምህርትቤት ህንፃን ካለበት ስፍራ
ነቅለው በሌላ ቦታ የተከሉት ቴክኖሎጂ
እና ድርጊት አለምን ጉድ አሰኝቶዋል🤭

🚧በሻንጋይ ከተማ ይገኝ የነበረው
በእድሜው 85 አመት የሞላው ታሪካዊ
ህንፃ ከቆመበት ስፍራ ለሌላ ልማት በመፈለጉ ነው ህንፃው ሳይነካ እንዳለ ተነቅሎ በሌላ ቦታ የተተከለው፡፡

🏷ይህ ባለ አምስት ፎቅ ህንፃ ከቦታ ቦታ
65ሜትር እንዲጓዝ የተደረገውም
ተራማጁ ማሽን በተባለ አዲስ የሮቦት ቴክኖሎጂ ነው፡፡

🔰ከ ህንፃው መሠረት ስር 200 ያህል የሮቦት እግሮች ስለተገጠሙለት ህንፃው ጉዳት ሳይደርስበት በተገጠመለት እግር ተጉዞ ከተፈለገው ቦታ እንዲቆም ተደርጓል😯

@etconp

👉WORLD TOP CONSTRUCTION STRUCTURES

🚧1. Burj Khalifa, Dubai, United Arab Emirates: Standing at a height of 828 meters, the Burj Khalifa is the tallest building in the world. It features a modern design with elegant curves and a telescopic appearance.

The construction of the building used a high-strength concrete and a cladding system to withstand the extreme temperatures in Dubai.

🚧2. Great Wall of China, China: The Great Wall of China is an ancient fortification built to protect the Chinese states and empires.

It stretches over 21,000 kilometers and is made of various materials such as stone, brick, and wood.

The laborious construction of the Great Wall involved thousands of workers over several dynasties.

🚧3. The Shard, London, United Kingdom: The Shard is a futuristic skyscraper in London, standing at a height of 310 meters.

it ts unique pyramid shape and glass facade make it a distinctive addition to the skyline.

The building's construction utilized an innovative approach, using prefabricated components to speed up the process.

🚧4. Empire State Building, New York City, United States: The Empire State Building, an iconic Art Deco skyscraper, was once the tallest building in the world.

Built in just over a year during the Great Depression, its construction was a remarkable feat of engineering at the time.

The building features a distinctive setback design and a spire at the top.

🚧5. Petronas Towers, Kuala Lumpur, Malaysia: The Petronas Towers are twin skyscrapers that held the title of the tallest buildings in the world from 1998 to 2004.

The towers are connected by a sky bridge at the 41st and 42nd floors, providing stunning views of the city.

The construction involved a unique structural system of reinforced concrete and steel.

🚧6. Sydney Opera House, Sydney, Australia: The Sydney Opera House is a UNESCO World Heritage site known for its distinctive sail-like design.

The building's construction posed numerous challenges due to its unconventional shape and material requirements.

The building's shells are made of precast concrete panels supported by a steel frame.

🚧7. Guggenheim Museum, Bilbao, Spain: The Guggenheim Museum in Bilbao is a masterpiece of contemporary architecture, designed by renowned architect Frank Gehry.

The building's dynamic and organic form is composed of titanium, glass, and limestone, creating a striking visual impact.

The construction process was highly complex, involving innovative techniques to realize Gehry's vision.

🚧8. Marina Bay Sands, Singapore: Marina Bay Sands is a luxury integrated resort featuring three towers connected by a sky bridge.

The building's unique design incorporates a massive cantilevered roof terrace, which is one of the world's largest public cantilevers. ETCONp

The construction of Marina Bay Sands required advanced engineering and structural systems to support the weight of the roof terrace.

🚧9. Taipei 101, Taipei, Taiwan: Taipei 101 is a skyscraper renowned for its sleek design and groundbreaking engineering.

The building's asymmetrical shape is inspired by a bamboo stalk, symbolizing strength and flexibility.

Taipei 101 held the title of the world's tallest building from 2004 to 2010 and features a tuned mass damper to counteract wind-induced vibrations.

🚧10. The Louvre Pyramid, Paris, France: The Louvre Pyramid is a modern glass pyramid that serves as the main entrance to the Louvre Museum in Paris. Designed by architect I. M. Pei, the pyramid's construction involved the use of over 600 glass panes and a steel frame.

The building has become an iconic symbol of the museum and a striking contrast to the historic architecture of the Louvre.

@etconp

የግንባታ ጨረታ ማስታወቂያ

አዲስ ዘመን መስከረም 3 ቀን 2017 ዓ. ም ዕትም ላይ የተወሰደ

https://t.me/ETCONpWORK