Шавкат Мирзиёев бугун Қашқадарёга ташриф буюради

Президент Шавкат Мирзиёев бугун, 21 октябрь куни Қашқадарё вилоятига ташриф буюради. Давлат раҳбари саноат, қишлоқ хўжалиги, таълим соҳалари ҳамда маҳаллаларда амалга оширилаётган ишлар билан танишади.

Ташриф давомида лойиҳаларни ишга тушириш ва янги лойиҳалар қурилишини бошлаш тадбирида иштирок этиши режалаштирилган. Шунингдек, вилоятни комплекс ривожлантириш масалаларига бағишланган йиғилиш ўтказилади.

✈️ Каналга уланиш: 👇
@hudud_inform | Instagrаm | Facebook

Нуротада ҳайдовчилик гувоҳномасисиз мактаб ўқувчиларини автобусда ташиган шахс аниқланди

Нурота туманида ҳайдовчилик гувоҳномаси бўлмаган фуқаро мактаб ўқувчиларини автобусда ташиётгани аниқланган.

Фуқарога нисбатан Маъмурий жавобгарлик тўғрисидаги кодекснинг 135-моддаси асосида маъмурий баённома расмийлаштирилган. Автобус жарима майдонига жойлаштирилган.

✈️ Каналга уланиш: 👇
@hudud_inform | Instagrаm | Facebook

❗️Ўзбек-лотин алифбосини такомиллаштиришга доир қонун президент томонидан имзоланди

Ўзгаришлар қуйидагича:

O‘ o‘ → Ö ö
G‘ g‘ → Ğ ğ
Sh sh → Ş ş
Ch ch → Ç ç

“Ушбу қонуннинг 21 октябр куни қабул қилинишида чуқур рамзий маъно бор. Тузатилган алифбомиз маърифатпарвар аждодларимиз орзуси, ёшларимиз саводхонлиги ва тилимиз мавқеини юксалтиришга хизмат қилишига ишонаман”, – деди Саида Мирзиёева.

Қонун расман эълон қилинганидан кейин 6 ой ўтиб кучга киради.

✈️ Каналга уланиш: 👇
@hudud_inform | Instagrаm | Facebook

Кун видеоси

Президент Шавкат Мирзиёев Қашқадарёдаги 54 миллион долларлик «Sulton Tex Group» фабрикаси билан танишди. Маҳсулотлар кўргазмасида тадбиркор давлатимиз раҳбарига корхонада ишлаб чиқарилган кийимни совға қилди.

✈️ Каналга уланиш: 👇
@hudud_inform | Instagrаm | Facebook

❗️Педагог ва ўқувчилар ҳар ўқув йилида психологик диагностикадан ўтказилади

Эндиликда педагоглар, тарбиячилар, ўқувчилар, тарбияланувчилар ва талабалар ҳар ўқув йилида камида бир марта мақсадли психологик диагностикадан ўтказилади. Бу Президентнинг 19 октябрдаги ПҚ–379-сон қарорида назарда тутилган.

Тизим 2026/2027 ўқув йилидан боғча ва мактабларда, 2027/2028 ўқув йилидан ўрта махсус, касбий ва олий таълим ташкилотларида жорий этилади.

Диагностика электрон платформада ўтказилиб, маълумотлар махфийлиги таъминланади. Натижалар сунъий интеллект ёрдамида таҳлил қилиниб, иштирокчилар психологик барқарорлик ва ёрдамга эҳтиёжига кўра уч гуруҳга ажратилади. Зарур ҳолларда таълим ташкилоти психологи ёки ментор психолог бириктирилади.

Малака ошириш курсларига ўқитувчи сифатида жалб этилган психологларга шу давр учун лавозим маошининг 20 фоизи миқдорида устама тўланади. Юқори натижа кўрсатган 150 нафар ментор психолог энг кам иш ҳақининг 20 баробари миқдорида бир марталик рағбатлантирилади. Психологик хизмат ходимлари камида ҳар беш йилда малакасини оширади.

Шунингдек, Психология илмий-тадқиқот институти ташкил этилиб, 2027 йил 1 январдан унинг учта ихтисослашган лабораторияси фаолияти йўлга қўйилади.

✈️ Каналга уланиш: 👇
@hudud_inform | Instagrаm | Facebook

Эндиликда Тошкент–Андижон йўналишида замонавий CRRC-Daliyan электропоезди қатнайди

732/731-сонли Тошкент–Андижон–Тошкент йўловчи поезди таркиби алмаштирилади. Янги электропоезд бешта эконом тоифадаги вагондан иборат бўлиб, 415 нафар йўловчига мўлжалланган.

21 октябрдан Тошкент–Йўловчи вокзалидан соат 18:40 да жўнаб, Андижон-1 вокзалига 23:12 да етиб боради. Қайтиш қатнови 22 октябрдан Андижондан 07:20 да йўлга чиқиб, Тошкентга 12:12 да етиб келади. Қатновлар амалдаги ҳаракатланиш кунларида бажарилади.

Ҳафталик техник кўрик сабаб 26 октябрдан ҳар душанба куни 730/729-сонли Тошкент–Андижон–Тошкент қатнови бекор қилинади.

Шунингдек, 21–27 октябрь кунларидан Андижонни Тошкент, Хива/Урганч, Термиз ва Қўнғирот билан боғловчи айрим поездлар ҳамда маҳаллий қатновлар жадвали ўзгаради. Йўловчиларга сафар олдидан жўнаш вақтини аниқлаштириш тавсия этилмоқда.

✈️ Каналга уланиш: 👇
@hudud_inform | Instagrаm | Facebook

Зироат Мирзиёева ЖССТнинг нуфузли халқаро мукофоти билан тақдирланди

Ўзбекистон Республикасининг Биринчи хоними, “Замин” халқаро жамоат фонди Васийлик кенгаши раиси Зироат Мирзиёевага онкологик касалликларга чалинган болаларга тиббий ёрдам кўрсатиш тизимини ривожлантиришдаги етакчилиги ва ҳар бир боланинг соғлом ҳаёт кечириш ҳуқуқини глобал миқёсда илгари сургани учун ЖССТнинг нуфузли халқаро мукофоти топширилди.

“Муҳтарам Биринчи хоним! Сиз бутун дунёда болалар, айниқса, онкологик касалликлар билан курашаётган болалар манфаатлари йўлида чинакам курашчи, ҳар бир боланинг таълим олиш ва соғлом ҳаёт кечириш ҳуқуқининг ҳимоячисисиз”, — деди ЖССТ Бош директори Тедрос Аданом Гебреисус.

2019 йилда таъсис этилган ушбу мукофот аҳоли саломатлигини муҳофаза қилиш соҳасида аниқ натижаларга эришган алоҳида етакчилик ва юксак ютуқлар учун берилади. Аввалги йилларда унга давлат ва халқаро ташкилотлар раҳбарлари, Нобель мукофоти совриндорлари, таниқли олимлар ва жамоат арбоблари сазовор бўлган.

✈️ Каналга уланиш: 👇
@hudud_inform | Instagrаm | Facebook

Тошкентда ҳаводаги майда чанг миқдори ўтган йилга нисбатан 28 фоизга камайган

2026 йил 1 январдан 19 октябргача пойтахтда PM2.5 заррачаларининг ўртача миқдори ўтган йилнинг шу даврига нисбатан 28 фоизга, PM10 эса 32 фоизга камайган.

Бу ҳақда Гидрометеорология илмий-тадқиқот институти директори Дониёр Турғунов кузда ҳаво ифлосланишининг сабаблари ва кўрилаётган чораларга бағишланган брифингда маълум қилди.

Кузда кечалари совиган ҳаво устида илиқ қатлам ҳосил бўлиб, ифлослантирувчи моддаларнинг тарқалишини чеклайди. Шамолнинг сусайиши ва ёғингарчилик камлиги ҳам чанг ва ташламаларнинг шаҳар устида тўпланишига сабаб бўлади.

Тадқиқотга кўра, Тошкентда PM2.5 ифлосланишининг йиллик манбалари орасида шамол келтирадиган чанг улуши 36 фоиз, биноларни иситиш – 28 фоиз, транспорт – 16 фоиз, саноат – 13 фоиз. Нисбатлар мавсумга қараб ўзгаради.

Йирик қурилиш майдонларида сув пуркагичлар, ғилдирак ювиш мосламалари ва ҳаво мониторинги станцияларини ўрнатиш мажбурий қилинган. Ифлосланиш ҳақида эрта огоҳлантириш тизими ҳам яратилган.

Бу куз-қишда ҳаво сифати ўтган мавсумга нисбатан яхшироқ бўлиши кутилмоқда. Бироқ ифлосланишнинг қисқа муддатли кўтарилишлари сақланиши мумкин.

✈️ Каналга уланиш: 👇
@hudud_inform | Instagrаm | Facebook

«Навоийуран» бошқарув тизимининг учта халқаро стандартга мувофиқлиги тасдиқланди

«Навоийуран» давлат корхонаси ISO 9001, ISO 14001 ва ISO 45001 стандартлари бўйича қайта сертификатлаштириш аудитидан муваффақиятли ўтиб, 2029 йил 9 майгача амал қилувчи халқаро сертификатларни олди.

Текширувлар 2026 йил май–июнь ойларида «CERT INTERNATIONAL» компанияси аудиторлари томонидан ўтказилган. Унда корхонанинг интеграциялашган бошқарув тизими, жумладан, унинг қамровидаги «Зафаробод» кон бошқармаси ва Уран ишлаб чиқариш заводи фаолиятига оид ҳужжатлар ҳамда маълумотлар ўрганилган.

Аудит якунлари бўйича корхонада жорий этилган бошқарув тизимининг самарали фаолиятига ижобий баҳо берилган. Қайта сертификатлаштириш ушбу тизимнинг халқаро стандартлар талабларига мувофиқлигини тасдиқлаган.

✈️ Каналга уланиш: 👇
@hudud_inform | Instagrаm | Facebook

«Янгилик қилиб Америка очиш керак эмас» – таълим ва илм-фан вазири Эркинжон Турдимов

Таълим ва илм-фан вазири Эркинжон Турдимов журналистлар билан мулоқотда ўқитувчи мавқеини ошириш учун ота-оналарнинг устозларга муносабати ҳам ўзгариши зарурлиги ҳақида фикр билдирди.

«Биз агар фарзандимиз билан бир соат ўтириб дарс қилмасак, ўтириб олиб ўқитувчини ёмонлайверсак, устозни мавқеи қачон ошади? Қачонки сиз билан биз муносабатимизни ўзгартирсак», – деган вазир.

✈️ Каналга уланиш: 👇
@hudud_inform | Instagrаm | Facebook