ОЛИЙ ТАЪЛИМ РАҚАМЛАРДА

Вазирликнинг телеграм канали:
👉https://t.me/joinchat/AAAAAEX5-AsADEDumdCB6g

2021 йил учун таянч докторантлар ўртасидаги Президент стипендияси ғолиблари аниқланди

Ҳукуматнинг 2008 йил 13 октябрдаги 226-сон қарори ҳамда вазирлик Ҳайъатининг қарорига мувофиқ, 2021 йил учун таянч докторантлар ўртасида ўтказилган Ўзбекистон Республикаси Президентининг Давлат стипендиялари соҳиблари аниқланди.

✅ Таянч докторантлар ўртасида 4 та йўналишда ғолиблар номи маълум бўлди:

👉 Фарангиз Зайнобиддинова, Жаҳон иқтисодиёти ва дипломатия университети – Ижтимоий-гуманитар фанлар, иқтисодиёт ва ҳуқуқ йўналиши;

👉 Илҳом Абдураҳмонов, Тошкент ирригация ва қишлоқ хўжалигини механизациялаш муҳандислари институти – Қишлоқ ва сув хўжалиги йўналиши;

👉 Ирода Шерматова, Тошкент фармацевтика институти – соғлиқни сақлаш, спорт ва экология йўналиши;

👉 Алишер Бердиев, Тошкент ахборот технологиялари университети – Табиий фанлар, ахборот технологиялари ва бошқарув йўналиши.

Шунингдек, айни кунларда бакалавр ва магистрлар ўртасида ҳам Президент давлат стипендиясига талабгорлар ўртасида танлов ўтказилмоқда.

@eduuz

⚡️ Шавкат Мирзиёев Фармон имзолади

Батафсил: http://sxabar.uz/9dlp

Расмий саҳифаларимиз:👇👇
Telegram | Instagram | Facebook | YouTube

5та фандан тест синовларига оид ҳозиргача маълум бўлган барча маълумотлар

👉 2021 йилда 5та фандан тест бўлади. Аслида бу тартиб 2020 йил бўлиши керак эди, аммо пандемия сабаб ортга сурилди. Агар Худо кўрсатмасин, келаси йил ҳам ўта катта форс-мажор ҳолат бўлмаса, унда 99,9% эҳтимол билан келгуси йил 5та фандан тест бўлади. Бу ҳақдаги қоида анча олдин Президент қарорида белгиланган;

👉 Ҳозирча бизга маълум бўлган қоидалар қуйидагилар:

Mажбурий фанлар блоки (барча учун тушади):

Она тили (ўзбек, рус ёки қорақалпоқ тили) - 15 та савол, ҳар бири учун 2.1 баллдан;
Mатематика - 15 та савол, ҳар бири учун 2.1 баллдан;
Ўзбекистон тарихи - 15 та савол, ҳар бири учун 2.1 баллдан.

Жами тўплаш мумкин бўлган балл – 94.5 балл.

Она тили ва Ўзбекистон тарихи фанидан 1 дақиқагача, математикадан - 1,5 дақиқагача вақт ажратилади.

👉 Tаълим йўналишига мос мутахассислик блокидаги фанлар (йўналишига қараб ўзгаради):

1-фан - 30 та савол, ҳар бири учун 3.1 баллдан;
2-фан - 30 та савол, ҳар бири учун 3.1 баллдан.

Жами тўплаш мумкин бўлган балл – 186 балл.

Асосий блокдаги 2 та фан учун жами 2 соат вақт берилади.

👉 балларни ҳисоблаш тизимида ўзгариш бўлмайди, аввал қандай бўлса, шундайлигича қолади. Яъни ҳар бир блокдан тўпланган баллар қўшилиб, умумий баллни ташкил этади ва абитуриентлар мана шу 5 та блокдан тўплаган бали бўйича ўзаро курашади (жорий йил 2та блокнинг умумий бали олинди). Энг максимал балл 280,5 балл бўлади;

👉 айрим йўналишларда мажбурий блокдаги фан билан махсус блокдаги фан бир хил бўлиб қолиши мумкин. Масалан, математика йўналишига ҳужжат топширган абитуриент мажбурий блокда ҳам, мутахассислик блокида ҳам математика фанидан тест ишлайди. Бу иккаласининг асосий фарқи —мажбурий блокдаги саволларнинг барчаси соддалаштирилган, энг осон даражада бўлади, мутахассислик блокидаги саволлар эса турли мураккабликда (осон, ўртача, қийин) бўлади;

👉 5та фандан тест бўлишга оид тартиб, фақат давлат ОТМларига тааллуқли. Шу пайтгача бўлгани каби, бу янги тартиб ҳарбий, диний, хусусий, нодавлат ва хорижий ОТМларга алоқадор эмас;

👉 3та мажбурий фан магистратура учун тааллуқли эмас;

👉 3+2 кўринишдаги ушбу тартиб бакалавриатнинг барча таълим шакллари (кундузги, сиртқи, кечки) учун бирдек қўлланади;

👉 мажбурий блокда она тили (ўзбек, рус ёки қорақалпоқ тили) фанидан тушадиган 15та савол ичида Адабиёт фанидан тест саволлари бўлмайди;

👉 мажбурий блокда Ўзбекистон тарихи фанидан тушадиган 15та савол ичида Жаҳон тарихидан тест саволлари бўлмайди;

👉 мажбурий блокда Математика фанидан тушадиган 15та савол ичида Геометриянинг фақат 5-6-синф дастурларида бор мавзуларидан саволлар бўлади, 7-11-синфлар дарслигидан савол бўлмайди. Батафсил.

👉 Мутахассислик блокида эса Математикадан тушадиган 30 та савол ичида Геометриянинг барча синфлар учун мўлжалланган мавзуларидан саволлар бўлади;

👉 мажбурий блокда ҳам, мутахассислик блокида ҳам Математика фанидан тушадиган саволлар ичида информатикадан тест саволлари бўлмайди;

👉 мутахассислик блокдаги 2та фан учун жорий йилги тест синовларида қўлланган фанлар мажмуаси олиниши кутилмоқда. Масалан, тиббиёт йўналишлари учун биология ва кимё. Молия-иқтисод йўналишлари учун математика ва чет тили. Ва ҳ.к;

❌ келгуси йилда қайси йўналишда қайси фанлардан тест саволлари бўлиши ҳозирча расман тасдиқланмади;

✅ тест саволлари тушадиган дарсликлар рўйхати мана бу ерда эълон қилинди.


👉 @xushnudbek 👈

⚡️ГУЛИСТОНДА ТУРК ТИББИЁТ ОЛИЙГОҲИ ФИЛИАЛИ ОЧИЛАДИ

🏢Ўзбекистон Республикаси Вазирлар Маҳкамасининг "Сирдарё вилоятида "Гулистон тиббиёт кластери" ҳамда хорижий тиббиёт олий таълим муассасасининг филиалини ташкил этиш чора-тадбирлари тўғрисида" ги қарорига кўра, Гулистонда тиббиёт коллежи негизида тиббиёт олийгоҳи ташкил этилиши, унда Туркиянинг Соғлиқ билимлари университети филиалини очиш бўйича музокаралар олиб борилаётгани ҳақида хабар бергандик. Мазкур филиал таълим фаолиятини 2021/2022 ўқув йилидан бошлаб амалга оширади.

🔰Қайд этилишича, филиалда бакалавриат таълим йўналишида ўқитиш жараёни 3+3 (3 йил Ўзбекистонда, 3 йил Туркияда) ташкил этилади, бунда 30 фоиз талабалар университет маблағлари ҳисобидан ажратиладиган грантлар асосида ўқитилади.

📘Нодавлат олий таълим ташкилоти ҳисобланадиган ушбу филиалда ўқитиш кундузги таълим шаклида, давлат ва инглиз тилларида амалга оширилади.

📲 sirdaryo.uz расмий саҳифаларига аъзо бўлинг:

Telegram | Facebook | Instagram | Youtube

Олий таълим муассасалари янгиликлари

🔹Андижон давлат университетида «Digital science» инкубация ва акселерация маркази иш бошлади. Марказ энг сўнгги русумдаги 15 та компьютер жамланмаси ва дастурий таъминот воситалари, мультимедиа жиҳозлари билан таъминланган. Марказда IT соҳасига қизиқувчи талабалар учун бепул машғулотлар, мусобақа ва семинарлар ўтказилади, талабаларнинг стартаплари ва илмий ишланмаларини амалиётга жорий этишга кўмаклашади.

🔹 Корея Республикаси Аджу университетининг хориждаги биринчи филиали – Тошкент шаҳридаги Аджу университети янги биносида ўқувлар бошланди. Президентнинг 2018 йил 30 ноябрдаги ПҚ-4041-сон қарори билан ташкил этилган университетда қурилиш, архитектура, электротехника, иқтисодиёт соҳаларида кадрлар тайёрланади. Жорий ўқув йилида 420 нафар талаба қабул қилиниб, улар Корея университети ўқув режалари ва дастурлари асосида инглиз тилида таҳсил олишади.

🔹 2021 йил 3 февраль куни Италиянинг Ўзбекистондаги фавқулотда ва мухтор элчиси Aгостина Пинна жаноблари Ўзбекистон давлат жаҳон тиллари университетига ташриф буюрди. Жаноб Aгостина Пинна ва ЎзДЖТУ ректори Улуғбек Aзизов университетда италян тилини ва маданияти марказини ташкил қилиш, Италия университетлари билан қўшма таълим дастурларини йўлга қўйиш бўйича музокаралар ўтказилди.

Вазирликнинг телеграм канали:
👉https://t.me/joinchat/AAAAAEX5-AsADEDumdCB6g

​​Ўзбекистон Республикаси Президентининг фармони билан 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид давлат дастури тасдиқланди.

Дастурга кўра, ёшларни қўллаб-қувватлаш, ижтимоий муҳофазага муҳтож талабаларни ҳимоя қилиш тизимини такомиллаштириш, ижтимоий адолат тамойилини таъминлаш мақсадида 2021/2022 ўқув йилидан бошлаб:

- олий таълим муассасаларига кириш имтиҳонларида энг юқори балл тўплаган 200 нафар ёшлар учун Ўзбекистон Республикаси Президенти гранти жорий этилади;

- олий таълим муассасасида икки ва ундан ортиқ фарзанди шартнома асосида ўқиётган оилаларга таълим кредити бериш ва талаба томонидан ушбу кредитни ўқиш даври тугагандан сўнг қайтариш амалиёти йўлга қўйилади;

- олий таълимга ажратиладиган давлат грантлари сони 25 фоизга ҳамда эҳтиёжманд оилалар фарзанди бўлган хотин-қизлар учун давлат грантлари сони 2 бараварга оширилади;

- хусусий олий таълим муассасаларида мутахассисларни тайёрлашга давлат гранти бериш тизими жорий этилади;

- академик таътил олишни истаган талабалар ўз ихтиёрига кўра академик таътил муддатига таълимнинг сиртқи ва масофавий шаклига ўтказилиб (агар олий таълим муассасасида бундай таълимнинг шакллари мавжуд бўлса), уларга узлуксиз мустақил таълим олиш имконияти яратилади;

- илмий унвон ва илмий даражаларни бериш ваколати 2021 йил 1 сентябрдан бошлаб республиканинг нуфузли олий таълим муассасаларининг илмий кенгашларига босқичма-босқич ўтказилади.

Вазирликнинг телеграм канали:
👉https://t.me/joinchat/AAAAAEX5-AsADEDumdCB6g

⚡️ “Ўзбекистон учун 100 та ғояʼʼ ёшлар инновацион лойиҳаси — айнан сиз учун!