Baliqning boshi hech qanday shirin emas ekan. Bolaligimda dadam aldabdi meni…

@hazratikursdosh

Davlat ishida "tanka"siz ishlamoqchi ekansan, ikkisidan birini ichishing kerak.

1. Moviy rangdagisi. Yillar davomida o'qiysan, ishga kirasan. Chumolidek ishlaysan, lekin arzimagan xatong uchun fildek gap eshitasan;
2. Qizilida ham xuddi shu shart, faqat qulupnayli.

@hazratikursdosh

Silargayam har zamonda telegramdan chet ellik chiroyli qizlari yozib qoladimi oʻzbekcha salomlashib? Prosta, xotinga tushuntirolmayapman. 🤦‍♂️

@hazratikursdosh

Qiz bolaning makri chaqaloqligidan, uning yoqimli kulgisi bilan boshlanar ekan. Shunday qarab jilmayadiki, butun dunyoni buzib yuborging keladi. Uyalib, tortinib yerga qarashlarigachi, voy bu qiliqlari bilan lyuboy dadani bittada qoʻlga oladi-ku! Qiz bola – jannat. Umrlari uzoq boʻlgurlar.

@hazratikursdosh

Yaxshi oʻyin, yaxshi natija, qiyin gʻalaba. Xudo bolani omadini beraversin. Oʻzbek oʻgʻlonlari zafar quchaversin. 🇺🇿

@hazratikursdosh

Muhim ishlarim bilan band boʻlib, bosh qotirib turganimda, bolalar tinmay xarxasha qilaverdi. Nima deyayotganini umuman tushunganim yoʻq. Bor xayolim ishga qaratilgandi. Oxiri asab tamom boʻlib, “Nima xohlaysilar meni tinch hayotimdan?” deb baqirib berdim. Hammasi bir ovozdan “Chocotella!” desa boʻladimi. Keyin bilsam shu qurgʻurni muzlatkichdan olib bering, deyayotgan ekan. Bolalar hech nimani tushungani yoʻq, er-xotin buyoqda dumalab qoldik. 😂🤦‍♂️

@hazratikursdosh

Katta oʻgʻlim oʻtalar qitmir, oʻziga kelganda pishiq va nafkor. Birmuncha nayrangboz ham. Koʻz tegmasin, ogʻzini ochib oʻtirgandan koʻra shunisi durust. Bu hayot kurashlarida ancha foyda keltiradi. Lekin bir kun ichimni oʻtkazib yubordi. Shoʻxlik qilgani uchun tayoq bilan urmoqchi boʻlib, vajohatda unga tomon burilganimni bilaman, bechora “Bolangizman-ku, dada…” deb moʻltirabgina turibdi-da. Oʻzimni bir hafta kechirolmay yurdim. Keyin bilsam, bu uning navbatdagi hiylasi ekan.🤦‍♂️

@hazratikursdosh

Bolalar kech uxlagani sabab, ertalabgacha uxlamay ishxonadan berilgan vazifani bajarib, nihoyat tugatdim. Kunduzgi ish samaradorligi shu yerda oʻz nihoyasiga yetdi. Ikkita joyda ishlashning xuni shunday boʻlur.

Biz, erkaklarga borgan sari oila tebratish qiyin boʻlib ketyaptimi? Yoki faqat men haligacha oʻz ishimni topolmayapmanmi? Xurrr-pishshsh…

@hazratikursdosh

Qanchalik intizomli haydovchi boʻlmay, viloyatga kelgunimcha 2 ta radarga tushibman. Shuncha radardan tushmaslikni ham iloji yoʻq-da. Uyat boʻlardi. 1 ball esa Mustaqilligimizning 35 yilligiga munosib tuhfa boʻldi.

#tezyurmang

@hazratikursdosh

Bu videoni koʻrgandirsiz. Yigit degani shunchalik ham hamiyatsiz va orsiz, berashk boʻladimi. Oʻzingni oʻldirib yubor bu kuningdan, deysan faqat.

Toʻylarimizda endi bir shu yetishmay turgandi. Madaniyat vazirini qoʻshigʻi urfga kirib, shunaqa achinarli davralar kuzatilib qoldi oxirgi payt. 10-15 chogʻli yigitlar qurshovida qolib ketayotgan qizlarimizga achindim. Axir buni qanday qabul qilish mumkin…

Bu masala bitta-ikkita sutak kuyov bilan emas, butun boshli jamiyat bilan bogʻliq. Birgina misol, mana shu toʻyda “hey” deydigan birov topilmagan. Esiz, esiz, ming marta esiz.

@hazratikursdosh

“Mushtum” boplabdi.

@hazratikursdosh

Mana, Xudo xohlasa 5K boʻlay deb qolibmiz. Qancha suvlar oqib, qancha yaxshi-yomon kunlar boʻldi. Hayot oʻzi shunday – birda past, birda baland. Kimda oʻxshagan, kimda oʻxshamagan. Bir kun unda bor, bir kun bunda yoʻq. Bariga shukr.

Ammo shunchasi yetmagandek, oxirgi haftalarda menga MIBdan qarzdorliklar kela boshladi. Qarzdorlikki, uch-toʻrt soʻm emas, naq 4-5 millionlab. Gunohim nedur, deb ijro ishi boʻyicha qoldirilgan nomerlarga telefon qilsam, javob bermaydi. Asosiy markazga telefon qilsam, 130 nechinchidir navbatda turibman.

Yoʻq. Nolimoqchi boʻlib, kimningdir yo qaysidir tizimni ayblamoqchi emasman. Bizda hamma joy gulzor boʻlsa… Shunchaki, qarz yozishdan oldin ogohlantirish yoki undan keyin soʻrovlarga javob berishga qodir tizim yaratish kerak emasmi? Axir men pulni koʻchada supurib yoki oʻgʻirlab olayotganim yoʻq. Yoki kechasi kimdir kelib, yostigʻim tagiga tashlab ketayotgani yoʻq. Peshona terim, halol mehnat bilan topyapman ularni.

Ular esa oilam, xotinim, bolalarimning rizqi. Osongina xayolingga kelgan summani yozib, xabarnoma qilib joʻnatib yuborasan. Yana millionlab a? Vaqtida toʻlov boʻlmasa, yana birnimalar emish. Nima men senga aliment toʻlamay qochib yurgan erkakmanmi. Qani olib koʻrchi. Oxirigacha boraman. Hammasini shu yerga oqizmay-tomizmay, muhimi oʻzgartirmay yozib boraman. Vaqtim boʻlishi, ishdan ortishim bilan shugʻullanaman. Ungacha yana 3-4 millionga koʻpayib qolmasa…

@hazratikursdosh

Aytganday, bittasi bilan amallab bogʻlandim. Qaysidir bank krediti muddati oʻtgani uchun sudga oshirilgan ekan. Oʻtgan boʻlsa, besh-olti kun oʻtgandir. Boring ana oydan-oyga qolgandir. Endi har ne boʻlishi mumkin. Ammo bari toʻlangan.

Banklar ham juda bir xaromilik qilyapti-da oxirgi payt. Muomalasini rasvoligini aytmaysizmi. Muttahamga chiqarib qoʻyadi-ya odamni. Oʻzi bizga xizmat koʻrsatgani bilan “tirik” boʻlsa, qayringga katta ketasan degim keladi.

MIBdan kelgan xabardagi summa davlat boji emish. Qanaqa sud, qanaqa xarajat. Shunaqa katta boj ham boʻlishi mumkinmi. Kreditim oylik toʻlovi uncha emas-ku. Keyin sudga oshirilganini men nega MIBdan bilyapman? Xullas savollar koʻp. Birma-bir javob topamiz endi.

Lekin bir soʻm ham adolatsiz toʻlashga majbur boʻlsam, chin koʻngildan, ich-ichimdan qargʻayman. Chunki bu pullar qanday topilayotgani va ular kimga tegishli ekanini avvalgi postda aytdim.

@hazratikursdosh

Bular odamni axmoq qilyaptimi? Yana 400 mingdan ortiq qarzdorlik boʻyicha SMS keldi. Umuman olganda har kuni bitta kelyapti. Oʻrganib qoldim. Qandi oxiri nima boʻlarkan, kuzatamiz.

@hazratikursdosh

Eh… kreditlarim ham bir kun kelib tugar, qarzlarim ham bitar. Muammolar birma-bir oxiriga yetar. Hammasi asta-sekin oʻz iziga tushib ham ketar. Lekin sen oʻzgarma, onasi. Senga bularning ogʻirligi tushmasin zinhor. Zero bundan qilman oʻzim ham or. Shunchaki yonimda jim tursang bas. Qolganiga bir oʻzim, bir Xudo ham bor…

@hazratikursdosh

Yaxshimi-yomonmi, har qanday doʻst ham sening ahvolingga qarab oʻzgaradi. Lekin xotining xotinligicha qoladi. Eng yaxshi doʻst – xotin. Doʻstim, havolanib ketma oʻzingdan)

@hazratikursdosh

Hazilkash yangalar haqida

Men sizga aytsam, qishlog‘imiz kelinlari, aniqrog‘i yangalar bilan hazillashib bo‘lmaydi. Shunaqangi uyaltiradiki, xijolat bo‘lganingdan qochib qutilasan.

“Oho, palonchi yigit, qalay endi hayot? Bo‘lmaganda bir, bo‘lgandi ikki-a? Kelinjonni uxlatmayapsiz shekilli, uyqusirab yurgandir? Ha, endi bu bilakdagi tomirlarga qaraganda, bir “ha” deganda jonini sug‘urib oladiganga o‘xshaysiz-ku, aylanay. Ha, o‘lmang, bo‘risiz yigit, bo‘risiz! Vajohatingizdan ko‘rganingizni bo‘g‘izlamasdan qo‘ymaysiz-a! Voy, er bo‘lsa shunday bo‘lsa-da, bo‘ri bo‘lsa shunday yesa-da!”

Ana shunaqa gaplarni eshitib, beting chidamay to‘g‘ri kelgan tomonga qochib qolmasang, biqiningga barmoqlarini niqtab qoladi. Shunda seskanib, sakrab tushsang bormi, urdi Xudo. “Eya, buni hali qitig‘iyam o‘lmagan-ku! Kelin ja uyatchan chiqdi-mi, deyman-da. Keling, o‘zimiz o‘ldirib qo‘ya qolaylik!” deb barmoqlarini o‘ynatib, qoshlarini qoqa boshlaydi. Qochib qol, xushing borida!

@jonikuyar

O‘zbekistondagi hech bir gazet yoki jurnal bosib chiqarishni xohlamagan yozg‘irimni nihoyat telegramdagi kichikkina kanalimizga joylashga majbur bo‘ldim. Albatta, sabringiz yetsa o‘qib chiqarsiz degan umiddaman.

📰 O‘qish uchun bosing.

@jonikuyar