👉አባይ ሆምስ 'የዳውንታውን' ፕሮጀክቱን በይፋ አስጀመረ

አባይ ሆምስ የዳውንታውን ፕሮጀክቱን በሜክሲኮ አፍሪካ ሕብረት አካባቢ በዛሬው ዕለት በይፋ አስጀምሯል።

ላለፉት ሁለት አስርት ዓመታት በርካታ ተሽከርካሪዎችን በመገጣጠም፣ በመጠገን፣ በማስመጣት እና በመሸጥ የሚታወቀው አባይ የቴክኒክ እና ንግድ አ.ማ.፤ ላለፉት ሁለት ዓመታት "አባይ ሆምስ" በሚል የንግድ ስያሜ ወደ ሪል እስቴት ልማት መግባቱን አስታውቋል።

በዚህም ሜክሲኮ ጠማማ ፎቅ ፊት ለፊት በሚገኘው ይዞታው ላይ ባለ30 ወለል ቅይጥ የንግድ እና የመኖሪያ ሕንጻ ለመገንባት አስፈላጊውን ቅድመ ዝግጅት አጠናቆ ወደ ሥራ መግባቱን ገልጿል።

ይህ ፕሮጀክት 12 ሺሕ ካሬ ሜትር ይዞታ ውስጥ ያረፈ ሲሆን፤ በውስጡ የመኪና ማቆሚያ ስፍራ፣ የኤሌክትሪክ መኪኖችን ቻርጅ ማድረጊያ፣ የከርሰ ምድር ውሃ፣ ለሕጻናት እና አዋቂዎች የሚሆኑ 2 የዋና ገንዳዎች እና የጋራ መዝናኛ ስፍራን ያካተተ መሆኑ ተነግሯል።

በተጨማሪም ለእያንዳንዱ ሕንጻ 8 አሳንሰሮችን እንዲሁም ከ12 ካሬ ጀምሮ ዘመናዊ የንግድ ሱቆችና ሌሎች በርካታ መገልገያዎችን በውስጡ ያካተተ ምቹ የንግድ ማዕከል እና የመኖሪያ ስፍራ መሆኑን፤ በዛሬው ዕለት በተከናወነው የፕሮጀክቱ ማስጀመሪያ መርሃ ግብር ላይ ተገልጿል፡፡

የግንባታው ፕሮጀክት አጠቃላይ ተሰርቶ ሲያልቅ 576 አፓርትመንትና 700 የሚደርሱ የንግድ ሱቆችን የሚይዝ ሲሆን፤ በአጠቃላይ 4 ነጥብ 5 ቢሊየን ብር ወጪ ይፈጃል ተብሏል።

በ3 ዓመት ተኩል ውስጥ ይጠናቀቃል ተብሎ የታሰበው ይህ "ዳውን ታውን ፕሮጀክት"፤ በካሬ ከ81 ሺሕ ብር ጀምሮ የአፓርትመንት ቤቶችን በመሸጥ ላይ እንደሚገኝ ተነግሯል።

አባይ ሆምስ 150 የሚደርሱ ቋሚ ሠራተኞች ያሉት ሲሆን፤ ይህ ዳውንትውን ፕሮጀክት ከ500 በላይ ለሆኑ ሰዎች የሥራ እድል ይፈጥራል ተብሎ እንደሚጠበቅ ተመላክቷል።

የፕሮጀክቱ ማስጀመሪያ መርሃ ግብር ላይም፤ 'በሪል እስቴት ዘርፉ ላይ የወጡ አዳዲስ የመንግሥት ፖሊሲዎች በፕሮጀክቱ አጀማመር ላይ ትልቅ ተግዳሮት ፈጥረው እንደነበር' ተገልጿል።

አባይ ሆምስ የዛሬውን የማስጀመሪያ መርሃ ግብር ምክንያት በማድረግ፤ ከዛሬ ጀምሮ እስከ እሁድ ሕዳር 7 ቀን 2018 ድረስ በ5 በመቶ ቅድመ ክፍያ ብቻ የቤት ሽያጭ ያካሄዳል ተብሏል።

Via Ahadu Radio

@etconp

Love our channel? Advertise here — and across 6 000+ Telegram channels ✈️

⚡️ Launch your Telegram ads ing minutes with access to verified channels, groups, mini apps, and bots.

Reach real, bot-free audiences — from crypto to lifestyle — with automated placements, live analytics, and measurable results.

How it works:
1️⃣ Sign up via this link: Telega.io
2️⃣ Add funds
3️⃣ Choose channels and add your ad post
➡️ We’ll take care of the rest

Stay ahead — 6 000+ channels to test, track, and scale!

👉በኮንስትራክሽን ውል አሰሪው የተቋራጩን ክፍያ አዘግይቶ መክፈል ጉዳይ/Delay payment/

💫የኮንስትራክሽ ውል መሰረታዊ ባህሪው ሲታይ በዋናነት አሰሪና ተቋራጭን በተዋዋይነት የሚይዝ ሲሆን ጉልህ የሆነው ግዴታቸው ሲታይ ደግሞ ተቋራጩ በውሉና ዲዛይኑ/ስፔስፊኬሽኑ መሰረት ግንባታውን የማከናወን ሀላፊነት የሚኖርበት ሲሆን ክፍያ የመክፈል ጉዳይ ደግሞ ለአሰሪው ዋናውና ትልቁ ግዴታው ነው፡፡የፍትሀብሄር ህግ አንቀጽ 2610፣3019እና 3020 እንዲሁም 3244 ተገናዝቦ ሲታይ ይሄን ሁኔታ ያስገነዝባል፡፡

✍️ የፍትሀብሄር ህግ አንቀጽ 3020(1) ላይ "ሁለቱ ወገን ተዋዋዮች ስለሚፈጽሙት ስራዎችና ስለዋጋው ካልተስማሙ በቀር የተቋራጭነት ውል አለ አይባልም" በሚል የተደነገገው በኮንስትራክሽን ውል ለተቋራጩ የሚከፈለው ክፍያ ጉዳይ የውሉ መሰረታዊ ነጥብ መሆኑን የሚጠቁም ነው፡፡ ስለክፍያ አይነቶች የህጉን ጉዳይ ወደፊት በሌላ ጽሁፍ የምናየው ይሆናል፡፡
✍️አሰሪው ለተቋራጩ ክፍያ የመክፈሉን ሁኔታ ያለበቂ ምክንያት ማዘግየት አይችልም፡፡

⏺አማካሪ መሀንዲሱ በተለይ ከተቋራጩ የክፍያ ጥያቄ በቀረበለት ጊዜ የማረጋገጥና የማጽደቁን ስራ በ7(ሰባት) ቀናት ውስጥ የማጠናቀቅ ግዴታ አለበት፡፡(የመመሪያው አንቀጽ 28.5(d)
✍️አሰሪው መስሪያ ቤት ደግሞ በአማካሪ መሀንዲሱ የጸደቀ የክፍያ ሰርተፍኬት በደረሰው በ14(አስራ አራት) ቀናት ውስጥ ለተቋራጩ ክፍያ የመፈጸም ግዴታ አለበት፡፡(የመመሪያው አንቀጽ 28.5(e)
✍️ አማካሪ መሀንዲሱ በተቋራጩ የቀረበውን የክፍያ ጥያቄ በሰባት ቀናት ውስጥ የማረጋገጥና የማጽደቅ ስራ ባይፈጽም ምን ውጤት ይኖረዋል?
*በዚህ ረገድ የመመሪያው አንቀጽ አንቀጽ 28.5(f) ግልጽ ምላሽ አስቀምጧል፡፡
✍️ይሄውም ተቋራጩ በዚህ ምክንያት ከአሰሪው ላይ ተጨማሪ ክፍያ/additional payment/ የጠየቀ እንደሆነ አማካሪ መሀንዲሱ ይህን ተጨማሪ ክፍያ የመሸፈን ግዴታ ይኖርበታል፡፡
*ሆኖም ግን አማካሪ መሀንዲሱ ለሚሰጠው አገልግሎት ከሚከፈለው ክፍያ በላይ የሆነ ክፍያ ለመክፈል ሀላፊነት አይኖርበትም፡፡
✍️በዚህ ረገድ የፍትሀብሄር ህግ አንቀጽ 2636 የአማካሪ መሀንዲሱን የእውቀት ስራ ውል ግዴታ ይደነግጋል፡፡ይሄውም አማካሪው "የኪነ ጥበብን ደንቦች በማፍረስ ጥፋት ጥፋት ካላደረገ በቀር በአሰሪው በኩል ስራ ተቋራጩን ሀላፊነት አይነካውም" በሚል ተቀምጧል፡፡(2636(2)) እንደዚሁም አማካሪው ሳይሰራ ከመቅረቱ የተነሳ ወይም በአሰሪው ላይ ጉዳትን የሚያመጣ ስራ ያደረገ እንደሆነ አጥፊ ነው ለመባል እንደሚችል የፍትሀብሄር ህግ አንቀጽ 2636(3) ይደነግጋል፡፡ ስለዚህ አማካሪው ክፍያ የማረጋገጥ እና የማጽደቅ ስራውን በህጉ በተቀመጠው የጊዜ ገደብ ባለማከናወኑ አሰሪው ተጨማሪ ክፍያ እንዲከፍል በተቋራጩ የተጠየቀ እንደሆነ አማካሪው አጥፊ ነው ሊባል ያስችለዋል ማለት ነው፡፡

⏺አሰሪው በአማካሪው የጸደቀው የክፍያ ሰርተፍኬት በደረሰው በ14 ቀናት ውስጥ ለተቋራጩ ክፍያ ባይፈጽም ምን ውጤት ይኖረዋል?
✍️አሰሪው ያለበቂ ምክንያት ክፍያ ያዘገየ እንደሆነ ለተቋራጩ ተጨማሪ ክፍያ/additional payment/ ለመክፈል ሀላፊነት እንደሚኖርበት የፌዴራል የግዥ መመሪያ/Federal public procurement directive/ አንቀጽ 28.5(g) ይደነግጋል፡፡
✍️ተጨማሪ ክፍያ ሲባልስ ምንን ያጠቃልላል? የሚለው ሲታይ በዋናነት ወለድ የመክፈል ሀላፊነትን የሚመለከት ይሆናል፡፡በዚህ ረገድ የፍትሀብሄር ህግ አንቀጽ 3268 ተቋራጩ መክፈልን በማዘግየት የሚታሰበውን ወለድ እንዲያገኝ መብትመብት ይሰጠዋል፡፡የወለዱ መጠንም በውል ያልተወሰነ የሆነ እንደሆነ በአንቀጽ 1751 መሰረት ህጋዊ ወለድ በአመት 9(ዘጠኝ) በመቶ ሆኖ የሚሰላ ይሆናል፡፡
✍️ሌላው እዚህ ላይ ሊታወቅ የሚገባው ነጥብ ተዋዋዮች በውላቸው ላይ ክፍያን ማዘግየት የሚኖረውን ውጤት አስመልክቶ የቅጣት ስምምነት/penality clause/ ያካተቱ ከሆነ የፍትሀብሄር ህጉ አንቀጽ 1889 እና ተከታዮቹ ድንጋጌ እውቅና ስለሚሰጠው እና በአንቀጽ 1731 መሰረት ውል በተዋዋዮች መካከል እንደ ህግ ስለሚቆጠር ተፈጻሚነት ይኖረዋል፡፡
✍️አንዳንድ ክልሎችም በዚህ ረገድ በግዥ መመሪያቸው ላይ ዝርዝር ውጤቱን ያስቀምጣሉ፡፡
✍️አሰሪው ክፍያ በወቅቱ ባለመፈጸሙ ምክንያት ከወለድ ባለፈ ሌላም ጉዳት የደረሰበት ተቋራጭስ ከጉዳቱ ጋር እኩል የሆነ ኪሳራ ሊከፈለው አይገባም ወይ? የሚል ጥያቄም ሊነሳ ይችላል፡፡ምክንያቱም የፍትሀብሄር ህግ አንቀጽ 2091 እና 1790(2) ለደረሰው ጉዳት ሀላፊ መሆኑ በህግ የታወቀ ሰው የሚከፍለው የጉዳት ካሳ ሀላፊነቱን ያመጣው ጉዳይ በተበዳዩ ላይ ከደረሰው ጉዳት ጋር እኩል ሆኖ መመዛዘን አለበት በሚል በግልጽ ይደነግጋል፡፡

📜በአጠቃላይ አሰሪው በማናቸውም ምክንያት የተቋራጩን ክፍያ በሚያዘገይበት ጊዜ ተቋራጩን ለውድቀት የማጋለጥ እድሉ የሰፋ ነው፡፡ምክንያቱም በሀገራችን አብዛኛው ተቋራጭ ድርጅት የፋይናንሽያል ማኔጅመንት ስርአት የለውም፡፡ተቋራጮቻችን የገንዘብ አቅማቸውም ደካማ ነው፡፡አብዛኛው ተቋራጭ ለአንዱ ፕሮጀክት የሚወስደውን የቅድሚያ ክፍያ ሌላ ፕሮጀክት ላይ ይጠቀምበታል፡፡በዚህ ምክንያት አንድ ተቋራጭ ሲከስር ብዙ ሰራተኛ እንደሚበተን መገንዘብ ያስፈልጋል፡፡ስለዚህ በአሰሪዎች በኩል ተቋራጮች የሰሩበትን ክፍያ በወቅቱ እና በተሰራው ስራ ልክ አንዲከፈላቸው ለማድረግ እና በህጉ የተቀመጠው የክፍያ የጊዜ ገደብ እንዲከበር ጠንከር ያለ አቋም ወስዶ መስራት ይጠበቅበታል፡፡

@etconp

👉የ ኮንስትራክሽን ምህንድስና መሰረታዊ እውቀት

🫵የኮንስትራክሽን መሐንዲሶች እንደ የመንገድ ፣ የአውሮፕላን ማረፊያ ፣ ዋሻዎች ፣ ግድቦች እና ድልድዮች ያሉ ወሳኝ የግንባታ ፕሮጀክቶችን ዲዛይን ያደርጋሉ።

🚧እንዲሁም የፕሮጀክት ግንባታ እና ጥገናን ይቆጣጠራሉ።

🚧ከወጪ ሂሳብ እስከ ጂኦሎጂ ድረስ አጠቃላይ የክህሎት ስብስብ ሊኖራቸው ይገባል።

🌟ብዙ የ ኮንስትራክሽን መሐንዲሶች በግንባታ ውስጥ በጣም የተግባር ሚና የሚጠይቁ ሥራዎች አሏቸው ፣ ሌሎቹ ደግሞ ለተቆጣጣሪ እና ለአስተዳደር ችሎታዎች የበለጠ ክብደት ያላቸው ቦታዎች ሊኖራቸው ይችላል ስለዚህ የኮንስትራክሽን መሐንዲሶች የ ኮንስትራክሽን ምህንድስና መሰረታዊ ነገሮችን ማወቅ አለባቸው።

🌟ኮንስትራክሽን መሐንዲሶች ብዙውን ጊዜ በጣም የተወሳሰቡ ፕሮጄክቶችን ማስተዳደር አለባቸው ፣ ይህም ብዙዎች ከበርካታ አካባቢዎች በአንዱ ውስጥ እንዲሠሩ ያደርጋቸዋል።

🚧ስኬታማ የኮንስትራክሽን መሐንዲስ ለመሆን ሁሉንም መረጃ እና አስፈላጊ ክህሎቶችን እና ጥራቶችን እና የኮንስትራክሽን ምህንድስና መሰረታዊ ነገሮችን ማግኘት ይችላሉ።

🌟የኮንስትራክሽን ኢንጂነሪንግ መሰረታዊ ቴክኒካዊ ችሎታዎች
አንድ ጥሩ ሲቪል መሐንዲስ የምህንድስና ችግሮችን የሚለይ እና የሚፈታ የሂሳብ እና የፊዚክስ ደረጃ ሊኖረው ይገባል።

🌟የ ኮንስትራክሽን መሐንዲሶችም በዲዛይን ቴክኒኮች የተካኑ እና ከካርታዎች ፣ ስዕሎች ፣ ሞዴሎች እና ከ CAD ሶፍትዌሮች ጋር መሥራት አለባቸው።

⏺ወደፊት ሊከሰቱ የሚችሉ ችግሮችን መተንበይ እና ለእነሱ መፍትሄ መፈለግ መቻል አለባቸው።

▶️እያንዳንዱ የሲቪል መሐንዲስ የግንባታ ፕሮጀክቶችን ለማከናወን ከፍተኛ የቴክኒክ ክህሎት ሊኖረው ይገባል።
የሚከተሉት ሊያውቋቸው የሚገቡ አንዳንድ ከፍተኛ ቴክኖሎጂዎች ናቸው።

⏺የሂሳብ ችሎታዎች ኮንስትራክሽን መሐንዲሶች በሂሳብ ውስጥ የካልኩለስ ፣ ትሪጎኖሜትሪ እና ሌሎች የላቁ ርዕሶችን ለሥራ ትንተና ፣ ዲዛይን እና መላ መፈለግ መርሆዎችን ይጠቀማሉ።

⏺የግንባታ ቁሳቁሶች ሙከራዎች( Building material test)
ጤናማ የኮንስትራክሽን መሐንዲስ ስለ የግንባታ ዕቃዎች የተለያዩ ፈተናዎች ትክክለኛ ዕውቀት ሊኖረው ይገባል። አንዳንድ ትክክለኛ ሙከራዎች ከዚህ በታች ተዘርዝረዋል።

▶️Concrete Test: Slump test, compression test, split tensile test, soundness, etc.
▶️Soil Test: Core cutter test, compaction test, sand replacement test, triaxial test, consolidation test, etc.
▶️Bitumen Test: Ductility test, softening point test, gravity test, penetration test, etc.

🚧የአፈር ምርመራ(Soil Investigation) ግንባታ ከመጀመሩ በፊት የአፈርን ሰፈራ እና መረጋጋት (settlement and stability) ለመወሰን የተለያዩ የአፈር ምርመራዎች ይካሄዳሉ።

🌟ስለዚህ እንደ ኮንስትራክሽን መሐንዲስ በቦታው የተከናወኑትን የእነዚህ ምርመራዎች በቂ እውቀት ሊኖርዎት ይገባል።

⏺የዳሰሳ ጥናት መሣሪያዎች አጠቃቀም (surveying Instrument)

▶️እንደ አጠቃላይ ጣቢያ (Total Station) ፣ ቴዎዶላይት ፣ ወዘተ የመሳሰሉት የቅየሳ መሣሪያዎች አጠቃቀምም ለእያንዳንዱ የኮንስትራክሽን መሐንዲስ ግዴታ ነው። እነዚህ መሣሪያዎች ምልክት ለማድረግ እና ለመለካት ያገለግላሉ::

@etconp

ADVERTISMENT

ታምራት ፕሌት እና ጄ ቦልት አቅራቢ

✅የምንሰጣቸው አገልግሎቶች

🔅 ፕሌት any Size & thickness
🔅 ጄ ቦልት (ጥርስ ማዉጣትና ማጠፍ)

🔅 የተለያዩ  [modefic] ስራዎችን እንሰራለን።

♦️ ማንኛዉንም ብረታ ብረት እንገዛለን።

☎️ስልክ 0904040477 ወይም 0911016833 ደውለው ያግኙን
📱ቴሌግራም ላይ ፦https://t.me/heavenic1

አድራሻ፦  ቁ 1.መርካቶ
                ቁ.2 አየር ጤና  ኪዳነ ምህረት

ጥራትና ታማኝነት መለያችን ነው።
ታምራት ፕሌት እና ጄ ቦልት አቅራቢ

👉በተናጠል ራስን ችሎ የሚለማ ይዞታንና የህንፃ ግንባታዎች ከመንገድ ጠርዝ የሚኖራቸውን ርቀት የተመለከተ ማብራሪያ ተሰጠ

📜ማብራሪያዉን የአዲስ አበባ ከተማ አስተዳደር ፕላንና ልማት ቢሮ ለፕላን ተግባሪ ተቋማት፣ ለኢትዮጵያ አርክቴክቶች ማህበር፣ ለኢትዮጵያ ሲቪል ኢንጂነሪንግና አማካሪዎች ማህበር ሠጥቷል።

በቢሮዉ የመዋቅራዊ ፕላን ዝግጅትና ማሻሻል ባለሙያ አቶ እስክንድር ገድሉ በኮሪደር ልማት ላይ የታዩ ተሞክሮዎችን ከግምት ውስጥ በማስገባት በቀጣይ በከተማዋ ውስጥ የሚከናወኑ የህንፃ ግንባታዎች ደረጃቸውን የጠበቁ፣ በከተማዋ ፕላን ላይ የታቀደውን ጥግግት አስጠብቀው በመሰረተ - ልማት ማስፋፊያ እና ተያያዥ የህዝብ አገልግሎቶች ልማት ላይ ዘላቂ ውጤቶች በማስመዝገብ ለከተማዋ ገፅታ ግንባታ የራሳቸውን ሚና እንዲጫወቱ ያለመ መመሪያ መሆኑን ተናግረዋል፡፡

አቶ እስክንድር አያይዘውም የአካባቢ ልማት ፕላን (LDP) እና ዝርዝር ዲዛይን (Urban Design) ተዘጋጅቶ እስከሚተገበርበት ድረስ በኮሪደሮችና በተለያዩ የከተማዋ ክፍል ላይ የሚመጡ የልማት ጥያቄዎችን ለማስተናገድ ነባር ባለይዞታዎች በይዞታቸው ላይ ፕላኑ በሚፈቅደው መሰረት እንዲያለሙ ለማስቻል ብሎም በቀጣይ ለሚዘጋጁ ጥናቶች መነሻ ሃሳብ ለማስቀመጥ መመሪያው የተዘጋጀበት ዓላማ መሆኑን አክለዋል፡፡

የአዲስ አበባ ከተማ አስተደዳደር የግንባታ ፈቃድና ቁጥጥር ባለስልጣን ዋና ዳይሬክተር ወ/ሮ ህይወት ሳሙኤል እንደተናገሩት ከሲቪል መህንድሶች ማህበር፣ ከአርክቴክቶች ማህበር፣ ከአማካሪዎችና ባለሙያዎች ጋር በከተማው የሚገነቡ ግንባታዎች የፕላን ህግጋቶችን፣ መመሪያዎችንና ደንቦችን ጠብቀዉ እንዲገነቡ ለማድረግ መመካከር፣ መወያየትና የጋራ ግንዛቤ መያዝ አስፈላጊ መሆኑን ተናግረዋል፡፡

የአዲስ አበባ ከተማ አስተደዳደር የግንባታ ፈቃድና ቁጥጥር ባለስልጣን ምክትል ዋና ዳይሬክተር አቶ ቪክቶር በላቸው በበኩላቸው በከተማው እየተገነቡ ያሉ ግንባታዎች የከተማውን ስታንደርዶች፣ ህግጋቶችና መዋቅራዊ ፕላንን ጠብቆ እንዲገነቡ የሙያ ማህበራት፣ አማካሪዎችና ተቋራጮች ሙያዊ ግዴታቸውን መወጣት አለባቸው በማለት ገልፀዋል፡፡

የአዲስ አበባ ከተማ አስተዳደር ካቢኔ በ5ኛ ዓመት 1ኛ መደበኛ ስብሰባ ላይ የset back መመሪያ ማሻሻያ ላይ ተወያይቶ ውሳኔ ማሳለፉና ማፅደቁ ይታወሳል፡፡

Via የአዲስ አበባ ከተማ አስተዳደር ፕላንና ልማት ቢሮ

@etconp

👉የዓባይ ወንዝ ድልድዩች

ዓባይ(Abay) ማለት ታላቅ፤ ከወንዞች ሁሉ አብይ ማለት ነው ። ዓባይ የናይል ወንዝ ታላቁ ገባር ሲሆን መነሻውም ኢትዮጵያ ነው።


💫ታላቁ ወንዝ 70 በመቶ የሚሆነው የሀገሪቱን ወንዞች የውሃ መጠን ይይዛል፡፡ የዓባይ ወንዝ 1450 ኪሎ ሜትር አጠቃላይ ርዝመት አለው፡፡ ከዚህ አጠቃላይ ርዝመት ውስጥ 800 ኪ.ሜ ያህሉን በሀገር ውስጥ ይጓዛል፡፡

ከደቡባዊ የጣና ሀይቅ በመነሳት የሀገሪቱን ሰሜን ምዕራብ አቅጣጫ እየተጠማዘዘ ወደ ሱዳን የሚገባው ዓባይ 400 ኪ.ሜ ያህሉን በሸለቆ ውስጥ ስለሚያልፍ ወንዙን ለመሻገር እጅግ አስቸጋሪ በመሆኑ ከቀሪው ግማሽ የሀገሪቱ ክፍል ጋር ያለድልድይ መገናኘት አዳጋች ነው፡፡

⏺ምንም እንኳን ወደ ጣና ሀይቅ የሚገቡ ገባር ወንዞች ቢኖሩም ግሽ ዓባይ ተብላ የምትታወቅ አንዲት አነስተኛ ምንጭ የዓባይ መነሻ እንደሆነች ይታመናል፡፡ የዓባይ ወንዝ “ጥቁር ዓባይ” ወይም “ብሉ ናይል” እየተባለ ቆይቶ የኢትዮጲያን ግዛት ተሻግሮ ወደ ሱዳን በመግባት ካርቱም ከተማ ላይ ነጭ ዓባይ ከሚባለው አጋሩ ጋር እንደተቀላቀለ ናይል በሚል መጠሪያ ወደ ሜዲትራንያን ባህር ይገባል፡፡

በኢትዮጵያ የድልድይ ግንባታ አጀማመር መነሻን መለስ ብለን ስንቃኝ በ16ኛው መ.ክ.ዘ ከዓባይ ፏፏቴ አልፈን እንደተጓዝን በምናገኘው ጠባብ ገደል ላይ አባይ ወንዝን የሚያቋርጥ የመጀመሪያው የድንጋይ ድልድይ ተገነባ፡፡

⏺ይህ በ1612 ዓ.ም በአፄ ሱስንዮስ ዘመነ መንግሥት በዓባይ ወንዝ ላይ የተገነባው የመጀመርያው የእንቁላል ድልድይ ይባላል።

🚧ድልድዩ ልክ እንደዛሬው ቴክኖሎጂ በቅጡ ባልዳበረበት ዘመን በኢትዮጵያ የድልድይ ግንባታ ታሪክ ውስጥ ትልቅ ስፍራ ተሰጥቶት በታሪክ ድርሳናት ተመዝግቦ የምናገኘው እንቁላልን እንደ ሲሚንቶ ግብአትነት በመጠቀም የተሠራ አሁንም ድረስ የእንቁላል ድልድይ ተብሎ የሚጠራው ድልድይ ነው፡፡ የ400 ዓመት እድሜ ባለጸጋው የእንቁላል ድልድይ ባለ 8 አፍ ወይም በእንግሊዘኛው አጠራር arch bridge የሚባለው ነው፡፡ በኢትዮጵያ እስከ አሁን በሺዎች የሚቆጠሩ ወንዞችን የሚያሻግሩ ድልድዮች መገንባታቸው ይታወቃል፡፡

🏷ከነዚህም ውስጥ ታላቁን አባይ ወንዝ የሚሻገሩ ድልድዮች ተጠቃሾቹ ናቸው፡፡ እንግዲህ አባይ በትውልድ ሀገሩ በኢትዮጵያ 800 ኪ.ሜ ያህል ሲጓዝ ከ17ኛው ክፍለዘመን እስከ ቅርብ ድረስ አባይን ለመሻገር 10 ያህል ድልድዮች በተለያዩ ቦታዎች እንደተገነቡለት ታሪክ ይናገራል።

🚧የአባይ ሸለቆው፦ የዓባይ ወንዝ ድልድይ

⏺የዓባይ ድልድይ ያለበት እና ከጎሃ ጽዮን እስከ ደጀን ድረስ ያለውን 40 ኪሎ ሜትር ርቀት የአስፋልት ሥራ 320 ሚሊዮን ብር ፈጅቶ የተጠናቀቀ ሲሆን፣ የዓባይ ድልድዩ ግን ረቡዕ ጳጉሜን 5 ቀን 2000 ዓ.ም ነበር የተመረቀው።

⏺ጣሊያኖች የገነቡት የድሮውን ድልድይ የተካው ይህ የዓባይ ድልድይ ብቻውን 128 ሚሊዮን ብር (የጠቅላላ ፕሮጀክቱን 40 ከመቶ) የፈጀ ሲሆን፣ ሙሉ ወጪውን የሸፈነው የጃፓን መንግሥት መሆኑ ታውቋል።

⏺መሐንዲሶቹና ድልድዩን የሠራውም ጃፓናውያን እንደሆኑ ለማወቅ ተችሏል።

⏺ድልድዩ 300 ሜትር ርዝመት፣ ዘጠኝ ሜትር ስፋት ያለው ሲሆን፣ የመሸከም አቅሙ 300 ሜትሪክ ቶን እንደሆነ ታውቋል።

⏺የላይኛው የድልድዩ ክፍል በጠንካራ ኬብል ተወጥሮ የተሠራ ሲሆን፣ በየጊዜው ተገቢው ጥገና ከተደረገለት ለአንድ መቶ ዓመታት ያገለግላል ተብሎ ይገመታል። ይኸው አዲሱ ድልድይ ሁለት መኪኖችን ጎን ለጎን ያሳልፋል። አሮጌው የአባይ ድልድይ አንድ መኪና ብቻ የሚያሳልፍ መሆኑ ይታወቃል።

⏺ከዚህ ቀደም ከአዲስ አበባ ደጀን ድረስ በመኪና ለመጓዝ 10 ሰዓታት ይፈጅ የነበረ ሲሆን፣ የድልድዩና የመንገዱ ሥራው ሙሉ ለሙሉ ሲጠናቀቅ 4 ሰዓታትን ሊቀንሰው ችሏል።

⭐️(የድልድዮ የግንባታ ሂደት በፎቶ ይህንን ይመስላል)

@etconp

👉አልሚዎች ወደ ግንባታ ለመግባት በእያንዳንዱ የመንገድ አይነት ላይ ሊያሟሉ የሚገባቸው ጉዳዮች።

💫በከተማዋ ውስጥ ያሉ የመንገድ አይነቶች (Type/Hierarchy) ፣ ስፋት (Street Width) ፣ ግንባታ ከመንገድ የሚኖረው ርቀት (setback) እንዲሁም በተሻሻለው የመሬት አጠቃቀም ፕላን መሰረት በግል ይዞታቸው ላይ በራሳቸው የማልማት ፍላጎት ያላቸው ባለይዞታዎች ወደግንባታ ለመግባት በእያንዳንዱ የመንገድ አይነት ላይ ሊያሟሉ የሚገባቸውን ከሴትባክ በኋላ ቀሪ ዝቅተኛ የቦታ ስፋት(Plot Area) እና የፊት ገፅታ (Plot Frontage) በተመለከተ የሚከተለው ተወስኗል፤

Via ፕላንና ልማት ቢሮ፤ ህዳር 7 ቀን 2018 ዓ.ም

@etconp

👉አልሚዎች ወደግንባታ ለመግባት በእያንዳንዱ የመንገድ አይነት ላይ ሊያሟሉ የሚገባቸው ጉዳዮች እነሆ!

⭐️በከተማዋ ውስጥ ያሉ የመንገድ አይነቶች (Type/Hierarchy) ፣ ስፋት (Street Width) ፣ ግንባታ ከመንገድ የሚኖረው ርቀት (setback) እንዲሁም በተሻሻለው የመሬት አጠቃቀም ፕላን መሰረት በግል ይዞታቸው ላይ በራሳቸው የማልማት ፍላጎት ያላቸው ባለይዞታዎች ወደግንባታ ለመግባት በእያንዳንዱ የመንገድ አይነት ላይ ሊያሟሉ የሚገባቸውን ከሴትባክ በኃላ ቀሪ ዝቅተኛ የቦታ ስፋት(Plat Area) እና የፊት ገፅታ (Plot Frontage) በተመለከተ የሚከተለውን ተወስኗል፤

📜መልዕክቶች፡-  ለከተማችን ከፍታ የፕላን ህግን የተከተለ ህንፃ ግንባታ ወሳኝ ሚና አለው!

⏺ደረጃቸውን የጠበቁ ግንባታዎች ለውብ የከተማ ገፅታ!
⏺ህግ አክባሪነት የስልጡን ከተሜነት ምልክት ነው!
⏺የሴት ባክ ህግ ለዘላቂና የተረጋጋ የከተማ ዕድገት መሰረት ነው!

❇️ከተሻሻለው የአዲስ አበባ ከተማ አስተዳደር ግንባታዎች ከመንገድ የሚኖራቸውን ርቀት  እና ተያያዝ የግንባታ ፈቃድ መመሪያዎች ከተላላፈ ውሳኔ የተወሰደ

Via ፕላንና ልማት ቢሮ

@etconp

👉ከተሞች ምቹ እና ለኑሮ ተስማም እንዲሆኑ በመሠራቱ ከፍተኛ መነቃቃት ተፈጥሯል ፡ ክብርት ሚኒስትር ጫልቱ ሳኒ

💫ከተሞች ምቹ እና ለኑሮ ተስማሚ እንዲሆኑ በመሠራቱ  በከተሞች የልማት ስራ ከፍተኛ መነቃቃት መፈጠሩን   የከተማና መሠረተ ልማት ሚኒስትር ወ/ሮ ጫልቱ ሳኒ ገለፁ።

🚧ሚኒስትሯ ይህን የተናገሩት ‘የከተሞች ዕድገት ለኢትዮጵያ ልህቀት’ በሚል መሪ ሀሳብ በአፋር ክልል ሠመራ-ሎጊያ ከተማ እየተካሄደ ያለውን 10ኛው የኢትዮጵያ ከተሞች ፎረም ሁለተኛ ቀን ውሎ አስመልክቶ በሰጡት ጋዜጣዊ መግለጫ ነው።

⏺ክብርት ሚኒስትር እንዳሉት  ፎረሙ እንደሀገር  በከፍተኛ ማንሰራራት ዘመን  ላይ ባለንበት  ወቅት መከበሩ ለየት ያለ ትርጉም አለው።

⏺መንግሥት ከተሞችን አረንጓዴ እና ለኑሮ ምቹ ለማድረግ በልዩ ትኩረት እየሰራ መሆኑን ያነሱ ሲሆን፣ ይህ ጥረት በከተሞች ከፍተኛ መነቃቃትን ፈጥሮአል ብለዋል።

⏺የዘርፉን ተወዳዳሪነት የሚያጎለብቱ እና ተግዳሮቶችን የሚያቃልሉ ገንቢ የፓናል ውይይቶችም እየተካሄዱ መሆኑን ጠቁመዋል።

🏷ሚኒስትሯ በመግለጫቸው፣ ከዚህ ቀደም የድህነት ማሳያ የነበሩ ከተሞች በመንግሥት በተሰጠው ልዩ ትኩረት የብልጽግና ማሳያ እየሆኑ መምጣታቸውን ተናግረዋል።

⏺በተለይም በአዲስ አበባ በከፍተኛ ፍጥነት እና ጥራት የተከናወነው የኮሪደር ልማት ለዘርፉ በርካታ ትሩፋቶችን ማስገኘቱን ጠቁመዋል።

⏺የኮሪደር ልማት የኢንዱስትሪዎች መነቃቃትን፣ አዳዲስ የሥራ ዕድል መፍጠርን ማስቻሉን እንዲሁም የሥራ ባህልን በጉልህ የቀየረ መሆኑን ተናግረዋል።

⏺ይህ ልማት የከተሞችን እንቅስቃሴ እና ገቢ በማሳደግ የአገልግሎት አሰጣጥ እንዲዘምን ማድረጉንም አብራርተዋል።

@etconp