👉invitation for bid

@etconp

👉የነጌሌ ቦረና 64.5 ኪሎ ሜትር መንገድ ፕሮጀክትን ሀገር በቀሎቹ ኤም ሲ ጂ እና ዓለማየሁ ከተማ በጣምራ እየገነቡት ነው

🚧በኦሮሚያ ክልል ምሥራቅ ቦረና ዞን'ን ከሶማሌ ክልል ሊበን ዞን ጋር የሚያገናኘው ምዕራፍ አንድ የነጌሌ ቦረና - ኪሎሜትር 64.5 መንገድ ፕሮጀክት በጥሩ አፈጻጸም ላይ ይገኛል።

የመንገድ ፕሮጀክቱ ኢትዮጵያን ከሱማሊያ እና ኬንያ ጋር የሚያስተሳስረው የነገሌ ቦረና - ዶሎ አዶ - መልካሱፍቱ ግዙፍ ፕሮጀክት አካል ሲኾን፥ የመጀመሪያው ምዕራፍ 64.5 ኪሎሜትር ይሸፍናል።

ከዚህ ቀደም በጠጠር መንገድ ደረጃ የነበረው ይህ መንገድ፣ ካለው በርካታ ሀገራዊ ፋይዳ አንፃር በአስፋልት ኮንክሪት ደረጃ በመገንባት ላይ ይገኛል።

የፕሮጀክቱ አጠቃላይ አፈጻጸም አሁን ላይ 74.4 በመቶ ደርሷል። ግንባታውን በጣምራ የሚያከናውኑት ሀገር በቀሎች ኤም ሲ ጂ ኮንስትራክሽን እና ዓለማየሁ ከተማ ጠቅላላ ሥራ ተቋራጭ፣ በአሁኑ ወቅት የ36 ኪሎ ሜትር የአስፋልት ሥራ አጠናቅቀዋል።

በተጨማሪም የ96 በመቶ የጠረጋ፣ የ69 በመቶ የፍሳሽ ማስወገጃ፣ የ97 በመቶ የአፈር ቆረጣ እና ሙሌት፣ የ50 ኪሎሜትር ሰብቤዝ እና የ37 ኪሎሜትር ቤዝኮርስ ሥራዎች ተሠርተዋል። የአንድ ድልድይ ግንባታም ተጠናቅቋል።

ፕሮጀክቱን በዚህ ዓመት ለማጠናቀቅ የሚያስችሉ በማሽነሪ እና በቁሳቁስ አቅርቦት በኩል አስፈላጊው ዝግጅት መደረጉ ታውቋል።

ለፕሮጀክቱ የተመደበው 1.3 ቢሊዮን ብር በፌደራል መንግሥት በጀት የሚሸፈን ሲኾን፣ ኤስ ጂ ኮንሰልቲንግ ኢንጅነርስ ፕሮጀክቱን የማማከር እና የቁጥጥር ሥራ ይሠራል።

የመንገድ ግንባታው ሲጠናቀቅ ከዚህ ቀደም ከነጌሌ ቦረና ከተማ አንስቶ እስከ ፕሮጀክቱ መዳረሻ ድረስ የሚወስደውን 2 ሰዓት የጉዞ ጊዜ ወደ 50 ደቂቃ ያሳጥረዋል።

@etconp