🌙الطریقه القادریه الطالبانیه 🌙
123 subscribers
438 photos
678 videos
42 files
24 links
🕌🕌
💫💫💫
الطريقةالعليةالقادريةالطالبانية_كركوك
کانال عرفانی طریقت قادری طالبانی

📚 کانال بزرگ عرفان وتصوف وطریقت
که با نام مبارک تکیه کرکوک مزّین شده
💚خالص از نور تجلای جمالش میسوخت
💚هو به هو میزندش این دل دیوانه ما

📞📘مدیریت @Sussanbano
Download Telegram
ئازیز!دیارەن ، وادەی لوامەن
ئەلوەدای ئاخر ئەوە نامامەن
دەوڵەتە کەی وەسڵ پانە زەواڵەن
جارێوتەر دیدەن باڵات مە حاڵەن
سا دڵم وەش کەر وە ئیلتیفاتێ
بدیە وە لاوە ، بوینووت ساتێ
بابەیۆ شنۆی شیرین رازەکەت
گۆش دەرۆ لادێ مەینەت گازە کەت
ئاخر سەفەرەن ، را خەیلێ دوورەن
مەنزڵ بێ پایان تۆشە زەروورەن
دینت تۆشەی چەم ، مەیلت تۆشە دڵ
رازت تۆشەی گۆش ، مه نزڵ وە مەنزڵ
کێ زانۆ چۆن بۆ ئەی دنیای بادی
با ببۆنە بەین گەردەن ئازادی
من شەوێ ناڵەم جۆش ئاوەردە بۆ
سەگی ئاسانەت بێدار کەردەۆ،
یا ناستەبۆ سەیل دیدەم ، نەفەسێ
نەسیم گەرد پات بەرۆ پەی کەسێ
جەمینە زە حمەت نیگام کێشابۆ
کەف پات وە خار موژەم ئێشابۆ
یا کەردەبۆ دڵ دێوانەی دڵ تەنگ
وەخت نیشانەی دڵان پەی خەدەنگ
پەلە پەل پەی زەوق زامێ وە تیرت
ئازار دابۆ تای زوڵف زنجیرت
یاخۆ تۆ دابۆت وە دڵ مەزەی مەرگ
تیر خەدەنگت دابۆ نە تۆی جەرگ
یا مەڕدە بۆت دڵ دێوانەی دڵگیر
جە تیرئەندازی کەردە بۆت تەقسیر
یا نەدا بۆت تۆز گەرد باڵاکەت
پەرێ سورمەی چەم سفتەی باڵاکەت
تۆ بویەر جە من ، من زوو ویەردم
هیممەت بۆ ، هاژار مەحروومیت وەردم
چەپگەرد پەی دووریت شانا مۆرەی نەرد
وە زاهیر(بانە)ش وە بەهانە کەرد
تا فەڵەک پەیمان نە بەهانە بۆ
ئەر سەد بانە بۆ ، باز شوکرانە بۆ
ئەر فرسەتش دا پەی دڵ خەمینت ،
عومرێ دوبارەن جارێوتەر دینت
وەر ناستش ، ئازیز !تۆ بای سڵامەت
دیدەن دیدار کەوت ئەو قیامەت!

#حەزرەتوو_مەولەوی

@ghadeeri
─═ঊঈ 💜 ঊঈ ═─
https://t.me/ghadeeri/3084