GulDU.uz | Rasmiy kanal
7.54K subscribers
41.5K photos
3.57K videos
469 files
7.41K links
Guliston davlat universiteti rasmiy kanali

Manzil: Guliston şahri, 4-mavze
Jamoat transporti: 2-4-mavze yönalişdagi avtobus, universitet bekati
Web-site: www.guldu.uz
Email: glsu_info@edu.uz
Telefon: +998672254042
Faks: +998672254275
Download Telegram
Yangi o’zbekiston, yangi saylovlar
http://guldu.uz/index.php?lan=uz&do=news&news_id=17909
Hurmatli talaba-yoshlar!

Respublika oliy ta’lim muassasalari talabalari o‘rtasida yoshlarda korrupsiya va boshqa huquqbuzarliklarga murosasizlik tuyg‘usini shakllantirish maqsadida “Yoshlar Vatan xizmatida rostgo‘yligi va qonunlarni hurmat qilish tarafdori” mavzusida “Eng yaxshi plakat” va “Eng yaxshi surat” nominatsiyalari bo‘yicha tanlovlar o‘tkaziladi.

Tanlovning Respublika g‘oliblariga quyidagi sovg‘alar topshiriladi:

3-o‘rin – Samsung Galaxy A7 smartfoni (har bir yo‘nalish bo‘yicha bittadan, jami 6ta).

2-o‘rin – planshet (har bir yo‘nalish bo‘yicha bittadan, jami 6ta).

1-o‘rin – noutbut (har bir yo‘nalish bo‘yicha bittadan, jami 6ta).

Tanlovga taqdim etiladigan plakatlar hajmi A2 o‘lcham (formatda)dan kichik bo‘lmasligi (60x90 dan 80x100sm.gacha hajmda) hamda qo‘lda chizilgan ko‘rinishda qabul qilinadi.

Tanlov bo‘yicha plakatlar va fotosuratlar 2019 yilning 23 noyabr kunidan 3 dekabr kuniga qadar qabul qilinadi.

Batafsil ma’lumotni Yoshlar bilan ishlash, ma’naviyat va ma’rifat bo‘limidan olishingiz mumkin.
Xalq deputatlari Sirdaryo viloyat Kengashi deputatligiga Tadbirkorlar va ishbilarmonlar harakati-O’zbekiston Liberal-demokratik partiyasidan nomzod Xodjiev Muksin Tadjievich saylovchilar bilan uchrashdi
Forwarded from Edu.uz
​​#Соҳа_ислоҳотлари

Олий таълим муассасаларининг ўзини ўзи молиялаштиришга ўтиши таълим бозорида соғлом рақобатни юзага келтиради

Ўзбекистон Республикаси Вазирлар Маҳкамасининг 2019 йил 3 декабрдаги 967-сонли Қарорига мувофиқ, 2020 йил 1 январдан юртимиздаги 10 та олий таълим муассасаси: Тошкент давлат иқтисодиёт, Тошкент давлат юридик, Урганч давлат ва Ўзбекистон давлат жаҳон тиллари университетлари, Самарқанд давлат чет тиллар, Самарқанд иқтисодиёт ва сервис, Тошкент молия, Тошкент давлат шарқшунослик, Тошкент фармацевтика ва Тошкент темир йўл муҳандислари институтлари тажриба-синов тариқасида ўзини ўзи молиялаштириш тизимига ўтади.

Мустақил молиялаштириш тизимига ўтадиган олий таълим муассасаларида давлат гранти ва табақалаштирилган тўлов-контракт асосида кадрлар тайёрлаш давом этади. Бу эса қабул квоталарини нафақат сақлаб қолиш, балки уларни ошириш имконини беради.

Ўзини-ўзи молиялаштириш олий таълим муассасаларининг тўлиғича хусусий секторга ўтиб кетишини англатмайди, балки уларга мустақил ривожланиш, таълим сифатини ошириш учун мавжуд ресурслардан фойдаланишда эркинлик берилади.

Янги тизимга ўтаётган олий таълим муассасаларида тўлов-контракт нархларининг кескин ошиб кетиши, қўшимча маблағ топиш мақсадида мавжуд имкониятларга зид равишда ортиқча қабулнинг амалга оширилиши, энг муҳими соҳада коррупцияга йўл қўймаслик учун мазкур 10 та олий таълим муассасасидаги ўқув жараёнлари Олий ва ўрта махсус таълим вазирлиги томонидан тегишли ташкилотлар билан ҳамкорликда қатъий назорат қилиб борилади.

Батафсил: http://edu.uz/uz/news/view/1847

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
Ҳукуматга талабаларга стипендия тайинлаш ва тўлаш тартиби тўғрисидаги қарор лойиҳаси киритилган

Ўзбекистон Республикаси Президентининг “2019/2020 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида” 2019 йил 17 июндаги ПҚ-4359-сон қарорининг 10-банди ҳамда Вазирлар Маҳкамасининг 2019 йил 5 сентябрдаги 14/1-2100-сон топшириғи ижросини таъминлаш мақсадида Олий ва ўрта махсус таълим вазирлиги томонидан "Олий таълим муассасалари талабаларига тўланадиган стипендиялар миқдорини белгилаш ҳамда стипендиялар тайинлаш ва тўлаш тартибини такомиллаштириш тўғрисида”ги Ҳукумат қарори лойиҳаси белгиланган муддатда ишлаб чиқилди.

Ҳужжат лойиҳаси Ўзбекистон Республикаси норматив-ҳуқуқий ҳужжатлар лойиҳалари муҳокамасига (project.gov.uz ID-8247) қўйилган, барча манфаатдор вазирлик ва идоралар билан келишилиб, билдирилган таклиф ва мулоҳазалар асосида таҳрир қилинган ҳамда жорий йилнинг 4 ноябрь куни “Олий таълим муассасалари талабаларига тўланадиган стипендиялар миқдорини белгилаш ҳамда стипендиялар тайинлаш ва тўлаш тартибини такомиллаштириш тўғрисида”ги Ҳукумат қарори лойиҳаси Регламент талабларига асосан Ўзбекистон Республикаси Вазирлар Маҳкамасига киритилди.

ОЎМТВ Ахборот хизмати

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AudocFp7PIMcQ
Forwarded from Edu.uz
Олий ва ўрта махсус таълим вазирлиги расмий телеграм каналининг 2019 йилдаги статистикаси.

Унга кўра, Ўзбекистонда таълим йўналишида фаолият юритадиган расмий каналлар орасида Edu.uz 1-рақамли канал сифатида эътироф этилди.